06/08/2025
ხშირად მსმენია რეკლამები იმის შესახებ , თუ რამდენად ეფექტურია PRP თერაპია სხვადასხვა პრეპარატებთან შერევით , მაგალითად მელსმონთან, თუ ლაენეკთან თუ ჰიალურონის მჟავასთან თუ ამინომჟავებთან და ა.შ .
ეს ყველაფერი რომ გავიაზროთ და სწორი დასკვნა გავაკეთოთ , უნდა წარმოდგენა გვქონდეს იმაზე, თუ რაში მდგომარეობს პრპ სა და ასევე ცალკე აღებული პრეპრატების მოქმედების მექანიზმი . ( რომლებიც ცალკე აღებულიც იდეალურად მუშაობს სხვასთან შერევის დამოუკიდებლად ) .
( პოსტი ეკუთვნის უფრო მეტად სპეციალისტებს )
გთავაზობთ PRP თერაპიის მოქმედების პრინციპებს სადაც ვეცდები არგუმენტირებულად ავხსნა , რატომ არ შეიძლება მისი შერევა სხვა პრეპარატებთან.
დავიწყებ ზოგადად იმით, რომ
PRP (თრომბოციტებით მდიდარი პლაზმა) (Platelet-Rich Plasma) – ეს არის აუტოლოგიური პრეპარატი, რომელიც მიიღება პაციენტისავე სისხლისგან და შეიცავს მაღალი კონცენტრაციის თრომბოციტებსა და ბიოლოგიურად აქტიურ ფაქტორებს.
ძირითადი მოქმედების მექანიზმები:
ესენია - რეგენერაციისა და უჯრედული სტიმულაციის გაძლიერება.
თრომბოციტები აქტივაციისას გამოყოფენ ზრდის ფაქტორებს:
• PDGF - თრომბოციტული ზრდის ფაქტორი
• VEGF – სისხლძარღვთა ენდოთელიუმის ზრდის ფაქტორი
• TGF-β – ტრანსფორმირებადი ზრდის ფაქტორი
• EGF – ეპიდერმული ზრდის ფაქტორი
• IGF – ინსულინმსგავსი ზრდის ფაქტორი
ამ ფაქტორების მოქმედება
• ააქტიურებს ფიბრობლასტებსსა და მეზენხიმალუნ ღეროვან უჯრედებს , რაც ეხმარება კოლაგენის, ელასტინის და ჰიალურონის მჟავის სინთეზში, უჯრედების სტიმულაციაში.
• ასტიმულირებს კერატინოციტების გაყოფასა და მიგრაციას
• იწვევს ანგიოგენეზს – ახალი კაპილარების წარმოქმნას.
- ანთებისსაწინააღმდეგო მოქმედება-
PRP ამცირებს პროანთებითი ციტოკინების დონეს და არეგულირებს იმუნურ პასუხს. მნიშვნელოვანია:
• ატროფიული ნაწიბურების,
• ანდროგენული ალოპეციის,
• ქრონიკული ანთებების დროს.
- მიკროცირკულაციის გაუმჯობესება
VEGF-ის მეშვეობით იზრდება ქსოვილთა სისხლით მომარაგება, აიროვანი ცვლა და უჯრედების კვება.
- შენების და შეხორცების დაჩქარება.
თრომბოციტული ფაქტორები ასტიმულირებს დაზიანებული ქსოვილების რეგენერაციას – როგორც კანის, ასევე შემაერთებელი ქსოვილის დონეზე.
PRP-ის გამოყენების ძირითადი სფეროები:
• კოსმეტოლოგია – კანის გაახალგაზრდავება, ტექსტურის გაუმჯობესება, წვრილი ნაოჭების შემცირება
• ტრიქოლოგია – ანდროგენული და ტელოგენური თმის ცვენა
• დერმატოლოგია – ნაწიბურები, პოსტ-აკნე, სტრიები
• სპორტული მედიცინა – კუნთოვანი და იოგოვანი ქსოვილების აღდგენა
• ორთოპედია – ოსტეოართროზი, ტენდინოპათიები
რაში მდგომარეობს PRP ის ეფექტურობა?
• ის , რომ გამოიყენება პაციენტის საკუთარი სისხლი , არ იწვევს ალერგიას ან იმუნურ პასუხს
• შეიცავს თრომბოციტების მაღალ კონცენტრაციას და აქტიურ ბიომოლეკულებს
• მოქმედებს უჯრედულ და მოლეკულურ დონეზე , ასტიმულირებს ბუნებრივ რეგენერაციულ პროცესებს
ახლა კი გადავიდეთ მთავარზე .
რატომ არ შეიძლება PRP-ის შერევა სხვა პრეპარატებთან?
1. ის , რომ შესაძლებელია გამოიწვიოს თრომბოციტების არასტაბილურობა, რადგან
თრომბოციტები მგრძნობიარენი არიან pH-ის, ოსმოლარობისა და ქიმიური ნივთიერებების მიმართ. სხვა პრეპარატებთან შეხებისას შეიძლება:
• დაიშალოს (ლიზისი),
• ნაადრევად გააქტივდნენ (პრეპარატში, არა ქსოვილში),
• დაკარგონ ბიოლოგიური აქტიურობა.
2. შეიძლება მოხდეს ზრდის ფაქტორების ინაქტივაცია
PDGF, VEGF, EGF და სხვა ცილოვანი მოლეკულები მარტივად იშლება ან იშლება შერევისას:
• ანესთეტიკებთან,
• ვიტამინებთან,
• მეზოკოქტეილებთან და სხვა ფარმაკოლოგიურ ნივთიერებებთან.
3. შეიძლება მოხდეს ფიზიკური თვისებების ცვლილება.
შერევით იცვლება პრეპარატის სიბლანტე და ფიზიკური სტრუქტურა:
• რთულდება ზუსტი ინექცია,
• მცირდება პრეპარატის თანაბარი განაწილება ქსოვილებში.
4. კლინიკური ეფექტის გაურკვევლობა
შერეული შემადგენლობის გამოყენებისას გართულებულია შეფასება – სად არის რეალური ეფექტი და სად – არასასურველი შედეგი.
5. და ისიც , რომ შერევები საერთაშორისო პროტოკოლებს ეწინააღმდეგება
ESAPS, ISAPS, AAAM და სხვა ორგანიზაციები მკაცრად ურჩევენ PRP-ის შეყვანას მხოლოდ „სუფთა“ სახით ან მხოლოდ ავტოლოგიურ კომპონენტებთან ერთად (მაგ. PRF, ფიბრინის გელი).
აქედან გამომდინარე
PRP არის ბიოლოგიურად აქტიური, ცოცხალი პრეპარატი, რომელსაც აქვს ძლიერი რეგენერაციული პოტენციალი. მისი ეფექტურობა და უსაფრთხოება პირდაპირ დამოკიდებულია სწორად მიღებასა და შეყვანაზე.
- PRP უნდა იყოს სტერილური, სუფთა და შეურეველი.
ახლა ჩემი კითხვაა კოლეგებო: - კიდევ გაქვთ სურვილი PRP რამე სხვა ნივთიერებაში შეურიოთ? ( თუ რა თქმა უნდა მიზანი არ ემყარება პროცედურის გაძვირებას)
