https://www.facebook.com/574517632414454/

Dr. Mzia Samkharadze, Tbilisi (2025)

24/04/2025

ფასდაკლება მეტალის სტანდარტულ ბრეკეტ-სისტემაზე ✨

08/04/2025

რა განსხვავებაა სტანდარტულ იგივე ლიგირებად და თვითლიგირებად ბრეკეტებს შორის?

01/04/2025

როდის უნდა მიმართოთ ორთოდონტს? 👇

27/03/2025

❗️აუცილებლად გაითვალისწინეთ:

✅ პროფესიული ჰიგიენის ჩატარება მნიშვნელოვანია თქვენი პირის ღრუს ზოგადი ჯანმრთელობისთვის.

‼️ თანამედროვე გაიდლაინებით, აღნიშნული პროცედურის ჩატარება რეკომენდირებულია ყოველ 6 თვეში ერთხელ (წელიწადში 2-ჯერ), ხოლო ბრეკეტების ტარებისას 3-4 თვეში ერთხელ.

❗️ზოგჯერ აღნიშნული ვადები იცვლება და პროფესიული ჰიგიენის ჩატარებებს შორის ინტერვალი მცირდება, რაც განპირობებულია პირის ღრუს არადამაკმაყოფილებელი მდგომარეობით.

20/03/2025

✨პირის ღრუს ჯანმრთელობის დღეა✨

Happy World Oral Health Day 💛

13/03/2025

კონსულტაციაზე ჩასაწერად მომწერეთ პირად შეტყობინებაში ან დამიკავშირდით ნომერზე: 571027214

✨გისურვებთ ჯანმრთელობას! ✨

10/03/2025

📍ანკილოგლოსია (ენის მოკლე ლაგამი),Tongue-tie თანდაყოლილი მდგომარეობაა. ამ დროს ენის მოძრაობაა შეზღუდული, რაც შესაძლოა, სხვადასხვა ხარისხით იყოს გამოხატული.

‼️აღნიშნული მდგომარეობის დროს ახალშობილობის პერიოდში, როგორც წესი, კვების პრობლემა ვლინდება, ჩვილებს უჭირთ ძუძუზე ან ბოთლზე მოჭიდება, წოვა. ასაკის მატებასთან ერთად შესაძლოა, უარყოფითი გავლენა იქონიოს ქალა-სახის სტრუქტურების განვითარებაზე, რასაც საბოლოოდ მივყავართ თანკბილვის ანომალიის განვითარებამდე.

✅ ნორმაში ენის წვერი შეხებაშია მაგარ სასასთან და ზედა ფრონტალური კბილების უკანა ზედაპირთან. ენის აღნიშნული პოზიცია მნიშვნელოვანია ზედა ყბის სწორად განვითარებისთვის.

❌ ენის მოკლე ლაგამის დროს ენა ინაცვლებს ქვემოთ, მისი ჩვეული პოზიცია იცვლება და როგორც წესი, ზედა ყბის განვითარება ფერხდება. რაც შეეხება ქვედა ყბას, ენის იძულებითი ქვედა პოზიცია ქვედა ყბის სხეულის წინა მიდამოში გარკვეულ ზეწოლას განაპირობებს წინა და ქვედა მიმართულებით (ენა საკმაოდ ძლიერი კუნთოვანი ორგანოა), რის შედეგადაც შესაძლოა, განვითარდეს მეზიალური და ღია თაკბილვა (Class III malocclusion and open bite).

‼️ გარდა ამისა, ხშირია ფუნქციური დარღვევები: მეტყველების, ყლაპვის, ღეჭვის პრობლემები, აღენიშნებათ პირით სუნთქვა.

📍გამოვლინების თვალსაზრისით, კვლევებით დადგინდა, რომ ბიჭებში უფრო ხშირია ვიდრე გოგონებში.

📌 ანკილოგლოსიის შესაფასებლად გამოიყენება Kotlow’s კლასიფიკაცია- იზომება მანძილი ენის წვერიდან ლაგამის მიმაგრების წერტილამდე. კლინიკურად მისაღები ნორმაა- 16მმ. სიმძიმის მიხედვით გამოყოფილია 4 კლასი:

1. Mild (12-16mm)
2. Moderate (8 to 12mm)
3. Severe (4-8mm)
4. Complete (0-4mm)

❗️მკურნალობას რაც შეეხება, ზემოთ აღნიშნული გართულებების დროს პირველ რიგში გამომწვევი მიზეზის მოხსნაა აუცილებელი, რაც გულისხმობს ლაგამის კორექციას ქირურგიული გზით.

✨გისურვებთ ჯანმრთელობას✨

09/03/2025

❗️როგორც წინა პოსტში აღვნიშნე, ზედა ტუჩის ლაგამის ანომალური მიმაგრება შეიძლება იყოს დიასთემის ერთ-ერთი გამომწვევი მიზეზი.

📌 Blanching test- ეს კვლევა გვეხმარება, დავსვათ ზედა ტუჩის ლაგამის ანომალური მიმაგრების დიაგნოზი.

✔️ განვიხილოთ აღნიშნული ეტიოლოგიური ფაქტორის (გამომწვევი მიზეზის) შემთხვევაში როგორია მკურნალობის მეთოდი- მნიშვნელოვანია ორთოდონტისა და ქირურგის კომპლექსური მიდგომა.

❓ დღესდღეობით სადავო საკითხია, როდის უნდა ჩატარდეს ფრენექტომია (ზედა ტუჩის ლაგამის კორექცია)-ორთოდონტის მიერ დიასთემის სრულად დახურვამდე თუ დახურვის შემდეგ.

ზოგი ორთოდონტი უპირატესობას ანიჭებს ქირურგიულ ჩარევამდე დიასთემის სრულად დახურვას, მითუმეტეს თუ დიასთემა (სივრცე) მცირე ზომისაა. ამ მეთოდის ნაკლი ის არის, რომ სივრცის სრულად დახურვისას ლაგამის ღრმა ბოჭკოებზე წვდომა შედარებით შეზღუდულია და ეს შემდგომში რეციდივის ალბათობას ზრდის.

თუ დიასთემა დიდი ზომისაა და კბილებს შორის ჩაზრდილი ლაგამი სქელია, მაშინ შეუძლებელია ორთოდონტის მიერ სივრცის სრულად დახურვა ქირურგიულ ჩარევამდე. სივრცე იხურება ნაწილობრივ და ფრენექტომიის შემდეგ კვლავ ორთოდონტი ერთვება პროცესში დარჩენილი სივრცის დასახურად. ზოგი აღნიშნულ მიდგომას ანიჭებს უპირატესობას - ჭრილობის შეხორცებისა და სივრცის დახურვის პროცესი ერთდროულად მიმდინარეობს, პოსტოპერაციული ნაწიბური ასტაბილურებს კბილებს, გარდა ამისა ქირურგიული ჩარევის შემდეგ კბილები შედარებით უფრო სწრაფად გადაადგილდება.

❗️ცალსახად არასწორია, როცა ზედა ტუჩის ლაგამის კორექციას (ფრენექტომიას) ატარებენ ადრეულ ასაკში და ორთოდონტული მკურნალობის გადადება ხდება ხანგრძლივი დროით იმ იმედით, რომ დიასთემა თავისით დაიხურება. ნაწიბური, რომელიც ქირურგიული ჩარევის შემდეგ ჩამოყალიბდება, შემდგომში აუცილებლად გამოიწვევს ორთოდონტული გზით დიასთემის დახურვის პროცესის გართულებას.

‼️ ბავშვთა სტომატოლოგიის ამერიკული აკადემიის რეკომენდაციით, ფრენექტომიას თან უნდა ახლდეს დიასთემის (სივრცის) დახურვა ორთოდონტული გზით. გასათვალისწინებელია, რომ აღნიშნული პროცედურების ჩატარება არ არის რეკომენდირებული ზედა მუდმივი ეშვის ამოჭრამდე (11-12 წელი).

‼️ დიასთემის დახურვის შემდეგ, არ აქვს მნიშვნელობა ფრენექტომია ჩატარდა თუ სხვა გამომწვევი მიზეზი აღმოიფხვრა, აუცილებელია ხანგრძლივი რეტენციული პერიოდი.

📹 კომენტარებში იხილეთ ვიდეო

09/03/2025

📌 დიასთემა ზედა ცენტრალურ საჭრელებს შორის არსებული სივრცეა. ცვლად თანკბილვაში აღნიშნული სივრცე ფიზიოლოგიური ნორმაა და როგორც წესი, თვითრეგულირდება მუდმივი გვერდითი (ლატერალური) საჭრელების (8-9 წელი) და/ან ეშვების ამოჭრის შემდეგ ( 11-12 წელი).

❗️მნიშვნელოვანია, გავითვალისწინოთ დიასთემის ზომა. კვლევებით დადგენილია, რომ თუ დიასთემა 2მმ-ზე ნაკლებია, აღნიშნული სივრცე თავისით დაიხურება, ხოლო თუ 2მმ-ზე მეტია, საჭიროა გამომწვევი მიზეზის დადგენა და ორთოდონტის დროული კონსულტაცია შემდგომი გართულებების თავიდან ასარიდებლად.

📍დიასთემა მულტიფაქტორულია (სხვადასხვა გამომწვევი მიზეზი შეიძლება ჰქონდეს). მათ შორის ყველაზე ხშირია:

1. ზედა ტუჩის ლაგამის ანომალური მიმაგრება;
2. ზეკომპლექსური (ზედმეტი) კბილის არსებობა- mesiodens;
3. მუდმივი გვერდითი საჭრელების ადენტია (არარსებობა);
4. კბილებისა და ყბის ზომებს შორის შეუსაბამობა (პატარა ზომის კბილები);
5. მავნე ჩვევა, მაგ. ცერა თითის წოვა.

📌 გამომწვევი მიზეზის დადგენა აუცილებელია. ამიტომ ზუსტი დიაგნოზის დასასმელად და მკურნალობის სწორი გეგმის შესარჩევად მნიშვნელოვანია სრულფასოვანი დიაგნოსტიკა:

1. ანამნეზის შეკრება
2. კლინიკური დათვალიერება
3. რენტგენოლოგიური კვლევები

✔️ აღნიშნული კვლევების საფუძველზე იგეგმება შესაბამისი მკურნალობა:

1. ორთოდონტული მკურნალობა ბრეკეტ-სისტემის საშუალებით;
2. ორთოპედიული მკურნალობა-ვინირები ან გვირგვინები
3. თერაპიული მკურნალობა- მხატვრული რესტავრაცია

09/03/2025

📌 დაბადებიდან გარკვეული პერიოდის განმავლობაში თითის წოვა ბუნებრივი რეფლექსია. აღნიშნული პროცესი ბავშვს ამშვიდებს, აწყნარებს. არის შემთხვევები, როდესაც თითის წოვას მუცლადყოფნის პერიოდშიც იწყებენ.

📍ასაკის მატებასთან ერთად ბავშვების უმეტესობას თითის წოვა ჩვევაში გადასდის. როგორც წესი, 2-4 წლის ასაკში თვითონ ანებებენ ამ ჩვევას თავს. მაგრამ თუ ეს პროცესი ხანგრძლივად გაგრძელდა, კერძოდ, სარძევე თანკბილვის ჩამოყალიბების შემდეგ და მუდმივი კბილების ამოჭრის პროცესში, შესაძლოა გავლენა იქონიოს კბილების დგომასა და ყბების ზრდის პროცესზე.

‼️ აღნიშნული დარღვევები ვითარდება კბილებზე თითის პირდაპირი ზემოქმედებისა და ასევე ენის, ლოყისა და ტუჩის ზეწოლის ცვლილების შედეგად. როდესაც ბავშვი ცერა თითს ათავსებს პირის ღრუში, ზეწოლა ვითარდება ზედა ყბის საჭრელ კბილებზე წინა მიმართულებით და ქვედა ყბის საჭრელ კბილებზე უკანა (ზოგჯერ წინა) მიმართულებით. გასათვალისწინებელია ის ფაქტი, რომ კბილების გადაადგილება უფრო მეტად დამოკიდებულია დღე-ღამის განმავლობაში განხორციელებული წოვითი ჩვევის ხანგრძლივობაზე ვიდრე ზეწოლის სიდიდეზე. როდესაც ბავშვი ძლიერად, მაგრამ გარკვეული ინტერვალებით (შუალედებით) წოვს თითს, შეიძლება ამ დროს ზედა და ქვედა საჭრელი კბილები არც გადანაცვლდეს. მაგრამ იმ შემთხვევაში თუ ბავშვს მთელი ღამე სძინავს ისე, რომ ცერა თითი მოთავსებული აქვს პირის ღრუში, დიდი ალბათობაა განვითარდეს თანკბილვის ანომალია, ძირითადად, ღია თანკბილვა.

❌ ბავშვებს აღენიშნებათ ფუნქციური დარღვევები, ყველაზე ხშირად მეტყველების დარღვევა, კერძოდ, სისინა/შიშინა (ს, ზ, ც, ძ, წ / შ, ჩ, ჟ, ჯ, ჭ ) ბგერების წარმოთქმა უჭირთ.

❗️თუ ბავშვს აღნიშნული ჩვევა დიდი ხანია აქვს, თითის დათვალიერებისას უმეტესად ვლინდება დეფორმაციები ან პარონიქია (ფრჩხილის ახლომდებარე რბილი ქსოვილის ჩირქოვანი ანთება).

📌 აუცილებელია მშობლების ინფორმირებულობა ამ საკითხთან დაკავშირებით. მათთვის შესაბამისი რჩევა-დარიგებების მიცემა ამ ჩვევის დროულად შეწყვეტისთვის: მშობლების მიერ ბავშვისთვის ვერბალური შეხსენებები, რომ პირში თითი არ ჩაიდოს, ბავშვის წახალისება, სხვადასხვა ფიზიკური აქტივობით დატვირთვა ყურადღების სხვა რამეზე გადასატანად.

✅ დღესდღეობით აქტიურად გამოიყენება Thumb guard (თითის დამცავი), რომელიც დამხმარე საშუალებაა თითის წოვის ჩვევაზე თავის დასანებებლად.

და ბოლოს ‼️

დროულად მიმართეთ ორთოდონტს შესაძლო გართულებების თავიდან ასარიდებლად!

📹 კომენტარებში იხილეთ ვიდეო

09/03/2025

❓რა კავშირია საწოვარას ხანგრძლივ გამოყენებასა და თანკბილვის ანომალიებს შორის?

📌 სანამ უშუალოდ მთავარ საკითხს განვიხილავთ, ვისაუბროთ მის დადებით და უარყოფით მხარეებზე:

✅ 1. კვლევებით დადგენილია, რომ საწოვარას გამოყენება ამცირებს ახალშობილების უეცარი სიკვდილის სინდრომის რისკს (SIDS);
2.წოვითი რეფლექსების დაკმაყოფილების საშუალებაა;
3. ემოციური სიტუაციების დროს საწოვარას საშუალებით ბავშვი მშვიდდება.

❌. 1. იზრდება ყურის ინფექციების რისკი;
2. შეიძლება გამოიწვიოს მავნე ჩვევის განვითარება, როგორიცაა ცერა თითის წოვა;
3. შესაძლოა, ხელი შეუშალოს ძუძუთი კვებას;
4. განვითარდეს თანკბილვის ანომალია.

‼️ ხანგრძლივობა, ინტენსივობა და სიხშირე- ეს 3 ფაქტორი განსაზღვრავს საწოვარას გამოყენებასა და თანკბილვის ანომალიებს შორის კავშირს. თუ ბავშვი საწოვარას დღე-ღამის განმავლობაში რამდენიმე წუთი იყენებს, თანაც გამოყენებებს შორის ინტერვალი (შუალედი) ხანგრძლივია, ნაკლებად სავარაუდოა, რომ ყბების ზრდასა და კბილების დგომაზე გავლენა იქონიოს. მაგრამ თუ აღნიშნული პროცესი საათობით გრძელდება, თანაც მოკლე ინტერვალებით, გაცილებით მეტი შანსია, რომ ბავშვს თანკბილვის ანომალია განუვითარდეს.

📌 კბილებზე ნებისმიერი ძალა თუ ზეწოლა იწვევს მათ გადაადგილებას. მათ შორის პირდაპირპროპორციული კავშირია- რაც მეტია ძალის ხანგრძლივობა, მით მეტია კბილებზე მისი გავლენა.როდესაც საწოვარა ხვდება პირის ღრუში, ენა გადანაცვლდება ქვემოთ, ლოყის კუნთების შეკუმშვა იწვევს ზედა ყბის კბილთა რკალის შევიწროებას, ეს განაპირობებს უკანა ჯვარედინი თანკბილვის განვითარებას. გარდა ამისა, საწოვარა გარკვეულ ზეწოლას ახდენს ზედა და ქვედა ფრონტალურ (წინა) კბილებზე, რასაც საბოლოოდ მივყავართ ღია თანკბილვის განვითარებამდე.

‼️ ბავშვთა სტომატოლოგიის ამერიკული აკადემიის რეკომენდაციით, ბავშვმა საწოვარას გამოყენება უნდა შეწყვიტოს 3 წლამდე. თუ ასე მოხდა, ნებისმიერი ცვლილება, რომელიც საწოვარას გამოყენების შედეგად განვითარდება, თვითრეგულირდება ბავშვის ზრდის პროცესში. 3 წლის ზემოთ თუ გაგრძელდა საწოვარას ხანგრძლივი გამოყენება, უკვე მნიშვნელოვანია ორთოდონტის ჩართვა- სრულფასოვანი დიაგნოსტიკის საფუძველზე შესაბამისი მკურნალობის გეგმის შედგენა.

✨გისურვებთ ჯანმრთელობას! ✨

09/03/2025

❓რა კავშირია პირით სუნთქვასა და თანკბილვის ანომალიებს შორის?

✅ სანამ უშუალოდ ამ საკითხზე დავიწყებთ საუბარს, ვთქვათ, რომ ცხვირით სუნთქვა მნიშვნელოვანია ადამიანის ზოგადი ჯანმრთელობისთვის. ორთოდონტული თვალსაზრისით, ეს პროცესი აუცილებელია ქალა- სახის სტრუქტურებისა და ყბა-კბილთა სისტემის ნორმალური განვითარებისთვის.

‼️ სამწუხაროდ, ბავშვებში პირით სუნთქვა საკმაოდ გავრცელებული პრობლემაა. გვხვდება დაახლოებით 11- 56%-ში.

✔️ პირით სუნთქვის მიზეზებია:
▪️ ცხვირის ღრუს ანთებითი დაავადებები, ალერგიული რინიტი, ქრონიკული რინიტი, სინუსიტი;
▪️ცხვირის მორფოლოგიური დეფორმაციები, მაგ. ცხვირის ძგიდის გამრუდება;
▪️ ადენოიდებისა და ტონზილების ჰიპერტროფია (გადიდება).

⭕️შევადაროთ ერთამენთს ცხვირით და პირით სუნთქვის დროს მიმდინარე პროცესები:

✅ ცხვირით სუნთქვის დროს ყბები ვითარდება სწორად, ენა იკავებს სწორ პოზიციას- იგი კონტაქტშია მაგარ სასასთან და ზედა ფრონტალური (წინა) კბილების უკანა (სასისკენა) ზედაპირთან, სახის ნაკვთები ვითარდება სწორად, პირი დახურულია, ტუჩები ეხება ერთმანეთს.

❌ პირით სუნთქვის დროს დარღვეულია პირგარეთა და პირშიგნითა კუნთების მიოდინამიური წონასწორობა. ქვედა ყბა ინაცვლებს ქვემოთ და უკან, ენაც გადანაცვლდება ქვემოთ. გვერდებიდან ლოყის კუნთები იჭიმება და ზეწოლა ძლიერდება, რაც იწვევს ზედა ყბის შევიწროებას. ზედა ყბის კბილთა რკალის ფორმა იცვლება- ელიფსის (U) ნაცვლად იქნება V ფორმის, შესაბამისად, კბილებს არ ექნება საკმარისი ადგილი კბილთა რკალში, რომ სწორად განთავსდეს. შედეგად ვითარდება კბილთა მჭიდრო დგომა. გარდა ამისა, პირით სუნთქვის დროს ირღვევა ყლაპვის ფუნქციაც- ამ დროს ენა თავსდება ზედა და ქვედა ფრონტალურ (წინა) კბილებს შორის, რაც ხელს უწყობს ღია თანკბილვის განვითარებას ( პირის დახურვისას ზედა და ქვედა ფრონტალური კბილები არ არის შეხებაში).

❗️პირით სუნთქვის დროს მიმდინარე პროცესები სახის ნაკვთებზეც აისახება, ყალიბდება “ადენოიდური სახე”- სახის ქვედა მესამედი დაგრძელებულია, აღინიშნება პირღიაობა, ტუჩები არ ეხება ერთმანეთს, ნიკაპი არ არის გამოხატული, ქვედა ყბა გადანაცვლებულია უკან.

‼️ დროული დიაგნოსტიკა მნიშვნელოვანია, რათა თავიდან ავიცილოთ აღნიშნული გართულებები.

📷 იხილეთ ფოტო სახის ნაკვთების შესადარებლად

📹 კომენტარებში იხილეთ ვიდეო პირით სუნთქვის დროს მიმდინარე პროცესების შესახებ

Dr. Mzia Samkharadze

24/04/2025

08/04/2025

01/04/2025

27/03/2025

20/03/2025

13/03/2025

10/03/2025

09/03/2025

09/03/2025

09/03/2025

09/03/2025

09/03/2025

Address

Website

Alerts

Contact The Practice

Shortcuts

Share

Category