Adare General Hospital, Hawassa

08/03/2026

የአዳሬ አ/ሆስፒታል ሰራተኞች ሆስፒታሉ በሀገር ዓቀፍ ደረጃ ባገኘው እውቅና መደሰታቸውን ገለጹ።

"መረጃን መሠረት ያደረገ የጤና አገልግሎት አሰጣጥ- Evidence Based Care(EBC)" ሆስፒታላችን ከ2014 ዓ.ም ጀምሮ ሲተገበር የቆየ ሲሆን በዘንድሮ የEHAQ-4TH CYCLE መጨረሻ የመዝጊያ መድረክ ላይ የአዳሬ አጠቃላይ ሆስፒታል ባገኘው ሽልማት እና እውቅና መደሰታቸውን የገለጹት የሆስፒታሉ ሰራተኞች በቀጣይ ለህብረተሰቡ ለሚሰጡት አገልግሎት ከፍተኛ መነሳሳትን እንደፈጠረላቸው ገለጸዋል።

06/03/2026

እንኳን ደስ አላችሁ/አለን🎉🎉 ‼

በሀገር አቀፍ ደረጃ በተዘጋጀው የሆስፒታሎች ጥምረት ለጥራት የሽልማት ስነ ስርዓት ላይ አዳሬ አጠቃላይ ሆስፒታል የዋንጫ፣የሰርተፍኬት እና 2,000,000 ብር ተሸላሚ ሆኗል።

የጤና ሚንስቴር ኢንሼቲቭ የሆነውን "መረጃን መሠረት ያደረገ የጤና አገልግሎት አሰጣጥ- Evidence Based Care(EBC)" ሆስፒታላችን ከ2014 ዓ.ም ጀምሮ ሲተገበር የቆየ ሲሆን በዘንድሮ የEHAQ-4TH CYCLE መጨረሻ ምዘና በብቃት እና በትጋት በማለፍ ተሸላሚ ሆኗል።

ለዚህ ስኬት አስተዋጽኦ ያደረጉትን የሆስፒታላችን ትጉህ ሰራተኞች፤ የክልል ጤና ቢሮ አመራሮች እና ባለሙያዎች፤የሆስፒታሉ ስራ አመራር ቦርድ፤ የሀዋሳ ከተማ ጤና መምሪያ እና የሆስፒታሉን ማኔጅሜንት ከልብ እናመሰግናለን።

እንዲሁም ከክልላችን በሀገር-አቀፍ ደረጃ ተሸላሚ ለነበራቸው ይርጋለም፤ለኩ እና ሞቲቴ ፉራ ሆስፒታሎች እንኳን ደስ አላቸው!!

አዳሬ አጠቃላይ ሆስፒታል:ሲዳማ :ኢትዮጵያ
የካቲት 27-2018

25/02/2026

06/02/2026

የአዳሬ አጠቃላይ ሆስፒታል የሁለተኛ ሩብ ዓመት የሰራተኞች ፎረም አካሄደ።

ጥር 28/2018 አዳሬ አጠቃላይ ሆስፒታል - ሀዋሳ

የአዳሬ አጠቃላይ ሆስፒታል የ2018 የመጀመሪያ አጋማሽ አፈጻጸም ግምገማ እና የሰራተኞች ፎረም ተካሂዷል።

በመድረኩ የሆስፒታሉ የ6 ወራት አፈጻጸም ቀርቦ ሰፊ ውይይት የተደረገ ስሆን በቀጣይ የአዲሱ የሰራተኞች የትርፍ ሰዓት ዲውቲ አከፋፈል ላይ በወጣው መመሪያ ላይ ሰፋ ያለ ገለጻ ተደርጓል።
በመድረኩ አዝናኝ እና አስተማሪ የጥያቄ እና መልስ ውድድሮች በሰራተኞች መካከል ተካሂዶ አሸናፊዎች ሽልማት ተቀብለዋል።
የፎረሙን መድረክ የመሩት የሆስፒታሉ ስራአስኪያጅ አቶ ዘነበ ቱርጨ ባለፉት 6 ወራት የነበረን አመርቂ አፈጻጸም በማስቀጠል መሻሻል ያለባቸው ነጥቦች ላይ አጽንኦት ተሰጥቶት መሰራት እንዳለበት ጠቁመዋል።
በአዲሱ ማስፋፊያ ህንጻን በከፊል ስራ መጀመሩን እና በቀጣይ ሙሉ ለሙሉ አገልግሎት ለማስጀመር ማነቆ የሆነውን ሊፍት ለማስገባት ጨረታ ለ2ኛ ዙር መውጣቱን አንስተው በአጭር ጊዜ ውስጥ ተጠናቆ አገልግሎት ለማስጀመር የህክምና መገልገያ መሳሪያዎች እና የፈርኒቸር ቁሳቁሶችን የማፈላለግ ስራ እየተሠራ እንደሆነም አክለው አንስተዋል።

አዳሬ አጠቃላይ ሆስፒታል ጥር 2018 ሀዋሳ።

23/01/2026

የአዳሬ አጠቃላይ ሆስፒታል የሁለተኛ ሩብ ዓመት የህዝብ ፎረም አካሄደ።

ጥር 15/2018 አዳሬ አጠቃላይ ሆስፒታል - ሀዋሳ

የአዳሬ አጠቃላይ ሆስፒታል የ2018 የመጀመሪያ አጋማሽ አፈጻጸም ከህብረተሰቡ በተወጣጡ ተወካዮች አስገምግሟል። ሆስፒታሉ በየሶስት ወሩ በአገልግሎት አሰጣጥ ዙሪያ ከህብረተሰቡ ጋር ጠንካራ ጎኖቹን እያጠናከረ መሻሻል ባለባቸው ጉዳዮች እየመከረ በለውጥ ጎዳና ላይ ይገኛል።
የሆስፒታሉ የ6 ወራት ዋና ዋና አፈጻጸሞች;-
*በተመላላሽ ህክምና አገልግሎት ያገኙ 92,481
*በድንገተኛ ህክምና አገልግሎት 18,460
*ዋና የቀዶ ህክምና አገልግሎት ያገኙ 1,487
*የወሊድ አገልግሎት 1,353 አንዲሁም በተኝቶ ህክምና 3,521፤ በእስፔሻሊቲ አገልግሎት እና በሌሎችም ከእቅድ አንጻር የተሻለ አፈጻጸም እንደተመዘገበ ተመልክቷል።

ከዝህም ባለፈ አዲሱ የማስፋፊያ ህንጻ በከፊል አገልግሎት መጀመሩ እና መንግስት ሆስፒታሉን ሙሉ ለሙሉ ለማጠናቀቅ የሰጠውን ትኩረት ተሳታፊዎች በታላቅ ደስታ አንስተዋል።

ውይይቱን የሀዋሳ ከተማ አስ/ጤና መምሪያ የህክምና አገልግሎት ዳይሬክተር አቶ ወ/ሰንበት ዳንኤል እና የሆስፒታሉ ሜዲካል ዳይሬክተር ዶ/ር ጻዲቁ ጌታቸው የመሩ ሲሆን ከህብረተሰቡ ለተነሱ ጥያቄዎች ምላሽ ስጥተዋል።

በመጨረሻም የሆስፒታሉ ማስፋፊያ ግንባታ በመጠናቀቁ የህክምና ቁሳቁስ የሚሟላበት ሂዴት ላይ ህብረተሰቡ ተሳትፎ የሚያደርግበት አሰራርን እንዲዘረጋ ገንቢ ሀሳብ ተነስቷል።

አዳሬ አጠቃላይ ሆስፒታል ጥር 2018 ሀዋሳ።

07/01/2026

የገና በዓልን በስራ ገበታቸው ሆነው አገልግሎት እየሰጡ ያሉ የሆስፒታሉ ትጉህ ሰራተኞች።

የሆስፒታሉ ስራአስኪያጅ እና ማኔጀመንት አባላት በዓልን በስራ ገበታቸው ተገኝተው አገልግሎት እየሰጡ የሚገኙ ትጉህ ሰራተኞችን አበረታተዋል።

አዳሬ ጠቅላላ ሆስፒታል: ታህሳስ 29/2018 ሀዋሳ።

06/01/2026

የአዳሬ ጠቅላላ ሆስፒታል የገና በዓልን ምክንያት በማድረግ ማእድ የማጋራት ስነ-ስርዓት አከናወነ።

ሆስፒታሉ ከዝህ ቀደም እንደሚያደርገው ህዝባዊ እና ሀይማኖታዊ በዓላትን ምክንያት በማድረግ አነስተኛ ገቢ ላላቸው ሰራተኞች ማእድ የማጋራት መርሀ-ግብርን አከናውኗል።

በመርሀ-ግብሩ ላይ የተገኙት የሀዋሳ ከተማ አስተዳደር ጤና መምሪያ ሀላፊ አቶ ይርዳቸው አናቶ ይህ ማእድ የማጋራት ተግባር ያለንን በጋራ ተካፍሎ ከመመገብ በላይ ቤተሰባዊ አንድነትንና ኢትዮጵያዊ እሴት የሚያጎለብት እንደሆነ አንስተው ለመላው የክርስትና እምነት ተከታዮች የእንኳን አደረሳችሁ መልእክት አስተላልፈዋል።
የሆስፒታሉ ስራአስኪያጅ አቶ ዘነበ ቱርጬ በበኩላቸው አነስተኛ ገቢ ያላቸው ሰራተኞች በዓሉን ከሌሎች ሰራተኞች ጋር በጋራ ያለንን በመከፋፈል ማክበራችን የስራ ተነሳሽነትን እንደሚጨምር አንስተው የእንኳን አደረሳችሁ መልእክት አስተላፈዋል።

አዳሬ አጠቃላይ ሆስፒታል-ሀዋሳ: ታህሳስ 28/2018

29/12/2025

በአዳሬ አጠቃላይ ሆስፒታል አዘጋጅነት ስደረግ የነበረው የ100 ቀናት እቅድ አካል የሆነው የደም ልገሳ ዘመቻ ተጠናቀቀ።

ላለፉት ቀናቶች በከተማችን በፒያሳ እና አቶቴ ዋርካ አከባቢዎች ስካሄድ የነበረው የደም ልገሳ ዘመቻ ላይ ህብረተሰቡ ስላደረገው ተሳትፎ እና ውድ የሆነውን ክቡር ስጦታ ለለገሱ ደም ለጋሾች ሆስፒታሉ ልባዊ የሆነ ምስጋና ያቀርባል።

እንድሁም ዘመቻውን ስያስተባብሩ ለነበሩት የላቦራቶሪ እና የMCC አባላት ምስጋና ያቀርባል።

ታህሳስ 2018 አዳሬ አጠቃላይ ሆስፒታል -ሀዋሳ

27/12/2025

የአዳሬ አጠቃላይ ሆስፒታል የ100 ቀናት እቅድ ላይ የግንዛቤ ማስጨበጫ መርሀ-ግብር አካሄድ።

አዳሬ ጠቅላላ ሆስፒታል፤ ታህሳስ 18/2018

የእቅድ መርሀ-ግብር ላይ የሆስፒታሉ ማኔጅመንት፤ የዘርፍ አስተባባሪዎች እና ሰራተኞች የተሳተፉ ስሆን በተመረጡ 100 ቀናት እቅድ የትኩረት አቅጣጫዎች ላይ ማለትም;- የእናቶችና የህጻናት አገልግሎት ፤ የቀዶ-ህክምና፤ Accreditation, የመድኃኒት እና የላቦራቶሪ ምርመራ አቅርቦት ፤ HCF, ጽዱ ተቋም ፤ ስፔሻሊቲ አገልግሎቶች እና አዲሱ የማስፋፊያ ህንጻን አገልግሎት ማስጀመር ዋነኛ ስሆኑ ጎን ለጎን የተገልጋይ እርካታን ከፍ ማድረግ ልዩ ትኩረት ተሰጥቷል።

እቅዱ ግብ እና የድጋፍና ክትትል ስርአት ተቀምጦበት የጋራ መግባባት ተደርሶበታል።

ታህሳስ 18/2018 አዳሬ ጠቅላላ ሆስፒታል - ሀዋሳ

26/11/2025

12/11/2025

የጥንቃቄ መልዕክት !!! 😷👂📯🚫

27/10/2025

መልካም ዜና!
ለአይን ህክምና ፈላጊዎች በሙሉ!