https://www.facebook.com/1276836635711166/

Algerian Doc in the UK, Oxford (2025)

20/06/2024

Rheumatic Fever - Rhumatisme articulaire aigu.

Criteres majeurs et Criteres mineures.

Comment on fait le diagnostic ?

18/06/2024

Fever : Always think :
1. Infection
2. Inflammation
3. Malignancy

Stay vigilant

13/06/2024

🔍 Clinical Insight: Irritable Bowel Syndrome (IBS) Diagnosis 🔍

Consider IBS in patients presenting with any ABC symptoms—abdominal pain, bloating, or changes in bowel habits—for 6 months.

📌 Diagnostic Criteria:

Abdominal pain relieved by defecation or associated with altered bowel frequency/form
PLUS at least two of the following:
Altered stool passage
Abdominal bloating/distension/tension/hardness
Symptoms exacerbated by eating
Mucus PR
Ensure differentials are ruled out.

Associated Symptoms: Lethargy, nausea, back pain, headache, dyspareunia, faecal incontinence, urinary symptoms.

Stay vigilant and consider these criteria in your differential diagnoses.

12/06/2024

المصطلحات التي تسمعها و أنت في كلية الطب:
démarches diagnostiques
stratégies thérapeutiques
algorithmes décisionnels
discussion des cas cliniques
pièges chirurgicaux
valeurs pronostiques

المصطلحات التي تسمعها و أنت في "السبيطار":

التنسيقية
التعاضدية
الجهات الوصية
تحت إشراف السيد الوالي
طلب خطي
صورة شمسية
نسخة طبق الأصل
تغطية العرس الإنتخابي
العصرنة
الرقمنة
الورقنة
مناطق الظل
فعاليات الملتقى الوطني للمجتمع المدني
التوأمة
مسودة لائحة الأجهزة قيد الدراسة (منذ ثورة الزعاطشة)
الدواء ماكانش في pch
تسريع وتيرة الأشغال في البلوك
رفع العراقيل عن صيانة الأدوات
ضرورة المصلحة
تعليمة جديدة
ديباني بـ solumedrol
استفسار لماذا لم تقم بالتبليغ عن غياب بنت عم فلانة (مساعدة تمريض)
حنا بكري كنا
كانو عندنا الأطباء الهنودا في السبعينات يديرو الباراسيونات بسكين المطبخ عادي و نتوما تتقلشو
نثمن مجهودات السيد رئيس الدائرة
تم نقله للعلاج خارج الوطن
تم نقله إلى مثواه الأخير
مقبرة العالية
مراسيم التعزية

11/06/2024

# # # PSA Testing: What to Know

- Avoid testing after a biopsy or infection (prostatitis) until 6 weeks have passed.
- Don’t test after recent ej*******on or vigorous exercise within the last 48 hours.

Stay informed and ensure accurate results!

11/06/2024

Please ignore any messages, someone else had access to my page and he is sending messages to my followers. Thanks for understanding.

27/05/2024

🔎La tachypnée (> 20/min) :
signe précoce d’états graves : chocs,acidose, hypoxie
qu’elle compense et masque perfidement.

26/05/2024

You are a doctor ( or intern) in infectious diseases ward. Your patient being treated for leg cellulitis caused by a resistant bacteria. Suddenly you get called due to general Rash all over his body. What’s happening??
👇🏼👇🏼👇🏼

26/05/2024

👨‍⚕️ Médecine générale ? Ou bien une spécialité 👨🏻‍💼?
Pour moi :
General Medicine all the way 🫡
2nd place : Acute medicine 💉

26/05/2024

يجيك مريض مداير Rétention vésicale وحاب تعملو لاسوند.
لازم عليك تحذر من واحد Syndrome و تحرص على انك تحبس الخروج تاع البول كل 500 مل لمدة 30 ثانية عل الأقل. ماتخليش المثانة تفرغ على ضربة. علاش ؟

23/05/2024

🚨 Doses to administer in an Anaphylactic Choc ! 🔴

20/05/2024

كي يجيك طابلو تاع insuffisance rénale مهما كانت حادة ام مزمنية يعني Aiguë او Chronique,
اول خطوة تعملها هي تبحث على مستويات البوتاسيوم فالدم.
=====
سؤال للمتابعين : وقتاش تقول على مريض بلي ممكن يكون عندو فشل كلوي ، insuffisance rénale ؟
=====
الاجابة نعملوها سيري كيما الم الصدر ؟

خلو اراءكم في التعليقات.

18/05/2024

Spot Early! 🔬 (Rougeole)

👀 Symptoms:
Remember the 3 C's

Cough
Coryza
Conjunctivitis

Rash appears 3-5 days after symptoms : Maculopapular rash that starts at face and neck then goes to the entire body.

🔎 Look for Koplik spots inside the cheek. (Pathognomonic !) : white spots inside the child's cheek

13/05/2024

المنشور 07
جيك مريض بآلام صدرية و يقولك صدري يوجع. تبع معايا كيفاش تمشي الكونسيلتاسيون تاعك :
( حسب الإجراءات المعمول بها هنا في انجلترا يعني للناس اللي مقبلين على امتحانات PLAB و غيرها او حتى لي ماشي حاب يجي راح يتعلم و مايزيدش يحير بإذن الله )

السبب التالي لي ممكن نحكيو عليه هو الـPulmonary Embolism

هذي تصرا في معظم الحالات بسبب جلطة لي تقفل الـPulmonary artery أو أحد فروعها و الذي قد يؤدي الى موت الفضاء اللي تغذيه هذيك الآرتار.

كيفاش نتعرفو عليها من مرحلة جمع البيانات ؟
أول حاجة كي نسقسيو على ألم الصدر و نسقسيو على نوعه و على واش يقويه نلقاوه Pleuritic chest pain. أي أنه يكون ألم حاد ليس ضاغط، يقوى مع التنفس و الكحة.

و كي نسقسيو على الأعراض المرافقة نلقاو ضيق في التنفس. Shortness of Breath و أيضا كاين لي يجوه Les palpitations.
كي تسقسي على التاريخ الشخصي : قادر تلقى : عملية جراحية أو حمل حديثة ؟ اسلوب حياة كسول ؟ جالس/متكي كل الوقت ؟ سوابق لمرض TVP ؟ سوابق تاع AVC ischemique ؟ إستعمال حبوب منع الولادة ؟ .. إلخ.

كي تعمل إيكزامان كلينيك تلقى المريض تاعك tachycardique و Tachypneique و أيضا قادر تلقى Hypotension.
تيكزاميني باقي الجسد ممكن تلقى انتفاخ في الساق، تلقى les varices ؟

كاين أيضا تخطيط القلب، يجيبلك علامة نسموها S1 Q3 T3 و هي انعكاس الـS في الإلكترود I و كل من T و Q في اللإلكترود III. هذي ماشي ديما كاينة و قليلة جدا وين نشوفوها.

هذو البيانات كامل يخلوك تخمم في الدياكنوستيك تاع الـPE.

ملاحظة : ماشي لازم تحوس عليهم بالحرف باش تقول راهي PE - الأعراض هذي راهي مؤشرات يجب البحث عنها و clinical judgment تاعك هو لي يخليك تعرف وقتاش تشك.

واش دير من بعدها ؟ لازم تكونفيرميه. وقبل ما تجري للأوردونونس تبدا تجرد ، لازمك أولا دير حاجة مهمة و هي :
Wells Score.
السكور هذا فيه مرحلتين ، الأولى للبحث عن TVP و الثاني يخص PE.

Clinical signs and symptoms of DVT:
No: 0 points
Yes: +3 points
PE is the most likely diagnosis OR equally likely:
No: 0 points
Yes: +3 points
Heart rate > 100 beats per minute:
No: 0 points
Yes: +1.5 points
Immobilization at least 3 days OR surgery in the previous 4 weeks:
No: 0 points
Yes: +1.5 points
Previous, objectively diagnosed PE or DVT:
No: 0 points
Yes: +1.5 points
Hemoptysis (coughing up blood):
No: 0 points
Yes: +1 point
Malignancy with treatment within 6 months or palliative:
No: 0 points
Yes: +1 point

أظن أن الأسئلة تشرح نفسها و لاداعي نعاودهملك بالدارجة، كي تحسبو و النتيجة لي تجيك نتعاملو معها كالآتي :
سكور أكبر من 4 : يعني الـPE راهي ممكن جدا هي الدياجنوستيك و المريض تاعك لازمو CTAP يعني Angiographie de l'artere pulmonaire و ماتخليهش يخرج حتى تكتبلو مضاد للتخثر Apixaban او في الجزائر ممكن يكونو غاليين عليك بالـSintrom يبداه في نفس اليوم. (dose de traitement) و الغدوا هذيك بعد الأنجيوغرام يروح لطبيب القلب أو اللإستعجالات القلبية باش يتعاملو معاه.

سكور أقل من 4 يعني الPE ماهيش محتملة بزاف و هنا تعطيه تحاليل دم من ضمنها الـD-Dimers و نشوفو اذا طالعين - تعمل نفس ما قلناه في السكور الأول.
إذا هابطين ، يعني الـPE ماهيش الإحتمال الأول و لازمك تشوف سبب ألم الصدر في جهة أخرى.

ملاحظة :
1. ألم الصدر ماشي ديما كاين، ممكن المريض يجيك يشكي من النهجة فقط أو ضيق التنفس.
2. الـD-Dimers ماعندهمش فايدة تحوس عليهم في المرضى لي دارو عملية جراحية مؤخرا، أو الحوامل أو لي ولدو مؤخرا، راح تلقاه طالع في كل هذه الحالات.
3. النساء الحوامل ممنوع عليهم الأنجيوغرافي و لازم تبعثم يديرو V/Q scan او كيما نسموه في الجزائر Scintigraphie pulmonaire. بكري كانت هي la premiere intension بصح ضرك رومبلاساها الأنجيوسكان.

منشورنا اليوم كان خفيف ظريف لكن فوايدو كبار لأنو الموتيف هذا كل يوم تقريبا نشوفوه في الحياة العملية.
دمتم

06/05/2024

المنشور 06
جيك مريض بآلام صدرية و يقولك صدري يوجع. تبع معايا كيفاش تمشي الكونسيلتاسيون تاعك :
( حسب الإجراءات المعمول بها هنا في انجلترا يعني للناس اللي مقبلين على امتحانات PLAB و غيرها او حتى لي ماشي حاب يجي راح يتعلم و مايزيدش يحير بإذن الله )

السبب الثاني لي راح نحكو عليه تاع آلام الصدر هو النوبة القلبية : Heart Attack.
الإسم العلمي تاعها اكيد ماشي راح نقولو كريز كاردياك للمريض ولا لزميل ، اسمها الجديد : SCA : Syndrome Coronarien Aigue. او بالإنجليزي Acute Coronary Syndrome.

- ماتنساش تحوس على Les facteurs de risque لي حكينا عليهم فالمنشور الأول. ( ذكر / مدخن / كسل / أمراض قلبية .. )

المصطلح SCA راهو كيما نقولو مصطلح عام وفيه ثلاث حالات ممكن تكون و كل وحدة عندها كوندويت تاعها. STEMI / NSTEMI / Unstable Angina.

ملاحظة : أول شيئ متحاولش تعتني نتا بالمريض في كابيني او في بلاصة وين ماعندكش استعجالات قلبية و مختبر تحاليل قراب. حتى ECG اذا راح يعطلك ماديروش ابعث المريض ديراكت للإستعجالات و في وقت الإنتضار رانا شرحنا في المنشور الأول واش ممكن دير باش تسولاجي المريض تاعك.

على السريع : مراحل التشخيص تكون كالآتي :
- الألم الصدري القلبي لي وصفناه من قبل، ( متنساش مرضى السكري و كبار السن قادر مايحسوش بيه و تجيهم حرقة معدة مع تعرق و تعب شديدين ) ، ألم ضاغط ساحق يمتد الى الفك ، الرقبة و الذراع الأيسر.
- الحاجة لي نبداو بيها هي الـ ECG : و تبحث على ST Elevation و تكون على الأقل 2 مم فوق خط الصفر، اذا لقيتها يعني صايي هذاك هو التشخيص و متحتاجش تحاليل من بعد و لازم تداويه En urgence.
- إذا مكانش الـST Elevation راك أمام التشخيصين الآخرين لي بقاو، و التحليل الفاصل بيناتهم هو مستويات الـTroponin في الدم، وبعض الأعراض لي ممكن تبان فالECG لكن منعولوش عليها بزاف.
- مستويات مرتفعة تدل على NSTEMI و هذا عنده كوندويت.
- مستويات عادية نقدرو نقولو عليه Angor instable و هذي عندها كوندويت تاعها.

1. أول حالة هي الـSTEMI لي نعرفوه كامل و نعرفو نديرو الدياجنوستيك تاعه :
الـ STEMI يحدث عند انسداد لارتار كورونار انسديد كلي او شبه كلي وبدات تصرا ischémie و العضلة تاع القلب بدات تموت فالفضاء تاع الآرتار لي تغلقت.
على عكس الـ Angor, كيما حكينا، هذا الألم تاعه لايهدأ مع الراحة، قد يأتي وقت الراحة و ليس تدريجيا بل فجاة بشكل حاد. و كما قلنا فوق تعمل تخطيط قلب تلقى ارتفاع الجزء ST.
أول شيئ تعملو شرحناه في المنشورات السابقة من إجلاس المريض 45 درجة و تعطيه اسبيرين و اكسجين و و و و الخ.

علاج العمق الآن traitement de fond يكون بطريقتين ،

1. Percutaneous Cornory Intervention او Anioplastie Coronaire :
بالعربية : محاولة استعادة تدفق الدم داخل لارتار كورونار من فوق الجلد يعني بدون فتح الصدر و الولوج الى القلب. و هذي يديروها بعد ما يديرو coronographie و يحددو مكان الإنسداد، بعدها يدخلو Sonde في آخرها كاين بالون، يمشو بداية من احد الشرايين الجانبية : Artere radiale ou Fémorale و يتبعوها الى غاية الوصول إالى Aorte و من ثم artère coronaire. يتم نفخ البالون في وسط الوعي و وضع ما يسمى stent لي هو جهاز معدني صغير يسمح بإبقاء الوعي متوسع و يسمح ايضا بتدفق الدم من خلاله الى العضلة.
- هذي العملية هي الأمثل باش تداوي مريضك لكن عندها شروط و هي انها لازم تندار في عضون 120 دقيقة من بداية الألم و في بعض الأحيان تكون مكلفة يعني اذا فالخاص لازم تشاور المريض أولا.

2. ثاني طريقة و هي Thrombolyse و التي عن طريقها يتم مهاجمة الجلطة لي قافلة لارتار بدواء مضاد للتخثر tissue Plasminogen Activator مثل Alteplase ( activase ) أو Ténécteplase (Metalyse).

3. أذا كان الإنسداد كبير و يمس فضاء كبير من القلب و عملية PCI وحدة ماهيش راح تكفي، راح يضطر المريض للخضوع لعملية تجاوز لهذه الجلطات : Coronoray artery bypass graft.

4. كل مريض بعد احدى هاته العمليات لازمو بعد هذا ، باش يمنعو تكرار النوبة ، و لأن الـstent ممكن يزيد من خطر التخثر، لازم يبقاو طول العمر يأخذون أدوية مضادة للصفائح و للتخثر، و كذلك أدوية تقلل من احتياج القلب للأكسجين بإنقاص الجهد العضلي تاع القلب و كذلك بإنقاص ضغط الدم.
- أسبيرين ( في غياب اي مضاد للإستعمال ) 75 مغ كل يوم مدى الحياة
- مضاد للصفائح نوع Clopidogrel ( Plavix 75mg) أو من الأحسن اذا داويناهم بThrombolyse نعطوهم Ticagrelor و اذا خضعو للعملية و عندهم Stent نعطوهم Prasugrel.
- كل مريض لازملو Beta Blocker - آخر الدراسات بداو يكتشفو أنو ماشي الجميع لكن مازال ماطبقوهاش- Timolol مدى الحياة. تفس الشيئ IEC مدى الحياة : Ramipril.
- كل مريض، أيضا لازمهم دواء مضاد للكوليستيرول - مهم جدا اجماعة لأنو من اكبر أسباب النوبات و الإنسدادات هوما les plaques d'atherome و لي سببهم بالطبع : الدهون.
ننصحو ديما ب Atorvastatin 80 mg/j مرة في اليوم.

لي دوز يعسوهم فالأيام القليلة لي يبقاهم المريض في المستشفى و يعدلوهم على حسب الحالة.

نكملو منشورنا هنا و نلتقي إن شاء الله في المنشور القادم - كنت راح نحكي على ECG و كيفاش نعرفو منو واش من آرتار تقاست لكن المنشور طويل و اذا بغيتو نتطرقولو على السريع قولولي في الكومنتات.

دمتم في رعاية الله و حفظه.

29/04/2024

المنشور 5
يجيك مريض بآلام صدرية و يقولك صدري يوجع. تبع معايا كيفاش تمشي الكونسيلتاسيون تاعك :
( حسب الإجراءات المعمول بها هنا في انجلترا يعني للناس اللي مقبلين على امتحانات PLAB و غيرها او حتى لي ماشي حاب يجي راح يتعلم و مايزيدش يحير بإذن الله )

إذن بعد ما كملنا جمع البيانات تاعنا كامل بما في ذلك الفحص و الكشف. واش هوما الحالات لي ممكن يكونو سبب الألم ؟

- Angor ( Angine de poitrine ).
الم وسط الصدر، ضاغظ و ممتد لكل من الكتف الايسر ، الفك، و الذراغ.
وهذا بسبب ان تدفق الدم لعضلة القلب راه ينقص مع كل زيادة طلب العضلة للا كسجين.
من الاعراض اللي نلقاوها في مرحلة جمع البيانات :
- الم عند التمرين/جهد عضلي.
يدوم اقل من 15دقيقة و يهدأ بالراحة او باستعمال GTN Sublingual.
***** ملاحظة : كبار السن و مرضى السكري عادة لايحسون بالألم و لكن معظمهم يحس بإزعاج و حرقة معدة *****
Examen physique :
ممكن نلقاو نهجة Dyspnée, و زيادة في سرعة دقات القلب Tachycardie. و في اغلب الاحيان تكون عادية بدون اعراض في حالة ذهاب الالم.
كل الاختبارات و التحاليل تكون عادة عادية وليس فيها مشكل.
Cardiac stress test (+)
Angiographie (+) :
ضيق في l’artère coronaire بسبب تراكم الدهون في الجدران الخاصة بالوعي. لايوجد انسداد تام و في غياب الحاجة للاكسجين بكثرة، يكون التدفق عادي.
علاج هذي الحالات يكون عن طريق الآتي : علاج الأعراض يعني Symptomatique.

1. علاج الألم : بخاخ GTN و الذي يحتوي على Glycirine Trinitrate و الذي يعمل على إراحة الألم، هنا لازمك تعلم المريض تاعك كيفاش يستعملو، الطريقة المنصوح بها هي :
- في حالة الألم : استعمال البخاخ - انتضار 5 دقايق - اذا ماراحش الألم يزيد يستعملو و ينتضر 5 دقايق اخرى.
اذا ماراحش الألم مبعد يزيد يستعمل و لازمو يتصل بالإسعاف مباشرة بدون انتضار.
2. تفادي و منع الألم من الظهور يعني trt preventif : يكون إما عن طريق دواء Beta bloquant ( من الأحسن Bisoprolol لكن انتبه : منستعملوش Sotalol) ، يا إما عن طريق Calcium Channel blocker و يكون من عائلة non-dihydropyridines مثال Diltiazem او Verapamil.
3. اذا مانفعتش الخطوة الثانية ممكن نفوتو لخطوة اخرى هي علاج نيترات طويل الأمد و أدوية أخرى من الأحسن انو طبيب القلب هو لي يوصفها.
B / علاج المشكلة : Traitement de fond
1. هذي لازمها Intervention Percutanée وين يتم نفخ بالون صغير داخل الآرتار و يتم توسيعه من الداخل و انقاص من les plaques d'atherome اللي مضيقين الحالة ثم.
2. و أخيرا اذا الأخيرة هذي متصلحش لانو مثلا بزاف عروق مقيوسين و مايمكنش نوسعوهم كامل كاينة عملية أخرى اسمها Bypass graft وين ينحيو شوي من la veine saphene في الساق و يخدمو بيها عرق جديد يدي التدفق للقلب و يسوطيو الأوعية الأصلية و هذي تجي معاها مخاطر أثناء و بعد العملية.

26/04/2024

المنشور 4
جيك مريض بآلام صدرية و يقولك صدري يوجع. تبع معايا كيفاش تمشي الكونسيلتاسيون تاعك :
( حسب الإجراءات المعمول بها هنا في انجلترا يعني للناس اللي مقبلين على امتحانات PLAB و غيرها او حتى لي ماشي حاب يجي راح يتعلم و مايزيدش يحير بإذن الله )

اذن بعد ما كملنا الأسئلة تاوعنا و علامات الخطر Red Flags - مازال رانا في مرحلة جمع البيانات ، نفوتو لجزء مهم و مهم جدا وهو التاريخ الاجتماعي تاع المريض - تأثير هذا الألم عليه ، من واش راه مقلق ؟ واش يتوقع منا نديرولو ؟

حنا موالفين يجينا مريض نقولولو واشبيك يقولنا مريض شويا عندي كذا كذا و بعد انتيروقاتوار تاع 30 ثانية نروحو نجرو للوصفة، مخنا يروح ديراكت لواش هو التشخيص و كيفاه نسولاجيو المريض .. و هذا بلا مانقولكم بيسك عمبالي و عمبالكم خطأ.

1. سقسي المريض تاعك من واش راه خايف ؟ قادر يكون خايف من نوبة قلبية ولا خايف يموت لانو لا طونسيو تاعو ماكانش يشرب دواء تاعها ... يعني اذا عندو ألم parietal ولا musculaire برك و تقولو روح للدار مابيك والو ... هاك خليت مشكل كبير ما حليتوش. و ماشك ضامن راح يقولهالك الا اذا سقسيته هذا السؤال.
2. سقسي المريض تاعك واش راهو مستني من هذي الزيارة ؟ قادر يقولك حاب دوا كيما قادر يقولك حاب برك نعرف بلي مكانش خطر ، حاب سكانار حاب راديو تاع القلب لانو باباه ربي يرحمو داروهولو لقاو عنده مرض تاع la valve و كان عنده ألم كيما هو. لوكان تخلي المريض تاعك يخرج بدون ما تعرف هذو البيانات و ماتجاوبوش عليها .. راح يروح من عندك ديراكت لكارديولوغ بريفي يخلص على ايكو هو ماشي محتاجو. قادر اللي يجيك بألم صدر، عمبالو بواش مريض، عنده الدواء، بصح خايف خاطراكش عايش وحدو و معندوش لي يديه للإسعاف في حالة ما فقد الوعي ؟
3. سقسيه اذا الألم هذا مأثر عليه في حياتو اليومية / في أداء العمل تاعه / سقسيه اذا مأثر على نفسيته ولا مقلق الناس لي عايشين معاه ، ممكن يحتاج لطبيب نفسي لانه مزال ماشي متقبل حكاية انو كبر ولازم عليه يعس روحو من و يبدل ريجيم تاعه ولا عادات اخرين مثل الكسل و ...

هذو راهم مهمين جدا اجماعة ومايصلحش مريض تاعك يدخل عندك و يخرج بوصفة دواء بصح انشغالاتو وحدة فيهم ما دا عليها اجابة. عمبالي راح تخمم تقول المريض في بلادنا مايصلحش معاه هكا نقولك يصلح، نتا برك دير l'initiative و ضرك تشوف النتيجة بعينيك.

المرحلة القادمة من جمع البيانات هي : Examen Physique. ولي مهم هو ثاني و قليل وين نشوفوه في عياداتنا او في مصالح الكشف في المستشفيات. في الطب 80 بالمئة من التشخيص تجي من هذو المراحل و الفحوصات التكميلية هذوك تستعمل لتاكيد التشخيص وليس للبحث عنه.
1. فحص المؤشرات العادية : T/ PA / FC / FR / O2
2. فحص القلب و الأوعية الدموية :
- Inspection - Palpation - Auscultation cardiaque :
انتبه و شوف اذا عنده النفخ خاصة في القدمين.
3. فحص الجهاز التنفسي بنفس المراحل.
4. تخطيط القلب ECG و مقارنته بواحد قديم اذا متوفر.

كي دير هذو كامل تقدر تقول راك كملت مرحلة جمع البيانات / و نزيد نعاود بلي راهي تبان بزاف لكن هذا كل راه في 10د تكملو. نتحلاو بالصبر برك و نعاملو كل مريض على حسب حالتو ماشي ناس كامل كيف كيف

المنشور الجاي نحكيو على Differentials و كيفاش نتعرفو على السبب تاع الألم عند المريض تاعنا.

25/04/2024

لمنشور 3
جيك مريض بآلام صدرية و يقولك صدري يوجع. تبع معايا كيفاش تمشي الكونسيلتاسيون تاعك :
( حسب الإجراءات المعمول بها هنا في انجلترا يعني للناس اللي مقبلين على امتحانات PLAB و غيرها او حتى لي ماشي حاب يجي راح يتعلم و مايزيدش يحير بإذن الله )

بعد ما تحققنا بلي مكانش حالة مستعجلة في المنشور السابق، نبداو في أول مرحلة و هي " جمع البيانات" و حذاري هذا ماشي معناه interrogatoire و فقط. جمع البيانات هو ببساطة معرفة المشاكل المطروحة من قبل المريض كلها. واش معناها هذي ؟ تبع حتى للأخير ضرك تفهم.

نبداو بالأسئلة اللي بديهية نعرفوها كامل لكن نتجاهلوها و هي مهمة جدا جدا.

- - حاد أم مزمن؟ وقت بداية الألم ، آخر مرة حسوا بالألم ؟ تذكر راه قادر يجيك مايتألمش بصح تألم البارح فالليل مثلا ..
- مدة الألم ...
- موقع الألم (على سبيل المثال من الجهة اليسرى ، الوسط ) و اين يمتد ؟ ++
- طبيعة الألم ++++ (على سبيل المثال ضغط قوي ، حاد ، حارق ، pleuritique او يحس حاجة تقطع فيه ) ؟
- العوامل المثيرة والمخففة ؟ النشاط - الراحة - الانحناء للأمام او للخلف ....
- أعراض القلب الأخرى (على سبيل المثال الخفقان ، التعرق ، الغثيان ، الدوار)
- ميزات فشل القلب ، Orthopnée, او التورم تاع الساقين يعني Oedeme ...
- هل هناك سوابق ATCDS لنفس الألم الصدر السابق و / أو كشوفات و فحوصات قبل ؟ مثلا ECG او Angioscan ؟
- أعراض جهاز التنفسي ؟؟؟ (على سبيل المثال ضيق التنفس ، السعال ، hemoptysie ... )
- الأعراض الهضمية (على سبيل المثال RGO ، حرقة القلب ، صعوبة البلع ، ألم البلع) ..
- أعراض الهلع Attaque de panique - hyperventilation ...
أعراض ممكن تدل على الألم يكون مرتبط بالعضلات ؟ ممارسة رياضة مؤخرا ، عمل شاق ...
التاريخ الطبي السابق على سبيل المثال السكري الكوليستيرول ... تاعو و تاع العائلة ايضا)
التاريخ العائلي على سبيل المثال النوبة القلبية او موت مفاجئ ...
تاريخ الدواء لي يشرب فيه حاليا و قبل ...

بعد ما جمعنا اللإجابات على قد منقدرو .. لازمنا ننتبهو لعلامات الخطر - Red Flags.

1. علامات Angor instable . مثلا ألم وقت الراحة / يدوم لأكثر من 15د / و اذا حدث وقت النشاط لا يهدا مع الراحة.
2. علامات Insuf cardiaque aigue ؟ سواء معروفة من قبل أو لا - و هي كما قلنا الفوق ..
3. علامات تاع instabilite hemodynamique يعني تاكي كاردي - دوخة - hypotension و ما الى ذلك ( مخك هنا يخمم dissection ? مثلا ؟ ..

هنا كملت جمع البيانات ؟ لا مزااااااااااااااااااال. ماتخافش راهي بزاف كتيبة لكن ماتديش من وقتك 5د في الكونسيلتاسيون ..

Algerian Doc in the UK

20/06/2024

18/06/2024

13/06/2024

12/06/2024

11/06/2024

11/06/2024

27/05/2024

26/05/2024

26/05/2024

26/05/2024

23/05/2024

20/05/2024

18/05/2024

13/05/2024

06/05/2024

29/04/2024

26/04/2024

25/04/2024

Address

Telephone

Website

Alerts

Contact The Practice

Shortcuts

Share

Category