Selam

04/12/2022

My plate on ethiopian nutrition and diet

02/08/2022

📆 የአለም ጡት የማጥባት ሳምንት(ሐምሌ 25- ነሀሴ 1)-World breast feeding week(August 1-7)

✍ጡት ማጥባት የሚሰጣቸው ጥቅሞች

የእናት ጡት ወተት ለጨቅላ ህፃናት ከተወለዱ ጊዜ ጀምሮ ተፈጥሯዊ ምግባቸው ሲሆን በተለይም በመጀመሪያዎቹ ስድስት ወራት ለሰውነታቸው የሚያስፈልገውን ሀይልና ጠቃሚ ንጥረ ነገሮች አካቶ የያዘ ነው፡፡በተጨማሪም ህፃኑ በመጀመሪያዎቹ ስድስት ወራት በሙሉ በሙሉ በሚባል ደረጃና ከስድስት ወር በኋላ እስከ ሁለት አመት ድረስ ከተጨማሪ ምግብ ጋር የእናት ጡት ወተትን እንዲጠቀም ይመከራል፡፡ይህም ለልጁ ጤናማ እድገትና ለውጥ ከፍተኛ ሚና ይጫወታል።

📌ጡት ማጥባት ለልጁ የሚሰጣቸው ጠቀሜታዎች

የጡት ወተት ለህፃኑ ሰዉነት የሚስፈልጉትን አብዛኞቹን ጠቃሚ ንጥረ ነገሮችና በቂ ፈሳሽ አሟልቶ መያዙ

በእናት ጡት ወተት ውስጥ የሚገኙት ንጥረ ነገሮች በቀላሉ በህፃኑ ኢንዛየሞች መፈጨት የሚችሉ መሆናቸው

በሽታን ሊያመጡ ከሚችሉ በአይን የማይታዩ ጎጂ ተዋስያን ነፃ መሆኑ

ከሌሎች የጡት ወተትን በመተካት ከምንጠቀባቸዉ አማራጮች አንፃር ሲታይ የእናት ጡት ወተት ህፃናት በተለያዩ ተላላፊና ተላላፊ ባልሆኑ በሽታዎች የመያዝ እድላቸውን መቀነሱ

የእናት ጡት ወተት ይዘት ከህፃኑ የሰውነት ለውጥና እድገት ጋር አብሮ የሚቀየር መሆኑ

📌ጡት ማጥባት ለእናቶች የሚሰጠው ጥቅም

ጡት ማጥባት ለህፃናት ከሚሰጠው ጠቀሜታ በተጨማሪ ለእናቶችም ዘርፈ ብዙ ጠቀሜታዎችን ይሰጣል፡፡

1. ማህፀንን ከእርግዝና በፊት ወደነበረበት መጠን መመለስ

2. ከወሊድ በኋላ የሚፈጠር ከፍተኛ የደም መፍሰስን መከላከል

3.የወር አበባ መመለሻ ጊዜን በማዘግየት ተፈጥሮአዊ የእርግዝና መከላከያ መንገድ በመሆን ማገልገል

📌 በዚህ ፅሁፍ ስር ተጨማሪ ለማንበብ ከስር ያለውን ሊንክ ይጫኑ
👇👇👇👇👇👇👇👇

ከእናት ጡት ወተት አንድ ህፃን የሚያገኛቸው ጠቃሚ ንጥረ ነገሮች

23/07/2022

https://ethiopianhealthydiet.blogspot.com/2022/07/home-remedies-for-gastritis.html?m=1

ለጨጓራ በሽታ የሚመከር አመጋገብ አይነት - Home remedies for gastritis

21/07/2022

✍ #በእርግዝና # ወቅት #ማስወገድ ያለብን # የአመጋገብ አይነቶች #

📌 በእርግዝና ወቅት ለፅንሱና ለእናትየው ጤንነት አስፈላጊ ከሆኑ ነገሮች መካከል ዋነኛው የተስተካከለና ጤናማ የሆነ አመጋገብ መከተል ነዉ። ይህም የሚያስፈልገው ለፅንሱ ጤናማ እድገትና በንጥረ ነገሮች እጥረት ምክንያት በፅንሱ ላይ ሊከሰቱ የሚችሉ ጉዳቶችን ለመከላከል ነው።በፅንሱና በእናትየው ጤንነት ላይ ጉዳት ከሚያደርሱ ነገሮች መካከል ንፅህናቸውን ያልጠበቁ ፣ በደንብ ያልበሰሉንና ለጎጂ ኬሚካሎች(ሊድ፣ሜርኩሪ) የተጋለጡ ምግቦችን መመገብ በዋነኝነት ይጠቀሳሉ። በመሆኑም ከሌላው ጊዜ በተለየ በእርግዝና ወራት ላይ ስለምንመገባቸው ምግቦች ጤንነትና ይዘት ማወቅና ተገቢዉን ጥንቃቄ ማድረግ ያስፈልጋል። ወራቶች ላይ ጉዳት ሊያደርስ የሚችል በመሆኑ ነው።

👉በእርግዝና ወቅት ማስወገድ ያለብን የአመጋገብ አይነቶች

1.ጥሬ ወይም በደንብ ያልበሰለ የአሳና የበሬ ስጋ፦ በተገቢው መንገድ ያልበሰለ ስጋ በቫይረስ፣ባክቴሪያና ኘሮቶዝዋ አማካኝነት ለሚመጡ የምግብ ላይ ኢንፌክሽኖች የመጋለጥ እድሉ ከፍተኛ ነው።በተለይም በባክቴሪያ ለሚመጡ ኢንፌክሽኖች(Salmonella,Listera and vibro) የመጋለጥ እድሉ ከሌላው የጨመረ ነው።

2.ያልበሰለ ወይም ተሰርቶ የቆየ እንቁላል፦በደንብ ያልበሰለ እንቁላል በባክቴሪያ(samonella) አማካኝነት ለሚመጣው የምግብ ላይ ኢንፌክሽን በከፍተኛ ደረጃ የተጋለጠ ሲሆን የሚያሳያቸውም ምልክቶች ትኩሳት፣ ማቅለሽለሽ፣ማስታወክ፣የሆድ ቁርጠትና ተቅማጥ ናቸው።

3.የበሬ ወይም የበግ የውስጥ አካል ስጋ(Organ meat) ፡-የእንስሳት የውስጥ አካል ስጋ በመባል የሚጠቀሱት ልብ፣ኩላሊት፣ጨጓራና አንጨት ሲሆኑ በተፈጥሮ ለሰውነት አስፈላጊ የሆኑትን የማዕድንና ቫይታሚን ንጥረ ነገሮች አሟልተው የያዙ ናቸው። ነገር ግን በእርግዝና ወቅት እነዚህን የውስጥ አካል ስጋዎችን አብዝቶ መብላት በፅንሱ ጤንነትና ህልውና ላይ አደጋ ሊያደርስ ይችላል።ይህም የሚሆነው የውስጥ አካል ስጋ በዋነኝነት በውስጡ ከሚይዛቸው ንጥረ ነገሮች አንዱ የሆነው ቫይታሚን ኤ በተለይም የፅንሱ የሰዉነት አካሎች በሚሰሩበት በእርግዝና የመጀመሪያ ወራቶች ላይ ጉዳት ሊያደርስ የሚችል በመሆኑ ነው።

📌 የቀረበዉን ጽሑፍ ከወደዱት በቅንነት ሼር ያድርጉ

በእርግዝና ወቅት ማስወገድ ያለብን የአመጋገብ አይነቶች - Foods and beverages to avoid in pregnancy

19/07/2022

✍ # ቫይታሚን ዲና # የፀሀይ ብርሃን ያላቸው # ግንኙነት #

👉 የቫይታሚን ዲ ምንነትና ጥቅም

ቫይታሚን ዲ ለሰዉነታችን እድገትና ጤናማ ስራ አስፈላጊ ከሆኑት ንጥረ ነገሮች ውስጥ አንዱ ሲሆን የምናገኘዉም በተወሰነ መጠን ከምንበላው ምግብና በዋነኝነት በፀሀይ ብርሃን ተጠቅሞ ሰውነታችን በሚያመርተው ሆርሞን አማካኝነት ነው።ይህ ንጥረ ነገር ከሚሰጣቸው ጠቀሜታዎች ውስጥ ሰውነታችን ጤናማ የሆነ የካልሺየምና ፎስፈረስ ዝዉዉር እንዲኖረው ማድረጉና ለአንጥት እድገትና ጥንካሬ ያለው ሚና በዋነኝነት ይጠቀሳል።

👉 የቫይታሚን ዲ ምንጮች

📌 እንጉዳይ፣ወተት፣የእንቁላል አስኳል፣ጉበትና ስብ ያለው አሳ(fatty fish) ቫይታሚን ዲን ከሚይዙ የምግብ አይነቶች የሚጠቀሱ ሲሆን በዋነኝነት ግን ቫይታሚን ዲን የምናገኘው የፀሀይ ብርሀን ከሰውነታችን ጋር በሚፈጥረው መስተጋብር ሰውነታችን ቫይታሚን ዲን ማምረት ሲጀምር ነው።

👉 ቫይታሚን ዲ ከፀሀይ ብርሃን ጋር ያለው ግንኙነት

ቫይታሚን ዲ ከፀሀይ ብርሃን ጋር ባለው ጠንካራ ግንኙነት ምክንያት በተለምዶ ከፀሀይ የሚገኘው ቫይታሚን(Sunshine vitamin) በሚል አጠራር ይታወቃል ።ነገር ግን በተለምዶ እንደሚባለው ቫይታሚን ዲ የሚገኘው በቀጥታ ከፀሀይ ብርሃን ሳይሆን የፀሀይ ብርሃን በቆዳችን ላይ ከሚገኘዉና ሰውነታችን ቫይታሚን ዲ የማምረት ሂደቱን እንዲጀመር በማድረግ የሆርሞንን ሚና ከሚጫወተው ኮሌስትሮል(Vitamin D3 ) ጋር በሚፈጥረው መስተጋብር አማካኝነት ነው።

📌በዚህ ርዕስ ስር ተጨማሪ ለማንበብ ይህንን ሊንክ ይጫኑ
👇👇👇👇👇👇👇👇👇👇👇

19/07/2022

✍ #የአዮዲን # እጥረት #መኖሩን የሚጠቁሙ # ምልክቶች #

👉ምንነት

የአዮዲን እጥረት የሚባለው ሰውነታችን ሊያገኘው የሚገባውን የአዮዲን ንጥረ ነገር በበቂ መጠን ማግኘት ሳይችል ሲቀር የሚፈጠር ችግር ነው።ይህም የሚከሰተው አዮዲን በበቂ ሁኔታ በምግባችን ዉስጥ ሳይካተት ሲቀር ነው።በተጨማሪም ፈጣን የሰውነት ለውጥና እድገት በሚኖርባቸው ሁኔታዎች ላይ ሰዉነታችን ሊያስፈልገዉ የሚችለዉን ተጨማሪ የአዮዲን መጠን ሳያገኝ ሲቀር የሚከሰት ነው።ተራራማና በብዛት የአፈር መሸርሸር ያለባቸዉ አከባቢዎች መኖር፣በአፈር ውስጥ አነስተኛ የአዮዲን መጠን መኖር፣እርግዝና፣የአዮዲን ጨው አለመጠቀምና ፈጣን የሰዉነት ለውጥ የሚኖርበት የእድሜ ክልል ላይ መሆን ከአጋላጭ ሁኔታዎች ዉስጥ የሚጠቀሱ ናቸው።

👉ምልክቶች

1.በመሀል አንገት ላይ የሚታይ እብጠት(የታይሮድ እጢ መጠን መተለቅ)

2.የድካም ስሜትና አቅም ማጣት

3. የሰዉነት ክብደት መጨመር

4.የፀጉር መሳሳት

5.የልብ ምት ፍጥነት መቀነስ

6.የማስታወስ ችግር ወይም ትምህርት ላይ ትኩረት ማጣት

7.የሰዉነት ሙቀት መጠን መቀነስ ወይም ብርድ ብርድ ማለት

በዚህ ርዕስ ስር ተጨማሪ ለማንበብ ይሄን ሊንክ ይጫኑ
👇👇👇👇👇👇👇👇👇👇👇👇 https://ethiopianhealthydiet.blogspot.com/2022/04/blog-post_11.html?m=1

📌 የኔ ማዕድ
👇👇👇👇👇👇👇👇👇👇👇
-https://ethiopianhealthydiet.blogspot.com
📌 በተጨማሪም የቀረበውን ፅሁፍ ከወደዱት በቅንነት ሼር ያድርጉ።

የአዮዲን እጥረት መኖሩን የሚጠቁሙ ምልክቶች

18/11/2021