Dire Dawa University Teaching and Referral Hospital

22/10/2025

02/09/2025

የድሬዳዋ ዩኒቨርሲቲ ማስተማሪያና ሪፈራል ሆስፒታል የክረምት በጎ ፈቃድ ህክምና በአስተዳደሩ የገጠር ወረዳዎች በመገኘት አገልግሎት መስጠቱን አጠናክሮ ቀጥሏል።
=====================================

በዛሬ ዕለትም በድሬዳዋ አስተዳደር ገጠር ማህበረሰብ በአሳሊሶ ወረዳ፣ከወረዳ ሃላፊዎች ጋር በመነጋገር ሰፊውን ማህበረሰብ አገልግሎቱን እንዲያገኙ በማድረግ፣ ሁሉም ጤና ባለሞያዎችን በሳተፍ መልኩ የክረምት በጎ ፈቃድ ህክምና አገልግሎት ተሰጥቷል።

ሆስፒታሉ በድሬዳዋ ከተማ የተለያዩ ኣካባቢዎች በመዘዋወር አንዲሁም ጊዜያዊ የምርመራ ጣቢያዎችን በማዘጋጀት በርካታ ነዋሪዎችን ተደራሽ ያደረገ የህክምና ምርመራ አና የምክር አገልግሎት አየሰጠ ሲሆን ይህንኑ አገልግሎት ለገጠሩ ማህበረሰብም መስጠቱን ቀጥሏል። ሆስፒታሉ በቀጣይም ሌሎች አካባቢውችንም ተደራሽ ለማድረግ የጤና አገልግሎት ለመስጠት አቅዷል።

30/08/2025

በድሬዳዋ ዩኒቨርሲቲ ማስተማሪያና ሪፈራል ሆስፒታል የክረምት በጎ ፈቃድ ህክምና አገልግሎት ተጠናክሮ ቀጥሏል።

በዛሬ ዕለትም በድሬዳዋ አስተዳደር በመልካ ጀብዱ ፣በተለያዪ ቦታዎች በተጠናከረ መልኩ ሁሉን ጤና ባለሞያዎች በማሳተፍ የክረምት በጎ ፈቃድ ህክምና አገልግሎት እየተሰጠ ይገኛል።

17/08/2025

በድሬዳዋ ዩኒቨርሲቲ ማስተማሪያና ሪፈራል ሆስፒታል የክረምት በጎ ፈቃድ ህክምና አገልግሎት ተጠናክሮ ቀጥሏል።

በዛሬ ዕለትም በአሰገደች አራጋዊያን መርጃ ማዕከልና በተለያዩ ቦታዎች የክረምት በጎ ፈቃድ ህክምና አገልግሎት እየተሰጠ ይገኛል።

03/08/2025

በድሬዳዋ ዩኑቨርሲቲ ማስተማሪያና ሪፈራል ሆስፒታል የክረምት በጎ ፈቃድ ህክምና አገልግሎት ተጠናክሮ ቀጥሏል።
==========================================
በዛሬ ቀን ይሄንን የስራ ሂደት ለመከታተል የመጡት የጤና ሚንስቴር የህምና አገልግሎት ዋና ስራ አስፈጻሚ የሆኑት ዶ/ር ኢሉባቦር ቡኖ በድሬዳዋ ዪኒቨርሲቲ ማስተማሪያና ሪፈራል ሆስፒታል እየተሰሩ ያሉ የክረምት በጎ ፈቃድ የህክምና አገልግሎት ተዘዋውሮ ተመልክተዋል። በምልከታቸው ወቅት በተለያዩ ቦታዎች እየተሰሩ ያሉ ስራዎች በማድነቅ ተጠናክሮ መቀጠል እዳለበት ጠቁሟል።
በመጨረሻም፣ በድሬዳዋ ዩኒቨርሲቲ ማስተማሪያና ሪፈራል ሆስፒታል ጤና ባለሞያዎች፣በድሬዳዋ መቆዲኒያ እየተሰጡ ያለው ህክምና አገልግሎት ጎብኝቷል።

31/07/2025

የድሬዳዋ ዩኒቨርሲቲ ማስተማሪያና ሪፈራል ሆስፒታል የስራ አመራር ቦርድ የ2017 ዓ.ም ዕቅድ አፈጻጸም እና የ2018 ዓ.ም ዕቅድን ገምግሞ አጸደቀ።

ቦርዱ በሐምሌ 24/2017 ዓ.ም ባካሄደው ስብሰባ ላይ በሆስፒታሉ የተለያዩ ጉዳዮች ላይ ተወያይቶ ውሳኔና አቅጣጫ አስቀምጧል። የቦርዱ ሰብሳቢው የብልጽግና ፓርቲ ድሬዳዋ ቅርንጫፍ ጽ/ቤት ሃላፊ እና በምክትል ከንቲባ ማዕረግ የድሬደዋ ከተማ አስተዳደር ምክር ቤት የመንግስት ተጠሪ የሆኑት ክቡር አቶ ኢብራሂም ዩሱፍ የቀረቡ አጀንዳዎችን በስራ አመራር ቦርድ አባላት በማጸደቅ የተለያዩ ጉዳዮች ላይ ተወያይቶ ውሳኔና አቅጣጫ አስቀምጧል።
በዋናነትም የሆስፒታሉ ቺፍ ኤክስኪዩቲቭ ዳይሬክተር የሆኑት ዶ/ር ሁሴን መሀመድ፣ የ2017 ዓ.ም የዕቅድ አፈጻጸምን እና የ2018 ዓ.ም ዕቅድን ለቦርዱ አቅርበው ተገምግሞ ጸድቋል።
በተጨማሪም የሆስፒታሉ ስራ ለማቀላጠፍ የሚያግዝ መመሪያ ቀርቦ እና ተገምግሞ ጸድቋል።
በመጨረሻም የስራ አመራር ቦርዱ የተሰሩ ስራዎች አበረታች መሆኑን ገልጾ ፣ የላቀ የህክምና አገልግሎት እንዲሰጥ ለማስቻል፣ በ2018 ዓ.ም የበጀት ዓመት ትኩረት ሊደረግባቸው በሚገቡ ጉዳዮች ላይ ተወያይቶ አቅጣጫ አስቀምጧል።

25/07/2025

24/07/2025

በድሬዳዋ ዩኒቨርሲቲ ማስተማሪያና ሪፈራል ሆስፒታል የክረምት በጎ ፍቃድ አገልግሎት ስራ ማስጀመሪያ መርሃ ግብር ተካሄዷል።
=========================================

የድሬዳዋ ዩኒቨርሲቲ የ2017 ዓ.ም የክረምት የበጎ ፍቃድ አገልግሎት ማስጀመሪያ መርሃ ግብር በድሬዳዋ ማስተማሪያና ሪፈራል ሆስፒታል የዩኒቨርሲቲው ፕሬዝዳንት ክብርት ዶ/ር ኡባህ አደምን ጨምሮ ከፍተኛ አመራሮች በተገኙበት ተከናውኗል።

የሆስፒታሉ ቺፍ ኤክስኪዩቲቭ ዳይሬክተር ዶ/ር ሁሴን መሀመድ የእንኳን ደህና መጣችሁ ንግግር ያደረጉ ሲሆን፣በዘንድውም የክረምት በጎ ፍቃድ የጤና አገልግሎት ለዪኒቨርሲቲ ሆስፒታሎት ከጤና ሚኒስቴር ኮታ መሰጠቱን ገልጸው በሪፈራል ሆስፒታል ለመስራት የታቀደውን ገለጻ አድገዋል። እንዲሁም የድሬዳዋ ዩኒቨርሲቲ ሪፈራል ሆስፒታሉ ባለፉት ሁለት ዓመታት ለህብረተሰቡ ሰፊ የበጎ ፈቃድ አገልግሎት ሲሰጥ መቆየቱን ገልፀው፣ በዚህ ዓመትም የተሻለ አገልግሎት ለመስጠት ዝግጅት መጠናቀቁን ተናግረዋል።

የዩኒቨርሲቲው የምርምርና ቴክኖሎጂ ሽግግር ም/ፕሬዝዳንት የሆኑት ዶ/ር ተማም አወል በበኩላቸው፣ ዩኒቨርሲቲው በክረምት የበጎ ፈቃድ አገልግሎት ላይ ከፍተኛ ትኩረት ሰጥቶ እንደሚሰራ አመልክተዋል። በዚህ ዓመት ከሚሰጡት የበጎ ፈቃድ አገልግሎቶች መካከል ነጻ የጤና ምርመራ፣ በተላላፊና ተላላፊ ባልሆኑ በሽታዎች ላይ ያተኮረ የጤና ትምህርት፣ የደም ልገሳ፣ የትምህርት ቤት እድሳት፣ ድጋፍ ለሚሹ ተማሪዎች የትምህርት ቁሳቁስ ድጋፍ፣ የችግኝ ተከላ እና የአቅመ ደካማ ቤቶች እድሳት እንደሚገኙበት ገልፀው፣ የምርምርና ቴክኖሎጂ ሽግግር ም/ፕሬዝዳንት ጽህፈት ቤት ሁሉን አቀፍ ድጋፍ እንደሚያደርግ ቃል ገብተዋል።

የዩኒቨርሲቲው ፕሬዝዳንት ክብርት ዶ/ር ኡባህ አደም በመክፈቻ ንግግራቸው፣ የዚህ ዓመት የበጎ ፈቃድ አገልግሎት ከቀደሙት ጊዜያት በተለየ መልኩ ሁሉንም የህብረሰብ ክፍል ተደራሽ በሚያደርግ መልኩ እንዲሆን መልዕክት አስተላልፈዋል። አክለውም አገልግሎቱ በተሻለ መንገድ እንዲሰጥ ሁሉም የሚመለከታቸው ቢሮዎች በትብብርና በተደራጀ መልኩ በመስራት ከባለፈው ዓመት በላይ ለብዙ የህብረተሰብ ክፍሎች ተደራሽ እንዲሆን አሳስበዋል። በመጨረሻም ነጻ የጤና ምርመራ፤ የደም ልገሳ እና ችግኝ ተከላ በማድርግ የዕለቱ መርሃ ግብር ተጠናቋል።

16/07/2025

የድሬዳዋ ዪኒቨርሲቲ ማስተማሪያና ሪፈራል ሆስፒታል ተጎበኘ።
===============================
ዛሬ ሐምሌ 9,2017 ዓ.ም፣ የብልፅግና ፓርቲ ም/ፕሬዚዳንትና የዋና ፅ/ቤት ኃላፊ ክቡር አቶ አደም ፋራህ የሚመራ ቡድን ፣ የድሬዳዋ ዪኒቨርሲቲ ማስተማሪያና ሪፈራል ሆስፒታል የስራ እንቅስቃሴ ተዘዋውሮ ጎብኝቷል።

የድሬዳዋ ዪኒቨርሲቲ ማስተማሪያና ሪፈራል ሆስፒታል ቺፍ ኤክስኪዮቲቭ ዳይሬክተር: ዶ/ር ሁሴን መሀመድ እንኳን በደህና መጣችሁ በማለት የሆስፒታሉን የስራ ሂደት ገለጻ አድርጓል። ሆስፒታሉ ስራ ከጀመረ አንድ አመት መሆኑን ጠቅሰው፣ ሆስፒታሉ ሁሉን አቀፍ አገልግሎት የሚሰጥና በምስራቁ አገራችን ክፍል እንዲሁም አጎራባች አገራት ህክምና አገልግሎት መስጠት የሚችል ሪፈራል ሆስፒታል መሆኑን ተናግረዋል።

የብልፅግና ፓርቲ ም/ፕሬዝዳንት እና የዋና ጽ/ቤት ኃላፊ ክቡር አቶ አደም ፋራህ በጉብኝት ወቅት ሆስፒታሉ በሙሉ አቅም ስራ ሲጀምር ለምስራቁ ማህበረሰብ የህክምና አገልግሎት የመስጠት ትልቅ ሚና እንዳለው ተናግሯል። አክሎም ሆስፒታሉ በጤና ዘርፍ ለቀጠናዊ ትስስር ትልቅ ሚና እንዳለው ጠቅሰዋል።

በዛሬው ቀን በሆስፒታል ግቢ ውስጥ፣ከፍተኛ የመንግስት ባለስልጣናት፣ የድሬዳዋ አስተዳደር ካቢኔዎች፣ የድሬዳዋ ዩኒቨርሲቲ ከፍተኛ አመራሮች እና የማስተማሪያና ሪፈራል ሆስፒታሉ ሰራተኞች ችግኝ ተክለዋል።