Dr. Afiya Tube

Home
Ethiopia
Addis Ababa
Dr. Afiya Tube

𝐌𝐞𝐝𝐢𝐜𝐚𝐥 𝐃𝐨𝐜𝐭𝐨𝐫 & 𝐏𝐮𝐛𝐥𝐢𝐜 𝐇𝐞𝐚𝐥𝐭𝐡 𝐒𝐩𝐞𝐜𝐢𝐚𝐥𝐢𝐬𝐭: 𝐄𝐦𝐩𝐨𝐰𝐞𝐫𝐢𝐧𝐠 𝐥𝐢𝐯𝐞𝐬 𝐭𝐡𝐫𝐨𝐮𝐠𝐡 𝐤𝐧𝐨𝐰𝐥𝐞𝐝𝐠𝐞, 𝐩𝐫𝐞𝐯𝐞𝐧𝐭𝐢𝐨𝐧 & 𝐜𝐚𝐫𝐞 𝐛𝐲 𝐓𝐫𝐮𝐬𝐭𝐞𝐝 𝐡𝐞𝐚𝐥𝐭𝐡 𝐭𝐢𝐩𝐬 & 𝐀𝐰𝐚𝐫𝐞𝐧𝐞𝐬𝐬.
(1)

Dr.(AFIYAS TUBE): 𝐢𝐬 𝐝𝐞𝐝𝐢𝐜𝐚𝐭𝐞𝐝 𝐭𝐨 𝐚𝐝𝐯𝐚𝐧𝐜𝐢𝐧𝐠 𝐦𝐞𝐝𝐢𝐜𝐚𝐥 𝐞𝐝𝐮𝐜𝐚𝐭𝐢𝐨𝐧. 𝐄𝐱𝐩𝐥𝐨𝐫𝐞 𝐜𝐚𝐬𝐞-𝐛𝐚𝐬𝐞𝐝 𝐥𝐞𝐚𝐫𝐧𝐢𝐧𝐠 𝐢𝐧 𝐈𝐧𝐭𝐞𝐫𝐧𝐚𝐥 𝐌𝐞𝐝𝐢𝐜𝐢𝐧𝐞, 𝐒𝐮𝐫𝐠𝐞𝐫𝐲, 𝐆𝐲𝐧𝐞𝐜𝐨𝐥𝐨𝐠𝐲 & 𝐎𝐛𝐬𝐭𝐞𝐭𝐫𝐢𝐜𝐬, 𝐏𝐞𝐝𝐢𝐚𝐭𝐫𝐢𝐜𝐬, 𝐏𝐬𝐲𝐜𝐡𝐢𝐚𝐭𝐫𝐲, 𝐚𝐧𝐝 𝐡𝐞𝐚𝐥𝐭𝐡𝐜𝐚𝐫𝐞 𝐭𝐨𝐩𝐢𝐜𝐬 𝐭𝐨 𝐬𝐡𝐚𝐫𝐩𝐞𝐧 𝐲𝐨𝐮𝐫 𝐜𝐥𝐢𝐧𝐢𝐜𝐚𝐥 𝐬𝐤𝐢𝐥𝐥𝐬. 𝐒𝐮𝐛𝐬𝐜𝐫𝐢𝐛𝐞 𝐚𝐧𝐝 𝐋𝐞𝐚𝐫𝐧 𝐭𝐨 𝐬𝐚𝐯𝐞 𝐥𝐢𝐯𝐞𝐬✍️

19/11/2025

Yeroo ammaa kana baakteeriyaan qorichoota farra isaa ofirraa dhoorguun (Antibiotics resistance) rakkoo fayyaa ummataa guddaa fi hamaa ta'eedha. Fayyadamni dogoggoraa fi humnaa ol fayyadamuun qorichoota farra-bakteriyaa (antibiotics)'n baakteeriyaan akka qorichoota wajjin wal baru godha, kunis dhukkuba daddarboo yaaluu rakkisaa taasisa yookaan yeroo tokko tokko gonkumaa akka hin yaalamne taasisa.

🦠 Balaa kana irraa hafuuf hundi keenya:

🚫 Qorichoota farra-bakteriyaa (Antibiotics) Of-eeggannoo fi Dirqama Guddaan Fayyadamuu.
👩‍⚕️ Qorichoota farra-bakteriyaa Ogeessa Fayyaan yoo Ajajamne Qofa fudhachuu.
📅 Dhukkubicha irraa miirri fayyuu kan nutti dhagahamu yoo ta'es guutuu qoricha nuu kennamee seeraan fixuu.
🚫 Qoricha farra-bakteriyaa namoota biroo wajjin hin fayyadaminaa yookaan kan hafe hin fayyadaminaa.
💪 Qulqullina keenya eeggachuunii fi talaallii'n dhukkuboota ittisu fudhachuun dhukkuboota daddarboo irraa of eeguu.

05/11/2025

Shout out to my newest followers! Excited to have you onboard! Biftu Mohammed, Oliyaad Darajje Kabaa, Karima Diriba, Dembi Adugna, Ganale Aman, Abdusemad Delil, Abduse Man, Munir Sharif, Abdii Aliyyii, Marwan Adam Mahamad, Addaamuu Taakkalaa Ijjiguu, Thehay Tola, Taajuddiin Sayid, Adisu Tadesse Denu, Bareedduu Arsii Robee, Galanni Rabbiif Haa Tahu, Abdii Borii, Ebn Anwar Best, Hasan Sheekaa, Mu'aaz Maamude, Emam Bin Musa, Abdul Adem, Addunya Gabayyoo, Gammachu Aliyyi, Amu Amu, Firoomsumaa Hbb, Ayyantu Hasan, Leta Geda, Liked Tareku, Haadha Sooressaa, Elias Lv, Tahir the lover of his religion more than everything. , Yaadanit Feyisa, Gaaddisaa Muussaa, Raisa Amin, Naasir Abdalla, Amb Muāwiyah Yūsha, Eyarus Gizaw, Seada Seada, Abadir Kahiru, Sadik Hussen, Yisakør Ilmå Gâranfaß, Dofte Bakaro, Zubee Mamd, bashe tirfesa, Dembi Dolo, Bakkee Galamsiyyii, Gemechu Degefa, Gemeda Melkamu, Nasri Kamal

04/11/2025

DIRREE DHAWAA!

Araddaan Afran-qalloo
Onni Baabbilee’f Alaa,
Qe’een Oborraa’f Dagaa
Isheen Oromoof dhalaa,
Seenaafi seera kamiin
Somaalee jala galaa..?

Ulfoo jaalala malee
Jibbi si keessa'n jirre
Biiftuu barii Oromoo
Dirree Dhawaa, yaa dirree..

Dhawaa Elemoo Muudee
Ka’umsa maqaa keetii
Ormi akkamiin dagattee
Si’iin nu saamuu feetii?

Seena qabeettii lafaa
Manguddoo umriin qaataa
Handhuuraa Oromootaa
Kan ormaa akkamiin taata?
•••
Guddina kee inaafee
Oromummaa siin jibbee,
Warri har’a si saamuuf
Rukuchiifatu dibbee,

Dhangaggoo fi Calanqoo
Qullubbiif Haramaayaa
Qarsaa, Kombolchaaf, Huursoo
Ollaakee eessa kaayaa?

Uumaatoo keenya godhee
Nuun marsee si diriirsee,
Alagaan maaf dhama’a?
Daba kuma hiriirsee...
•••
Dahoon guyyaa rakkinaa
Goototaaf wabii taate,
Gucni aartii Oromoo
Dungoon dukkana-baate,
Gaazni qabsoo sabichaa
Qaanqeen jalqaba kaate,

Dirreen; dirri Oromoo
Dirmammaa’ee dhaanamaa
Qe’een uumamaan keetii
Alagaatti waamamaa?

Osoo argaa dhageessuu
Cuqqaalamtee teessaaree?
Ormaaf golaa gad-baatee
Diinqa kankee keessaaree?

Gaaffiin koo dhalootaafi
Deebii isiniifan dhiisaa,
An waa-koo ormaa'n kennu
Irra turuu dadhabu - du’eefiin jala ciisa!

✍️.... Riyaad Raayyaa tiin🫶

04/11/2025

With Dr. Afiya Tube – I just made it onto their weekly engagement list by being one of their top engagers!

04/11/2025

𝐇𝐢𝐧𝐚𝐚𝐟𝐟𝐚𝐚 (𝐉𝐞𝐚𝐥𝐨𝐮𝐬𝐲)

1. Hinaaffaan Maali?(What is Jealousy?

* Hinaaffaan Waan namni biraa qabu (Envy) hawwuu irraa adda.
* Hinaaffaan (Jealousy) wanta amma qabdan (fkn. jaalala hiriyaa jireenyaa, michummaa, ykn sadarkaa) nama sadaffaa biraan dhabuu sodaachuu dha.
* Waan namni biraa qabu hawwuun (Envy) ammoo wanta namni biraa qabu (fkn. milkaa'ina, qabeenya, ykn amaloota) hawwuu dha. Innis gosa 2 qaba:

1. 💚 Inaaffaa gaarii – of fooyyessuuf si kakaasa (“Akkuma isaanii cimee hojjechuu barbaada”).

2. 💔 Inaaffaa hamaa – namni biraa waan qabu akka dhabu barbaaduu (“I hope they fail”).

* Walmakaa Miiraati: Hinaaffaan miira tokko qofa miti; walmakaa sodaa, of-eeggannoo dhabuu (insecurity), yaaddoo, shakkii, fi dallansuu ti.

𝟐. 𝐁𝐮'𝐮𝐮𝐫𝐢𝐢 𝐟𝐢 𝐒𝐚𝐛𝐚𝐛𝐨𝐨𝐭𝐚 𝐇𝐢𝐧𝐚𝐚𝐟𝐟𝐚𝐚 (𝐓𝐡𝐞 𝐅𝐨𝐮𝐧𝐝𝐚𝐭𝐢𝐨𝐧 𝐚𝐧𝐝 𝐂𝐚𝐮𝐬𝐞𝐬 𝐨𝐟 𝐉𝐞𝐚𝐥𝐨𝐮𝐬𝐲)

* Of-Eeggannoo Dhabuu fi Ofitti Amanamummaa dhabuu (Low Self-Esteem): Inni kun sababa ijoo dha. Namoonni akka akka waan hanqinna qabaniitti of yaadan yeroo baay'ee salphumatti namaan bakka bu'uu waan shakkaniif hinaaffaa cimaaf saaxilamu.

* Sodaa Dhiifamuu (Fear of Abandonment): Sodaawwan gadi fagoo muuxannoo darberraa dhufan (fkn. gantummaa ykn dhabuu) namni tokko akka of eegu godhu waan ta'eef, yeroo hunda hinaaffaaf isaan saaxila.

* Hariiroo Keessatti Sodaa Qabaachuu (Relationship Insecurity): Yeroo tokko tokko hinaaffaan waan nama sana qofaa osoo hin taane, cimina hariiroorrattis hundaa'a. Fknf yoo hiriyaan jireenyaa waadaa guutuu baate ykn amanamummaan bade, hinaaffaan mallattoo sirrii wanti jijjiiramu qabu akka jiru agarsiisuu danda'a.

* Qabeenyummaa (Possessiveness): Fedhii hiriyaa jireenyaa ykn michuu to'achuu ykn "horachuu," inni kun yeroo baay'ee sodaa kophaa ta'uu ykn jaalala dhabuu gadi fagoo yeroo dhoksuuf yaallu fa'a kan uumamuudha.

𝟑. 𝐇𝐢𝐧𝐚𝐚𝐟𝐟𝐚𝐚𝐧 𝐘𝐞𝐫𝐨𝐨 𝐊𝐚𝐦 𝐑𝐚𝐤𝐤𝐨𝐨 𝐔𝐮𝐦𝐚? (𝐖𝐡𝐞𝐧 𝐃𝐨𝐞𝐬 𝐉𝐞𝐚𝐥𝐨𝐮𝐬𝐲 𝐁𝐞𝐜𝐨𝐦𝐞 𝐚 𝐏𝐫𝐨𝐛𝐥𝐞𝐦?)

* Hinaaffaan yeroo baay'ee waanuma Barame dha. Yeroo tokko tokko xiqqoo hinaafuun waanuma jiru yoo ta'u, yeroo baay'ee garuu haala ulfaataa keessa seenuun hanga hariiroo ulfaataa hanga hariiroon adda cituutti ykn of nama jibbisiisuu tti nama geessuu danda'a. * Yoo Baay'ate ykn To'annoo ala ta'e Fayyaa fayyaa keenyaafis gaarii miti. Hinaaffaan rakkisaan amala miidhaa qabu, kanneen akka:

1. Qorannoo fi To'annoo: Yeroo hunda bilbila hiriyaa jireenyaa ykn meeshaalee hawaasummaa sakatta'uu, ykn eessa akka jiru gaafachuu.

2. Himachuu fi Qeequu: Yeroo dheeraaf amanamummaa ykn fedhii nama biraa irratti shakkii qabaachuu.

3. Yaada Keessa Ba'uu Dhabuu (Obsession): Yaada keessa galuu, sodaachuu fi dhaabuuf namatti ulfaatuu, akkasumas immoo yeroo tokko tokko rakkoo fayyaa Obsessive compulsive disorder jedhamuuf nama saaxiluu.

✅ Kanaafuu Hinaaffaan Mallattoo Miidhaa (Abuse) Ti: Hinaaffaan to'annoo baay'ee fi itti fufaa ta'e qabu mallattoo miidhaa mana keessaa isa tokko ta'uu waan danda'uuf, dammaqinaan furmaata argachuu qaba.

𝟒. 𝐊𝐚𝐫𝐚𝐚𝐥𝐞𝐞 𝐟𝐮𝐫𝐦𝐚𝐚𝐭𝐚 𝐢𝐭𝐭𝐢𝐢𝐧 𝐟𝐢𝐝𝐮𝐮 𝐝𝐚𝐧𝐝𝐞𝐞𝐧𝐧𝐮(𝐇𝐞𝐚𝐥𝐭𝐡𝐲 𝐖𝐚𝐲𝐬 𝐭𝐨 𝐂𝐨𝐩𝐞)

* Beekamtii Kennuu fi Dubbachuu: Hinaafnee dhagaaf mukatti bu'uurra waan jiru ifatti dubbachuun wal hubachiisuuf yaaluu. Nama sana osoo hin qeeqin, gaafa ati waan akkanaa, waan akkasii gootu natti hin tolu kanaafuu dhiisi jechuunii.

* Of-Eeggannoo Dhabuu Irratti Hojjechuu: Furmaanni yeroo dheeraaf gaariin, hanqinni keenya qofti nutti mul'achuu irraa of eeguu ykn gatii ofii beekuu fi ofitti amanamummaa irratti xiyyeeffachuu dha. Kunis of-itti amanamummaa hariiroo isaan keessa jiran irraa bilisa ta'e horachuu jechuu dha.

* Akkana Ta'uu Danda'a jedhanii Fudhachuu Barachuu: Taate ta'e kamiifuu kallattii sirrii hin ta'in qofatti hiikkachuu osoo hin taane, sababa kanaaf ykn sababa sanaaf jedhanii waan biraa mudachuu danda'u yaaduu of barsiisuu.

* Xiyyeeffannoo Jijjiiruu: Wantoota sodaa nu keessatti uumanii fi hinaaffaaf nu saaxilan irratti xiyyeeffannee yaaduu manna, wantoota hariiroo sana keessaa gaarii ta'an yaaduu fi wantoota gammachuu fi amanamummaa ijaaran irratti xiyyeeffachuu.

Dr. Afiya Tube
Bakka Nagaa Oolaa🙏
https://t.me/DrAfiyatube

03/11/2025

𝐒𝐚𝐛𝐚𝐛𝐨𝐨𝐭𝐚 𝐃𝐚𝐟𝐚𝐧𝐢𝐢 𝐃𝐮𝐥𝐥𝐨𝐨𝐦𝐮𝐮 (𝐏𝐫𝐞𝐦𝐚𝐭𝐮𝐫𝐞 𝐚𝐠𝐢𝐧𝐠)

Dafanii dulloomuun kan dhufu sababoota gurguddoo lama irraayi: Sababa uumamaa hin taane (Extrinsic factors) kan to'achuu dandeenyu fi sababa dhalootaa (Intrinsic factors) kan to'achuu hin dandeenyeedha.

➡️Sababoota Jireenyaa fi Naannoo (Extrinsic Risk Factors)

✅Kunneen sababoota jireenya guyyaa guyyaa fi naannoo keenyaa irraa dhufanii gogaa keenya miidhaa geessisan yoo ta'an, salphumatti kan ofirraa ittisuun danda'amuudha. Isaanis:

1. Ifa Aduu ykn caraqaa wantoota garagaraa: Sababa guddaa gogaan keenya akka dafee dulloomu godhu keessaa isa hangafaati. Ifa Aduu yookiin caraqaan wantoota garagaraa gogaa keenya seenee seeliiwwan gogaa keenya haroomsuuf gargaaran kanneen akka collagen fi elastin caccabsuun gogaan keenya dafee akka dulloomu godhu.

2.Tamboo xuuxuu (Smoking): Summii tamboo keessa jiru qaama keenya keessatti Oxidative Stress guddaa uumuun oksijinii gogaaf barbaachisu hir'isa, kunis collagen akka caccabuu fi gogaan keenya dafee akka dulloomu godhu.

3. Alkoolii Baay'isanii dhuguu: Alkoolii baay'inaan dhuguun qaama keenya keessaa bishaan hir'isuun (dehydration) guddaaf nama saaxila. Kunis gogaan keenya akka lallaafuu fi bifaa gadhiisu, akkasumas caasaa DNA kan ta'e telomere gabaabsuun qaamni keenya seelota gogaa akka hin haroomsine godhu.

4. Dhiphinna sammuu Yeroo Dheeraa (Chronic Stress): Dhiphini sammuu hormoonii dhiphinaa Cortisol jedhamu baay'inaan akka gadhiifamu godha. Cortisol’nis yeroo dheeraaf collagen akka baduu fi kulkuluu seelota qaama waliigalaa dabaluun dulloomuu ariifachiisa.

5. Hirriibaa gahaa rafuu dhabuu (Inadequate Sleep): Yeroo rafanitti, seeliiwwan qaamaa ni haaromfamu (regenerate) ta'u. Hirriiba gahaa dhabuun seeliin dafee akka dulloomuu fi hormooniin dhiphinaa cortisol akka dabalu godha.

6. Nyaata Sirrii Hin Taane ykn Nyaata sukkaara, coomaa fi mi'aa nam-tolchee baay'ee of keessaa qabu nyaachuun seeliin akka kulkulu godha. Kunis collagen balleessa, akkasumas dhibee akka dhukkuba sukkaara gosa 2ffaa (Type 2 Diabetes) fi Furdina garmalee (Obesity) fidun dulloomuu biyaalojii ariifachiisuu danda'u.

7. Qilleensa Faalame (Air Pollution): Summiin qilleensa keessa jiru (fkn. Aara konkolaataa keessaa bahu) gogaatti seenanii oxidative stress uumuun kulkuluu fi dulloomuu gogaa irratti fidu.

➡️Sababoota Dhalootaa/Baayoolojii (Intrinsic Risk Factors)

✅Kunneen sababoota dhalootaan yookiin dhukkuboota addaa irraa dhufan yoo ta'an, to'achuun ni ulfaata. Fknf:

1. Dhukkuboonni dhalootaa baay'ee hin argamne kan akka Hutchinson-Gilford Progeria Syndrome (HGPS) yookiin Werner Syndrome jireenya baayoolojii daa'immanii fi dargaggootaa ariifachiisuun mallattoolee dulloomuu yeroo daa'imummaa yookiin dargaggummaa keessa fidu.

2. Dhalootaan (Genetics): Dhalootaan maatii irraa gara maatitti kan daddarbu yoo ta'u, namoonni tokko tokko dhalootaan telomere isaanii dafee gabaabbata yookiin sirna DNA ofii of haaromsuu dadhabaa qabaachuu danda'u.

3. Dhukkuboota Yeroo Dheeraa (Chronic Diseases): Dhukkuboonni yeroo dheeraa kan akka Diabetes Type 2 fi Dhiibbaa Dhiigaa Cimaa (Severe Hypertension) yoo hin yaalamne, seeliiwwan qaamaa (keessumaa ujummmoo dhiigaa) dafee akka dulloomuu fi miidhamu gochuun dafanii dulloomuuf nama saaxilu.

✅Hubachiisa: Rakkoon dafanii dulloomuu (Premature Aging) baay'een isaanii kan dhufan sababoota jireenyaa fi naannoo kan to'atamuu danda'an irraayi (fkn. Ifa Aduu, Tamboo xuuxuu, Dhiphina sammuu fi kkf). Kanaafuu wantoota kanneen too'achuun salphumatti daftanii dulloomuu irraa of baraaruu dandeessu. Kan biraa immoo qorichoota nurraa ittisuuf nu gargaaran namni barbaadu immoo karaa naa barreessaa, gara keessaan isinii erga. kallattiin keessaan na gaafachuun hin danda'amu🙏

Dr. Afiya Tube
Bakka Nagaa Oolaa
https://t.me/DrAfiyatube

02/11/2025

𝐊𝐀𝐀𝐍𝐒𝐀𝐑𝐈𝐈 𝐆𝐀𝐑𝐀𝐀𝐂𝐇𝐀𝐀 ( 𝐆𝐀𝐒𝐓𝐑𝐈𝐂 𝐂𝐀𝐍𝐂𝐄𝐑)

***Garaachi nyaata nuti nyaannee liqimsinu hamma tokko bulleessuun gara mar’umaanii dabarsa. Kaansariin Garaachaa Kaansaroota dhala namaa baay’inaan ajjeesan keessaa Kaansarii Sombaa fi Mar’umaan guddatti aanee sadarkaa sadaffaa irratti argama.

***Kaansariin Garaachaa kutaa garaachaa gara garaa irraa ka’uu danda’a. Mallatoon inni muldhisus kutaa irratti biqilee fi gosa isaa irratti hundaa’uun garaagarummaa haga tokko qabaachuu mala. Guutumaan guututti Kaansarii Garaacha wanta kana yookiin sana qofatu namatti fida jedhanii murteessuun ykn adda baasuun hin danda’amu. Haa ta’u malee wantonni armaan gadii jiran carraa Kaansarii Garaachatiin qabamuu ni dabalu.

***Wantoota Carraa Kaansarii Garachaatiin qabamuu dabalan keessaa muraasni:
1. Dhukkubni Asidii Garaachaa gara liqimsaa ykn kokkee ol deebisu qabaachuu (GERD)
2. Ulfaatinna gar malee guddaa ta’e qabaachuu
3. Nyaata garmalee soqiddi itti baay’atu yeroo dheeraaf fayyadamuu
4. Nyaata fuduraaf kuduraa hin qabne yeroo dheeraaf fayyadamuu
5. Maatiin keessaa namni kaansarii kanaan qabamee ture jirachuun
6. Baakteriyaa Garaacha quuncisuu Helicobacter Pylori (H. Pylori) jedhamu yeroo dheeraaf qabaachuu
7. Kulkulfannaa garaachaa yeroo dheeraaf nama irra ture
8. Sigaaraa ykn tamboo aarsuu
9. Iitaa kan biroo kan garaacha keessatti rarra’anii argaman (stomach polyps)

***Mallatoolee Kaansarii Garaachaa:

1. Nyaatni nama liqimfamuu diduu ykn liqimsuun namatti ulfaachuu
2. Xiqqoma nyaatanii garaan nama guutuu
3. Gubaa laphee irraa gara liqimsaa/kokkee nama gubu
4. Nyaanni nyaatan namaa daakkamuu dhabuu
5. Nama lollojjessuu
6. Dhukkubbiin laphee ykn garaa keenya gara gubbaa irratti nutti dhagahamuu
7. Qamnii huqqachuu ykn ulfaatinni keenya hirdhachuu
8. Deddebisee yeroo dheeraaf nama haqqisisu/balaqqamsiisuu
9. Haqqee/balaqqama dhiiga makate, ykn akka atalaa bunaa gurraachatu ykn qaqaa fakkaatu.
10. Sagaraan/bobbaan namaa gurrachachuu.

***Maal haa goonu?

Ulfaatina gar-malee guddaa ta’e yoo qabaanne isa san sochii qaamaa gochuunii fi nyaata keenya sirreessuun hirdhisuu. Nyaata keenya keessatti fuduraaf kuduraa fayyadamuu qabna. Sooqiddas nyaata keenya keessatti baay’ifnee fayyadamuu dhabuu. Sigaaraa ykn tamboo aarsuu dhabuu. Keessattuu umrii waggaa 50 ol taanee yoo mallatoolee armaan olitti eeraman of irratti yoo argine mana yaalaa deemnee doktora keenya mari’achiisuun qorannoo barbaachisu godhachuu. Yaalli isaa sadarkaa kaansarichi irra jiruun ta’ee baqaqsanii yaaluu, cararii ykn qoricha chemotherapy ta’uu danda’a.

Dr. Afiya Tube
Bakka Nagaa bulaa.
https://t.me/DrAfiyatube

01/11/2025

𝐐𝐨𝐫𝐢𝐜𝐡𝐨𝐨𝐭𝐚 𝐘𝐞𝐫𝐨𝐨 𝐔𝐥𝐟𝐚𝐚 𝐅𝐮𝐝𝐡𝐚𝐭𝐚𝐦𝐮𝐮𝐧 𝐃𝐡𝐨𝐨𝐫𝐤𝐚𝐦𝐚𝐧 (𝐂𝐨𝐧𝐭𝐫𝐚𝐢𝐧𝐝𝐢𝐜𝐚𝐭𝐞𝐝 𝐃𝐫𝐮𝐠𝐬 𝐢𝐧 𝐏𝐫𝐞𝐠𝐧𝐚𝐧𝐜𝐲)

✅Miidhaa isaanii irraa kan ka'e qorichootni baay'een yeroo ulfaa ajaja ogeessa fayyaatiin malee akka hin fudhanne gorfamu. Miidhaan qorichootni kun ulfa irratti fidanis baay’ina, akaakuu qorichaa fi sadarkaa ulfaa sana irratti hundaa'a.

1. Isotretinoin (fkn. Accutane) fi Retinoids afaaniin fudhataman (Oral Retinoids): Kun qoricha finniisa baay'ee hamaa ta'e yaaluuf gargaaru yoo ta'u, daa'imni qaama guutuu ta'ee akka hin dhalanne godha waan ta'eef tasuma yeroo ulfaa fudhatamuu hin qabu.

2. Warfarin: kunis qoricha dhiigni akka hin ititneef ykn clot hin uumneef gargaaru yoo ta'u, ji'oota duraa keessatti yoo fudhatame dhukkuboota akka nasal hypoplasia and stippled epiphysis akkasumas daa'ima irratti rakkoo sammuu waan fiduuf yeroo ulfaa fayyadamuun dhoorkaadha.

3. Methotrexate: Kun immoo dhukkuboota akka kaansarii, dhukkuba qaamni ofumaan of miidhuu(autoimmune disease) fi ulfa gadaamessaan alaa (ectopic pregnancy) baasuuf kan gargaaru yoo ta'u, rakkoo akka ulfi garaa bahuu ykn qaama guutuu malee dhalachuu cimaa fida waan ta'eef tasuma fayyadamuu hin qabnu.

4. ACE inhibitors and ARBs: Kunniinis immoo qorichoota dhiibbaa dhiigaa ol ka'e too'achuun dhukkuba onnee fi kalee yaaluuf nu gargaaran yoo ta'u keessattuu ji'oota sadan duraa fi sadan boodaa (1st and 3rd trimester) keessatti kan fayyadamnu yoo ta'e rakkoolee akka daa'imni kalee malee dhalachuu, bishaan garbaa (amniotic fluid) gadi xiqqaachuu, sombi daa'imaa guddachuu dhabuu fi akkasumas du'a daa'imaa fiduu danda'a waan ta'eef tasuma yeroo ulfaa fayyadamuu hin qabnu.

5. Valproic acid and Carbamazepine (Anticonvulsants): Qorichoota gaggabdoo fi dhukkuboota sammuu biroof kennaman yoo ta'u, rakkoolee akka neural tube defect, cleft palate fi qancaruu daa'imaa faa waan fidaniif fayyadamuu hin qabnu.

6. Tetracyclines (e.g Doxycycline): Lafee daa'imaa kan miidhuu fi daa'imni gaafa dhalatu ilkaan yellow-brown ta'e wajjin akka qabaatu godha waan ta'eef keessattuu ji'oota sadan gidduu (2nd trimester) irratti fayyadamuun hin gorfamu.

7. Aminoglycosides (e.g. Gentamicin): Garee antibacterials yoo ta'u, yeroo ulfaa fayyadamuun cranial narviin 8ffaa akka miidhamu gochuun daa'imni gurraan akka hin dhageennee fi balance too'achuu hin dandeenne godha.

8. NSAIDs (e.g., Ibuprofen, Naproxen, high-dose Aspirin): Gosoota qorichoota dhukkubbiif kennamanii yoo ta'an, ji'oota jahan duraa keessatti doosii xiqqaan fayyadamuun rakkoo hin qabu, garuu erga daa'imni torbee 30ffaa darbite fayyadamuun daa'ima irratti rakkoo kaleetii fi closure of the ductus arteriosus jedhamu fidu waan ta'eef fayyadamuu dhiisuu qabna.

⚜️Hubachiisa: Qorichoota yeroo ulfaa dhoorkaman keessaa kunneen isaan ijoodha malee kanneen hafanis hedduutu jira waan ta'eef qoricha tokko fayyadamuu, dhaabuu ykn jijjiiruu yoo barbaaddan yeroo kamiyyuu Ogeessa fayyaa waliin mari’achuun ta’uu qaba. fi gochuun hawaasni keenya akka irraa fayyadamu haa goonuu.

Dr. Afiya Tube
Bakka Nagaa bulaa.
https://t.me/DrAfiyatube

01/11/2025

OF EEGGANNOO NAMOONNI DHIBEE SUKKAARAA QABAN TAASISUU QABAN

1. EEGGANNOO QAAMAA- Yoo qeensa qoratan of eeggannoo guddaadhaan akka of hin murretti qeensa gadi hambisuun qorachuu, Yoo kophee godhatan kophee baballaa ykn kan duraan kaa’atan irra lakkoofsa tokkoo ol dabalanii kaa’achuu, Yoo deeman miila qullaa fi kopheewwan miila mullisan kaa’achuu irraa of eeggachuu, Yoo miila dhiqatan bishaan dilallaa’aadhaan dhiqachuu, Miila isaanii irra yeroo yerootti akka madaan irra jiruuf hin jirre caqasuu qabu.

Sababa adda addaatiin madaan miila isaanii irratti yoo ba’e akka warra kaanii ofiin fayyuun waan yeroo dheeraa fudhatuuf mana yaalaa deemuu qaban.

2. QORICHA- Qoricha mana yaalaa nuuf kennamu seeraan eegnee yoo fudhanne gilukoosii qaama keenya keessaa ggarmalee akka ol hin kaane taasisuudhaan rakkoo dhukkubi kun onnee kalee fi qaamota biroo irraan ga’u akka dafee hin dhufne tasisa.

3. NYAATA- Waantoota qabiyyee sukkaaraa qaban kanneen akka shayii, dhugaatii lallaafaa mi’aawaa, fi kkf. Irraa of qusachuu qabna. Kuduraa fi Muduraa mimmiyaa’oo hin taane ammoo sirriitti siirachuudha. (Asirratti yeroo tokko tokko sukkaara baay’isanii nyaachuudhaan dhukkubni sukkaaraa nama qaba jedhanii kan yaadan dogoggora. Erga dhukkuba sukkaaraan qabamnee garuu nyaachuu hin qabnu.)

***Nyaata coomaa fi dhadhaaan itti baay’ate nyaachuu irraa of qusachuu. Kunis nyaanni kun ofuma isaatiin illee rakkoo qaamota keenya akka onnee fi hiddoota dhiigaa irratti waan fiduuf warra dhukkuba kana qaban irratti ammoo waan irra hammaatuuf.

***Sababa adda addaatiin yoo sukkaarri qaama keessaa gadi bu’e mallattoo akka dafqisiisuu, dadhabsiisuu, rukkuttaan onnee garmalee akka nama fiigaa jiruutti rukkutuu fi of wallaaluu yoo argitan daftanii waan sukkaara qabu xiqqoo fudhachuu qabdu. Kan akka karamellaa, lallaafaa… Akkuma Mallattoon sirraa’een garuu dhaabuu qabna. Yoo irra deddeebi’ee yeroo baay’ee nutti dhufe tarii dosen qoricha fudhachaa jirruu olka’aa ta’uu waan danda’uuf mana yaalaa deemnee sirreessisuu qabu.

Dr. Afiya Tube
Bakka Nagaa bulaa
https://t.me/DrAfiyatube

01/11/2025

HIRRIIBAA FI MADIINUMMAA QAAMAA (SLEEP Vs IMMUNITY)

***Hirriibni salphaadhumatti, waantoota dhalli namaa lubbuun jiraachuuf barbaadu ta’ee, addatti amma kan kaasuun barbaachiseef ammoo, dandeettii dhukkuba of irraa dhorkuu qaamaa ykn maadiinummaa (immunity) waliin wal qabatuufidha. Namni hirriiba ga’aa hin rafne ykn hin arganne, madiinummaan isaa/ishee gadi bu’a. [United States National Institute of Health]

***Namni ga’eessi tokko hirriba ga’aa fayyaa isaaf/isheef gaarii ta’e rafaa jira/jirti kan jennu, yoo namni kun guyyaatti (sa’aa 24 keessatti) turtii sa’aa 6 haga 8 gidduu rafa/rafti ta’eedha. [Hirriba guyyaatti sa’aa saddeet (8) ol rafuunis miidhaa qaba] Kanaafuu, namni guyyaa tokko keessatti sa’aa 6 gadi rafu hirriiba ga’aa argataa hin jiru jechuudha.

***Mee namni rafuu barbaadee hirriibni dide ammoo yoo maal maal godhe carraan hirriiba rafuu isaa ol ka’aa ta’aaf?

1. Galgala galagala sa’atii wal fakkaataatti gara sireetti ba’uu.

2. Gara siree deemanii ciisuun dura, yoo kan argamu ta’e aannan hoo’aa dhuguu.

3. Rafuun dura bishaan hoo’aan qaama ofii dhiqatanii ciisuu.

4. Kitaabota addaa addaa dubbisaa ciisuu.

5. Ammaa ammaa sa,aatii ilaaluu dhiisuu.

6. Nyaata baay’ee yookaan ulfaataa (bulky food) gara ciisichaa deemuun dura soorachuu irra yoo kan soorannu ta’e nyaata sassalphaa nyaachuu.

7. Muuziqaa fi Wantoota sagalee qaban biroo of irraa fageessuu.

8. Warreen muuziqaa dhaggeefachuu jaallattaniif ammo classical dhaggeefataa ciisuu.

9. Bakkeewwa hedduu jaallatan, gola (bakka) ciisicha ofiitti suuraadhaan maxxanfachuu.

10. Ifa mana ciisicha ofii keessaa balleessuu.

11. Bunaa fi Wantoota isa fakkaatan (kanneen qaama si’eessan) ciisuun dura fudhachuu dhiisuu.

12. Rafuun dura sochii qaamaa taasisuu.

Qabxiilee kudha laman olii kanneen sirnaan hojirra kan oolchinu yoo ta’e carraan hirriiba dafnee rafuu keenya ol ka’aa ta’a.

Dr. Afiya Tube
Bakka Nagaa bulaa
https://t.me/DrAfiyatube

01/11/2025

OF EEGGANNOO ILKAAN GOCHUU QABNA

***Ilkaan keessan yeroo kamiyyuu akka meeshaatti tasumaa hin fayyadamiinaa (fkn, Waa baqaqsuuf, qaruuraa banuuf, qeensa qubaa ittiin kutuuf fi kkf).
***Rigaa (brush) ilkaanii jajjabaataa hin fayyadamiinaa. Rigaan ilkaanii jajjabaataan ilkaan sirritti qulqulleessa jedhanii yaaduun fayyadamuun dogoggora. Kanaaf rigaa ilkaan lallaafaa fayyadamaa.
***Ilkaan ofii sirnaan miicachuun dirqama, wanta ilkaan keessatti hafan akka foonii fi kan biroo dafanii keessaa baasuun dirqama.
***Wantoota akka karameellaa, Loomii hedduu nyaachuu, buna sukkaaraan, alkoolii fi waan sukkaarri itti baay’ate hedduu nyaachuu/dhuguu dhiisuu.

***Ilkaan Rigachuun Fayyaa Onneetif ni Faayyada.
Dhiheenya qorannoon bahee tokko akka mul’iseetti ilkaan rigachuun fayyaa onnee namaaf akka gaaritti gargaara jedha. Akka qorannoo kanaatti warri guyyaatti yeroo 3 ilkaan rigatanii qulqullessaan fayyaan onnee isaanii haala gaariin nagaa ta’a. Akka qoratoonnii waan kana qorataan jedhanitti gosoonni baakteeriyaa afaan nama keessa jiran rakkoo fayyaa hedduuf nama saaxiluu danda’u.

***Qorannoowwan kanaan dura dhimma kanarratti turan akka mirkaneessanitti, gosonni baakteriyaa afaan nama keessatti argamaan dhukkuboota ‘Kaanseerii’ adda addaaf nama saaxilu. Keessaayyuu rakkoon fayyaa qamoolee hargasuu namarraan gahaan baay’ee gudda akka ta’e ni eeru.

***Qorannoon ammaa tasifamees qorannoo armaan duraa caalatti cimsuun, dabalataan immoo hidhata qulqulliina ilkaanii fi onnee nama gidduu jiru bal’inaan qorachuu ibsan. Qorannoo kanaanis wanti isaan arganneerra jedhanii ifoomsan qulqullina ilkaanii sirriitti eegachuun dhukkuba onnee mudachuu danda’uu hedduu hambisa. Akka bu’aa qorannoo kanatti, namoonni guyyaatti yeroo 3 ilkaan isaanii rigataan namaoota ilkaan isaanii hin riganneen yoo madalamaan, harka 12 ol dhukkuba onneef hin saaxilaman.

Dr. Afiya Tube
Bakka Nagaa bulaa
https://t.me/DrAfiyatube

01/11/2025

❝𝐓𝐢𝐫𝐚𝐚𝐤𝐨𝐨𝐦𝐚𝐚 (𝐓𝐫𝐚𝐜𝐡𝐨𝐦𝐚)❞

***Tiraakoomaan dhukkuba Ijaa daddarba kan baakteriyaa “Chlamydia Trachomatis” jedhamuun dhufuudha. Iji keenya dhukkuba kanaan takka badde/jaamte taanaan nuuf deebi’uu hin dandeettu. Kanaaf otoo sadarkaa baduu/jaamuu irra hin geenye dafnee yaalamuun barbaachisaadha.

***Yeroo hedduu Tiraakoomaan ija keenya lachuu kan hubu ta’ee, mallattoon inni mul’isu ammoo:
*Ijji fi qolli Ijaa kan nyaaraa gadi jiru nama hoosiisuu fi gubuu.
*Cim’aan akka malaa jiru ykn akka furrii wol harkisu ija keenya irra jiraachuu.
*Qolli ija keenya haguugu iita’uu
*Ijji ifa nu sodaachuu/ ifa laaluu dadhabuu
*Dhukkubbiin ija keessatti nutti dhagahamu
*Booda irra reefinsi qola ijaa irra jiru gara Ijaa as garagaluu.

***Tirakooman sadarkaalee gara garaa kan qabuufi hanga ija nama jaamsu kan gahu ta'ee, wantoonni Tiraakoomaaf nu saaxilan:
1. Qulqullina naannoo keenyaa eeguu dhabuu
2. Qulqullina dhuunfaa eeguu dhabuu,
3. Mana fincaanitti fayyadamuu dhabuun akkasumas wantootni (fkn balfaa) ilbiisonni akka wal horan haala mijeessan, mana tokko keessa nama hedduun jirachuun carraa Tirakoomadhaan qabamu ol kaasu.

***Tirakoomaan ija dhukkubsatte San tutuqanii ija nama biraa tuquun, ilbiisonni ija nama dhukkubuu irraa gara nama ija biratti fiduun, wayaa ija dhukkubsattuun haxayataniin namni biraa harkaan tutuqee ijatti fiduun fa’a daddarba.

❝𝐖𝐚𝐧𝐭𝐨𝐨𝐭𝐚 𝐆𝐨𝐜𝐡𝐮𝐮𝐧 𝐧𝐮𝐫𝐫𝐚𝐚 𝐞𝐞𝐠𝐠𝐚𝐦𝐮❞

*Qulqullina fuulaa fi harka keenya eeguu, Fuulaaf harka keenya dhiqachuudhan.
*Qulqullina naannoo keenyaa eeguu. Balfa wal hormaata ilbisotaatif haala mijaawaa waan uumuuf naanno keenya balfa adda addaa irraa qulqullessuu.
*Bishaan qulqulluu ta’etti faayyadamuu. Qulqullina nyaata keenyas eeguu.
*Nama mallattoo isaa qabu yoo agarre mana yaalaa deemee akka yaalamu gorsa kennuufi.
*Sadarkaa dhukkubni kun irra jiru irratti hundaa’uun yaalli isaa qoricha liqimfamu ykn Opireeshinii garagaraa ta’uu danda’a.

Dr. Afiya Tube
Bakka Nagaa bulaa
https://t.me/DrAfiyatube

Address

Addis Ababa

Telephone

+251946294956

Website

https://sites.google.com/view/drafiyatube

Alerts

Be the first to know and let us send you an email when Dr. Afiya Tube posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Afiya Tube:

Shortcuts

Want your practice to be the top-listed Clinic in Addis Ababa?

Dr. Afiya Tube

19/11/2025

05/11/2025

04/11/2025

04/11/2025

04/11/2025

03/11/2025

02/11/2025

01/11/2025

01/11/2025

01/11/2025

01/11/2025

01/11/2025

Address

Telephone

Website

Alerts

Contact The Practice

Shortcuts

Share

Category