https://www.facebook.com/102147569155349/

ጤናማ ህይወት, Addis Ababa (2026)

08/03/2026

ሳናስበው ለስኳር በሽታ የሚያጋልጡን 7 ልማዶች :

◈ የተቀነባበሩ ወይም የታሸጉ ምግቦችን መመገብ

እነዚን ምግቦች በየጊዜው መመገብ ደማችን ውስጥ የሚኖረው የግሉኮስ መጠን ቀኑን ሙሉ ከፍ ብሎ እንዲቆይ በማድረግ ለስኳር በሽታ ያጋልጠናል

◈ ለረጅም ሰዐት መቀመጥ

ለረጅም ሰዐት መቀመጥ ሜታቦሊዝም ቀስ እንዲል እንዲሁም ሰውነታችን ኢንሱሊንን በአግባቡ እንዳይጠቀም ያደርጋል

◈ በጣም ከመሸ ምግብ መብላት

የመተኛ ሰዐት ከደረሰ በኃላ ምግብ መብላት ሰውነታችን ግሉኮስን በአግባቡ እንዳይቆጣጠር ሊያደርግ ይችላል

◈ ቁርስ አለመብላት

በቋሚነት ቁርስ አለመብላት በደማችን ውስጥ የሚኖረውን የስኳር መጠን ሊያዘበራርቅ ይችላል እንዲሁም ከሰዐት ከመጠን በላይ እንድንበላ ሊያደርግ ይችላል

◈ በቂ ውሀ አለመጠጣት

በቂ ውሀ አለመጠጣት በደም ውስጥ ከፍተኛ የስኳር ክምችት እንዲፈጠር ሊያደርግ ይችላል

◈ ለረጅም ጊዜ በከፍተኛ ጭንቀት ውስጥ መኖር

ጭንቀት ኮርቲሶልን በመጨመርና የስኳር መጠንን ከፍ በማድረግ ለስኳር በሽታ ያጋልጠናል

◈ ስኳር የበዛባቸው መጠጦችን መጠጣት

ለስላሳ ፣ ስኳር የበዛበት ቡና/ሻይ እንዲሁም ሀይል ሰጪ መጠጦች ስኳር በደማችን ውስጥ ቶሎ ከፍ እንዲል ያደርጋሉ

28/02/2026

የብርቱካን የጤና ጠቀሜታዎች :

✧ በቫይታሚን ሲ የበለፀገ ስለሆነ በሽታ የመከላከል አቅምን ይጨምራል

✧ ኮሌስትሮልን ዝቅ በማድረግ ልብ ጤናማ እንዲሆን ያግዛል

✧ ፖታሺየምን ስለሚይዝ የደም ግፊት ይቆጣጠራል

✧ ኮላጅን እንዲመረት ስለሚያደርግ የቆዳ፣ ድድ እና መገጣጠሚያ ጤናን ለመጠበቅ ይረዳል

✧ ፋይበር ስለሚይዝ የምግብ መፈጨትን እንዲሁም የሆድ እቃ ጤንነትን ያሻሽላል

✧ ሰውነታችን ብረት/አይረንን በአግባቡ እንዲጠቀም በማድረግ የደም ማነስን ይከላከላል

✧ የስኳር መጠንን ለመቆጣጠር ይረዳል

✧ በፎሌት የበለፀገ ስለሆነ ጤናማ እርግዝና እንዲኖር ያግዛል

ብርቱካን በሚገርም ሁኔታ የተፈጥሮ ፍራፍሬ ሳይሆን መንደሪን እና ፖሜሎ የተባሉ ሁለት ፍራፍሬዎችን በማዳቀል የተገኘ ነው

26/02/2026

የሆድ ድርቀት አሳሳቢ የሚሆነው መቼ ነው?

⋄ ከፍተኛ የሆድ ቁርጠት/ህመም ካለ እና ሽንት ቤት ተጠቅመን ስንወጣም የማይተው ከሆነ

⋄ አይነ ምድር ውስጥ ደማቅ ቀይ ደም ከታየና ጠቆር ያለ ከሆነ (ከውስጥ እየደማ እንደሆነ ስለሚያሳይ)

⋄ ሆድ ድርቀት እያለ ያለምክንያት ክብደት መቀነስ ካጋጠመን

⋄ ጋዝ ለማውጣት ወይም ለመፍሳት መቸገር ካለ (አንጀት ላይ የደረሰ አካላዊ ጉዳት እንዳለ ስለሚያሳይ)

⋄ ትኩሳት እንዲሁም ምግብ አልቀመጥ የሚል ከሆነና ማስታወክ ካለ

⋄ ድርቀት እና ተቅማጥ እየተፈራረቀ የሚያስቸግረን ከሆነ

⋄ ቤተሰብ ውስጥ የአንጀት ካንሰር አጋጥሞ የሚያቅ ከሆነ

ፋይበር ያለዉ ምግብ እየበላን ፤ በቂ ውሀ እየጠጣን እንዲሁም እንቅስቃሴ እያደረግንም በሁለት ሳምንት ውስጥ ለውጥ ከሌለው በሀኪም መታየት የተሻለ ይሆናል

24/02/2026

ብዙ ጊዜ ልብ የማንላቸው የኩላሊት ህመም ምልክቶች :

✦ አልፎ አልፎ አፍ ውስጥ ብረት ብረት የሚል ጣዕም

✦ የአይን ቆብ ማበጥ ወይም ከአይን ስር ማበጥ / የአይን ከረጢት መኖር

✦ ያለምክንያት ብርድ ብርድ ማለት ወይም መንቀጥቀጥ

✦ አልፎ አልፎ የጀርባ ወይም የጎን ምቾት ማጣት

✦ ረጅም ሰዐት ስንቀመጥ የጣት ወይም የጉልበት ማበጥ ነገር ግን ቶሎ የሚጠፋ

✦ የሙድ መዘበራረቅ ወይም ቶሎ መናደድ

✦ የሽንት ሽታ መቀየር ወይም ትንንሽ አረፋ መኖር

እነዚህን ምልክቶች አየን ማለት በትክክል የኩላሊት ችግር አጋጥሞናል ማለት አይደለም ፤ ነገር ግን ለ 1 ለ 2 ሳምንት ስናየው የሚደጋገም/የማይጠፋ ከሆነ ፣ እየባሰ ከሄደ ወይም በአንዴ ከአንድ በላይ ምልክቶች ካየን ምርመራ ማድረግ ይመከራል

22/02/2026

ረጅም ሰዐት በመቀመጥ እድሜዎን እያሳጠሩ እንደሆነ ያውቃሉ?

99.9% በሚሆነው የሰው ልጅ ታሪክ ውስጥ በህይወት የመቆየት እጣፈንታ የሚወሰነው በመራመድ ፣ በማደን እና በጉልበት ስራ ነበር ። ይሄ ማለት የሰዉ ልጅ አብዛኛውን ጊዜውን በእንቅስቃሴ ያሳልፍ ነበር ፤ አሁን ላይ ግን ከኢንዱስትሪ መስፋፋት እና ፈጣን የቴክኖሎጂ ዕድገት ጋር ተያይዞ ከወንበር ጋር የሚሰፉን ስራዎች እየጨመሩ የአኗኗር ዘይቤያችንም እየተቀየረ መጥቷል

ረጅም ሰዐት መቀመጥ ምንም እንኳን ምቾት የሚሰጠን ቢመስለንም ለጤናችን ግን ምቹ አይደለም ፤ እንቅስቃሴ ለሰዉነታችን በጣም አስፈላጊ ነው

አዲሱ ማጨስ የሚባለው ረጅም ሰዐት መቀመጥ ለሚከተሉት የጤና ችግሮች ሊያጋልጠን ይችላል

◈ የልብ ህመም
◈ የስኳር በሽታ
◈ የትልቁ አንጀትና የጡት ካንሰር
◈ የጀርባና አንገት ህመም
◈ ከፍተኛ ውፍረት
◈ ጭንቀትና ድብርት
◈ ረጅም እድሜ የመኖር እድልን ይቀንሳል

✅ ስራችን የሚያስገድደን ከሆነስ ምን ማድረግ አለብን?

◈ በየ 45 ደቂቃ በመነሳት ለ5 ደቂቃ መራመድ/መንቀሳቀስ
◈ ጀርባን ቀጥ አርጎ ፣ እግር መሬት ነክቶና ትከሻን ዘና አርጎ መቀመጥ
◈ ስልክ ቆሞ እየተንቀሳቀሱ ማውራት
◈ በመደበኛነት የአካል እንቅስቃሴ ማድረግ
◈ በተቻለ መጠን በእግር መጓዝ

እናንተስ ቤተሰቦቻችን በቀን ውስጥ ስንት ሰዐት ትቀመጣላችሁ? ኮሜንት ላይ አጋሩን

19/02/2026

👁️ የዓይን ጤናን የሚያጠናክሩ 7 ምግቦች

የዓይንዎን ጤና ለመጠበቅ እንዲሁም ግልጽ እይታ እንዲኖርዎ እነዚህን ምግቦች በመደበኛነት ይመገቡ👇

🥕 ካሮት – በቫይታሚን ኤ የበለፀገ ስለሆነ ጠንካራ የጨለማ እይታ እንዲኖረን ያደርጋል

🥬 ስፒናች/ቆስጣ – ሉቲን እና ዜአክሳንቲን በመያዝ ሬቲናን ይጠብቃል

🐟 ሳልሞን/ቀይ አሳ – ኦሜጋ-3 በመስጠት የዓይን ድርቀትን ይቀንሳል እንዲሁም ጥርት ያለ ዕይታ እንዲኖረን ይረዳል

🥚 የእንቁላል አስኳል– ዚንክ እና አንቲኦክሲዳንት ስለሚይዝ አይንን ከጉዳት ይጠብቃል

🍊 ብርቱካን – ቫይታሚን ሲ በመስጠት የዓይን ደም ስርን ያጠናክራል

🥑 አቮካዶ – ሉቲን ፣ ዜአክሳንቲን እና ጤናማ ስብ በመያዝ ሰውነታችን ንጥረ ነገሮችን በአግባቡ እንዲጠቀም ያረጋል

🥛 ወተት እና የወተት ተዋጽኦዎች – ቫይታሚን ኤ እና ዚንክ ስላላቸው ለአጠቃላይ የአይን ጤንነት ጠቃሚ ናቸው

✨ ጤናማ ህይወት ለመኖር ጤናማ ምግብ ይመገቡ!

17/02/2026

በባዶ ሆድ መውሰድ የሌለቦት ምግቦች የትኞቹ እንደሆኑ ያውቃሉ?

🍊 ብርቱካን ፣ ሎሚ እና የወይን ፍሬ

እነዚህን የመሳሰሉ ፍራፍሬዎች አሲዳማ ስለሆኑ የጨጓራ ሽፋን እንዲቆጣ ሊያደርጉ ይችላሉ

🍬 ከፍተኛ ስኳር ያላቸው ምግቦች እና ጣፋጮች

በባዶ ሆድ ስንበላቸው ስኳራችን በአንዴ ከፍ ስለሚል መንቀጥቀጥ እና ድካም ሊሰማን ይችላል

🌶️ የሚያቃጥሉ ምግቦች

እንደ ቃሪያ አይነት የሚያቃጥሉ ምግቦች በባዶ ሆድ ስንበላቸው የሆድ ህመም(ማቃጠል) እና ቁርጠት ሊያመጡ ይችላሉ

🍟 በጣም የተጠበሱ እና ስብ ያላቸው ምግቦች

እንደ ቺፕስ አይነት ምግቦችን በባዶ ሆድ ከበላን ክብድ ሊለን እንዲሁም ሊያቅለሸልሸን ይችላል

☕ ቡና

በባዶ ሆድ ቡና መጠጣት የጨጓራ አሲድ በጣም እንዲመነጭ በማድረግ የጨጓራ መቆጣት ፣ ማቃጠል እና ማቅለሽለሽ ያስከትላል

እንዱሁም 🍺 የአልኮል መጠጥ ፣ ለስላሳ እና የታሸጉ ጁሶችን በባዶ ሆድ ባንጠጣ ይመከራል

15/02/2026

የሙዝ የጤና በረከቶች ;

✧ ፈጣን እና የሚቆይ ሀይል ይሰጣል ፤ የተፈጥሮ ስኳር ስላለው ወዲያው እንደበላን ጉልበት ይሰጠናል

✧ ፋይበር ስላለው የምግብ መፈጨትን ያሻሽላል ፤ ድርቀትን ይከላከላል እንዲሁም ለሆድ እቃ ጤንነት ይጠቅማል

✧ የደም ግፊትን ያስተካክላል እንዲሁም ለልብ ጤንነት ያግዛል

✧ ቫይታሚን ቢ6 ስላለው እንቅልፍን ያሻሽላል በተጨማሪም ሙድ ያስተካክላል

✧ በሳምንት የተወሰነ ጊዜ ሙዝ መብላት በኩላሊት በሽታ የመያዝ እድልን ይቀንሳል

✧ ከአካል ብቃት እንቅስቃሴ ጋር የተያያዘ የጡንቻ መኮማተር ወይም ስትራፖን ይከላከላል

✧ በሽታ የመከላከል አቅምን ይጨምራል

ጤናማ ህይወት

14/02/2026

የፊንጢጣ ኪንታሮት ዋና መንስኤዎች እና መፍትሄዎች ;

የፊንጢጣ ኪንታሮት ወይም ሄምሮይድ የምንለው የትልቁ አንጀት ቀጥ ያለው የታችኛው ክፍል ወይም በፊንጢጣ አከባቢ ያለ የደም ስር ላይ ጫና ሲፈጠር እና ሲያብጥ ነው

መንስኤዎች :

• የሆድ ድርቀት
• መፀዳጃ ቤት ረጅም ሰዐት መቀመጥና ማማጥ
• ከልክ ያለፈ ውፍረት
• ከባድ ነገር በተደጋጋሚ ማንሳት
• ረጅም ሰዐት መቀመጥ
• እርግዝና
• የዕድሜ መግፋት

መከላከያ መንገዶችና መፍትሄዎች :

• አትክልትና ፍራፍሬ የመሳሰሉ ፋይበር ያላቸውን ምግቦች መመገብ
• በቂ ውሀ መጠጣት (ድርቀትን ይከላከላል)
• ረጅም ሰዐት ሽንት ቤት አለመቀመጥና አለማማጥ
• በመደበኛነት እንቅስቃሴ ማድረግ
• ጤናማ ክብደት እንዲኖረን ማድረግ
• ረጅም ሰዐት አለመቀመጥ ፤ በየ 30 ደቂቃ ተነስቶ መንቀሳቀስ
• ከ10 እስከ 15 ደቂቃ ለብ ያለ ውሀ ውስጥ መቀመጥ
• እብጠቱ ላይ በረዶ በጨርቅ ጠቅልሎ ከ 10 እስከ 15 ደቂቃ ማድረግ
• የሄምሮይድ ክሬም እና ሰፖዚተሪ መጠቀም
• የአይነ ምድር ማለስለሻ መድሀኒት መውሰድ

ሄምሮይድ አብዛኛውን ጊዜ በቀላሉ የሚስተካከል ነው ፤ ነገር ግን ቀደም ብሎ እርምጃ መውሰድ ወሳኝ ይሆናል

ጤናማ ህይወት

12/02/2026

የወር አበባ ህመም አስመርሮሻል?

እንግዲያውስ እነዚህን አምስት ቀላል መንገዶች በመጠቀም ለውጥ ማግኘት ትችያለሽ :-

✔ የማሞቂያ ፓድ ወይም የሞቀ ውሀ በሀይላንድ መጠቀም

የማሞቂያ ፓድ/ውሀ በሀይላንድ አድረጎ የታችኛው ሆድ ላይ ወይም የታችኛው ጀርባ ላይ መያዝ የማህፀን ጡንቻዎችን በማፍታታትና ደም እንዲዘዋወር በማድረግ ህመምን ይቀንሳል

✔ ማግኒዥየም እና ኦሜጋ 3 መውሰድ

ማግኒዥየም ጡንቻ እንዲፍታታ በማድረግ ህመም የሚፈጥረውን የጡንቻ መኮማተር ይቀንሳል ፣ ማግኒዥየምን ጎመን፣ቆስጣ፣ሰላጣ፣ለውዝ የመሳሰሉት በመመገብ ማግኘት ይቻላል። ኦሜጋ 3 ደግሞ በማህፀን ውስጥ ብግነትን ይቀንሳል ፣ ኦሜጋ 3ን ተልባ እና አሳ ውስጥ ማግኘት እንችላለን

✔ በመደበኛነት የሰውነት እንቅስቃሴ ማድረግ

መራመድ ፣ ሰውነት ማሳሳብ እና ቀለል ያሉ የትንፋሽ እንቅስቃሴዎች ማድረግ ኢንዶርፊን/የተፈጥሮ ህመም ማስታገሻን በመልቀቅ የቁርጠት ደረጃን እንዲሁም ቆይታን ይቀንሳል

✔ ካፊን/ቡና ፣ ጨው እና ስኳር መቀነስ

ከወር አበባ በፊት እና በወር አበባ ወቅት እነዚህን ሶስት ነገሮች መገደብ ህመሙን ይቀንሳል ምክንያቱም ካፊን ያላቸው እንደ ቡና አይነት መጠጦች የደም ስርን በማጥበብ ቁርጠትን ያባብሳሉ፣ ጨው የሆድ መነፋትን ይጨምራል ስኳር ደግሞ ብግነትን ይጨምራል

✔ የህመም ማስታገሻዎችን በአግባቡ መውሰድ

ወድያው ህመሙ እንደጀመረ መውሰድ ፣ ግድ አስፈላጊ ሲሆን ብቻ እና ሁሌም ከምግብ በኋላ መውሰድ ይመከራል

✒️ በተጨማሪም በቂ እንቅልፍ ማግኘት ፣ ውሀ መጠጣት እና ጭንቀትን መቆጣጠር ብዙ እህቶች የማያስተዉሏቸው ነገር ግን ጠቃሚ ነገሮች ናቸው

10/02/2026

የመርሳት ችግርን ለማስተካከል ብሎም የማስታወስ ችሎታችንን ለመጨመር ምን ማድረግ አለብን?

⋄ ጭንቀትን መቀነስ ወይም መቆጣጠር ፤ ምክንያቱም ከፍተኛ ጭንቀት የማስታወስ ችሎታን ይጎዳል

⋄ የአዕምሮ አቅምን የሚጨምሩ እንደ አሳ፣ አትክልትና ፍራፍሬዎችን መመገብ እንዲሁም በቂ ውሀ መጠጣት

⋄ በቂ እንቅልፍ ማግኘት (ከ7-9 ሰዐት) እንዲሁም ፀጥ ያለና ሙሉ ለሙሉ ጨለማ በሆነ ክፍል ውስጥ መተኛት ፤ ትውስታችን የሚጠናከረው በምንተኛበት ሰዐት ነው

⋄ በመደበኛነት የአካል ብቃት እንቅስቃሴ ማድረግ ወደ አዕምሮአችን የሚሄደውን የደም መጠን ስለሚጨምር የማስታወስ ችሎታችንን ያዳብራል

⋄ በአንዴ ብዙ ነገሮችን አለማድረግ/አለመስራት እና የሚያዘናጉንን ነገሮች መቀነስ እና በእንዴ አንድ ነገር ላይ ብቻ አተኩሮ መስራት

⋄ በየቀኑ አዕምሮአችንን የሚፈትኑ ነገሮችን የመከወን ልምድ ማዳበር ለምሳሌ ፐዝል ጌም መጫወት፣ አዲስ ሙያ ወይም ቋንቋ መማር ...

⋄ አዲስ ነገር ስንማር ወይም ስናነብ አክቲቭ ወይም ንቁ የመማር ስልት መጠቀም ለምሳሌ ማጠቃለያ መፃፍ ፣ እየቆዩ መደጋገም ወይም የተማሩትን ማስተማር አይነት መንገዶችን መጠቀም እንችላለን

08/02/2026

የእንቅልፍ እጦት ካስቸገርዎት ማስተካከል ያለቦት 5 ወሳኝ ነገሮች :

1. በተመሳሳይ ሰዐት መተኛት እና በተመሳሳይ ሰዐት መነሳት እንዲሁም በተቻለ መጠን ከእኩለ ለሊት በፊት የመተኛት ልምድ ማዳበር

2. ከመተኛት ከአንድ ሰዐት በፊት ስልክ መጠቀም ወይም ስክሪን ማየት ማቆም (ከስክሪን የሚወጣው ሰማያዊ ብርሀን አንቅልፍ የሚያመጣውን ሜላቶኒን ሆርሞን ይገድባል)

3. ካፊን ያላቸው እንደ ቡና አይነት የሚያነቃቁ መጠጦችን ከእኩለ ቀን በኋላ አለመውሰድ (ካፊን ሰውነታችን ውስጥ እስከ 8 ሰዐት ሊቆይ ይችላል)

4. አልጋችንን ለመኝታ ብቻ መጠቀም ማለትም አልጋ ላይ ስልክ አለመጠቀም ወይም ሌላ ስራ አለመስራት

5. የጠዋት ፀሀይ ማግኘት እንዲሁም በቋሚነት የአካል ብቃት እንቅስቃሴ ማድረግ

ጤናማ ህይወት

ጤናማ ህይወት

08/03/2026

28/02/2026

26/02/2026

24/02/2026

22/02/2026

19/02/2026

17/02/2026

15/02/2026

14/02/2026

12/02/2026

10/02/2026

08/02/2026

Address

Website

Alerts

Shortcuts

Share

Category