OncoCare Cancer Centre HK 安康醫療

06/11/2025

【 #安康醫生講重點】 🩺張文龍醫生

每年11月都係「Movember 男士健康月」，你知唔知道「Movember」其實係由「Moustache（鬍子）」同「November（11月）」拼出嚟嘅？呢個全球運動係想希望大家一齊關注男士健康，特別係前列腺癌、睾丸癌同心理健康等重要議題。唔少男士會留鬍鬚響應Movember，為男士健康發聲。安康醫療都想趁呢個機會，提醒大家：前列腺癌係香港男性常見癌症之一，唔可以忽視！

🩺早期前列腺癌症狀小分享：
● 小便困難、夜尿頻繁
● 尿液或精液帶血
● 勃起功能障礙
● 背部或盆骨疼痛
● 體重無故下降

👨‍⚕️張文龍醫生表示：「前列腺癌早期唔易察覺，年齡一旦超過50歲、有家族病史及肥胖等風險因素，亦可能增加罹患此病的機率，所以定期檢查好緊要。」

💡小貼士：
✔️ 好好管理身體健康，定期檢查
✔️有心血管病史？記得一早講比醫生知
✔️ 治療期間要定期做心血管檢查
✔️ 唔好自行停藥或加藥，有疑問即刻問醫生

👨‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

--------------------------------------
📍了解更多：https://oncocare.hk/zh-hant/cancer-detail.php?id=5
📖延伸閱讀：【前列腺癌患者恐同時患心血管疾病　醫生籲小心藥物相互作用】：https://hk.on.cc/hk/bkn/cnt/news/20250520/bkn-20250520162820232-0520_00822_001.html
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #前列腺癌 #男士健康 #張文龍醫生 #癌症資訊 #健康貼士

03/11/2025

【 #安康醫療大事記】 🏥香港安康醫療加入天馬醫療集團盛大開幕儀式🎊

🎉很榮幸與一眾業界好友聯同安康醫療管理層，共同祝賀香港安康醫療成為天馬醫療集團一員🎊在位於中環的醫療中心慶祝這重要時刻！

🩺天馬醫療集團總部設於新加坡，匯聚了來自六個亞洲地區的專科醫生，涵蓋從診斷、治療到康復的整個癌症照護旅程。我們背靠集團在亞洲龐大醫療網絡，亦不忘初心，香港安康醫療旗下4間中心繼續全力以赴💪🏻照顧大眾的健康！

📍安康醫療癌症中心，提供住院、門診及診所內的化療服務
🔎天馬醫療專科中心，則提供全面的結直腸診斷及手術

我們致力為患者及其家人提供方便、私隱度高和舒適的環境，並由醫護團隊透過優質先進的的醫療技術，提供符合國際水平、以人為本的治療方案。

🏥安康醫療癌症中心 (中環及尖沙咀) OncoCare Cancer Centre: https://www.oncocare.hk/zh-hant/our-centres.php
天馬醫療專科中心 (中環及尖沙咀) Tamarind Specialists Centre :
https://www.tamarindspecialists.hk/zh-hant/our-centres.php

--------------------------------------
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #癌症 #癌症資訊 #健康貼士 #開幕

23/10/2025

【 #安康醫生講重點】🩺 李慧敏醫生

🎯 放射治療喺婦科癌症入面好常見，尤其係子宮頸癌、子宮內膜癌等。雖然放射治療可以有效縮細腫瘤，減輕痛楚，甚至幫助控制晚期症狀，但都要小心應對有關副作用。

😮‍💨常見副作用包括：
• 陰道收窄，導致檢查時不適及影響性生活
• 陰道乾澀，導致性交疼痛、出血
• 提前更年期 ，引發潮熱、情緒波動

👩‍⚕️李慧敏醫生指出：「根據數據，婦科癌症發病率持續上升，子宮體癌喺近十年間升幅達68%。而患者平均年齡約54歲，正值壯年，唔止要對抗癌症，仲要兼顧家庭、社交同人際關係。雖然陰道乾燥同收窄係好常見嘅放射治療副作用，但其實都唔係無辦法改善，例如使用陰道擴張器療法、保濕劑等，都可以幫助減輕不適，提升生活質素、維持生理和心理健康。」

💡 小貼士：
✔️ 治療前要了解副作用可能影響嘅範疇
✔️ 治療期間定期與醫生溝通，積極發問
✔️ 情緒支援同伴侶溝通都好重要
✔️ 有需要可以考慮物理治療或心理輔導

✅提提大家，放射治療要用得其所，配合適當支援，先至可以做到真正嘅雙贏——控制病情同時保住生活質素。

👨‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

--------------------------------------
📍了解更多：https://oncocare.hk/zh-hant/oncocare-updates-detail.php?id=22
📖延伸閱讀：【放射治療婦科癌症或致陰道收窄 專科醫生 : 可透過陰道擴張器療法等改善性生活】：https://www.stheadline.com/society/3434867/
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #李慧敏醫生 #婦科癌症 #放射治療 #副作用知多啲 #癌症資訊 #健康貼士 #陰道健康 #生活質素 #女性健康

16/10/2025

【 #安康醫生講重點】🩺 張文龍醫生

🎀響應乳健同行PINK WALK｜10．19 💗推廣乳健，乳癌知多啲！

乳癌係香港女性最常見嘅癌症，佢唔止係醫學問題，更加係社會應該關注嘅議題。安康醫療今年以銀贊助身份，支持香港乳癌基金會嘅《乳健同行PINK WALK》，並與一眾同事透過每一步向抗癌鬥士傳遞關愛，提醒大家：關注乳房健康💪

女士們要學識留意自己乳房嘅變化，日常生活中，例如🛁洗澡、換衫、搽潤膚露時，不妨順手檢查一下乳房有冇出現以下異樣：
• 乳房出現硬塊
• 大小或形狀改變
• 乳房或乳頭皮膚變紅、變厚、呈鱗片狀，甚至似「橙皮」
• 乳頭內陷、出疹或有分泌物
• 乳房或腋下持續不適或疼痛
• 腋下新出現硬塊或皮膚變厚

👨‍⚕️張文龍醫生補充：「乳癌初期症狀未必咁容易察覺，就算係乳癌晚期患者亦唔需要灰心。對於『HR+/HER2−』晚期乳癌患者，可以選擇配合抑制劑合併賀爾蒙呢個新治療方法，推遲化療時間。呢種治療方式唔止係延長存活，更係爭取生活質素嘅關鍵。尤其對年輕患者而言，能夠延遲化療及面對化療副作用，意味可以繼續工作、照顧家庭、或好好休息。」

👟 重要嘅事講多次～今年10月19日，我地一齊「乳你前行」，用腳步支持乳健，用知識守護自己。山頂見！

👨‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

--------------------------------------
📍了解更多：https://www.oncocare.hk/zh-hant/oncocare-updates-detail.php?id=9
📖延伸閱讀：【檢測乳癌腫瘤基因評估成效　助早期患者免卻不必要化療】：https://hk.on.cc/hk/bkn/cnt/news/20220623/bkn-20220623023043582-0623_00822_001.html
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #乳健同行2025 #張文龍醫生 #乳癌知多啲 #健康貼士 #乳癌 #安康醫生講重點

06/10/2025

【 #安康醫生講重點】🩺 林嘉安醫生

國慶假期過後，係時候繼續吸收健康資訊！今日就同大家講講本港第二大癌症殺手——大腸癌，特別係晚期患者點樣透過治療改善生活質素。

👨‍⚕️林嘉安醫生分享：「近年研究發現，聯合治療（結合標靶療法同化療）可能有助延長晚期腸癌患者嘅存活期，仲可以幫助患者維持生活質素，推遲健康狀況惡化。患者要主動同醫生溝通，了解唔同治療嘅作用、風險同可能出現嘅反應，與醫生商討最適合自己嘅方案。」

📊 「聯合治療」會根據患者身體狀況、病情進展，度身訂造治療方案，成效有機會比單一治療理想。

💡 小貼士：
• 治療前要了解自己對療法嘅反應，唔好怕問問題；
• 治療期間要留意身體變化，例如疲倦、麻痺、心跳異常等，並持續同醫生溝通；
• 如出現副作用，應諮詢醫生以尋求適當嘅舒緩方法。

👨‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

--------------------------------------
📍了解更多：https://oncocare.hk/zh-hant/cancer-detail.php?id=1
📖延伸閱讀：【最新大腸癌調查丨 揭逾50%人未充分理解病情及治療　研究證聯合治療助晚期患者延命】：https://topick.hket.com/article/3953967/
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #大腸癌 #晚期腸癌 #林嘉安醫生 #癌症資訊 #健康貼士

03/10/2025

感謝AM730的報導！
坊間有些身體檢查套餐會包括檢驗癌症指數，究竟此指數代表甚麼？若此指數較正常水平高，就代表患上癌症嗎？臨床腫瘤科專科醫生林嘉安表示，癌症指數是血液內的一種物質，主要用來監測癌症，有少部份情況會用來篩查癌症，但一般不會用來診斷或確診癌症，所以即使癌症指數高，都不一定是患癌。現時常見的癌症指數包括腸癌的癌胚抗原（CEA）、胰臟癌或膽管癌的CA19-9及前列腺特異抗原（PSA）等，而有些癌症如頭頸癌或食道癌因沒有公認有用的癌症指數，所以就要透過病徵及影像檢查作診斷。

坊間有些身體檢查套餐會包括檢驗癌症指數，究竟此指數代表甚麼？若此指數較正常水平高，就代表患上癌症嗎？臨床腫瘤科專科醫生林嘉安表示，癌症指數是血液內的一種物質，主要用來監測癌症，有少部份情況會用來篩查癌...

25/09/2025

【 #安康醫生講重點】🩺吳雲英醫生

👂🏻你有冇試過耳仔穿咗耳洞之後，耳垂慢慢長出一粒硬硬地、凸咗出嚟嘅肉？又或者手術傷口、暗瘡印，癒合咗之後反而起咗一舊嘢，仲愈生愈大？呢啲好可能就係「蟹足腫」。

💬吳雲英醫生指出：「蟹足腫係一種異常增生嘅疤痕組織，任何程度嘅皮膚受損都有機會引發，例如手術、穿耳、暗瘡、燒傷等。常見位置包括耳朵、胸口、腹部、肩膀同上背。如果只係單靠手術切除，復發率可以高達九成；但如果配合術後放射治療，復發率就可以降到一成以下。」

🩺蟹足腫可以喺皮膚受損後一至三個月，甚至一年後先形成，而且通常會生長得比原本傷口大，影響外觀之餘，仲可能帶來痕癢、痛楚、繃緊感，甚至影響活動能力。

💡小貼士：
● 有蟹足腫病史嘅人，盡量避免不必要嘅皮膚創傷（例如穿耳、紋身）；
● 如果要做手術，可以同醫生商量術後配合放射治療，減低復發風險；
● 發現疤痕有異常增生，應盡早求醫，唔好等到愈生愈大先處理。

對抗蟹足腫關鍵係要揀啱治療方案。及早處理，可以減少復發同改善外觀，令生活更舒適。

👩🏻‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
--------------------------------------
📍了解更多：https://www.oncocare.hk/zh-hant/oncocare-updates-detail.php?id=28
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #蟹足腫 #疤痕治療 #吳雲英醫生 #皮膚健康 #醫生分享

24/09/2025

感謝TOPick的報導！

一聽到「癌症指數高」，相信不少人都感到非常驚慌，深怕自己患上癌症。事實上，癌症指數只是其中一種協助檢測癌症的方法，醫生仍需了解患者有否出現病徵及參考影像檢查，才可作出正確的診斷。臨床腫瘤科專科醫生林嘉安表示，癌症指數只是作參考用途，並不能確診癌症及判斷治療效果，市民應交由醫生作專業判斷。

一聽到「癌症指數高」，相信不少人都感到非常驚慌，深怕自己患上癌症。事實上，癌症指數只是其中一種協助檢測癌症的方法，醫生仍需了解患者有否出現病徵及參考影像檢查，才可作出正確的診斷。臨床腫瘤科專科醫生林嘉

18/09/2025

【 #安康醫生講重點】🩺李慧敏醫生

🔬講起 HER2 呢個基因，大家通常會聯想到同乳癌有關。但其實喺肺癌入面都可能出現 HER2 基因突變？

🧬 李慧敏醫生解釋：「HER2基因突變肺癌屬於非小細胞肺癌（NSCLC）嘅一種，患者通常唔會有吸煙史，而且多數係女性。呢類型肺癌唔一定可以用傳統標靶藥物治療，要靠基因檢測（例如NGS）揾出突變，再對症下藥。」

👩‍⚕️ 李醫生亦提到，HER2肺癌唔係大家熟悉嘅類型，但只要了解多啲，就唔會咁驚。現時針對HER2突變嘅治療選擇包括：
● 抗體藥物複合體（ADC）
● 化療
● 免疫治療

💡 小貼士：
● 如果有肺癌家族病史，可以選擇揾醫生幫你做基因檢測（NGS）；
● HER2突變唔一定係絕症，搵到對應藥物就有機會控制病情；
● 唔好因為罕見就放棄，亦唔好怕問問題，醫生及護理人員係你最強嘅後盾。

👩🏻‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
--------------------------------------
📍了解更多：https://oncocare.hk/zh-hant/oncocare-updates-detail.php?id=74
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #李慧敏醫生 #基因突變 #肺癌資訊 #標靶治療 #癌症知識 #醫生分享

11/09/2025

【 #安康醫生講重點】🩺張文龍醫生

🫀 我哋時常提醒前列腺癌患者，唔止要對抗癌症，仲要留意心血管風險。

張文龍醫生分析：「荷爾蒙治療雖然可以抑制癌細胞生長，但同時亦可能對代謝同心血管功能產生潛在影響，增加心血管事件風險。」簡單嚟講，治療前列腺癌嘅同時，如果唔小心照顧心血管健康，可能會令身體承受額外壓力。

📊前列腺癌治療方式有好多種，包括觀察性等待、手術、放射治療、荷爾蒙治療等。荷爾蒙治療目的係減少體內雄激素水平，從而控制癌細胞。正如張醫生所講，呢種治療方式唔係冇代價，所以我哋提醒患者同照顧者，要密切監察心血管狀況。

💡 小貼士：
● 如果患者本身有心血管病史（例如中風、心肌梗塞），記得要同醫生講清楚；
● 治療期間要定期做心血管風險評估；
● 用藥方面要留意可能出現嘅交互作用，唔好自行加減藥。

前列腺癌係一場需要多方面配合嘅長期抗戰。照顧好心血管健康，就係幫自己打穩底，令整體治療更安全、更有效。

👨‍⚕️以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
--------------------------------------
📍了解更多：https://oncocare.hk/zh-hant/treatments-detail.php?id=12
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #前列腺癌 #心血管健康 #張文龍醫生 #癌症資訊 #健康貼士

04/09/2025

【 #安康醫療拆解迷思】肝癌只係「飲酒過量」先會有？🧐

「我唔飲酒，應該唔使擔心肝癌啦？」 其實， 🍺 酗酒的確係其中一個高風險因素，但唔係唯一。

喺香港，最常見嘅肝癌成因係慢性乙型或丙型肝炎。55%嘅肝癌係由乙肝病毒傳染所引致嘅。好多患者都係早年感染咗肝炎病毒，進而演變成肝硬化，甚至導致肝癌。除此之外，脂肪肝、肝硬化、家族病史等，都可能增加患肝癌嘅風險。

👀 根據香港癌症料統計中心最新資料， 肝癌喺本港最常見嘅癌症中排第五位 。 肝癌早期症狀好唔明顯，可能只係覺得攰、食慾差、肚脹，容易被忽略。一旦腫瘤逐漸增大，出現噁心嘔吐、體重急跌、右上腹痛、黃疸等，就可能已經進入較後期。

💡小貼士：
✔ 有肝炎病史或家族病史嘅朋友，記得定期做肝功能同肝臟超聲波檢查
✔ 接種乙型肝炎疫苗可以有效預防感染 肝炎，減低患上肝癌的機會
✔ 健康飲食、適量運動、減少酒精攝取，都係保護肝臟嘅好方法

肝癌唔係「飲酒人」專屬，了解多啲，先至可以真正保護自己同家人。

*以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
--------------------------------------
📍了解更多：https://oncocare.hk/zh-hant/cancer-detail.php?id=4
🔗查詢或預約：https://www.oncocare.hk/zh-hant/making-an-appointment.php

#安康醫療 #天馬醫療 #肝癌 #肝炎 #肝硬化 #健康生活 #定期檢查 #醫療知識 #香港醫療 #拆解迷思