26/03/2026
「早晨呀，起身囉，嚟睇你喎。」我走到2號床，跟面前躺在床上的女仕說。
這是急症病房。根據電腦記錄，50多歲的女士有肺癌，並已抗散到身體其他器官。她正服食標靶藥，並在腫瘤科和舒緩治療科覆診，今次她因為氣喘入院。
女仕閉上眼睛，對我没有理睬。
「睇吓有無邊度唔舒服喎。」我輕輕在床尾翻開棉被。
「呀！呀！好辛苦呀！」女仕醒過來，並即時大喊着。
「知道，係邊度唔舒服？」我嘗試安撫。
「周身都唔舒服！你睇吓我張床？咁樣點俾得我瞓㗎！我係唔係應該瞓啲咁嘅床呀？你睇吓，抽血抽到我隻手咁。你地啲姑娘咁樣對我，我成晚嗌人都無人理我呀！」女仕突然把呻訴連環爆發出來。
「係呀？你想要啲乜嘢，我有乜嘢想我地幫手呢？」我提高一點聲線，嘗試以溫和的繼續安撫她。
「你呢啲氹呀婆就得，我唔受呢套㗎。」女仕似乎對我不甚滿意。
我不得不承認，照顧老友記病友我的確比較有經驗。
「你覺得我呢啲病呀係唔係應該住係呢啲地方呀？你地咁樣對我。。。」女仕仍然大喊着。
「咁你想去邊度呀？」
「你覺得我應該去邊度呀？」女仕再反問，卻没有直接說出自己的要求。
看看記錄，女仕曾經入住紓緩治療病房，那裏病人較少，人手和空間都比急症病房充裕，故此對病人的照顧會特別貼心。不少曾經入住過那裏病人在有比較過後，一入院希望被轉過去接受治療。
場面顯得有點膠着，女仕有她的訴求，我也有我的難度，紓緩治療病房數目不多，不是經常有空位；而病房運作也有既定規矩，不是我一個可以左右。。。
「點呀你。。。」身穿淺色外套的女同事突然走到我的身邊，她是本院的院牧。
「呀。。。嗚嗚。。。嗚嗚。。。」女仕見到院牧，立即嚎哭起來。
我也暫時離開她的病床，讓女仕好好跟院牧釋放一下自己的情緒。
患上末期病患，大家當然鼓勵說要積極面對，放下擔心與恐懼，但現實卻是並不容易做到，當事人心中總夾雜着複雜的情緒，影響着自己想法和行為。小小的事情就很容易帶來觸動，縱然身邊的人可能已經做得很好，都會覺得被忽略和冷待。
要真正了解病患者的處境和心情，談何容易。有時可能一個陪伴，一點聆聽，可能更能給予支持和力量。
