Dr . Ibse Bariso

03/07/2025

Faayidaa Altraasaawundii ( Sonography)
Dubartiin ulfaa (garaachaa ) Maaliif Altiraasaawundii ka'uu qabdi ?
1. Ulfi sun gadaamessa keessa te'uu mirkaneessuuf. Qorannoon fincaanii ulfi jiraachuu mudhisa malee ji'a isaatii fi haala teessuma isaa hin muldhisu.
2. Ji'a ulfaa beekuuf
3. Ulfi fayya - qabeessa ta'uu beekuuf
Ulfi yeroo tokko tokko gadaamessaan alalle te'uu danda'a. Fayya dhabeessalle te'uu danda'a.
4. Haala teessuma daa'imaa beekuuf.
Kanaafuu dubartiin ulfa qabdu hundi yeroo hordoffii ulfaa godhattu Altiraasaawundiin ilaalamuu qabdi

22/06/2025

07/05/2025

Hanga danda’ametti daa’imman aannanis ta’e wanta biroo yeroo dhugan xuuxxoon osoo hin ta’iin siinii ykn burcuqqoon oso dhuganii filatama.
*Sababni isaas,kanneen xuuxxoon dhugan kanneen siinee/burcuqqoo...fi kkf fayyadamun dhugan irra carraa;-
-Dhibee garaa kaasaa godhacuu
-Dhibee infakshinii gurraa godhachuu
-Nyaatamuu ilkaanii
-Osoo dhuganii Fe’amuu fi kkf mudachuu(uumamuu) ni heddummata.

17/11/2024

YAALII DHIIBBAA DHIIGAA

YAALII QORICHAAN ALAA ( )
1. Ashaboo_hir'isuu: Nyaata soogidda/ashaboon itti baay'ate nyaachuun dhiibbaa dhiigaa fida. Namni tokko guyyaatti ashaboo fal'aana shaayii 1 (5 g of NaCl) fudhachuu qaba. Ittoon shiroo/barbaree qabutti ashaboo dabaluun hin barbaachisu.

2. Sosochii_qaamaa_taasisuu: Torbanitti guyyaa afuriif daqiiqaa 30, 30'f sochii qaamaa taasisuun dhiibbaa dhiigaa ni hir'isa. Sochiin taasifamuu, dafanii deemuu, fiiguu, wadaroo irra utaaluu, hojii humnaa hojjachuu, jiimii galuu fi kkf ta'uu mala.

3. Ulfaatina_hir'isuu: Ulfaatina dabaluun dhiibbaan dhiigaa akka dabalu taasisa waan ta'eef, ulfaatina gidduu galeessa qabaachuu barbaachisa.

4. Nyaata coomni fi waan mi'aawaan (sukkaarri) itti baay'atu nyaachuurraa of quusachuu fi muduraa fi kuduraa baay'isuu.

5. Alkoolii_dhuguu_dhiisuu. Alkoolii baay'isuun dhiibbaa dhiigaa fi dhukkuboota biroo hedduuf nama saaxila.

6. Sigaaraa xuuxuu, caatii qama'uu, buna baay'inaan dhuguu fa'a dhiisuu

7. Yeroo mara dhiphachuu fi aaruu ( ) hir'isu

*************************
YAALII QORICHAA ( )
💎Namni tokko dhiibbaa dhiigaa isaa irra deddeebi'uun ilaalamee >140/90 yoo ta'ee fi wantoota dhiibbaa dhiigaaf saaxilan (maatii keessa dhiibbaan dhiigaa jiraachuu, dhukkuba sukkaaraa qabaachuu, sigaaraa xuuxuu, maatii keessa namni dhukkaba onnee ykn waan hin beekamneen tasa du'u yoo jiraate qoricha ni jalqaba.

💎Dhiibbaan dhiigaa >140/90 ta'ee garuu wantoota saaxilan yoo hin qabaanne ji'a tokkoo hanga ji'a sadii yaalii qoricha malee hordoffiitu godhama. Ji'a sadii booda dhiibbaan dhiiga isaa >140/90 yoo ta'e qorichatu eegalama. Sanaa gadi yoo ta'e immoo ammas ji'a sadii booda beellamna.

💎Haala kanaan, namni dhiibbaa qabu yeroo yeroon mana yaalaa deemee gorsaa fi yaalii barbaachisaa ta'e fudhachuu qaba jechuudha.

💎Yeroo hordoffii mana yaalaatti taasiftan, ogeessi dhiibbaa dhiigaa keessan ilaale, yoo too'atame qoricha akka itti fuftan, yoo hin

30/10/2024

Nyaata vitamin A qabanu.

02/08/2024

Miidhaa daa’imman asiif achi raasuun(Shaking a baby) fidu!
…………………………
Yeroo hedduu daa’imman yeroo boo’an akka isaan callisaniif(dhiisaniif) daa’imman baachuun asiif achi sosochoosna. Darbee darbees yoo isaan boo’uu dhiisan miira aarii keessa galuun humnaan asiif achi raasuun ni jira. Akkasumas takka takka daa’imman haasofsiisuuf jecha fageenyaan asiif achi raasuu fi ol darbannee deebisnee qabuun ni jira. Gochaan akkasii kun sammuu daa’immanii (keessumaa kanneen waggaa lamaa gadii) irra rakkoo cimaa geessisuu mala................................
*Sababni isaas--umurii kanatti haala qaama isaanii biroo waliin yeroo madaalamu,mataan isaanii guddaa kan ta’ee fi mormi isaanii sirriitti kan hin jabaannedha. Mormi sirriitti hin jabaanne ammoo mataa guddaa sana osoo hin socho’iin akka raafamu dhorkuu waan hindandeenyeef mataan baay’ee socho’uu irraan kanka’e sammuu irra miidhaa salphaa hanga kan akka cituun sammuu keessatti dhiiguu ujummoo(hidda) dhiigaa fiduu mala. wanti kun ammoo takkaa uumamnaan miidhaa cimaa kan deebi’ee sirraa’uu/fayyuu hin dandeenye daa’imman irratti fiduu mala. Akkasumas yeroo asiif achi raasan kana mataa mucaa waatti buusuu danda'u.....................................
*Haa ta’uu malee wanti kun guutummaatti akka hin uumamne gochuun ni danda’a waan ta’eef,namni kamuu sababa kamiifiyyu daa’imman asiif achi raasuu hinqabu(never shake the baby).
*Boo’uun daa’immanii mallattoo itti wanta barbaadan namatti himatan keessaa tokko waan ta’eef ilaaluun sirreessuu(fkn- Irribni isaanii dhufee,beela’anii,daayiperiin akka jijjiiramuuf barbaadanii,baatamuu fedhanii fi kkf…).

*Karaa ittiin akka boo’icha dhiisan biroo barbaaduu(fkn-taa’anii baachuun sosochoosuu,fooxaan maruu,faaruu adda addaa faarsuu,haadha buddeenaa afaan kaa’uu fi kkf..).
*Daa’imni boo’uunis ta’e maatiin daa’ima guddisu yeroo daa’imni baay’inaan boo’uu miira aarii qabaachuunis kanuma ture,jiruu fi itti fufudha.kanaafuu sababa kamiifuu daa’imman asiif achi raasuun garuu dogoggora guddaa mi

09/07/2024

Zayita qurxummii daa’immaniif kennuu ilaalchisee!
……………………
Qaamni dhala namaa gosa coomaa hedduu haa oomishuyyu malee kan fayyummaaf baay’ee barbaachisaa ta’e “omega-3” hin oomishu (essential fat). Kanaaf waanta kana daa’imman dabalatee namni hunduu nyaataan argachuu qaba.nyaata waanta kana qabu keessaa tokko qurxummii dha.

Daa’imman umurii ji’a ja’aa booda yoo argame foon qurxummmii osoo torbanitti si’a tokko ykn lama nyaatanii baay’ee gaariidha. Sababani isaas foon qurxummii waantota fayyaa,guddina qaama fi sammuu daa’immaniif barbaachisan “Omega -3” dabalatee hanga pirootinii , vaayitaaminootaa fi mineraalota hedduu kan qabu waan ta’eefi.

Haa ta’u malee kanneen zayita qurxummii jedhamanii samsamanii gurguraman ammoo irra jireessaan 'omega-3' qabu. Kanaafuu ,Yoo argamee foon qurxummiitu daa'immaniif caalmaatti filatame. Foon qurxummii kan hin argamne yoo ta'e garuu umurii waggaa tokkoo irraa eegalanii (hanga waggaa tokkootti kan aannan harma haadhaa keessa jiru ga’aadha) zayita qurxummii fayyadamuun qabiyyee nyaataa qurxummiin qabu keessaa kan daa'immaniif hedduu barbaachisu 'omega-3' akka argatan taasisuun gaariidha.
By Dr Abera Olani (Ispeeshhalistii wal'aansa dhibee ijoollee fi daa'immannii ).

16/04/2024

Wantoota ONNEE keenya miidhan saddeet (8)!!
*************************************
1. Yeroo dheeraaf taa'uu ( fknf. TV ilaaluudhaan, fiilmiiwwan adda addaa irraa taa'aa oolu).
2. Ilkaan keenyaa sirriitti qulqulleeffachuu dhiisuu.
3. Sababoota adda addaan hirriba ga'aa rafuu dhabuu.
4. Sammuun baay'ee dhiphachuu (Stress)
5. Araada akka tamboo fi alkoolii fayyadamuu.
6. Nyaata cooma hedduu of keessaa qabu nyaachuu.
7. Nyaata ashaaboo itti guddisanii nyaachuu.
8. Dhiibbaa dhiigaa osoo qabanii (osoo akka qaban hin beekiinis ta'uu mala) yaalamuu dhiisuu.
Nagaa fi fayyaa hin dhabinaa !

05/04/2024

Waa'ee Olka'uu dhiibbaa dhiigaa (Hypertension) qabxiilee muraasa

1. Utuu hin safaramin beekuun hin danda'amu

2. 120/80 kan nama hundumaa ta'uu hin danda'u.

3.Rakkina namoota dulloomanii qofa miti

4. Utuu maatii keessa hin jiraatinis muudachuu danda'a

5.Mallattoo hin qabu(mataa bowwuun mallattoo dhiibbaan dhiigaa dabaluu ta'uu malus namootni baay'een mataa bowwuu hinqaban)

6.Bishaan dhuguun, aannan, dammi, foon dhiibbaa dhiigaa hin dabalan

7. Namootni rakkina dhiibbaan dhiigaa olka'uu qaban buna dhuguu ni danda'u. Bunni hindhowwamu

8. Ashaboo/soogidda, alkoolii, tamboo, caatii dhiisuu. Hirriba ga'aa rafuu fi dhukkuboonni kanbiroo yoo jiraatan yaalamuu

9. Dhiibbaan dhiigaa dabaluuf sababni qoratamee bira ga'ame yoo jiraate yaalamuu. Gosti baayyeen garuu sababa beekamaa hin qabu (essential Hypertension)

10. Qoricha keessan akka ogeessi ajajetti fudhadhaa

11. Qorichi dhiibbaa dhiigaa qaamaan walbaraa? Gonkumaa wal hin baru.

12. Yoo hin yaalamin rakkinoota onnee, ijaa, kalee, dhiigni sammuu keessatti itituu ykn dhangala'uufii kkf geessisuu danda'a

13. Namoota utuu dhiibbaa dhiigaa hinyaalamin jiraatanu akka fakkeenyaatti fudhattanii yaalamuu hin didinaa! Wal xaxaan ol ka'uu dhiibbaa dhiigaan dhufu yoomii fi nama Kam irrattuu dhufuu danda'a. Nageyaa fi fayyaa hin dhabinaa !

08/03/2024

Harma hoosisuu:-

1. Daa'imni dhalatee sa'aatii 1 gidduutti harma hoosisuu eegaluu barbaachisa.

2. Hanga baatii 6 tti aannan harma haadhaa qofa irra turuu qabu.

3. Baatii 6 irraa eegalee nyaata dabalataa eegaluu qabu.

4. Harma hoosisuun hanga waggaa 2 itti fufuu qaba!

Fayyaan Daa'immaniif!

Dr. Ibse

25/12/2023

Dhukkuba Sukkaaraa(Diabetes mellitus)
Hubannoo hawaasa keennaaf ofi eeggannoo godhamuu qabu :-
❶.Haala Nyaata
👉Haalli nyaataa dukkubsattoota sukkaaraa iddoo saditti qoodamee ilaalamuu danda'a.isaanis:

ⓐ.Nyaata guututti dhoorkaman
◍sukkaara, Karameellaa,Chokoleeta
◍damma
◍Tamiira
◍zabiib (waantota miyooftuu)
◍coca-cola,mirinda,fanta,7-up,
◍Birzii, Wuskii,Biiraa,Araqee,daadhii

ⓑ.Nyaata jiddu-galeessaan nyaatamuu qabu
◍ Midhaan- garbuu, Qamadii, Boqolloo, Aajjaa, misingaa,

ⓒ.nyaata baay'ifamee nyaatamuu danda'amu
◍ Foon horii,hoolaa,re'ee
◍ aannan
◍ killee
◍ Raafuu, salaaxaa, qoosxaa, timaatima, raafuu maraa, dabaaqulaa, kaarotii, shinkurtii, Baaroo
Loomii,
◍ buna,bishaan Amboo, soogidda, barbaree, mixmixaa

❷.Sochii Qaamaa
◍Sochii qaamaa gochuun faayidaa hedduu qaba
◍Sochii qaamaa torban keessatti guyyaa 5f daqiiqaa 30-60f sochii qaama gochuun barbaachisaadha
◍Sochiin qaamaa kunis deemsa daddaaffii,shubbisa, saayikilii oofuu,ulfaatina kaasuu...
◍Yeroo sochii qaamaa hojjetan hammi sukkaaraa gadi bu'uu waan maluuf of eeggannoo gochuun barbaachisaadha

❸.Ulfaatina Qaama To'achuu
Namni dhukkuba sukkaaraa qabu BMI isaa 25 gaditti to'achuu qaba

❹.Dhugaatii alkoolii hir'isuu-
👉Dhiirrii guyyaatti dhugaatii biiraa 2,wayinii,farsoo burcuqqoo 2 ykn isaa gadi,durbi immoo yoo baay'ate tokko tokko

➎.Sigaaraa ykn tamboo xuuxuu guutumaa guututti dhaabuu
❻.Dhiphina sammuu irraa of qusachuu

➐.Qoricha
👉Gosa dhukkuba sukkaaraa irratti hundaa'un ogeessi Insulin ykn qoricha afaanin fudhatamu ajajuu danda'a

➑.Hamma sukkaaraa yeroo yeroon hordofuu

Nageyaa fi Fayyaa hin dhabinaa !

16/12/2023

DHIBEE ISTIROOKII (Stroke)
***********************************************
Hiikkaa-Istirokiin dhibee hiddi dhiigaa sammuu keessaa cituun ykn dhiigni gara sammuu deemu sababa adda addaan cufamuun uumamuudha.
Kunis sababa dhibee kana fidaniin bakka garaagaraatti qoodama.....
Mallattoolee Istirokii
👉qaamni gartokkeen socho'uudadhabuu,madaala qaamaa eeguu dadhabuu.
👉Dubbachuu dadhabuu/arrabni hidhamuu
👉Iji arguu dadhabuu
👉dhukkubbii mataa hamaa
👉dubbii hubachuu dadhabuu

Wantoota dhibichaaf nama saaxilan
👉ulfaatina qaamaa garmalee
👉Alkoolii baayyisanii dhuguu
👉dhiibbaa dhiigaa
👉Tamboo/sigaaraa xuuxuu
👉dhibee sukkaaraa
👉Dhibee onnee
👉umrii(waggaa 55 ol)
👉qorichoota sammuu hadoochan
👉sochii qaamaa xiqqaa.......
Rakkoowwan istrookiin walqabatanii dhufan
👉dhibeen kun sadarkaa fi kutaa sammuu miidhame irratti hundaa'uu rakkoo yeroo gabaabaa fi dheeraa adda addaaf nama saaxiluu danda'a
👉laamsha’uu (paralyze) qaamaa-deeggarsa malee sochii adda addaa gochuu dadhabuu
👉dandeettii yaadachuu dadhabuu(memory loss)
👉waa hubachuu dadhabuu
👉xiyyeeffannoo dhabuu
👉Dhiphina sammuu
👉waa liqimsuu fi dubbachuu dadbabuu
👉dhukkubbii qaamaa
Mala Ittisaa
👉Dhiibbaa dhiigaa to'achuu-namoonnii dhiibbaa dhigaa ol ka'aa qaban hordoffii gahaa gochuu fi qoricha ogeessan ajajame fudhachuun dhiibbaa dhiigaa isaanii hir'isu qabu
👉ulfaatina qaamaa fi hamma kooleestiroolii qaama keessaa hir'isuu
👉Tamboo ykn sigaaraa aarsuu dhiisuu
👉Alkoolii fayyadamuu dhiisuu ykn hir'isuu
👉sochii qaama gochuu
👉nyaata fuduraa fi kuduraan badhaadhan nyaachuu
👉Namoonni dhibee sukkaaraa,fi kan biroo qaban yeroon yaala argachuu fi of eeggannoo gahaa gochuu
Namnii dhibee kanaan qabamu mana yaalaa deemuun qorichoota adda addaa ogeessa fayyaan ajajamuuf haalaan fudhachuu qaba.

Fayyaa fi nageya hin dhabinaa
Via Hospitaala Abbaa Seenaa
Dr Ibse Bariso