https://www.facebook.com/971405389678524/

Medical and spiritual, Addis Ababa (2025)

24/11/2023

የኩላሊት በሽታ እንዳለብዎት የሚጠቁሙ 10 ምልክቶች
➖〰️➖〰️➖〰️➖〰️➖〰️➖〰️➖〰️➖〰️

👉👉👉👉👉👉👉👉👉👉👉👉👉👉👉👉👉👉
👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥🚥🚥
1️⃣ ይደክምዎታል፣ ጉልበት ያንስዎታል ወይም ትኩረት የማጣት ችግር እያጋጠመዎት ነው!
🚥🚥🚥🚥🚥🚥🚥🚥🚥🚥🚥🚥🚥🚥

የኩላሊት ተግባር በከፍተኛ ሁኔታ መቀነስ በደም ውስጥ ያሉ መርዛማ ንጥረ ነገሮች እና ቆሻሻዎች እንዲከማች ያደርጋል።

ይህም ሰዎች እንዲደክሙ፣ እንዲዝሉ እና ትኩረታቸውን እንዳይሰበስቡ ሊያደርግ ይችላል።

የኩላሊት በሽታ ሌላው ተጓዳኝ የጤና ችግር የደም ማነስ ሲሆን ይህም ድካምንና መዛልን ያስከትላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥🚥
2️⃣ የእንቅልፍ ችግር እያጋጠመዎት ነው!
🚥🚥🚥🚥🚥🚥🚥🚥🚥🚥🚥🚥🚥

ኩላሊት በተገቢው መንገድ ካላጣራ፤ መርዛማ ንጥረ ነገሮች ከሰውነታችን በሽንት መልክ ከመወገድ ይልቅ በደም ውስጥ ይቀራሉ። ይህም እንቅልፍ ለመተኛት አስቸጋሪ ያደርግብናል።

በተጨማሪም ከልክ በላይ በመወፈር እና ሥር በሰደደ የኩላሊት በሽታ መካከል ጥብቅ ቁርኝት አለ።

ከአጠቃላዩ ሕዝብ ጋር ሲነፃፀር፤ ሥር የሰደደ የኩላሊት በሽታ ያለባቸው ሰዎች ላይ ስሊፕ አፕኒያ (Sleep Apnea) በጣም የተለመደ ነው።

[ስሊፕ አፕኒያ ማለት:- መተንፈስ በተደጋጋሚ የሚቆምበት እና የሚጀምርበት ከባድ የእንቅልፍ ችግር ነው]

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥
3️⃣ ደረቅ እና የሚያሳክክ ቆዳ አለዎት!
🚥🚥🚥🚥🚥🚥🚥🚥🚥🚥🚥🚥

ጤናማ ኩላሊት ብዙ ጠቃሚ ስራዎችን ይሰራል።

🔸ከሰውነትዎ ውስጥ ቆሻሻዎችን እና ትርፍ ፈሳሾችን ያስወግዳሉ፤
🔸ቀይ የደም ሴሎችን ይሠራሉ ወይም ያመርታል፤
🔸አጥንቶች ጠንካራ እንዲሆኑ ያደርጋል፤ እንዲሁም
🔸በደምዎ ውስጥ ያሉትን ማዕድናት ትክክለኛ መጠን እንዲኖራቸው ለማድረግ ይሠራሉ።

ደረቅ እና የሚያሳክክ ቆዳ ብዙውን ጊዜ ከፍ ካለ የኩላሊት በሽታ ጋር አብሮ የሚመጣው የሜኔራል እና የአጥንት በሽታ ምልክት ሊሆን ይችላል።

በዚህ ጊዜ ኩላሊታችን በደም ውስጥ የሚገኙትን ማዕድናት እና ንጥረ ነገሮች ትክክለኛ ሚዛን መጠበቅ አይችሉም።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥
4️⃣ ብዙ ጊዜ የመሽናት ፍላጎት አለዎት!
🚥🚥🚥🚥🚥🚥🚥🚥🚥🚥🚥🚥

በተለይም በምሽት ብዙ ጊዜ መሽናት የመፈለግ ስሜት ከተሰማዎት ይህ የኩላሊት በሽታ ምልክት ሊሆን ይችላል።

የኩላሊት ማጣሪያዎች ሲጎዱ፤ የሽንት መሽናት ፍላጎት መጨመር ሊያስከትል ይችላል።

አንዳንድ ጊዜ ይህ የሽንት ቱቦ ኢንፌክሽን ወይም በወንዶች ላይ የፕሮስቴት እጢ መጨመር ምልክት ሊሆን ይችላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥
5️⃣ ሽንትዎ ደም የቀላቀለ ነው?
🚥🚥🚥🚥🚥🚥🚥🚥🚥🚥

ጤናማ ኩላሊቶች በተለምዶ ከደም ውስጥ ቆሻሻን በማጣራት ሽንት እንዲፈጠር በሚያደርጉበት ጊዜ የደም ሴሎችን በሰውነት ውስጥ ያስቀራሉ።

ነገር ግን የኩላሊት ማጣሪያዎች ሲጎዱ፤ እነዚህ የደም ሴሎች ከሽንት ጋር "መፍሰስ" ሊጀምሩ ይችላሉ።

የኩላሊት በሽታን ከማመላከታቸው በተጨማሪ፤ በሽንት ውስጥ ደም መገኘት ዕጢዎችን፣ የኩላሊት ጠጠርን ወይም ኢንፌክሽንን ሊያመለክት ይችላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥
6️⃣ ሽንትዎ አረፋማ ነው?
🚥🚥🚥🚥🚥🚥🚥🚥🚥

በሽንት ውስጥ ከመጠን በላይ አረፋ - በተለይም ከመጥፋታቸው በፊት ብዙ ጊዜ እንዲታጠቡ (ውሃ እንዲያፈሱባቸው) የሚጠይቁ - በሽንት ውስጥ ፕሮቲን መኖሩን ያመለክታሉ።

በሽንት ውስጥ የሚገኘው አልቡሚንና በእንቁላል ውስጥ የሚገኘው ፕሮቲን አንድ አይነት ፕሮቲን በመሆኑ ይህ አረፋ እንቁላል ሲመታ (ምግብ ለመስራት) የሚያዩትን አረፋ ሊመስል ይችላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥
7️⃣ በአይንዎ አካባቢ የማያቋርጥ እብጠት እያጋጠመዎት ነው!
🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥

በሽንት ውስጥ ፕሮቲን መገኘት፤ የኩላሊት ማጣሪያዎች መጎዳታቸውን የሚያመለክት የመጀመሪያ ምልክት ነው።

ይህም ፕሮቲን ወደ ሽንት ውስጥ እንዲገባ ያስችለዋል።

ይህ በአይንዎ ዙሪያ ያለው እብጠት ኩላሊቶችዎ በሰውነት ውስጥ ከማቆየት ይልቅ በሽንት መልክ ከፍተኛ መጠን ያለው ፕሮቲን በማስወገዳቸው ምክንያት የሚከሰት ሊሆን ይችላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥🚥🚥🚥
8️⃣ ቁርጭምጭሚትዎ እና እግሮችዎ ያብጣሉ!
🚥🚥🚥🚥🚥🚥🚥🚥🚥🚥🚥🚥🚥🚥🚥

የኩላሊት ተግባር መቀነስ ሶዲየምን ማቆየት ወይም መያዝን (Sodium Retention) ሊያስከትል ይችላል።

ይህም በእግርዎ እና በቁርጭምጭሚቱ ላይ እብጠት ያስከትላል።

በታችኛው ዳርቻ ላይ ያለው እብጠት የልብ ሕመም፣ የጉበት በሽታ እና ሥር የሰደደ የእግር ደም ስር ችግር ምልክት ሊሆን ይችላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥
9️⃣ ዝቅተኛ የምግብ ፍላጎት አለዎት!
🚥🚥🚥🚥🚥🚥🚥🚥🚥🚥🚥🚥

ይህ አጠቃላይ የሆነ ምልክት ነው። ነገር ግን የኩላሊት ሥራ በመቀነሱ ምክንያት የሚመጡ መርዛማ ንጥረ ነገሮች መከማቸት፤ አንዱ መንስኤ ሊሆን ይችላል።

👉👉👉👉👉👉👉👉👉👉👉👉👉👉👉👉👉👉

🚥🚥🚥🚥🚥🚥🚥🚥🚥🚥🚥🚥🚥🚥🚥
🔟 የጡንቻዎች መሸማቀቅ እያጋጠምዎት ነው!
🚥🚥🚥🚥🚥🚥🚥🚥🚥🚥🚥🚥🚥🚥🚥

የኤሌክትሮላይት ሚዛን መዛባት የኩላሊት ተግባር መጓደልን ሊያስከትል ይችላል።

ለምሳሌ ያህል:- ዝቅተኛ የካልሲየም መጠን እና በቂ ቁጥጥር ያልተደረገለት ፎስፈረስ ለጡንቻዎች መሸማቀቅ ወይም መኮማተር አስተዋጽኦ ያደርጋሉ።

👉👉👉👉👉👉👉👉👉👉👉👉👉👉👉👉👉👉
👉👉👉👉👉👉👉👉👉👉👉👉👉👉👉👉👉👉

➖➖〰️〰️➖➖〰️〰️➖➖〰️〰️➖➖〰️〰️
ምንጭ:- Healthline, Myoclinic & Kidneyorg
➖➖〰️〰️➖➖〰️〰️➖➖〰️〰️➖➖〰️〰️

ጽሑፉን ከወደዱት (Like) በማድረግ ለሌሎችም (Share) ያድርጉት፡፡ ቸር እንሰንብት

➖〰️➖〰️➖〰️
መልካም ጤንነት!!
➖〰️➖〰️➖〰️

ወቅታዊ እና የተሟሉ የጤና መረጃዎችን ለማግኘት፤ የማህበራዊ ትስስር ገጾቻችንን ይከታተሉ።

https://t.me/Medicalandspiritual

27/06/2023

ሳይነስን ለማከም 5 ቀላል መንገዶች
〰️➿〰️➿〰️➖➿〰️➿〰️➿〰️

ሳይነስ - በሰውነታችን ውስጥ ያሉ አየር የሚንሸራሸርባቸው ክፍሎችን የሚያጠቃ የህመም ዓይነት ነው።

ህመሙ ሶስት ደረጃዎች ያሉት ሲሆን፤ አኪዩት፣ ሰብ አኪዩት እና ክሮኒክ ሳይነስ (ሲኖሳይተስ) (Acute, Sub-Acute & Chronic Sinus) (Sinusitis) በመባል ይታወቃሉ።

የህመሙ መነሻዎች የቫይረስ እና የባክቴርያዎች ኢንፌክሽን ሲሆን፤ አልፎ አልፎ የሰዎች አፈጣጠር ወይም አናቶሚ ለህመሙ መከሰት ሰበብ ይሆናል።

ከሁሉም በላይ ግን ለበሽታው መከሰት ምክንያት እየሆነ ያለው አለርጂ ነው። ይህም አለርጂክ ሳይኖሳይተስ በመባል ይታወቃል።

✅ የቤት ውስጥ መፍትሄዎች

ይህንን ህመም ለመከላከል የሚጠቅሙ 5 ቀለላልና ተፈጥሮአዊ መንገዶች የሚከተሉት ናቸው:-

1️⃣ ቀይ ጥሬ ሚጥሚጣ

ቃጠሎን መቋቋም እስከቻሉ ድረስ ሳይኖሳይተስን
ለማከም ወደር የማይገኝለት ተፈጥሮአዊ መድሃኒት ነው።

አፍንጫን በፍጥነት በማጽዳት ውስጡ ላይ ያለን እብጠት በማጥፋት እፎይታን ይሰጣል። በሚመቾት መንገድ አዘጋጅተው መጠቀም ይችላሉ።

2️⃣ ዕርድ

ዕርድ በውስጡ ከርከሚን የሚባል እብጠትና የመለብለብ ስሜትን ሚከላከል ንጥረነገር አለው። ይህ ንጥረነገር ሳይኖሳይተስን ከመከላከሉም በተጨማሪ የሰውነትን የበሽታ መከላከል አቅም ከፍ ያደርጋል።

500 ሚሊ ግራም የእርድ ዱቄትን በውሃ በማዋሀድ ወይም በእንክብል መልክ በቀን ሁለት ጊዜ መውሰድ ጠቃሚ ነው።

3️⃣ ነጭ ሽንኩርት

ነጭሽንኩርትን በብዛት መመገብ እጅግ በርካታ የጤና ትሩፋቶችን ያስገኛል። በውስጡ አሊሲን የተሰኘ ንጥረ-ነገር የያዘ ሲሆን፤ ይህ ንጥረነገር ቫይረስ፣ ባክቴርያና ፈንገስን የሚከላከል በመሆኑ ለሳይኖሳይተስ ኢንፌክሽን ፍቱን መድሃኒት ነው።

በቀን ውስጥ ከሁለት እስከ ሶስት ራስ ፍሬሽ ነጭ ሽንኩርትን በማንኛውም ዓይነት መመገብ ከፍተኛ ውጤት ያስገኛል።

4️⃣ ቀረፋ

በውስጡ ጎጂ የሆኑ ሳይኖሳይተስን የሚያስከትሉ ባክቴርያዎችን የሚገድል ኬሚካል ስላለው፤ ከግማሽ የሻይ ማንኪያ እስከ አንድ የሻይ ማንኪያ ድረስ ከወለላ ማር በመቀላቀል በአንድ ብርጭቆ ለብ ያለ ውሃ መጠጣት ፍቱን መድሃኒት ነው።

5️⃣ ዝንጅብል

ዝንጅብል በውስጡ ፀረ-የአፍንጫ ፈሳሽ እና ፀረ-መለብለብና እብጠት ኬሚካሎችን በውስጡ ስለያዘ፤ እንዲሁም የሰውነትን የበሽታ መከላከል አቅም ስለሚጨምር ሳይኖሳይተስን ለመከላከል ይረዳል።

የዝንጅብል ሻይን ከሎሚ ጭማቂ ጋር ቀላቅሎ መጠቀም ለሳይኖሳይተስ ፍቱን መድሃኒት ነው።

መልካም ጤንነት!!

ወቅታዊ እና የተሟሉ የጤና መረጃዎችን ለማግኘት፤ የማህበራዊ ትስስር ገጾቻችንን ይከታተሉ:-

https://t.me/Medicalandspiritual

30/05/2023

የደም ግፊት በሽታ ምልክቶችና መከላከያዎች
〰️〰️〰️〰️🎁〰️〰️〰️〰️🎁〰️〰️〰️〰️

☑️ የደም ግፊት በሽታ ምልክቶች!

አብዛኛውን ጊዜ የደም ግፊት በሽታ ተጠቂ ሰዎች የደም ግፊት መጠናቸው በአስደንጋጭ ሁኔታ እስከሚጨምር ድረስ ምንም አይነት የበሽታው ምልክት አይታይባቸውም።

ጥቂት ሰዎች በመጀመሪያ የበሽታው ደረጃ ላይ ከባድ የራስ ምታት፣ የንግግር መዘበራረቅ እና ከወትሮው የተለየ የአፍንጫ መድማት ያጋጥማቸዋል።

እነዚህ ምልክቶች የደም ግፊት መጠናቸው ለህይወታቸው አስጊ እስከሚሆን ድረስ ላይታዮ ወይም ላይከሰቱ ይችላሉ።

የደም ግፊት መጠንዎን መለካት እንደማንኛውም በሽታ የህክምና ቀጠሮ ልናደርግ ወይም ልንይዝለት ይገባል።

ከ18 ዓመታችን ጀምሮ ቢያንስ በ2 ዓመት አንድ ጊዜ የደም ግፊታችንን እንድንለካ ይመከራል። የደም ግፊትዎን ሲለኩ በሁለቱም ክንድዎ መለካት ይመከራል።

የደም ግፊት በሽታ ወይም የልብ ችግር ካለብዎት በተደጋጋሚ መለካት ተገቢ ነው።

በተወሰነ የጊዜ ልዮነት የጤና ምርመራ የማያደርጉ ከሆነ በፋርማሲና በተለያዮ ቦታዎች በሚገኙ የደም ግፊት መለኪያ መሳሪያዎች እንዲለኩ ይመከራል።

☑️ የደም ግፊት በሽታ መከላከያ መንገዶች!

🔹ጤናማ የሰውነት ክብደት:-

ከመጠን ያለፈ ውፍረት ከ2 እስከ 6 እጥፍ በደም ግፊት የመያዝ እድላችንን ይጨምራል።

🔹በየጊዜው የአካል ብቃት እንቅስቃሴ መስራት:-

የአካል ብቃት እንቅስቃሴ የሚያደርጉ ሰዎች ከማያደርጉት ሰዎች የመያዝ ዕደላቸውን ከ 20-50% ይቀንሳል። እንቅስቃሴ ሲባል ማራቶን መሮጥ አይጠበቅብንም በየቀኑ የሚደረግ ትንሽ የአካል ብቃት እንቅስቃሴዎች በቂ ናቸው።

🔹የጨው አጠቃቀማችንን መቀነስ:-

የደም ብዛት ያለባቸው ሰዎች ጨው መጠቀማቸውን ሲያቆሙ የደም ግፊት መጠናቸው ይቀንሳል።

ጨው መጠቀም ም ማቆም የደም ግፊት መጠናችን እንደይጨምር ያደርጋል።

🔹አልኮል መጠጦችን መጠጣት ማቆም ወይም መቀነስ:-

ብዛት ያለው የአልኮል መጠጥ መጠጣት የደም ግፊታችን እንዲጨምር ያደርጋል። የደም ግፊታችንን ለመቀነስ የሚወስድትን የአልኮል መጠን ገደብ ማስቀመጥ ተገቢ ነው።

🔹ጭንቀትን መቀነስ ወይም ማስወገድ:-

ጭንቀት የደም ግፊት መጠናችንን እንዲጨምር ያደርገዋል ከጊዜ ቆይታ በኋላ ለደም ግፊት በሽታ መነሻ አንድ ምክንያት ይሆናል።
〰️➿💕〰️➿💕〰️➿💕〰️➿💕〰️➿💕〰️➿

☑️ የደም ግፊት በሽታን ለመከላከል የሚረዱ ሌሎች የምግብ ይዘቶች። ከእነዚህም መካከል:-

💥ፖታሲየም

በፖታሲየም የበለፀጉ ምግቦች በደም ግፊት በሽታ ከመያዝ ይከላከላሉ። ፖታሲየም ከተለያዮ አትክልትና ፍራፍሬዎች፣ ከእንሰሳት ተዋጽኦዎች እና ከአሳ እናገኛለን።

💥ካልሲየም

አነስተኛ የካልሲየም መጠን የሚጠቀሙ የህብረተሰብ ክፍሎች በደም ግፊት የመያዝ ዕድላቸው ይጨምራል። ካልሲየም ከወተት፣ እርጐና አይብ እናገኝዋለን።

💥ማግኒዚየም

የማግኒዚየም መጠናቸው አነስተኛ የሆኑ ምግቦች መመገብ የደም ግፊት መጠናችንን ይጨምራል።

የጤና ባለሙያዎች እንደሚመክሩት ተጨማሪ ማግኒዚየም የደም ግፊትን ለመከላከል ወይም ለመቀነስ መውሰድ አይመከርም፤ ምክንያቱም ከመደበኛ ምግባችን የምናገኝው በቂ ስለሆነ።

💥የአሳ ዘይት

ኦሜጋ 3 ፋቲ አሲድ የምናገኝው ከአሳ ሲሆን የደም ግፊትን በመከላከል ይረዳናል።

💥ነጭ ሽንኩርት

የደም ግፊት መጠንን እና ኮሌስትሮልን በማስተካከል ረገድ ከፍተኛ ሚናን ይጫዎታል። በተጨማሪም የካንሰር በሽታን ይከላከላል።

መልካም ጤንነት!!

ለበለጠ የጤና መረጃ:

https://t.me/Medicalandspiritual

24/05/2023

ሄፓታይተስ ቢ ቫይረስ - ድምፅ አልባው ገዳይ በሽታ

☑️ የሄፓታይተስ ቢ ቫይረስ ምንነት

ሄፒታይተስ ከጉበት ኢንፍላሜሽን ጋር ተያይዞ የሚመጣ ሲሆን፤ ከኤድስና ከቲቢ በሽታዎች የበለጠ ገዳይ እንደሆነ በስፋት ይነገርለታል።

የሄፓታይተስ በሽታ አይነቶች ብዙ ሲሆኑ፤ እንደ:- ሄፒታይተስ ቢ ሁሉ ሌሎችም አይነቶች አሉት። ሄፓታይተስ ኤ፣ ቢ፣ ሲ፣ ዲ እና ኢ ይገኙበታል።

በአጠቃላይ የሄፓታይተስ በሽታ በኬሚካሎች፣ አደንዛዥ እጾች በመጠቀም እና ከመጠን በላይ የአልኮል መጠጥ በመጠጣት ወይም በቫይረስ ሊመጣ ይችላል። ሄፓታይተስ ቢ የሚመጣው በሄፓታይተስ ቢ ቫይረስ ነው።

☑️ የበሽታው ምልክቶች

ብዙ ሰዎች በሄፓታይተስ ቢ ሲያዙ መጀመሪያ ምንም ዓይነት ምልክት አያሳዩም፤ ከእነዚህም መሃል አንዳንዶቹ ከብዙ ዓመታት በኋላ ጉበታቸው ይጎዳል ወይም የጉበት ካንሰር ይይዛቸዋል። እንደነዚህ ዓይነት ሰዎች የቫይረሱ “ተሸካሚ" የሚባሉ ሲሆን፤ ቫይረሱን ወደ ሌላ ጤነኛ ሰው ማስተላለፍ ይችላሉ።

👉 የበሽታው ምልክቶች የሚከተሉትን ያካትታል:-

🔹 የቆዳ እና ዓይን ቢጫ መሆን (ጃውንዲስ በመባል ይታወቃል)
🔹 የሽንት መጥቆር
🔹 የፊት መገርጣት
🔹 የድካም ስሜት
🔹 የሆድ ህመም
🔹 የምግብ ፍላጎት መቀነስ
🔹 ማቅለሽለሽና ማስመለስ
🔹 የመጋጠሚያ (የአንጓ) ህመም ናቸው።

☑️ አንድ ሰው በሄፓታይተስ ቢ እንዴት ሊያዝ ይችላል?

የሄፓታይተስ ቢ ቫይረስ በበሽታው በተያዘ ሰው ደም፣ ጉበት እና የሰውነት ፈሳሽ ውስጥ ይገኛል። ሄፓታይተስ ቢ ተሸካሚ የሆነች አንድ ሴት ወይም እናት በእርግዝናዋ ወቅት ወይም በወሊድ ጊዜ ቫይረሱን ወደ ሕፃኑ ልጅ ልታስተላልፍ ትችላለች። በአውስትራሊያ ውስጥ ሕፃናት በሙሉ ከተወለዱ በኋላ የሄፓታይተስ ቢ ክትባት ይሰጣቸዋል።

☑️ የሄፓታይተስ ቢ ቫይረስ እንዴት ይሰራጫል?

🔸 ንጹሕ ባልሆኑ የመርፌ መውጊያ መሳሪያዎች፣ በቀዶ ጥገና ሕክምና ወቅት፣ ጥርስ በሚነቀልበት ሂደት ውስጥ ወይም በንቅሳት (Tattoo) ጊዜ።
🔸 የሄፓታይተስ ቢ ቫይረስ ያለው የሰው ደም ሲሰጥዎት። በብዙ አገራት ለሰዎች የሚሰጥ ማንኛውም ደም (Blood transfusion) ከሄፓታይተስ ቢ ቫይረስ ነፃ ለመሆኑ ምርመራ ይደረግለታል።
🔸 ሄፓታይተስ ቢ ያለው ሰውን እቃዎች ለምሳሌ ምላጩንና የጥርስ ብሩሹን (ደም ያለበት ሊሆን ይችላል) በመጠቀም።
🔸 ሄፓታይተስ ቢ ካለው ሰው ጋር ያለኮንዶም የግብረ ስጋ ግንኙነት ማድረግ ለበሽታው ስርጭት አስተዋጽዎ ያደርጋሉ።

☑️ የሄፓታይተስ ቢ ቫይረስ ምርመራ

🍀 ከዚህ ቀደም የሄፓታይተስ ቢ ቫይረስ ይዞዎት እንደሆነ በደም ምርመራ ለማወቅ ይቻላል።
🍀 የደም ምርመራው ቫይረሱ ከሰውነትዎ ውስጥ ሙሉ በሙሉ ተወግዶ እንደሆነ ያሳያል። ቫይረሱ ከሰውነትዎ ውስጥ ሙሉ በሙሉ የተወገደ ቢሆንም የሄፓታይተስ ቢ አንታይ-ቦዲስ (በሽታ እንዳይዘን የሚዋጉ ፕሮቲኖች) በሰውነትዎ ውስጥ ይገኛሉ።
🍀 ምርመራው እስካሁን የሄፓታይተስ ቢ ተሸካሚ መሆንዎትን ካረጋገጠ ዶክተርዎ በድጋሚ እንዲመረመሩ ያዛል ወደ ስፔሻሊስት ዶክተሮች ክሊኒክ እንዲሄዱም ይጽፍልዎታል።

☑️ የሄፓታይተስ ቢ በሽተኛ ከሆኑ የሚከተሉትን በማድረግ ህመምዎን ማስታገስ ይችላል:-

🦋 አልኮል መጠጦችን መጠጣት ያቁሙ
🦋 የተመጣጠኑ እና ፋት ያልበዛባቸውን ምግቦች ይመገቡ
🦋 ሳያቋርጡ መደበኛ የአካል ብቃት እንቅስቃሴ ማድረግ
🦋 በሚደክምዎት ጊዜ እረፍት ማድረግ።

☑️ የሄፓታይተስ ቢ ቫይረስ መከላከያ መንገዶች

አንድ ሰው ሄፓታይተስ ቢ እንዳይዘው ምን ማድረግ ይኖርበታል?

💎 ከአዲስ የተቃራኒ ጾታ ጓደኛ ወይም የሄፓታይተስ ቢ ክትባት ካለወሰደ ሰው ጋር የግብረ ስጋ ግንኙነት ሲፈጽሙ ሁል ጊዜ ኮንዶም ይጠቀሙ።
💎 መርፌዎች፣ ስሪንጆች ወይም አደንዛዥ እፅ መወጊያ ወይም መውሰጃ መሳሪያዎችን ከሌሎች ሰዎች ጋር በመጋራት አይጠቀሙ።
💎 የጥርስ ብሩሽ ወይም ምላጭ ከሌሎች ጋር በመጋራት አይጠቀሙ።
💎 መከላከያ ከሌለዎት የሄፓታይተስ ቢ ቫይረስ ክትባት ይውስዱ፤ የሄፓታይተስ ቢ ቫይረስ ካለበት ሰው ጋር አብረው የሚኖሩ ሰዎች የሄፓታይተስ ቢ ክትባትን ማግኘት ይኖርባቸዋል።
💎 የቫይረሱ ተሸካሚ ከሆኑ እናቶች የሚወለዱ ሕፃናት፤ ከተወለዱ በኋላ ሄፓታይተስ ቢ ኢሚኖግሎፕሊን መርፌ በመወጋት ተጨማሪ መከላከያ እንዲያገኙ ይሰጣቸዋል።

መልካም ጤንነት!!

ለበለጠ የጤና መረጃ:

https://t.me/Medicalandspiritual

16/05/2023

የሀሞት ጠጠር | Gallstones

የሐሞት ጠጠር በሐሞት ከረጢትህ ውስጥ የሚፈጠረው የምግብ መፍጫ ፈሳሽ የጠጠረ (የጠነከረ) ክምችት ነው። የሐሞት ከረጢት ከሆድ በስተቀኝ በኩል ከጉበት በታች የምትገኝ ትንሽ የፒር-ቅርጽ (Pear-shaped) ያለው አካል ነው። የሐሞት ከረጢት ወደ ትንሹ አንጀትዎ ውስጥ የሚለቀቀውን ሀሞት የሚባል የምግብ መፍጫ ፈሳሽ ይይዛል።

የሃሞት ጠጠር መጠናቸው ከትንሽ የአሸዋ ቅንጣት እስከ ትልቅ የጎልፍ ኳስ ያክላል። አንዳንድ ሰዎች አንድ የሐሞት ጠጠር ብቻ ሲኖራቸው፣ ሌሎች ደግሞ ብዙ የሐሞት ጠጠርን በአንድ ጊዜ ይፈጠርባቸዋል።

ከሐሞት ጠጠሮቻቸው ምክንያት የሚመጡ ምልክቶችን የሚያዩ ሰዎች አብዛኛውን ጊዜ ሐሞትን የማስወገድ ቀዶ ጥገና ያስፈልጋቸዋል። ምንም አይነት ምልክቶች የማያስከትል የሃሞት ጠጠር ያለባቸው ሰዎች ህክምና አያስፈልጋቸውም።

✅ ምልክቶች | Symptoms

የሐሞት ጠጠር ምንም ዓይነት የበሽታውን መገለጫ ወይም ምልክት ላያመጣ ይችላል። የሐሞት ጠጠር ወደ ቱቦ ውስጥ ከገባ እና መዘጋት የሚያመጣ ከሆነ፤ የሚያስከትሉት ምልክቶች የሚከተሉትን ሊያካትቱ ይችላሉ:-

🔸በሆድዎ የላይኛው ቀኝ ክፍል ላይ ድንገተኛ እና በፍጥነት እየጨመረ የሚሄድ ህመም
🔸ድንገተኛ እና በፍጥነት የሚጠነክር ህመም በሆድዎ መሃል ላይ፤ ልክ ከጡትዎ አጥንት ትንሽ ዝቅ ብሎ
🔸በትከሻዎ መገጣጠሚያ አጥንት መካከል ያለ የጀርባ ህመም
🔸በቀኝ ትከሻዎ ላይ የህመም ስሜት መሰማት እና
🔸ማቅለሽለሽ ወይም ማስመለስ ናቸው።

የሃሞት ጠጠር ህመም ከብዙ ደቂቃዎች እስከ ጥቂት ሰዓታት ሊቆይ ይችላል።

✅ መንስኤዎች | Causes

የሐሞት ጠጠር እንዲፈጠር የሚያደርገው ምን እንደሆነ ግልጽ አይደለም። ዶክተሮች የሐሞት ጠጠር በሚከተለው ጊዜ ሊከሰት ይችላል ብለው ያስባሉ:-

💎 የእርስዎ ሃሞት በጣም ብዙ ኮሌስትሮል ሲይዝ:-

በተለምዶ፤ የእርስዎ ሐሞት ከጉበት የሚወጣውን ኮሌስትሮል ለማሟሟት በቂ ኬሚካሎችን ይይዛል። ነገር ግን ጉበትዎ ሃሞት ሊያሟሟው ከሚችለው በላይ ኮሌስትሮል ካወጣ (ከለቀቀ)፤ ትርፉ ኮሌስትሮል ወደ ክሪስታል ይቀየርና በመጨረሻም ጠጠር ሊፈጥር ይችላል።

💎የእርስዎ ሃሞት በጣም ብዙ ቢሊሩቢን ሲይዝ:-

ቢሊሩቢን ሰውነትዎ ቀይ የደም ሴሎችን ሲሰባብር የሚፈጠር ኬሚካል ነው። አንዳንድ ሁኔታዎች ጉበትዎ በጣም ብዙ ቢሊሩቢን እንዲፈጥር ያደርጉታል፤ የጉበት ሲርሆሲስ፣ ባይላሪ ትራክት ኢንፌክሽኖች እና የተወሰኑ የደም እክሎች ይገኙበታል። ከመጠን በላይ የሆነው ቢሊሩቢን ለሐሞት ጠጠር መፈጠር አስተዋጽኦ ያደርጋል።

💎 የሐሞት ፊኛዎ በትክክል ባዶ አለመሆን:-

የሐሞት ከረጢትዎ ሙሉ በሙሉ ባዶ ካልሆነ ወይም ብዙ ጊዜ በቂ ካልሆነ፤ ሐሞት በከፍተኛ መጠን ሊከማች ይችላል። ይህም ለሐሞት ጠጠር መፈጠር አስተዋጽኦ ያደርጋል።

✅ የሐሞት ጠጠር ዓይነቶች | Types of Gallstones

በሐሞት ፊኛ ውስጥ ሊፈጠሩ የሚችሉ የሃሞት ጠጠር ዓይነቶች የሚከተሉትን ያካትታሉ:-

1️⃣ የኮሌስትሮል ሃሞት ጠጠር | Cholesterol Gallstones

የኮሌስትሮል ሃሞት ጠጠር ተብሎ የሚጠራው በጣም የተለመደው የሃሞት ጠጠር አይነት ብዙ ጊዜ ቢጫ ቀለም ይኖረዋል። እነዚህ የሃሞት ጠጠሮች በዋናነት ያልሟሙ ኮሌስትሮል ናቸው፤ ነገር ግን ሌሎች አካላትን ሊይዙ ይችላሉ።

2️⃣ ባለ ቀለም የሃሞት ጠጠር | Pigment Gallstones

እነዚህ ጠቆር ያለ ቡናማ ወይም ጥቁር ጠጠሮች የሚፈጠሩት የእርስዎ ሃሞት ብዙ ቢሊሩቢን ሲይዝ ነው።

✅ የአደጋ መንስኤዎች | Risk Factors

የሃሞት ጠጠርን የመጋለጥ እድልን የሚጨምሩ ምክንያቶች የሚከተሉትን ያካትታሉ:-

🔹ሴት መሆን
🔹ዕድሜ 40 ወይም ከዚያ በላይ መሆን
🔹ኔቲቭ አሜሪካዊ መሆን
🔹የሜክሲኮ ተወላጅ ሂስፓኒክ መሆን
🔹ከመጠን ያለፈ ክብደት ወይም ውፍረት
🔹አብዛኛውን ጊዜ ተቀምጦ ማሳለፍ
🔹እርጉዝ መሆን
🔹ከፍተኛ ቅባት (ፋት) ያለው ምግብ መመገብ
🔹ከፍተኛ የኮሌስትሮል ይዘት ያላቸውን ምግቦች መመገብ
🔹ዝቅተኛ የፋይበር ይዘት ያላቸውን ምግቦች መመገብ
🔹የሃሞት ጠጠር ያለበት የቤተሰብ አባል መኖር
🔹የስኳር በሽታ ካለብዎት
🔹እንደ ሲክል ሴል አኒሚያ ወይም ሉኪሚያ ያሉ አንዳንድ ከደም ጋር የተያያዙ በሽታዎች መኖር
🔹በጣም በፍጥነት ክብደት መቀነስ
🔹ኢስትሮጅንን የያዙ በአፍ የሚወሰዱ የእርግዝና መከላከያዎች ወይም የሆርሞን ቴራፒ መድኃኒቶችን መውሰድ
🔹የጉበት በሽታ መኖሩ ለሃሞት ጠጠር የመጋለጥ እድላችንን ከፍ ያደርጋሉ።

✅ መከላከያ መንገዶች | Prevention

የሚከተሉትን ካደረጉ የሃሞት ጠጠር አደጋን መቀነስ ይችላሉ።

▪️የምግብን ሠዓት አይዝለሉ:- በየቀኑ የተለመደውን የምግብ ሰዓትዎን ለማስጠበቅ ይሞክሩ። ምግብን (የምግብ ገበታ ሠዓትን) መዝለል ወይም መጾም የሃሞት ጠጠርን ይጨምራል።

▪️ክብደትዎን ቀስ በቀስ ይቀንሱ:- ክብደት መቀነስ ከፈለጉ ቀስ በቀስ ይቀንሱ። በፍጥነት ክብደት መቀነስ የሃሞት ጠጠር አደጋን ይጨምራል። በሳምንት 1 ወይም 2 ፓውንድ (ከ0.5 እስከ 1 ኪሎ ግራም አካባቢ) ለመቀነስ ያስቡ።

▪️ብዙ ፋይበር የያዙ ምግቦችን ይመገቡ:- በምግብ ገበታዎ ውስጥ እንደ:- ፍራፍሬ፣ አትክልት እና እህሎች ያሉ በፋይበር የበለጸጉ ምግቦችን ያካትቱ።

▪️ጤናማ የሰውነት ክብደትን ይኑርዎ:- ከመጠን ያለፈ የሰውነት ክብደት እና ከመጠን በላይ መወፈር የሃሞት ጠጠርን የመጋለጥ እድልን ይጨምራል።

የሚበሉትን የካሎሪዎች መጠን በመቀነስ እና የሚያደርጉትን የአካል ብቃት እንቅስቃሴን በመጨመር ጤናማ ክብደት እንዲኖርዎት ይትጉ።

ክብደትዎን ካስተካከሉ በኋላ ጤናማ አመጋገብን በመከተል እና የአካል ብቃት እንቅስቃሴ መሥራትዎን በመቀጠል ያንን ክብደት ለመጠበቅ ይስሩ።

✅ ምርመራ | Diagnosis

የሃሞት ጠጠርን እና የሃሞት ጠጠርን ውስብስብነት ለመመርመር የሚያገለግሉ ሙከራዎች እና ሂደቶች፡-

💧የሆድ አልትራሳውንድ:- ይህ ምርመራ የሃሞት ጠጠር ምልክቶችን ለመፈለግ በብዛት ጥቅም ላይ የሚውለው ነው። የሆድ አልትራሳውንድ ትራንስዱስተር መሳሪያን በጨጓራዎ አካባቢ ወደ ኋላ እና ወደ ፊት ማንቀሳቀስን ያካትታል። ትራንስዱሰር ምልክቶችን (signals) ወደ ኮምፒውተር ይልካል፤ ይህም በሆድዎ ውስጥ ያሉትን መዋቅሮች የሚያሳዩ ምስሎችን ይፈጥራል።

💧ኤንዶስኮፒክ አልትራሳውንድ (EUS):- ይህ ምርመራ በሆድ አልትራሳውንድ ምርመራ ጊዜ ሳይታዩ ያመለጡ ትናንሽ ጠጠሮችን ለመለየት ይረዳል።
cholangiopancreatograph! በ EUS ጊዜ ሐኪምዎ ቀጭን፣ ተጣጣፊ ቱቦ ያልፋል
(ኢንዶስኮፕ) በአፍዎ እና በምግብ መፍጫ ቱቦዎ በኩል። በቧንቧ ውስጥ ያለ ትንሽ የአልትራሳውንድ መሳሪያ (ትራንስዳይተር) በአካባቢው ሕብረ ሕዋሳት ላይ ትክክለኛ ምስል የሚፈጥር የድምፅ ሞገዶችን ይፈጥራል.

💧ሌሎች የምስል ምርመራዎች:- ተጨማሪ ምርመራዎች ኦራል ኮሌክሲስቶግራፊ፣ ሄፓቶባይላሪ ኢሚኖዳይአሲቲክ አሲድ (HIDA) ስካን፣ ኮምፕዩተራይዝድ ቲሞግራፊ (ሲቲ)፣ ማግኔቲክ ሬዞናንስ ቾላንጂዮፓንክረራቶግራፊ (MRCP) ወይም endoscopic retrograde cholangiopancreatography (ERCP) ሊያካትቱ ይችላሉ።

💧የደም ምርመራ:- የደም ምርመራ በሐሞት ጠጠር ምክንያት የሚመጡ ኢንፌክሽኖችን፣ ጃውንዲስ፣ የጣፊያ በሽታን ወይም ሌሎች ችግሮችን ሊያሳዩ ይችላሉ።

✅ ሕክምና | Treatment

አብዛኞቹ የሐሞት ጠጠር ያለባቸው ነገር ግን የሕመም ምልክቶች የማይታይባቸው ሰዎች ሕክምና አያስፈልጋቸውም በህመም ምልክቶችዎ እና በምርመራው ውጤት ላይ በመመርኮዝ የሐሞት ጠጠር ህክምና እንደሚያስፈልግዎ ዶክተርዎ ይወስናል።

የሐሞት ጠጠር ሕክምና አማራጮች የሚከተሉትን ያካትታሉ:

🏮የሃሞት ከረጢትን ለማስወገድ የሚደረግ ቀዶ ጥገና (cholecystectomy)

የሐሞት ጠጠር ብዙ ጊዜ በተደጋጋሚ ስለሚከሰት (ስለሚያገረሽ) ዶክተርዎ የሃሞት ከረጢትን ለማስወገድ ቀዶ ጥገና እንደሚያስፈልግዎ ሊጠቁምዎት ይችላል።
የሃሞት ከረጢት አንዴ ከተወገደ በሃሞት ከረጢት ውስጥ ከመከማቸት ይልቅ ሃሞት በቀጥታ ከጉበት ወደ ትንሹ አንጀት ይፈስሳል።

ለመኖር የሐሞት ከረጢት አያስፈልጎትም፤ እናም የሀሞት ከረጢት መወገድ ምግባችንን የመፍጨት አቅማችንን አይጎዳውም፤ ነገር ግን ተቅማጥ ሊያመጣ ይችላል። ይህም አብዛኛውን ጊዜ ጊዜያዊ ነው።

🏮የሐሞት ጠጠርን የሚያሟሙ መድኃኒቶች

በአፍ የሚወሰዱ መድሃኒቶች የሃሞት ጠጠርን ለማሟሟት ይረዳሉ። ነገር ግን የሐሞት ጠጠርዎን በዚህ መንገድ ለማሟሟት ለወራት ወይም ለዓመታት ሕክምና መውሰድ ሊያስፈልግዎ ይችላል። ህክምናው በመሃል ከተቋረጠ የሃሞት ጠጠር እንደገና ሊፈጠር ይችላል።

አንዳንድ ጊዜ መድሃኒቶች አይሰሩም። የሐሞት ጠጠር መድኃኒቶች በብዛት ጥቅም ላይ የማይውሉ እና የቀዶ ጥገና ማድረግ ለማይችሉ ሰዎች አገልግሎት ላይ የሚውሉ ብቻ ናቸው።

መልካም ጤንነት!!

ለበለጠ የጤና መረጃ:

https://t.me/Medicalandspiritual

Medical and spiritual

24/11/2023

27/06/2023

30/05/2023

24/05/2023

16/05/2023

Address

Telephone

Website

Alerts

Shortcuts

Share

Category