Dr. Nata Nakaidze - ნატა ნაკაიძე

07/10/2025

რატომ შეიძლება შემცირდეს მენსტრუაციული ციკლის დღეების რაოდენობა❔

👇 ცვლილების შესაძლო მიზეზებია:

🔸 სტრესი და კორტიზოლის მატება: სტრესი ზემოქმედებს ჰიპოთალამუსზე, რომელიც არეგულირებს ჰორმონალურ ბალანსს. სტრესის მატების შედეგად ციკლი შეიძლება დამოკლდეს.

🔸 ფარისებრი ჯირკვლის პრობლემები— როგორც ჰიპოთირეოზი, ისე ჰიპერთირეოზი ცვლის ციკლის ხანგრძლივობას.

🔸პროგესტერონის დეფიციტი ან ესტროგენის სიჭარბე. თუ ლუთეალური ფაზა (ციკლის მეორე ნახევარი) პროგესტერონის კლების ფონზე მცირდება, მენსტრუაცია უფრო მალე დგება. როცა ესტროგენი ჭარბობს პროგესტერონთან შედარებით, ენდომეტრიუმი უფრო მალე იზრდება და მისი ჩამოშლაც უფრო მალე ხდება, შესაბამისად მცირდება მენსტრუაციათა შორის ინტერვალი.

🔸სხეულის წონის მატება - გარდა იმისა რომ მკვეთრი კლება ან მატება არის დიდი სტრესი ორგანიზმისათვის, ცხიმი არის ჰორმონ წარმომქმნელი ორგანო, შესაბამისად წონის მკვეთრი ცვლილება პირდაპირ გავლენას ახდენს მენსტრუაციულ ციკლზე.

🔸 ინტენსიური ვარჯიში, უძილობა, არა-ჯანსაღი კვება და რკინის დეფიციტი.

🔸 პერიმენოპაუზა- როდესაც ოვულაცია არ არის რეგულარული, ციკლთა შორის ინტერვალი ხშირად მოკლდება.

🔸 მედიკამენტები როგორიცაა ჰორმონალური კონტრაცეპტივები შეიძლება გამოყენებული იყოს მენსტრუაციული ციკლის სამართავად.

🔸გინეკოლოგიური დაავადებები მაგალითისათვის პოლიკისტოზური საკვერცხის სინდრომი (PCOS) — ზოგჯერ იწვევს როგორც გახანგრძლივებულ, ასევე შემცირებულ ციკლს.

🔸ინფექციები და სხვა ცვლილებები დაკავშირებული ენდომეტრიუმის ფუნქციასთან.

👇თუ ცვლილება იღებს რეგულარულ სახეს აუცილებელია ამ ცვლილების გამოკვლევა და დროულად მართვა, ამიტომაც ქალბატონებმა ყოველთვის უნდა ყურადღებით ადევნონ თვალი მენსტრუაციული ციკლის თავისებურებებს - ეს არის ერთგვარი საზომი ქალის რეპროდუქციული ჯანმრთელობის.

📍კითხვების შემთხვევაში გთხოვთ დატოვოთ კომენტარი პოსტზე.
🌸ექიმი რეზიდენტი-რეპროდუქტოლოგი, ბიოლოგი ნატა ნაკაიძე..

29/09/2025

22/09/2025

20th world Congress in Human Reproduction. განვიხილეთ ფაგების როლი გინეკოლოგიაში. ვფიქრობ თემა არის საკმაოდ განვითარებადი და საინტერესო. ბევრი კითხვაა რომელზეც ჯერ პასუხი არ გვაქვს, მაგრამ ეს მხოლოდ დროის საკითხია. ❤️

03/09/2025

🌜💤ქრონიკული დაღლილობის სინდრომი (Chronic Fatigue Syndrome ), მრავალფაქტორული დაავადებაა, რომელიც ხასიათდება ძლიერი, განმეორებითი ან მუდმივი დაღლილობით. დაღლილობის შეგრძნება არ იკლებს დასვენებით და მნიშვნელოვნად ზღუდავს ყოველდღიურ ფუნქციონირებას.

🧬გარდა გენეტიკური წინასწარგანწყობისა, გამომწვევი მიზეზები შეიძლება იყოს:

🦠 ინფექციები:

🔶ვირუსული ინფექციები, როგორიცაა:
Epstein-Barr Virus (EBV), Cytomegalovirus (CMV), HHV-6, enterovirus-ები.

🔶ბაქტერიული ინფექციები: Mycoplasma pneumoniae, Chlamydia pneumoniae, Lyme-ის დაავადება (Borrelia burgdorferi).

🟡იმუნური დისფუნქცია: იმუნური სისტემის ჰიპერაქტივობა ან დაქვეითებული ფუნქცია.

🟡ჰორმონული და ნეიროენდოკრინული დარღვევები:

🔶ჰიპოთალამუს-ჰიპოფიზ-თირკმელზედას (HPA axis) დისრეგულაცია ან
კორტიზოლის დონის ცვლილებები (ხშირად დაბალი ან არათანაბარი სეკრეცია).

🟡 ფარისებრი ჯირკვლის ფუნქციის დარღვევები, განსაკუთრებით ხშირია ჩვენს პოპულაციაში.

🟡 ფსიქოსოციალური და სტრესული ფაქტორები. თანხმლები დეპრესიის დროს, ხშირია პაციენტს განუვითარდეს ქრონიკული დაღლილობის სინდრომი.

👇მნიშვნელოვანია, მსგავსი მდგომარეობის დროს გამოირიცხოს ყველა ფიზიოლოგიური მიზეზი, იქნება ეს ჰორმონალური ცვლილებები თუ ნეიროქიმიური ფაქტორები და მოხდეს ეტაპობრივი მკურნალობა.

📍კითხვების შემთხვევაში გთხოვთ დატოვოთ კომენტარი პოსტზე.
🌸ექიმი რეზიდენტი-რეპროდუქტოლოგი, ბიოლოგი - ნატა ნაკაიძე

26/08/2025

შესაძლებელია თუ არა ორსულობის დადგომა ლაქტაციის პერიოდში?

🔹ლაქტაცია (ძუძუთი კვება) ამცირებს ორსულობის დადგომის შანსს მაშინ როდესაც:

-კვება მხოლოდ ძუძუთი ხდება, ხშირი ინტერვალებით.

-მშობიარობის შემდეგ, ქალს ჯერ არ აღუდგა მენსტრუაციული ციკლი.

👇თუმცა შანსის შემცირება, სულაც არ არის გარანტია იმისა რომ ორსულობა არ დადგება, მეტიც შეიძლება ოვულაციური ფუნქცია ქალს უფრო მალე დაუბრუნდეს ვიდრე მენსტრუაცია.

🔸თუ გვინდა თავი თავიცვათ ორსულობისაგან, ლაქტაციის პერიოდში, მნიშვნელოვანია დამატებითი თავდაცვის საშუალების გამოყენება.

📍კითხვების შემთხვევაში გთხოვთ დატოვოთ კომენტარი პოსტზე.
🌸ექიმი რეზიდენტი-რეპროდუქტოლოგი, ბიოლოგი - ნატა ნაკაიძე.

26/08/2025

ძალიან ბევრ ქალს აწუხებს კითხვა: იწვევს თუ არა ორალური კონტრაცეპტივები წონაში მატებას❓მეტიც, ბევრი პაციენტი უარს ამბობს მედიკამენტის მიღებაზე, ზუსტად ამ შიშის გამო.

🔶ესტროგენის შემცვლელი მედიკამენტის მიღების დროს წონის მატება დაკავშირებულია სითხის შეკავებასთან. ამ შემთხვევაში მატება არის დაახლოებით 1-2 კილოგრამი.

👇თანამედროვე ორალური კონტრაცეპტივები შეიცავს ესტროგენის დაბალ დოზას, შესაბამისად სითხის შეკავებაც მინიმალურად ხდება.

🔶მარტივად რომ ვთქვათ, თანამედროვე მედიცინა არ ადასტურებს კავშირს ორალური კონტრაცეპტივებსა და წონაში მატებას შორის. თუმცა, ძალიან მნიშვნელოვანია ნებისმიერი მედიკამენტის მიღებამდე, შესაბამისი პროფილის ექიმთან გავიაროთ კონსულტაცია

26/08/2025

რჩევები მათვის ვისაც აწუხებს ცისტიტი:

🔶 პაციენტები ხშირად მოგვმართავენ შემდეგი ჩივილებით:

🔹ხშირი შარდვა.

🔸მწვავე ტკივილი ან წვა შარდვის დროს.

🔹მოულოდნელი ან გადაუდებელი შარდვის სურვილი.

🔸მუცლის არეში ტკივილი ან დისკომფორტი.

🔹შარდში სისხლის არსებობა და ა.შ.

👇მსგავსი ჩივილები ხშირად არის გამოწვეული საშარდე გზების ინფექციით (UTI), რომელიც ანატომიური თავისებურებების გამო, უფრო ხშირად ვითარდება ქალებში (მოკლე ურეთრა/შარდსადენი).

🔹შემთხვევათა 70-80% არის გამოწვეული Escherichia coli-თან ასოცირებული ბაქტერიული ინფექციით.

მნიშვნელოვანი რისკ-ფაქტორები:

1. ანატომიური თავისებურებები: მოკლე ურეთრა ქალებში.

2. ახალ დაწყებული სქესობრივი აქტივობა.

3. ორსულობა - ჰორმონული და ანატომიური ცვლილებების გამო.

4. შარდის ბუშტის არასრული დაცლა.

5. ინვაზიური, უროლოგიური და გინეკოლოგიური მანიპულაციები.

6. იმუნოსუპრესია და ქრონიკული დაავადებები, როგორიცაა მაგალითად შაქრიანი დიაბეტი.

7. მიკროფლორის ცვლილება - რაც შეიძლება იყოს ასოცირებული ხანგრძლივ ანტიბიოტიკო-თერაპიასთან.

როგორ შევამციროთ ცისტიტის განვითარების რისკი?

1. სითხის საკმარისი მიღება – შარდის ხშირი გამოყოფა ხელს უწყობს ბაქტერიების „გამორეცხვას“.

2. შარდვის დაჩქარება სქესობრივი აქტის შემდეგ – ამცირებს ბაქტერიების ბუშტში ასვლის რისკს.

3. ინტიმური ჰიგიენა – სწორი მიმართულებით გაწმენდა (წინიდან უკან).

4. შარდის შეკავების თავიდან აცილება – საშარდე ბუშტის სრულად დაცლა.

5. შესაფერისი საცვლები – ბამბის ქსოვილი (არასასურველია სინთეტიკური, ძალიან მჭიდრო ტანსაცმელი).

6. ჯანსაღი კვება და იმუნიტეტის გაძლიერება – ქრონიკული დაავადებების კონტროლი (მაგ. დიაბეტი).

🔸🔸როგორ მოვიქცეთ თუ გვაქვს საშარდე გზების ინფექციის სიმპტომები?

👇აუცილებლად უნდა მივმართოთ ექიმს, ვინაიდან სწორი მკურნალობა აგვარიდებს ძალიან მძიმე გართულებებს (მაგალითად პიელონეფრიტი). ასევე მნიშნელოვანია შევიმუშავოთ ისეთი მკურნალობის და შემდგომი პრევენციის სტრატეგია, რომ მოხდეს გამეორებითი ინფექციის რისკის შემცირება.

📍კითხვების შემთხვევაში გთხოვთ დატოვოთ კომენტარი პოსტზე.
🌸ექიმი რეზიდენტი-რეპროდუქტოლოგი, ბიოლოგი - ნატა ნაკაიძე.

16/07/2025

☀️გარკვეული დერმატოლოგიური პრობლემების გამწვავების და განვითარების რისკი, როგორიცაა მაგალითად მელაზმა, ბევრად უფრო მაღალია ორსულობისას.

☀️სხეულის "გადახურება" საშიშია, განსაკუთრებით პირველ ტრიმესტრში, ამან შეიძლება გავლენა იქონიოს ნაყოფის განვითარებაზე.

☀️ მზის სხივების ქვეშ ხანგრძლივი დროის გატარება ასოცირებულია, ალერგიული რეაქციების განვითარების გაზრდილ რისკთან.

"გარუჯვა" ორსულობის დროს არ შეიძლება, თუმცა თუ სანაპიროზე გვიწევს ყოფნა უმჯობესია გავითვალისწინოთ შემდეგი რეკომენდაციები:

⛱სანაპიროზე გასასვლელად აირჩიე დილის ან საღამოს საათები (10:00-მდე ან 17:00 საათის შემდეგ).

⛱იყავი ჩრდილში და არ გაატარო მზეზე დიდი დრო (15–20 წუთი).

⛱გამოიყენე SPF 30+ მზისგან დამცავი კრემი, რომელიც უსაფრთხოა ორსულებისთვის (შეამოწმე შემადგენლობა).

⛱ატარე ქუდი და მზის სათვალე.

⛱ მიიღე ბევრი სითხე — ორსულობისას დეჰიდრატაციის რისკიც იზრდება.

💥რაც შეეხება სოლარიუმს, ან სანაპიროზე გარუჯვას- პასუხი არის მკაცრი არა.

12/07/2025

🦠მიკრობიომი წარმოადგენს მიკრო ორგანიზმების ერთობლიობას, რომელიც უზრუნველყოფს სხვადასხვა ორგანოს სწორ ფუნქციონირებას.

👇🏻მიკრობიომის შემადგენელი ნაწილია კომენსალი/არაპათოგენური ბაქტერიები და ვისურები. საინტერესოა, რომ სხვადასხვა ორგანოთა სისტემაში არსებული მიკრობიომი შემადგენლობით განსხვავდება.

🤝თუ კომენსალი მიკრო ორგანიზმების რიცხვი მცირდება, ირღვევა ჰომეოსტაზი, რაც განაპირობებს პათოგენური ბაქტერიებს ან ვირუსების რიცხვის მატებას.

👇🏻ქალის რეპროდუქციული ტრაქტის მიკრობიომი პირდაპირ განსაზღვრავს სხვა დაავადების განვითარების რისკს.

✍🏻ძალიან საინტერესოა, რომ მიკრობიომის შემადგენელი ნაწილია ბაქტერიოფაგები - ბაქტერიის შთანთქმელი ვირუსები. მათ წამყვანი როლი უჭირავთ ვაგინალური მიკრობიომის სწორ ფუნქციონირებაში და ჰომეოსტაზის შენარჩუნებაში.

27/06/2025

🔹მენსტრუაციული ციკლის გადაცდენის შემდეგ, ყველაზე ხშირად ტარდება შარდის ორსულობის ტესტი, რომელიც საზღვრავს ქორიონული გონადოტროპინის რაოდენობას შარდში:

👇ზოგ შემთხვევაში შესაძლებელია დადებითი შედეგის მიღება გადაცდენამდე 1–2 დღით ადრე, მაგრამ ამ დროს ტესტის სიზუსტე ნაკლებია.

🔹გადაცდენიდან 1 კვირის შემდეგ ტესტის სიზუსტე დაახლოებით
97–99%-ს აღწევს.

👇ამ ეტაპზე ასევე შესაძლებელია, ამავე ჰორმონის განსაზრვრა სისხლში. ეს ტესტი, იგივე ვადაზე ბევრად უფრო სენსიტიურია.

🔹რაც შეეხება ექოსკოპიას, ვაგინალური ექოსკოპია შეიძლება ადრეულ ვადაზე გაკეთდეს იმისათვის რომ ნაყოფის ლოკალიზაცია მოხდეს საშვილოსნოს ღრუში. ყველაზე ხშირად პირველადი ექოსკოპია ტარდება 5-6 კვირის ვადაზე.

📍კითხვების შემთხვევაში გთხოვთ დატოვოთ კომენტარი პოსტზე.
🌸ექიმი რეზიდენტი-რეპროდუქტოლოგი, ბიოლოგი - ნატა ნაკაიძე.

25/06/2025

🔹პოლიკისტოზური საკვერცხის სინდრომი ქრონიკული, ჰორმონული დისბალანსით მიმდინარე მდგომარეობაა, რომელიც საკმაოდ ხშირია რეპროდუქციული ასაკის ქალებში.

👇ამ დაავადების "განკურნება" შეუძლებელია. ჩვენი მიზანია ჩივილების მართვა და პაციენტის ცხოვრების ხარისხის გაუმჯობესება. უნდა აღინიშნოს რომ მენოპაუზის დროს, PCOS-ის მქონე ქალებს აღენიშნებათ მაღალი რისკი მეტაბოლური სინდრომის და გულსისხლძარღვთა დარღვევების განვითარების.

🔹ხშირია შემდეგი ჩივილები: მენსტრუაციული ციკლის დარღვევა, ინსულინ რეზისტენტობა, ჭარბი წონა, ჭარბთმიანობა და უშვილობა. იმის მიუხედავად, რომ ეს მდგომარეობა არის ქრონიკული და მულტიფაქტორული, თითოეული ჩივილის მართვა შეიძლება მოხდეს ეფექტურად.

🔹ყველა პაციენტს PCOS-ის დიაგნოზით ეძლევა რეკომენდაცია ცხოვრების ჯანსაღი წესის. ჭარბწონიან პაციენტებში წონაში კლება 10%-ით აღადგენს მენსტრუაციულ ციკლს, მედიკამენტების გამოყენების გარეშე.

📍კითხვების შემთხვევაში გთხოვთ დატოვოთ კომენტარი პოსტზე.
🌸ექიმი რეზიდენტი-რეპროდუქტოლოგი, ბიოლოგი - ნატა ნაკაიძე.

03/06/2025

დღევანდელი მოხსენება შეეხებოდა დაუნის სინდრომს. როგორია ქალის ფერტილობა ამ მდგომარეობის დროს და რა არის შანსი დაუნის სინდრომის განვითარების. 🧬 #მეგობრებიარითვლიანქრომოსომებს ❤️