Island Within Community Hub

Home
Hong Kong
Hong Kong
Island Within Community Hub

在紛亂中，我們的情緒思緒起伏，
此時此刻，誠邀你與我一起呼吸，
穩定平安，一直安存於我們心中。
“Every one of us has an island within, an island of

16/11/2025

【小島療癒日(冬日和暖版）】

🌈想放慢，看海聽海，輕鬆吓？
🌊想靜聽頌缽古琴，做瑜伽，身心合一？
💫想聆聽內心，探索內在，活得更自在？

12月6日(週六）詩燕同Zero將會係小島坪洲帶領大家回歸初心、滋養身心靈🏝

【精彩內容】

🌳妙趣郊遊
在大自然中步行，連繫身體，感受自身感受，並打開五感連結大自然。

🧘‍♀️瑜伽暖身
以瑜伽暖身，提升身心力量，釋放壓力。

🎼 單弦琴 x 頌缽聲頻浴
體驗聲音療癒，讓心靈在頌缽、單弦琴聲中沉浸，達致身體內在平衡和諧，進入潛意識自我修復、深層冥想🌿

👂抽卡療心遊戲
在聲頻浴後，於潛意識中的需要，會更易呈現。在導師帶領下，共創安全的環境，以不批判的態度，抽讀正向卡牌，全然接納內心真實的聲音

🗣️ 脈輪唱誦
透過脈輪唱誦，以自己的聲音，連結內在，達到和諧、平衡與合一的狀態。

🌅日落下午茶
好天氣時會見到日落，以坪洲特色茶點作為下午茶，留下圓滿的風光😋

【適合人士】

☘️想遠離塵囂、放鬆、滋養身心靈
☘️想體驗慢活、了解自己、感受自己
☘️想活得自在、活出真我

【詳細】

📅 日期：12月6日（週六）
⌚️ 時間：2-6:15pm (半日)
📍 地點：Island Within Chau
💰 原價： $680/位 (半日)
🌟 優惠： $600/位 (半日)

【帶領人】
🧘🏻‍♀️Zero@island_within、
☘️詩燕@siyinli1111

🌟二人同行、島民、早鳥也可享優惠
💫11月22日前報名可享早鳥
🌟小組進行，6人成行

【報名】Link in Bio /
https://forms.gle/iw41xJzeCMG3Kgk79

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處 #單弦琴 #單弦琴療癒
#

10/11/2025

感謝一齊合作帶領嘅瑜伽導師Yuk .yoga2016 ，仲有第一次嚟到坪洲、及恒常嚟嘅參加者，感謝你哋對坪洲嘅喜愛、好奇，令我有fresh eye 分享坪洲日常，共創療癒身心嘅Retreat，有感到自肥😆

曾經係印度、內地禪修中心，生活三個月，有感受過，當有空間，唞啖氣，帶著覺知，好好感受生活日常的小片刻，才能真切感受到「活着」、「在當下」。

呢個係無論我完成多少有意義嘅事情，
無論我帶領多少次頌缽工作坊，
無論我賺取多少金錢，
如果我「只是在做事情」，
而沒有給予空間去感受、沉澱自己所做嘅，
或沒有給予空間去感受「我本身是俱足」，
那好易會跌入由「不夠好」、「不夠懂」、「不夠多」嘅念頭去推動自己。

當內在推動力係基於匱乏感、不安感，
那無論做多少，都似無底深潭，
就算已很努力，就算實際經驗已有，
就算別人給予肯定，但仍是會覺得不夠。

【對我嚟講，以身體感覺去覺知、感受日常片刻，係轉化「匱乏感」嘅有效解藥】

當係百忙中，偷一點閒，好好感受正在做緊、或無做緊啲咩嘅「日常時刻」，會幫到我回到當下，體會更深 ——

可能係，朝早與伴侶嘅飲咖啡早餐時光；
可能係，與朋友家人聚餐聊天嘅時光；
可能係，出城工作，係路上行緊嘅時光；
可能係，在帶領時，同大家交流嘅時光；
可能係，望著個海，放空唞氣嘅時光……

無論做幾多、賺幾多、食幾多、玩幾多，
無論係生命中正在經歷如何嘅甜酸苦辣，
我都係可以「擁有當下」 ——

體會真正係當下活著嘅感覺。

說多了，與同樣感到不夠嘅大家，共勉🫶🏻🙌🏻

📸: .yukgii .l.ss .keepmoving

【下回Retreat《小島療癒日》 (特別版）為12月6日下午，與單弦琴詩燕老師合作帶領～】

【歡迎機構洽談策劃工作坊、Retreat ～】
【歡迎參與11月29、30日頌缽證書課程～】
【歡迎參與單對單、或恒常課～】

🔎時間表：https://linktr.ee/islandwithin /
🔎查詢、報名：PM/Whatsapp +54326174

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程
————————————-
Zero為正念瑜伽導師、聲療師、IFS實踐者

Thu📍Wan Chai .pilates.wc
Fri, Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

26/10/2025

【 #國際乳癌關注月】感謝@hongkongcancerfund 邀請，也感謝「 #香港會議展覽中心」嘅支持，讓我與會展同事們分享如何以頌缽、瑜伽放鬆身心，也解答如何從頌缽聲頻所引起嘅身心感受，覺察內在狀態，回應所需 —-

有時身體嘅脹痛感，
除咗反映氣脈嘅不暢通，
亦可從脹痛感嘅位置，
搵番相對情緒感受嘅不流動，
當感受被看見，有助喚起注意，幫助重整。

而係工作坊所帶領嘅練習，亦係平日係「 #癌症基金會」嘅身心靈課堂分享。

有見癌症患者、康復者面對着更多嘅無法控制、無常多變，需要護理嘅唔單止係身體層面，加上心靈層面嘅關顧，更為整全。

多年合作，體會到基金會有貼心關注服務使用者嘅需要，提供多類型嘅心理輔導、護理諮詢、身心靈課程等等免費服務；同時，亦好重視、關顧使用者嘅意見，呢個係吸引我一直支持嘅原因。

響應國際乳癌關注月，
支持「 #癌症基金會粉紅革命」，
也想讓大家知道有免費乳癌支援服務～

-如感到身體有疑
-鼓勵作檢查
-乳癌不會響起警號啊

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .pilates.wc
Fri 📍TST .fontaine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

15/10/2025

【被《 #最後一次之第一次》所感動…】

坪洲街坊Eddie將多年嘅 #梅艷芳 #張國榮私人珍藏整理好，喺坪洲戲院以展覽形式展出！

「展品」真係來自80、90年代嘅真品，種類繁多 —-

由剪報、雜誌、大型海報、YesCard、Postcard、人型牌、原裝電影大堂劇照、粉絲追星照片、甚至係粉絲送贈嘅遺物等等；逐件剪報計嘅話，有過百件！

當我企喺80年代裝修風格嘅「坪洲戲院」望住呢啲「展品」，再慢慢翻閱剪報，有想像同感受：

如果我係收藏果個人，
由80年代起將呢啲物品儲埋儲埋，
收喺自己屋企櫃桶底，
去到2025年，
可以喺80年代戲院大堂展出，
會係件「夢想成真」嘅事！

不期然，感都好感動！

後來Eddie現身，我有向佢表達我嘅感受同交流製作過程，確認到成件事係「自資、每件展品自行組裝、再叫朋友幫手看檔」，真係出錢、出力、出心策展！

而佢想做呢件事已經10幾年；
推動力來自，
純粹想為自己偶像做啲嘢！

本身有欣賞呢兩位巨星，但說唔上係粉絲，但我都有被展覽、同每件展品咁被珍惜，而所蘊含嘅力量震撼到！

謝謝，你所做嘅事真係好有力量！
我哋可以睇到呢啲珍藏，係我哋嘅福氣！

🏝️🏝️🏝️🏝️🏝️

《最後一次之第一次》梅姐+哥哥紀念展覽
日期：10月10日至10月19日
時間：中午12:00至下午6:00
地點： #坪洲戲院

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .pilates.wc
Fri 📍TST .fontaine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

10/10/2025

【當我感到心累時…】

好多時，
係對自己有所期望 /
對於想做嘅嘢覺得好巨大而唔知點做/
知道點做，但就係睇唔起勁去做/
已開始好努力去實踐，但無acknowledge 已經做得好好嘅部分，而著眼係覺得仲未得好，或做未做到心目中嘅樣子；

當以上種種嘅想法疊加起嚟，
內心有咩渴望又未好清楚時，
就會衍生出，
一個非常想逃避嘅部分，
以下嘅想法或狀態，會好易佔據住我：

明知有嘢需要去做，但就係提唔起勁去做/
感到depressed，唔想社交、出門、郁/
覺得做人真係好難、好攰/
唔想做人但又知自殺無用，硬着頭皮生存/
起身張開眼就嘆氣，要做嘢時，就做啲無聊嘢kill-time；

【以前覺得咁樣嘅自己好無用…】

會衍生出，鬧自己、嫌棄自己嘅部份；
繼而，
又衍生出一個好積極嘅部份，
嘗試做啲積極嘢，想掩蓋頹廢嘅部分，
就算做緊一啲積極事，心中嘅虛仍然存在。

【但當我停止向外尋求填補心中嘅虛，而返回內在…】

當我真正承認有一個好depressed嘅部分，
「佢真係喺度啊！」
我瞌埋眼，會見到一個喊緊嘅自己，
我停低落嚟，
純粹就係感受住佢，
「心口有壓住嘅感覺。」
我會陪住佢，眼淚開始會流，
「個心開始無咁壓。」
再打開眼，俾時間、空間自己休息吓，
而唔再迫自己做啲積極嘢……

【神奇嘅事，就發生啦…】

嗰種在意「做唔做到嘅」得失心，
減輕咗好多，慢慢有番動力、熱情，
繼續面對心目中嗰件最着緊嘅事，
嗰件逃避多時，
但心底裏清楚知道，
其實係最想做嘅事。

【以上係到校帶領頌缽、Mindfulness時，身心放鬆嘅心得分享】

了解到將近面臨考試嘅中六學生，不約而同堂，覺得好攰、好大壓力。有分享頌缽Sound Bath、蜜蜂呼吸法、Golden Seed，呢啲都幫到我身、心、靈都有唞氣位；

但最究竟，都係要面對壓力根源，
「到底自己有咩心態、期望，
令到自己感到咁大壓力。」

如果剛好你就在心情低落中，
呢種狀態真係唔好過🥹
希望呢段文字，會有一點共鳴🙌🏻

【感謝邀請入校同行的，也謝謝co-work 的 .tungc ，與大家互相交流幫助，真好～】

【歡迎參加頌缽課程，共學共修🫶🏻
10月25、26日開課，請向 .pilates.wc 查詢～】

【歡迎參與單對單、或恒常課
歡迎公司機構洽談策劃工作坊、Retreat ～】

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .pilates.wc
Fri 📍TST .fontaine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

27/09/2025

【幸福感，唔一定同外在條件成正比，
而係一個選擇：
從現在所擁有嘅嘢，
有無選擇看見當中嘅豐盛】

打風落雨咁多日，難得好天氣，
見到閃閃發光嘅海，Retreat嘅「正念瑜伽」
我哋選擇係戶外做。

一邊做動作，一邊感受自身與環境嘅融合：
感受大樹為我哋遮蔭，
感受微風吹過我哋，
感受海浪聲就包圍著我哋，
感受街坊嘅閒話家常就係身邊……

呢一啲係我獨處時，
而俾時間自己「停一停」落嚟，
所感受到嘅「坪洲日常」之一。

如果冇呢一種「停一停」，
平時經過咗大樹，就經過咗，
唔會特別留意；
平時抬頭望向天，唔係高樓大廈，
而係見到唔同嘅天色變化，
偶然見到紅霞、見到流星、見到耶穌光 ——

其實每日我都被坪洲呢篇土地滋養著，
其實我搬到嚟坪洲先感受到咩係人情味，
其實我日日聽住海浪聲，先識得放鬆落嚟，
然後發現就算我staycation、去世界各地，
最喜歡都係看海、聽海、陽光與海灘。

我嘗試將呢一啲感受，配合當下嘅環境，
喺帶領時傳遞俾大家（沉浸式體驗🤣），

住係坪洲五年，島民街坊們睇住我成長、亦關照著我，坪洲俾我感覺依然係平易近人、寧靜、簡樸～

直到今天，依然覺得：
可以住係坪洲，對我嚟講，係福氣~

寫下文字，唔係想哂命，係想提醒自己，
//如果喺心情低落嘅時候，
看看現在所擁有嘅嘢，感受當中嘅豐盛//

如果剛好你就在心情低落中，
希望透過呢段文字，互相勉勵🙌🏻🙏🏻

1st 📸

半日Retreat《小島療癒日》
Oct 11, Nov 1, 8

【歡迎參加頌缽課程，共學共修🫶🏻
10月25、26日開課，請向 .pilates.wc 查詢～】

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

歡迎參與單對單、或恒常課
歡迎公司機構洽談策劃工作坊、Retreat

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .pilates.wc
Fri 📍TST .fontaine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

23/09/2025

【Prepare for the worst, Hope for the best.】

工作室對面就是沙灘， #颱風山竹時，上手租客曾經歷過水浸入屋；這一點，在租工作室時，已經清楚明白。當時心想：「無論做什麼選擇，也有其利弊，知道最壞情況的後果，衡量過是可承擔的，就知道如何決定。」

轉眼數年，遇上 #颱風樺加沙，風力與「山竹」相提並論；曾經目擊「水浸南灣」的島民們，有從不同角度提醒，讓本來沒有經歷過水浸的我，也逐一學習如何防備，感受到島民們的齊心合力，而感受更深的是「感激」—-

我這兩天停工，伴侶與島民好友也來幫忙，一起把我珍重的頌缽、銅鑼、電器徹走、把不能浸水的東西抬高、把戶外花園的所有東西搬進室內、在門口加水閘、封玻璃膠、封牛皮膠紙、堆沙包、在冷氣機及抽氣扇封空隙、在馬桶及沖身排水位塞渠（以防海水倒灌），最後在鎖上大門前，關上總電掣。

《 #其實沒有大家的幫忙， #我獨自承擔不了》

這也讓我更加謙卑，有些時候，我是需要幫忙的，也是可以開口求助的；特別記得，在取免費派發的「重量級沙包」時，我本來是沒有登記的，而沙包也只是剛好夠派，坪洲關愛隊職員說：「我知道你的工作室在哪，你真的需要」，就給了我五個，剛好夠堆擋在大閘外！

#嚴陣以備，就當海水真的入屋去做準備，把可做的，都做妥了，這樣竟可 #轉化恐懼、焦慮，而心安理得地說：「已經盡晒力，其餘交俾個天。」（ #盡人事聽天命）。

勞動過後，有獎賞自己吃了很多粒「金莎朱古力」；更遇上在風雨前，收割及派發自家種植檸檬的島民V及島民 F，他們更手寫著心意卡：「打風飲杯Lemon Tea」，收到時，有感到心頭一暖！

感謝坪洲各方朋友們的溫馨提醒、關心！
感謝伴侶及島民好友們的出力幫忙！
感謝派發沙包的坪洲關愛隊！

祈願坪洲、香港平安！
祈願受到颱風樺加沙影響地區的所有人們，順利過渡，損傷減到最低！

1st photo:thx for 🍋 .island.home

【歡迎參加頌缽課程，共學共修🫶🏻
10月25、26日開課，請向MyYoga查詢～】

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

歡迎參與單對單、或恒常課
歡迎公司機構洽談策劃工作坊、Retreat

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .wanchai
Fri 📍TST@sens.fontatine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

16/09/2025

【那一天，我們都被小島療癒了】

感謝J嘅信任，帶同已為人母嘅閨蜜們嚟到坪洲，委托我設計兩日一夜Retreat，療癒身心；在帶領同時，我也被療癒～

《我好耐未試過8點幾就瞓，同瞓得咁好》

大家來到坪洲，先踏單車暢遊；晚飯後，來過「睡前soundbath」，過程中，有聽到大家嘅鼻鼾聲；也留意到，有人手機有亮燈messages ，佢哋暫時唔覆，有比自己好好訓一覺，有暗暗地為佢哋而高興；Sound Bath完結，我無叫醒大家，而是靜悄悄離開了。

《暫時放下，片刻嘅空間》

作為在職媽媽，日常除咗工作，也要照顧屋企，有時要顧及家人感受，亦要優先照顧佢哋嘅需要；無意間，會忽略自己嘅感受、需要，亦容易陷入兩難，覺得要為家庭負責任，冇辦法。

我未做媽媽，但呢幾年嘅同居生活，令我感受到要兼顧照顧家庭、事業，的確唔容易，一日嘅出走，暫時嘅放下，足以令我找回片刻空間，認清自己想如何選擇。

《提升身體覺知，有些身體病痛，是心病》

第二朝，佢哋話好耐未試過早訓，瞓得好好；而早餐過後，我哋一齊喺大樹下「正念瑜伽」，由覺知身體感受開始，讓自己對內在感受更為敏銳。

我分享：「曾經因為耳仔脹痛，看醫生，有滴耳用藥水，但脹痛依舊，排除物理因素後，嘗試以心理學IFS（內在家庭系統）探索，發現是心理因素，當感受脹痛感受後，內在視覺看見一個「紅寶石」 ——

當我一觸及「紅寶石」，委屈、受傷的感受，一湧而上；原來，是那段日子，常常聽到被批評的聲音，有努力改善自己、體諒別人，但卻沒有同理到自己有受傷的感受。

大哭一場後，耳仔就沒有再脹痛了。

這次經歷，讓我體會到，有些身體的病痛，是心病。」

《聲療過後，感受廣闊海洋意識》

在提昇身體覺察後，回到室內Studio 進行「聲療 + IFS內在探索」，見證在頌缽聲療後，紛亂思緒，沉澱下來，易於觸及更底層、更廣闊的意識，讓「內在真我」呈現——

要被看見的故事，會浮現；
要被聆聽的感受，會流露；
而「內在真我」的力量，就像廣闊的海洋，可以容納任何在當下所呈現的感受、情緒、信念。

《踏出門外，看見藍天白雲》

最後，從室內走到戶外，以禪食作結：

覺知「在吃」，食物的味道比平時「邊談邊吃」更為明顯，同時，聽着看著海、聽著海，我笑說：「大家可以試吓感受吃環境。」

《從心出發，感受心的觸動》

眼前這三位閨蜜，從小認識到大，共過患難，互相扶持，我也好奇，到底係乜嘢，令佢哋維持如此情誼？我邀請大家互相分享，對方在自己眼中有何優點。

有時埋首於事務日常，未必會給予自己肯定，好多事做完，都變得理所當然；然而適時給予自己肯定，也有助保持對生命嘅熱情、樂趣，而從身邊人的視角，也許會得提醒。

當聽到三位閨蜜由衷嘅互相欣賞、道謝，不得不承認，我在旁也有被感動到。

這也是首次嘗試，感謝J嘅委托、閨蜜們嘅來到，感謝一切非常順利，也感謝小島嘅天氣，令我哋重拾青春🤣

《隨心開放，客製兩天Retreat》

Tailor-made 兩日一夜Retreat，
3人成行，有興趣，請PM聯繫。

半日Retreat《小島療癒日》
Sept 27, Oct 11, Nov 1, 11

【歡迎參加頌缽課程，共學共修🫶🏻
10月25、26日開課，請向 .pilates.wc 查詢～】

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

歡迎參與單對單、或恒常課
歡迎公司機構洽談策劃工作坊、Retreat

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .pilates.wc
Fri 📍TST .fontaine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程 #週末好去處 #假日好去處

14/09/2025

【小島療癒日（秋季版）】

🌈 想放慢，靜聽頌缽？
🌊 想看海，做瑜伽放鬆？
💫 想聆聽內心、活得更自在？

🗓 11月1、8日（週六），Yuk和Zero將會係坪洲帶領大家回歸初心，療癒身心！

【活動內容】
- 🌳 心導郊遊 + 妙趣郊遊
- 🧘‍♀️ 戶外海邊瑜伽
- 🎼 頌缽銅鑼聲頻浴
- 👂 抽卡療心遊戲
- 🌅 日落下午茶

【適合人士】
☘️ 想放鬆、滋養身心靈
☘️ 想了解自己、活出真我

【帶領人】
🎶Zero 正念頌缽瑜伽導師
🧘🏻‍♀️ Yuk .yoga2016 戶外修復瑜伽導師

📅 日期：11月1或8日
⌚️ 時間：2-6pm
📍 地點：Island Within Chau
🎁禮遇：$600/位（10月1日前報名，島民或二人同行可享）

【立即報名】
報名：Link in Bio or https://forms.gle/XHiZ5RjwasDNxpdy6

#瑜伽 #正念 #頌缽 #聲音療癒 #頌缽聲頻浴 #靜心 #自在 #生活禪 #自我探索 #活出真我 #活得自在 #銅鑼 #銅鑼音療 #銅鑼浴
#週末好去處

10/09/2025

頌缽除了聽還可以碰？🧘🏻🪷
頌缽所發生的聲音震頻，與人體水份及腦電波產生和諧共振，平衡人體的氣脈能量，有助釋放勞累。所有參加者都可以感受到頌缽的震頻，更可以放鬆平躺，調整身心又舒壓，一舉多得！

導師簡介 : Island Within Community Hub
Zero 是頌缽聲療師、正念瑜伽導師，曾在多間公司機構、商場提供「正念頌缽聲頻浴」，並創建「坪洲靜心空間」，提供聲療、正念退修日，Zero 是頌缽聲療師、正念瑜伽導師，曾在多間公司機構、商場提供「正念頌缽聲頻浴」，並創建「坪洲靜心空間」，提供聲療、正念退修日，並於MyYoga教授頌缽課程。

活動介紹：
目的: 以動、靜、音樂多角度，讓參加者與毛孩一起體驗「頌缽聲頻」，讓腦電波由貝塔波(Beta Wave)轉換至阿爾法波(Alpha Wave)的效果，感受放鬆一刻。在導師帶領下，學習「正念」，由喋喋不休的解決問題模式，轉換至不費力的覺察模式。
簡介正念、頌缽與腦電波 (概念)
正念瑜伽 (動態)
頌缽技法 (靜態)
頌缽聲頻浴 (音樂)
分享環節

對象：
👉 適合所有人，無需任何經驗
👉 特別適合想釋放壓力、改善睡眠、提升覺知的朋友
👉 亦歡迎與毛孩一起來體驗

頌缽療癒工作坊
日期：2025年9月6日（六）及13日（六）
時間：17.30pm - 18.30pm ；18.30pm - 19.30 pm
（每節約一小時；每位參加者可帶一位狗狗同行）

19/07/2025

【21天放下手機，冥想靜心閉關】

以前曾參加密集式的禪修營、退修營，
7天、10天、14天，
暫時放下外在事務，回歸內在，
內觀身心現象，看見五蘊運作，
更加認識自己，
更加認識自己是如何體驗世界，
更加看見自己的不同面向，
更加體會什麼是接納、承載，
更加有能耐不推開，而容許這些面向浮現，
更進一步窺見無條件的愛。

從瑜伽學說，學習到「三摩地」，是心靈進入高度專注、與宇宙意識合一的冥想狀態。

一種內在平靜，真理洞察的高峰體驗，
而高峰體驗後，或以覺悟狀態繼續日常，
繼續「見山還是山，要洗衫就洗衫🤣」。

多年來，一直在等着，曾經行過這條路的老師出現；渴望遇上實修的老師，作為我的擺渡人。

去年認識的Avalon老師，讓我逐步嘗試、實踐、親身驗證她所說的，由聽落認同、到實踐後所浮現的極度不安、抗拒、困惑；

🌟感謝她的𠄘載，讓我有空間跟她反映異見；
🌟感謝身邊伴侶阿池，IFS Buddies Taki及閃，陪伴及聆聽讓我照見自己，並梳理出更合適自己的做法；
🌟感謝療癒師Initia，溫柔而篤定的引導，深刻感受到她也是經歷過人性及關係的複雜、矛盾、交纏，也對自身有深刻的覺察，才會如此有洞見，共振著我去走這趟內省歷程；

這數月，有把我推向面對最黑暗的谷底，再像鳳凰浴火重生般，更有力量的走出來。

現在準備好了！

明天將進入Avalon老師所帶領的21天冥想靜心閉關，直至8月9日才出營。

感謝這數月的展開，讓此刻的我，
沒有期望要達到什麼的心態去迎接這閉關。

#7月19日至8月9日於網上消失
#出營後再見

滿滿所的感恩,
Zero

📸 (攝於數年前的坪洲）

【歡迎參加頌缽課程，共學共修🫶🏻 8月23、24日開課，歡迎找 .wc 查詢～】

🏝🏝🏝🏝🏝

🔘聲音療癒🔘正念/靜觀 🔘瑜伽🔘Retreat 🔘頌缽工作坊/課程

歡迎參與單對單、或恒常課
歡迎公司機構洽談策劃工作坊、Retreat

🔎時間表：https://linktr.ee/islandwithin /
🔎查詢：PM/Whatsapp +54326174
————————————-
Zero為正念瑜伽導師、聲療師、IFS實踐者

Thu📍Wan Chai .wanchai
Fri 📍TST .fontaine
Sat, Sun, Wed📍Peng Chau

#瑜伽 #正念 #頌缽 #聲音療癒 #頌缽聲頻浴 #靜心 #自在 #自我探索 #活出真我 #活得自在 #銅鑼 #銅鑼音療 #銅鑼浴 #頌缽課程

Address

Hong Kong

Telephone

+85254326174

Website

https://www.islandwithin.com/

Alerts

Be the first to know and let us send you an email when Island Within Community Hub posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Island Within Community Hub:

Shortcuts

Want your practice to be the top-listed Clinic in Hong Kong?

Island Within

版主Nicole Chan - 正念瑜伽導師。愛說故事，愛大自然，愛孩子。曾從事電影製作，累垮身體，再遇上瑜伽，開展更深層的自我發現。完成多個課程及禪修營，包括1個月的四念住禪修營，並遠赴印度2個月修讀佛學哲學課程。覺察自己的一言、一行、一念，在生活中實踐所學，再與大眾分享，致力傳遞慈悲與智慧。 - 正念共修小組「心川」的共同創辦人 - 已完成RYT200小時認證瑜伽師資培訓，師承Janet Lau - 已完成RCYT95小時認證兒童瑜伽導師培訓，師承Ann da Silva, Keiki To及Toby Siu - 已完成1A、1B級及2級Reiki能量治療課程，師承Venerable Namgyel - 已完成8週「靜觀認知療法」(Mindfulness-Based Cognitive Therapy)

IG: @island_within FB: @Island Within 正念. 瑜伽. 生活禪

聽著一行禪師所寫的歌，就生起要開展 “Island Within”的念頭...

在紛亂中，我們的情緒思緒起伏，