22/11/2025
የደቡብ ኣሪ ወረዳ ዋና አስተዳደር ክቡር አቶ ገብሬ ባይስማይ ከደቡብ አሪ ወረዳ የጤና ቦርድ ጋር በልዩ ልዩ እና ወቅታዊ ጉዳዮች ዙሪያ ውይይት አደረገ፦
ህዳር 13/2018 ዓ/ም
ጋዘር
የደቡብ ኣሪ ወረዳ ዋና አስተዳደር ክቡር አቶ ገብሬ ባይስማይ
ከደቡብ አሪ ወረዳ የጤና ቦርድ ጋር በልዩ ልዩ እና ወቅታዊ ጉዳዮች ዙሪያ ውይይት አድርገዋል።
በውይይቱ ወቅት በዋናነት በአራት አጀንዳዎች ሲሆን አንደኛው የጤና ቦርድን ማጠናከር ፣ሁለተኛው የባለሙያዎችን ጥቅማ ጥቅም ማስከበር፣ መድሃንትን ጨምሮ ለህብረተሰቡ በበቂ ሁኔታ የህክምና አገልግሎት ለመስጠት የህክምና ቁሳቁሶችን ማሟላት ያስፈልጋል ተብሏል።
የጤና ቦርድ ማቋቋምና ማጠናከር አስፈላጊነት በየጤና ጣቢያዎች ውስጥ ለሚገጥመን ለየትኛውም የአገልግሎት እጥረትና ችግሮች መፍተሔ አካል ስለሆነ ቦርዱ ትኩረት ሰጥቶ መስራት አለባቸው ተብሏል።ቦርዱም በስም ብቻ ተደራጅቶ የሚቀመጥ ሳይሆን ለህብረተሰባችን ተገቢውን አገልግሎት በመስጠት ማስደሰትና ማርካት ስለሚያስፈልግ የቦርዱ አካል የሆኑትም በቁርጠኝነት ተግቶ መስራት ያስፈልጋል።
ከየጤና ጣቢያ የመጡትም የጤና ጣቢያ ሃላፊዎችም ቦርድ ማቋቀሙን አመስግነው ተጠናክሮ መቀጠል አለብን ብለዋል። ቦርድ ለየትኛውም ተግባር ወሳኝና አስፈላጊ ነው በማለት ነገር ግን በየጤና ጣቢያው ብዙ ችግሮች ወይም እንዳለ አንስቶ ችግሮችን ለመፍታት በቁርጠኝነት መስራት እንዳለባቸው ተስማምተዋል።
ከጥቅማ ጥቅም ጋር ተያይዞ በሁሉም ባለሙያዎች ቅሬታ እንዳላቸውና መንግስት ያገለገሉበትን ጥቅም ብያስከብርላቸው ጥሩ ነው ህብረተሰቡንም በቅንነትና በደስታ እንድያገለግሉ ብደረግ ጥሩ ነው በማለት አሳስበዋል።ከጤና መድህን ጋር ተያይዞው ህብረተሰቡ መዋጮውን በወቅቱና በጊዜ አለማውጣታቸው በበቂ ሁኔታ አገልግሎቱን እንዳያገኙና እኛም አስፈላጊውን አገልግሎት እንዳንሰጥ ማነቆ ሆኗል ብለዋል።
የወረዳው ዋና አስተዳደር ክቡር አቶ ገብሬ ባይስማይም በማጠቃለያው የህዝባችንን ከፍተኛ የመሠረተ ልማት ጥያቄዎች ብኖርም የህይወት ጉዳይ ከምንም በላይ ቅድሚያ የሚሰጡ ተግባር በመሆኑ በተቻለ መጠን በዚህ አመት የባለሙያዎችን ጥቅማ ጥቅም ፣የህኪምና አገልግሎት ቁሳቁሶችን በማሟላት የህዝባችንን መልካም አስተዳደር ጥያቄዎን ለመፍታት በቁርጠኝነት እንሰራለን ብለዋል።በቀጣይም አድሱ የማርበርግ በሽታ ዙሪያ ህዝባችንን የማንቃት ስራ ላይ የጤና ኬላዎች፣ጤና ጣብያዎችና የቀበሌው መዋቅር ጋር ተቀናጅቶ በትኩረት ልሰራ ይገባልም ተብለዋል። የበስተመጨረሻ የተግባርና የሥራ ስምርት በመስጠት ውይይቱ ተጠናቋል።
መረጃው የ ደቡብ አሪ ወረዳ መንግስት ኮሚዩኒኬሽን ነዉ 🙏
