Neo Au 英國港人物理治療師

22/11/2025

【物理治療小知識分享 14.2 — 黃薑粉真係可以消炎？】

💬好多英國人都好鍾意食「黃薑粉」（Turmeric）
聽講可以「消炎止痛」「清血」— 咁到底有冇用？

實際上，黃薑粉入面嘅 Curcumin 確實有抗炎性質，
但現時科學證據唔算強，醫學研究話佢「可能有幫助，但唔穩定」。

不過呢，我通常都會建議：
👉 可以一試，特別係喺超市（Tesco / Sainsbury）買都唔貴，
👉 試食一個月，覺得真係精神啲、冇咁痛，就繼續；
👉 覺得冇分別，就唔好浪費。

唯一要留意係：有啲人對黃薑粉會過敏，
如果食完腸胃唔舒服、起疹，就即刻停。

💡簡單講：呢啲天然補充品，當「可試可唔試」，
幫得手當bonus，唔幫都唔虧蝕。

=============================================
🔍有興趣可以follow我，我定期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #黃薑粉 #膝頭痛 #炎症 #天然補充品 #移英港人

19/10/2025

物理治療小知識分享 14.1 — 保健品真係有用嗎？】

最近有幾位病人問我：「Physio，其實食葡萄糖胺同軟骨素有冇用㗎？」
好問題😄 今次就同大家講下，我對「保健品」呢個題目嘅睇法。

🦵先講最經典嗰對拍檔——葡萄糖胺（Glucosamine）＋軟骨素（Chondroitin）。
確實，有研究顯示呢兩樣對關節退化（例如膝關節退化）有幫助。
但問題係——個「幫」嘅程度其實唔大，頂多1-2分（喺100分入面）。
換句話講，有啲人食完覺得鬆啲、舒服啲；但亦有好多人完全無感。

我通常會咁講：
👉 如果你試食一個月，真係覺得舒服咗、活動多咗，OK，可以繼續食。
👉 但如果食咗成個月都無乜感覺，就唔好浪費錢。

💬畢竟英國同香港都一樣，保健品監管比較鬆，廣告未必完全準確，而且呢邊保健品好多銷售係用層壓式推銷方法。
好多「神效保健品」其實只係吹水，唔代表真係work。
(本人同Boots無任何關係,圖片只係隨便網上搵😂)
=============================================
🔍有興趣可以follow我，我定期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #退化性關節炎 #葡萄糖胺 #軟骨素 #倫敦 #移英港人

05/10/2025

大家可以參考下~

【物理治療小知識分享2———咩問題適合直接做物理治療？】
近排收到好多人查詢究竟自己適唔適合直接做物理治療，定要睇咗醫生先會好D,所以我決定用呢次機會同大家介紹下究竟咩情況建議直接做物理治療啦！

首先物理治療師同醫生一樣有唔同專科，今次會主要講解筋健骨絡物理治療 （MSK Physiotherapy)，亦都係主流大眾最常接觸嘅物理治療

適合：大部分肌肉痛，關節退化或關節問題，韌帶拉傷
其實只要你嘅問題係同肌肉關節有關，做物理治療大部份時間都可以幫到，我哋可以幫到你回復返之前嘅活動程度同減少你嘅痛楚

唔適合：懷疑骨折或跟腱韌帶斷裂，嚴重劇痛到行唔到訓唔到
如果你有跟腱韌帶斷裂，好多時其實需要做手術，雖然好大機會之後都要做物理治療，但我永遠建議您去睇咗骨科醫生攞咗佢哋意見先會更加好。
至於點解如果咁痛唔建議直接做物理治療呢？因為老實講我哋唔係大羅金仙，如果你咁痛我哋做到嘅嘢係十分之有限。所以呢啲情況我會建議睇咗醫生，食咗啲止痛藥消炎藥，再來睇會更加好。

至於下一期我會講下英國物理治療師負責D咩~
=============================================
有興趣可以follow我,我每個星期都會分享一D關於英國醫療系統同物理治療嘅小知識
想我講其他有關英國醫療嘅資訊？歡迎留言畀我！
想搵我做物理治療？ 歡迎 WhatsApp +44 7442 639783
#英國 #物理治療 #腰背痛 #膝頭痛 #頸痛 #膊頭痛 #坐骨神經痛 #五十肩 #膝頭退化 #香港人 #倫敦 #移英港人

05/10/2025

【物理治療小知識分享 13.3 — 秋冬天常見意外：黑冰 + 濕滑地面】

🍂 入秋之後，英國天氣開始凍，去到 11、12 月更加多 因為地面濕滑跌倒 嘅病人嚟搵我，特別係 黑冰（Black ice），因為透明睇唔到，好容易跣低。

🩺常見受傷部位包括：

手腕（伸手撐地）

脊椎或腰背（跌坐）

髖關節或膝蓋（撞擊）

💡預防方法：
1️⃣ 行路盡量揀光線好嘅地方，避免夜晚冇燈嘅小路。
2️⃣ 穿有防滑紋嘅鞋，唔好着太平底又光滑嘅鞋底。
3️⃣ 拎嘢嘅時候保持手有自由度，唔好雙手都佔住，以防失平衡。

🔑 提早留意季節性危險，可以減低跌倒受傷嘅風險！

=============================================
🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #跌倒 #黑冰 #腰背痛 #手腕痛 #移英港人 #倫敦

27/09/2025

【物理治療小知識分享 13.2 — 長時間蹲低做家務，小心膝頭炎症】

👩‍🌾好多朋友搬到英國之後開始自己打理花園，除草、種花經常要蹲低。
但其實長時間蹲著，特別係本身膝蓋已經有炎症，容易出現 膝前滑囊炎（即膝前黏液囊發炎）。

💡小貼士：
1️⃣ 蹲低工作前，可以用 軟墊或護膝 墊一墊，減少膝頭直接受壓。
2️⃣ 如有炎症，避免長時間持續蹲低，間中要起身伸展。
3️⃣ 做園藝（例如拔雜草）時，唔好只靠膝或腰硬拉，用腳踭或工具幫手，可以分散受力。

🔑 記住：保護膝頭就係保護自己嘅活動能力，唔好等痛到行唔到先搵人幫！

=============================================
🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #膝頭痛 #園藝 #移英港人 #倫敦 #滑囊炎

21/09/2025

【物理治療小知識分享 13.1 — 搬屋安裝家電唔好亂 DIY】
最近同朋友傾計，發現好多人移英之後都會自己 DIY 搬屋、安裝家電。始終請人又貴，仲要難搵 handyman。

但有啲嘢，其實真係唔建議自己搞——例如 安裝白色家電（雪櫃、洗衣機、洗碗碟機）。

原因好簡單：
👉 又重又尷尬：家電幾十公斤，仲要塞入櫃背後接駁水喉同電源，成個動作要又拉又推、又彎腰又抬高。
👉 容易受傷：好多時候腰要「硬頂」、手要「拉高用力」，一唔覺意就 拉傷腰部、肩膊甚至手腕。
👉 我年中見過唔少病人，就係因為 DIY 搬雪櫃、推洗衣機，結果嚴重腰痛，要休養好耐。

⚠️ 特別提醒：就算平時有做運動，都未必習慣呢啲 「奇怪角度+大重量」嘅搬抬，比想像中危險好多。

✅ 建議：呢啲工夫，俾專業人員做，反而係最省錢嘅選擇。因為健康一旦整壞，代價更大。

大家仲有冇試過搬屋/安裝電器時出過意外？留言分享下你嘅經歷～

=============================================
🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783

#英國 #物理治療 #拗柴 #腰背痛 #膝頭痛 #頸痛 #膊頭痛 #坐骨神經痛 #五十肩 #膝頭退化 #香港人 #倫敦 #移英港人 #移英生活

13/09/2025

【NHS 系統小貼士 #10 — NHS醫院排名榜，到底有冇用？】

最近 BBC 報導，NHS 啱啱出咗一個最新嘅排名榜 🏥，將全英國唔同嘅 NHS Trust（大型急症醫院）根據以下因素做咗比較：

門診、專科服務等候時間

急症室（A&E）等候時間

癌症診斷、治療等相關數據

👉 原文新聞可以睇返呢度：
https://www.bbc.co.uk/news/articles/cq8eqxlypv7o

不過老實講，呢啲排名其實 只可以當參考：
1️⃣ 你唔可以自己轉Trust，即使附近嗰間醫院排名低，都要用返你住嘅地區分配嘅醫院。
2️⃣ 排名高 ≠ 你用嘅專科服務一定好。一間Trust可能 A&E 快，但另一啲科室就未必表現好。

所以，呢啲榜單睇下無妨，但唔需要太擔心。反而熟悉返自己地區醫院情況，知道點樣用NHS資源，先至最實際 👍。

👉 你附近嘅NHS Trust排第幾？可以留言講下～

=============================================
🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783

#英國 #醫療 #醫院排名 #物理治療 #移英港人 #倫敦 #香港人 #急症室

The new league tables score trusts on measures including finances and patient access to care.

07/09/2025

【物理治療小知識分享 12.4--Physio值唔值得讀？(4)】
💬最後一個重點——無論你喺香港定英國讀書，我都想講一樣好重要嘅嘢：

👉唔好讀咗一科自己根本唔了解嘅科。

我以前讀書嘅時候，成日見到有同學入咗物理治療之後先發現：
「吓？原來要做病房工作？」
「仲要抽痰？要搬病人？唔係淨係整下腰咩？」

⚠️結果發現唔啱自己，轉科、唔開心，甚至浪費咗幾年青春。

所以，我會強烈建議所有有興趣報 Physio 嘅同學：
✅ 最好係報之前去 Physio 診所、醫院影下、觀察下
✅ 真正了解日常工作係點
✅ 有無興趣服務病人、同人溝通、解釋問題
✅ 接唔接受身體勞動嘅工作模式

📌 Physio 唔係「文職」醫療工種，你會行得多、企得多、要體力、要觀察力、要耐性。

唔了解清楚就入行，真係會辛苦。

🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #入大學 #放榜 #移英港人 #醫療工作 #讀咩好 #香港人

31/08/2025

【物理治療小知識分享 12.3--Physio值唔值得讀？(3)】
👨‍🎓唔少同學都話擔心——香港政府唔請人，英國又 freeze hiring，咁讀緊物理治療嘅你，到底可以做啲咩？

1️⃣ 實習要落力做：唔好當係打卡收鐘，主動啲同 clinical educator 傾計，俾人記得你先有機會被推薦／請返轉頭。

2️⃣ 未搵工前主動 send message：見到有興趣嘅 clinic／醫院／部門，可以試下提早 send email 自我介紹＋表達興趣。建立印象好，真係有幫助！

3️⃣ CV / Interview 提早準備：唔好等到畢業先匆匆整，善用 career service 幫你改 CV、練習 interview，成功率真係會高好多。

4️⃣ shadow / 觀察多啲：唔好淨係靠實習，平時有機會可以試下 shadow 吓私家 clinic、NHS、老人院、復康機構，擴闊視野，增值自己。

5️⃣ 語言、溝通技巧要 keep up：唔論你喺邊度做，physio 最緊要都係講得清楚、溝通得好，呢個永遠都係一個 advantage。

🔑 總結一下：無論喺香港定英國，只要你肯主動、有心機、有態度，出路唔會太差。機會係留俾有準備嘅人💪！

📌
有興趣可以 follow 我，每個星期都會分享一啲關於英國醫療系統同物理治療嘅小知識～
想我講其他有關英國醫療嘅資訊？歡迎留言畀我！
想搵我做物理治療或檢查？歡迎 WhatsApp +44 7442 639783

#英國 #物理治療 #放榜 #搵工 #香港人 #移英港人 #倫敦 #新鮮人 #求職準備 #面試準備

23/08/2025

【物理治療小知識分享 12.2--Physio值唔值得讀？(2)】
👀講完香港，再講吓英國讀物理治療！

好多家長或者學生會問：「邊間 uni 好啲？要唔要揀排名高啲先？」

老實講，係英國，無人會問你邊間 uni 畢業。
我做咗幾年，見工從來都無人因為學校名而特別高分。

👔招聘最重視嘅係你嘅臨床經驗、溝通能力、面試表現，唔係張紙寫咩名。

🎓英國大學之間，課程內容都受 HCPC（英國健康與護理專業委員會）監管，標準相當統一。

💬而且 uni 排名好多時參考研究量，不代表教學質素，對實習多、學生 support 好與否都未必有直接關係。

✅建議：搵一間你會 enjoy 生活嘅地方、一個合你 style 嘅教學模式先係最實際。

🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #香港人 #倫敦 #移英港人 #入大學 #放榜季 #畢業生 #就業 #留學英國

17/08/2025

【物理治療小知識分享 12.1--Physio值唔值得讀？(1)】
🎓放榜季又到，無論係香港 DSE 定英國 UCAS，呢排好多中學生都開始考慮物理治療系係咪一個好選擇。

有香港朋友問：「香港物理治療咪好爆？係咪讀完都搵唔到工？」
的確，香港近年有供過於求嘅情況，特別係政府收緊資源，唔少公營機構同 NGO 都無 budget 請晒所有畢業生。

但係係咪就業率得一兩成？我又唔係咁悲觀。
真正有心、有熱誠嘅人，仍然會搵到出路。
相反，如果你讀書時懶懶地，面試唔投入、唔積極，機會自然就少。

👩‍⚕️👨‍⚕️你想病人交託身體俾你，自己都要有番咁上下責任感啦～

所以如果你係香港想讀物理治療系嘅同學，我真心建議：
👉 一定要對呢科有熱誠
👉 唔好純粹因為「穩陣」「搵到工」而報
👉 唔係淨係身高夠、夠力就啱讀

唔了解自己做緊咩、無心機嘅人，其實出嚟都好辛苦。

🔍有興趣可以follow我，我每個星期都會分享一D關於英國醫療系統同物理治療嘅小知識
📩想我講其他有關英國醫療嘅資訊？歡迎留言畀我！
🩺想搵我做物理治療或檢查？ 歡迎 WhatsApp +44 7442 639783
#英國 #物理治療 #香港人 #倫敦 #移英港人 #脊柱側彎 #入大學 #放榜 #放榜季

09/08/2025

📌 物理治療小知識分享 11.5 — 家長可以點做？提早發現脊柱側彎
之前講咗好多脊柱側彎係咩、邊啲要理、邊啲唔洗理。
今次就實際啲，講下作為家長你可以點做，幫小朋友提早發現問題。

👀 【第一步：學識簡單自我檢查】
你唔使係醫生，都可以做個初步觀察：
🔹 觀察膊頭有冇高低
🔹 睇下肩胛骨有冇一邊翹出嚟
🔹 叫佢向前彎腰（手指掂腳），望住脊骨條線有冇一邊凸出嚟（Adams test）

👉 每年做一次都已經足夠，特別係青春期成長期期間！

—
🏥 【第二步：發現有問題？唔好等太遲】
我曾經同幾位英國脊骨科醫生傾過，佢哋都話：
「好多時 NHS 希望小朋友 40 度側彎就轉介過嚟，但因為Waiting list，往往到 50 度甚至 60 度先見到，其實唔太理想。」
所以如果你：
1️⃣ 已經知道小朋友有脊柱側彎
2️⃣ 但下次覆診排得好耐（半年、一年）
3️⃣ 又開始懷疑佢個背有明顯惡化

就唔好猶豫：
✅ 嘗試聯絡 NHS 改期
✅ 或者用私家睇一次骨科醫生，幫手加快 NHS 排期
🔁 因為呢啲問題拖得耐，就真係有機會錯過手術黃金期，一世歪。

—
🙋🏻‍♀️ 如果你唔肯定點檢查，可以搵專業人士（例如我😄）幫你睇一次，或者教你點做。
—
=============================================
有興趣可以follow我,我每個星期都會分享一D關於英國醫療系統同物理治療嘅小知識
想我講其他有關英國醫療嘅資訊？歡迎留言畀我！
想搵我做物理治療或檢查？ 歡迎 WhatsApp +44 7442 639783
#英國 #物理治療 #拗柴 #腰背痛 #膝頭痛 #頸痛 #膊頭痛 #坐骨神經痛 #五十肩 #膝頭退化 #香港人 #倫敦 #移英港人
#脊柱側彎 #青少年健康 #側彎檢查 #家長指南 #骨科 #英國醫療 #物理治療 #香港人 #移英港人 #倫敦