12/03/2026
እስትሮክ (stroke) ምንድን ነዉ?
💥እስትሮክ የሚፈጠረው ወደ አንጎል የሚሄደው የደም ፍሰት ሲቀንስ ወይም ሲቋረጥና በዚያ ምክንያት ኦክስጂን (oxygen) እና የተለያዩ ንጥረ ነገሮች ወደዛ የአንጎል ክፍል መሄድ ሲያቅታቸውና የአንጎል ክፍል ደግሞ ሲሞት ማለት ነው
💥እስትሮክ (stroke) በሁለት ይከፈላል
1 እስኬሚክ ( Ischemic)
2 ሔሞሮጂክ(Hemorrhgic)
💥እስኬሚክ (Ischemic) የምንለው ወደ አንጎላችን የሚሔደው የደም ፍሰት በረጋ ደም ወይም በስብ ክምችት ሲዘጋ ማለት ነው
ይህም ሊከሰት የሚችሉባቸው ምክንያቶች ከፍተኛ የደም ግፊት, ማጨስ,የልብ ህመም የመሳሰሉት ሲሆኑ
💥ሔሞሮጂክ( hemorrhagic) የምንለው ደግሞ በአንጎላችን ውስጥ የሚገኝ የደም ስር ሲፈነዳ ማለት ነው
ሊያስከስቱ የሚችሉት ምክንያቶች ውስጥ
💥አንደኛውና ዋነኛው ከፍተኛ የሆነ ከቁጥጥር ውጪ የሆነ የደም ግፊት ሲኖር
💥አኖርዝም (Aneurysm) የምንለው የደም ስር ችግር ሲኖር
💥በአደጋ ጊዜ ጭንቅላታችን በተለያዩ ምክንያቶች ተጋጭቶ በጭንቅላት ውስጥ ደም ሲፈስ
የእስትሮክ ዋነኛ ምልክቶች
💥 ፊት በአንድ በኩል እኩል አለመሆን(face drop)
💥የእጅ ወይም የእግር በአንድ በኩል መዛልና አለመታዘዝ
💥ለመናገር መቸገር
💥ከፍተኛ የራስ ምታት, የሰውነት ክብደትን አለመቆጣጠር እንዲሁም የእይታ ችግር ሊሆኑ ይችላሉ
እንግዲህ ይህንን ሁሉ ካልን እስትሮክ (stroke)በድንገት የሚፈጠር ሲሆን ባፋጣኝ እርዳታ ከተደረገለት መዳን ሒደቱ ላይ ትልቅ ለውጥ ማምጣት ይቻላል
ታዲያ እንዴት ልንከላከለው እንችላለን ካልን:
💥የደም ግፊት ካለ
💥የስኳር በሽታ ካለ
💥ኮልስትሮል ካለ እነዚህን በአግባቡ መቆጣጠር እና በደንብ ክትትል ማድረግ ያስፈልጋል
ሌላው ደግሞ አመጋገብን ማስተካከል እንቅስቃሴ ማድረግ
ከተለያዩ ሱሶችና መጠጦች ,ሲጋራና የመሳሰሉት መቆጠብ
💥ስለዚህ ከላይ የተጠቀሱትን ምልክቶች ሲስተዋሉ በአፋጣኝ ወደ ህክምና ተቋም በመሄድ ችግሩ ሳይባባስ መፍትሔ ለማግኘት ዋነኛና ተመራጭ ነው
