O-Mind Garden 塚愛友家, Hong Kong (2025)

04/12/2025

講起「精神病」，一般都會諗到「黐線」、「發神經」、行為古怪、瘋瘋癲癲、生人勿近等等。從醫學角度，精神疾病係由於大腦一些部分受損，引致腦細胞功能障礙，例如腦細胞之間傳遞訊息嘅化學物質失衡。腦細胞功能障礙表現出來嘅就係各種精神上嘅病徵，包括認知功能、思想、情緒、感官、行為、生理功能(如睡眠、食慾) 嘅異常，及個人生活上各方面表現下降。[1]

精神疾病種類繁多，病情輕重不一，對患者生活嘅影響亦唔同。精神疾病唔會突然而來，病發前通常會有先兆或症狀出現。有些精神疾病症狀比較容易識別，如情緒抑鬱、幻覺、妄想、思維邏輯障礙等；但也有些情況，需經過較長時間嘅仔細觀察，才能肯定，如對外界刺激毫無反應、對工作、生活懶散不關心等。[2]

據調查顯示，每七位香港人中就有一位喺一生中會經歷常見嘅精神健康問題。[3] 精神疾病並不遙遠，也不罕見。我哋需要一齊正視精神疾病，搞清概念，解除誤解與偏見，勇於面對與理解。

#塚愛友家 #精神疾病 #關注精神健康 #心理健康 #神經病 #破除迷思 #消除誤解 #正視精神疾病 #情緒病 #常見精神疾病

References：
1. 對精神科藥物的基本認識. 青山醫院精神健康學院. Available at: https://www3.ha.org.hk/cph/imh/tc/mental-health-info/4/1/1/index. Accessed on 13 Nov, 2025.
2. 精神病的誤解與事實. 香港精神康復者聯盟. Available at: https://aemi-hk.org/misunderstanding.html. Accessed on 13 Nov, 2025.
3. 了解精神健康. 思健. Available at: https://www.mindset.org.hk/zh-hant/understanding-mental-health/for-all. Accessed on 13 Nov, 2025.

HKOP-ABI-202511-002

28/11/2025

無人可以獨自承擔所有壓力。照顧者唔使一個人撐嘅，可以搵唔同嘅支援網絡減壓：[1]

1️同濟支持
你可以同曾經有相似經歷嘅人傾下計，即使情況唔完全一樣，發現同其他照顧者嘅共通點都可以令你唔再感到孤單，可以透過照顧者組織、慈善機構或者社交平台聯絡其他照顧者。
2️專業醫療協助
如果覺得自己心理或精神健康出現問題，可以先搵家庭醫生傾下，佢哋會同你討論治療方法，例如談話治療或用藥，仲可以轉介你去臨床心理學家或精神科醫生，搵其他支援資源。
3️ 暫託服務
你有權休息，暫託服務可以幫你暫時交托照顧工作，包括政府、慈善機構或專業護理員支援，甚至朋友同家人都可以幫手。
4️社會關懷支援
社會服務提供實際協助，例如設備支援、技術幫手、暫託服務或專業醫護人員，幫你同被照顧者保持日常生活運作。

你唔使一個人頂晒，有支援會輕鬆啲，好好照顧自己先至可以照顧其他人。
#塚愛友家 #照顧者壓力 #社會支援網絡 #減壓 #同濟支持 #社交圈 #不孤獨 #專業協助 #臨床心理學家 #談話治療 #精神科 #暫託服務 #社會服務 #設備支援 #專業醫護人員 #自我照顧

Reference：
1. 我可以如何尋找幫助? 香港心聆. Available at: https://www.mind.org.hk/zh-hant/mental-health-a-to-z/照顧者/我可以如何尋找幫助?/ . Accessed on Oct 13, 2025.

HKOP-ABI-202510-008

24/11/2025

長期嘅照顧壓力可能令照顧者身心俱疲，導致出現情緒起伏、社交疏離、經濟壓力和角色衝突等問題，影響照顧者自身嘅身心健康。塚愛友家希望透過分享一些自助策略，讓照顧者在照顧他人嘅同時，也能好好照顧自己。照顧者5個自我照顧之道：[1]

1、察覺並接納自己嘅情緒：寫情緒日記、同朋友傾計都係好方法，即使係負面情緒，都值得理解同接受。
2、學習簡單壓力管理技巧：例如深呼吸、冥想、正念練習，可以幫你調節心情，找回內心嘅平靜。
3、學識劃清界線，量力而為：你可以拒絕額外嘅要求，唔需要事事追求完美。適時將部分照顧責任交俾其他家人、朋友或專業人士，俾自己喘息空間。
4、保持身心健康：規律運動、均衡飲食、充足睡眠，盡量安排自己喜歡嘅活動，例如散步、聽歌、閱讀，都可以紓緩壓力。
5、當你發現自己不堪重負、壓力大到頂唔順時，你可以向其他照顧者或專業人士尋求協助，分擔照顧壓力，獲得支持和力量。

自我照顧與關懷唔代表自私，而係為咗更好照顧他人。你嘅身心健康同樣重要，記住要愛自己先可以更好照顧身邊人～
#塚愛友家 #照顧者壓力 #照顧病患 #照顧長者 #自我照顧 #照顧他人 #察覺情緒 #接納負面情緒 #壓力管理 #量力而為 #身心健康 #專業協助 #不追求完美
Reference：
1. 屯門護老通暨健腦通. 社會福利署. Available at: https://www.swd.gov.hk/storage/asset/section/563/tc/Tuen_Mun_District_Community_Support_for_Elders_with_Dementia_and_their_Carers_Booklet_(No__4-6-2025).pdf.pdf. Accessed on Oct 13, 2025.

HKOP-ABI-202510-007

20/11/2025

現時香港並未有統一嘅照顧者定義，及正式統計數據有關照顧者嘅人數。[1,2] 照顧患者需要耗費大量精力照顧患病人士或缺乏自理能力嘅長者，往往承受沉重嘅壓力，缺乏足夠嘅喘息時間。長期下來會令照顧者感到無力、焦慮、沮喪，身心疲累。

至於需要照顧精神病患者嘅家屬就更唔容易。根據香港政府2021年估計，大約有25.68萬名精神病或情緒病患者，佔整體人口3.4%；因而產生至少45萬名照顧者。佢哋好多時候忽略咗自己，將大部分嘅耐性、時間同心力，都放喺「對方嘅需要」上。而照顧精神病患者嘅困難包括身心壓力、經濟負擔、人際關係疏離、缺乏私人空間、對病情不了解、社會標籤以及不願尋求協助。同時，照顧者自身亦可能因長期照顧而面臨就業、健康及社交方面嘅挑戰。[3]

照顧者承受著隱形卻真實嘅負擔，佢哋嘅辛苦值得被睇到，佢哋嘅壓力與情緒同樣需要被聽到、被照顧到。鼓勵大眾可以多啲關心、理解同支援照顧者，因為陪伴嘅人，同樣需要被陪伴！

#塚愛友家 #照顧者壓力 #照顧者負擔 #照顧病患 #照顧情緒病 #孤獨 #忽略自己 #照顧他人 #承受壓力 #人口老化 #照顧者倦怠 #身心健康問題 #辛苦值得被看見 #社會支援 #陪伴

References：
1. 協會言論. 香港婦女中心協會. Available at: https://womencentre.org.hk/Zh/Newsroom/statement/cdc_carerpolicy_2023/. Accessed on Oct 13, 2025.
2. 就「對照顧者提供的支援」提交意見書. 香港婦女中心協會. Last updated on Sep 6, 2023. Available at: https://www.legco.gov.hk/yr2023/chinese/panels/ws/papers/ws20230612cb2-584-1-c.pdf. Accessed on Oct 13, 2025.
3. 照顧者角落. 元路上精神健康求助平台. Available at: https://rebound.richmond.org.hk/supporting-info/about-caregiver/. Accessed on Oct 13, 2025.

HKOP-ABI-202510-006

17/11/2025

當身體長期面對壓力時，內分泌系統會開始運作，腎上腺皮質會開始不停釋放皮質醇（即壓力荷爾蒙）。適量嘅皮質醇可以令我哋保持警覺、充滿能量應付外界挑戰，但過量嘅皮質醇則會讓人長期處於極度緊張與焦慮嘅情況之中，導致免疫系統與身體能量下降，進而對大腦產生負面影響，例如：記憶力變差、腦袋難以冷靜思考、思考同決策變慢，甚至唔想同人互動。久而久之，大腦就好似被困喺「負能量循環」之中，呢個亦係好多抑鬱症患者常會遇到嘅狀況。[1]

塚愛友家提提大家平日生活工作中一定要記得俾自己適度休息，透過運動、深呼吸、放鬆或冥想，幫助大腦重拾能量，情緒都會變得更穩定！

#塚愛友家 #壓力爆炸 #腦袋縮水 #內分泌 #皮質醇 #壓力荷爾蒙 #免疫力下降 #記憶力變差 #思考無能 #拒絕社交 #負能量 #抑鬱症 #給大腦充電 #適度休息 #放鬆身心

Reference：
1. 壓力不只影響情緒，還會改變大腦! 董氏基金會華文心理健康網. Last updated on Sep 30, 2022. Available at: https://www.etmh.org/Services/show_more?id=fa553930338c43d5887a5bd4dbc3b6b8. Accessed on Oct 13, 2025.

HKOP-ABI-202510-005

12/11/2025

壓力同情緒其實係分唔開嘅。當面對壓力時，情緒自然會跟住反應：適度壓力能激發正面情緒，令你更專注、更有動力；但過量壓力就容易帶來負面情緒，令表現下降，長遠更影響身心健康。[1] 持續而無法應付的壓力，往往會誘發情緒病（如抑鬱症、焦慮症）。[2] 換句話講，管理好壓力，就能減低精神健康問題嘅風險。

同時，情緒本身亦可以成為壓力來源，受情緒病症狀困擾嘅人會喺主觀上覺得自己無法應付一般外來嘅壓力。[2] 壓力與情緒互相影響，唯有學識壓力管理和情緒調節，先可以打破惡性循環，幫助身心回復平衡。

#塚愛友家 #壓力與情緒 #壓力過大 #情緒病 #精神健康問題 #焦慮 #抑鬱 #正面情緒 #負面情緒 #壓力管理 #情緒調節 #抗壓能力 #情緒困擾

References：
1. 壓力管理. 青山醫院精神健康學院. Available at: https://www3.ha.org.hk/cph/imh/tc/mental-health-info/1/1/2/stress-management. Accessed on Oct 13, 2025.
2. 壓力與情緒病的關係. 香港健康情緒中心. Available at: https://www.hmdc.cuhk.edu.hk/mood-disorders-stress/. Accessed on Oct 13, 2025.
HKOP-ABI-202510-004

06/11/2025

每年11月嘅第一個星期三都係國際壓力關注日 (National Stress Awareness Day)。之所以揀星期三係因為佢係一個星期最中間嘅日子，通常亦係大家覺得最疲倦、壓力最大嘅一日，希望藉此機會提升大家對壓力嘅認識同關注。趁住今日，不如俾自己一個小小嘅停頓，靜落嚟，感受同正視自己嘅壓力，唔好等到累積到爆煲先至處理。

以下 6 個小貼士，可以幫你紓緩壓力：

✅ 做好時間管理，分清優先次序。
✅ 每日適量運動，配合規律作息，增強身心能量。
✅ 多做身心鬆弛練習如正念、冥想、肌肉放鬆練習等，幫助釋放緊張情緒。
✅ 量力而為，唔需要事事執著完美。
✅ 多啲同信任嘅人傾吓，分享感受，減輕負擔。
✅ 如果感到太沉重，可以搵專業人士協助。

#塚愛友家 #正視壓力 #放鬆身心 #國際壓力關注日 #壓力大點算好 #釋放壓力 #壓力爆煲 #時間管理 #適量運動 #正念 #冥想 #傾訴心聲 #專業協助

HKOP-ABI-202510-003

31/10/2025

我哋好多時候傾向抑壓負面情緒，讓自己盡量表現得「正常」。為咗紓解平日積聚嘅壓力，更好咁調節自己嘅情緒，大家除咗可以做運動出身汗，亦都可以透過藝術創作將自己嘅感受同想法表達出嚟。

唔知大家有冇試過禪繞畫？禪繞畫係一項用不斷重複的基本圖形（包括畫點、直線、弧線、蛇形線以及空心圓）來創作嘅繪畫方法。我哋唔需要有太多嘅準備，隨手拎一枝筆、一張紙，順着靈感畫，就可以進入放鬆同專注嘅狀態。我哋喺禪繞嘅過程中可以靜心冥想、安定心神，從中釋放自己嘅焦慮煩躁，獲得解決當下困境嘅解答同心靈嘅平靜。[1]

無論你有冇藝術細胞，如果你覺得情緒低落、壓力大，不妨試下放慢腳步、動動雙手，隨意畫畫，沉浸喺自己嘅藝術空間，可能會有意想不到嘅療癒效果！讓心情柔軟起來❤️

#塚愛友家 #情緒病 #情緒健康 #精神健康 #關注身心健康 #身心療癒 #放鬆心情 #藝術創作 #禪繞畫 #心靈平靜 #減少焦慮煩躁 #減壓 #調節情緒

Reference:
1. 心之襌繞. 心情行動慈善基金. Last updated on Aug-Sep, 2020. Available at: https://www.jmhf.org/20200809p24-26. Accessed on Sep 10, 2025.

HKOP-ABI-202509-006

28/10/2025

「睇精神科 = 黐線？」香港仲有好多人對睇精神科有誤解或偏見。但好似感冒去睇普通科，腳痛去睇骨科，情緒有問題就睇精神科。尤其當持續心情低落、失去動力、失眠、胃口或體重改變等超過兩星期，就唔好自己呃自己，要去搵專科醫生診斷同治療。精神疾病其實非常普遍，遺傳、壓力過大、抗逆力下降、童年創傷等因素都有機會誘發唔同程度嘅精神問題。[1] 多數精神問題通過藥物及心理治療都可以得到有效改善，最緊要係盡早尋求專業協助！

一般來講，有需要嘅求助人士可以先到醫管局嘅普通科門診、急症室或家庭醫生診所要求醫生轉介，然後帶同三個月內簽發嘅醫生轉介信，到醫院管理局嘅精神科專科門診接受治療。當然亦可以選擇輪候時間較短、價錢相對較高的私家醫生。[2] 睇精神科醫生其實唔複雜，過程就像聊天，醫生會了解你嘅背景、症狀（睡眠、飲食、情緒等）和應對方式，透過對話幫你梳理問題，找出合適嘅解決方案！

#塚愛友家 #情緒病 #情緒健康 #精神健康 #關注身心健康 #精神科 #破除偏見 #正視情緒問題 #精神科醫生 #情緒病治療 #藥物治療 #心理治療 #專業協助 #盡早診治

References:
1. Mental illness. Healthdirect. Available at: https://www.healthdirect.gov.au/mental-illness. Accessed on Sep 10, 2025.
2. 【精神健康】情緒有事要睇「心理醫生」？精神科醫生和臨床心理學家的分別（附求助方法）. 社職. Last updated on Jun 7, 2023. Available at: https://www.socialcareer.org/blogs/the-difference-between-counsellor-clinical-psychologist-psychiatrist. Accessed on Sep 10, 2025.

HKOP-ABI-202509-005

25/10/2025

「我冇病，只係心情唔好啫！」好多人面對情緒困擾嘅第一反應係否認。覺得承認自己有問題 = 代表自己「唔正常」。但事實係：情緒問題就好似身體感冒，有咗病徵就應該正視。否認只會令問題更嚴重。過去也有許多名人，例如國際巨星、知名歌手、專業人士、藝人等等因抑鬱症而殞落。

唔需要覺得羞恥，放低包袱束縛，願意面對自己嘅情緒低谷其實係一個勇敢嘅表現。如果超過兩週以上持續有情緒低落、失去動力、過度自責、無法集中、失眠、胃口或體重改變等徵狀，又影響到日常生活，如工作或社交等，就係重要嘅警號！[1] 愛𡃶自己、身邊嘅人，盡早尋求專業診斷支援，阻止慘劇發生！

#塚愛友家 #情緒病 #情緒健康 #精神健康 #關注身心健康 #壓力大 #情緒健康要正視 #負面情緒好正常 #抑鬱症 #抑鬱症徵狀 #焦慮 #放下包袱 #表達情緒 #尋求支援 #盡早診治
Reference:
1. 抑鬱症. 陪我講. Available at: https://www.shallwetalk.hk/zh/mental-health-information/depression/. Accessed on Sep 10, 2025.

HKOP-ABI-202509-004

22/10/2025

心理壓力過大，可能引發焦慮、抑鬱、情緒低落、易怒、注意力不集中等精神健康問題。[1]
• 情緒症狀：焦慮、抑鬱、冷漠、難以集中
• 生理症狀：心跳加速、頭痛、失眠、消化不良
• 行為症狀：工作效率下降、食慾改變、依賴煙酒、逃避社交
高敏感族群或完美主義者更敏感脆弱，容易受到打擊。高敏感族群思考深入，容易將情緒放大，懷疑自己，對自我肯定較低；完美主義者比較執著，無法接受唔完美嘅地方，可能容易有過度反應。佢哋傾向過份詮釋事情，把它想得太過嚴重，繼而感到受傷，影響自己嘅情緒。[2] 長期壓抑負面情緒，心理與身體都會承受沉重負擔，影響身心健康。記得給自己空間，學識表達、釋放情緒，必要時尋求支援與理解！
#塚愛友家 #情緒病 #情緒健康 #精神健康 #關注身心健康 #壓力大 #精神健康問題 #情緒健康要正視 #懂得表達情緒 #唔好一個人捱 #高敏感族群 #完美主義者
References：
1. 職場心理衞生. 行政院衞生署. Available at: https://health99.hpa.gov.tw/storage/pdf/materials/21540.pdf. Accessed on Sep 10, 2025.
2. 【玻璃心的真相】你是高敏感、完美主義者嗎？學習如何強化自己的心靈. 香港青年協會全健綜合大樓.
Last updated on Jan 17, 2024. Available at: https://wpc.hkfyg.org.hk/__%E7%8E%BB%E7%92%83%E5%BF%83. Accessed on Sep 10, 2025.

HKOP-ABI-202509-003

17/10/2025

精神健康基金會主辦

🎉 10月10日係世界精神衞生日！
精神健康基金會預備咗一連串精彩活動，同你一齊關注精神健康！🌱

今次活動將圍繞【心靈維他命：Calm & Give】
教你以簡單小習慣，為精神健康努力！

13–31/10 | Love Yourself Challenge
💡 原來生活入面「照顧自己」嘅小行動，都可以提升精神健康！
🌟 一齊挑戰，養成日常好習慣
🎁 仲有機會贏取豐富禮物！

《心靈維他命 - Calm & Give》嘅第一個任務
就係 —— 💚 Connect - 約吓朋友，開心相聚！🤝

所謂分享快樂，快樂加倍 💛
無論係同朋友🍲 一齊食飯｜ ☕ 飲咖啡｜ 🚶‍♀ 行街｜ 🎮 打機
都係與人連繫、滋養心靈嘅好方法🫶
📸 只要將一張你同朋友嘅開心時刻照片或影片分享去自己嘅 IG / Facebook
公開貼文並Hashtag
然後填寫 Google Form 👉 https://forms.gle/Y8tBEfX7LsnTY6Gd6
🎁 頭30位完成任務嘅朋友仔就有機會獲得禮品包！

💡 Bonus 小任務！
如果你有其他《心靈維他命 - Calm & Give》小行動嘅Idea💭
歡迎喺 Google Form 同我哋分享
我哋會揀選10個最有創意又容易做到嘅小行動
同大家分享，並送出 $500 Klook 禮券 🎁！

接住落嚟嘅兩個星期，
我哋會繼續推出唔同任務，
陪大家一齊身體力行、吸收《心靈維他命 - Calm & Give》💊

查詢請聯絡精神健康基金會：https://m.me/HKMentalHealthFoundation

🩵記得 Like & Follow 精神健康基金會嘅 Facebook 同 IG ( for fb: @ HKMentalHealthFoundation for ig: .mhf)
留意任務更新啦！

🙌 特別鳴謝
贊助機構：香港大塚製藥有限公司

#世界精神衞生日 #精神健康基金會 #心靈維他命 #與人連繫

HKOP-ABI-202510-002

O-Mind Garden 塚愛友家

04/12/2025

28/11/2025

24/11/2025

20/11/2025

17/11/2025

12/11/2025

06/11/2025

31/10/2025

28/10/2025

25/10/2025

22/10/2025

17/10/2025

Address

Website

Alerts

Shortcuts

Share

Category