新西聯

03/11/2025

📱【HA Go小隊出動 🚀屯門地區康健中心】

新界西HA Go小隊嚟到 🏥 屯門地區康健中心，幫大家安裝HA Go, 仲解答咗唔少市民使用上嘅疑難，一㩒做到睇報告、攞藥、預約、記錄健康數據，真係好方便㗎！

HA Go小隊係11月11日會再次去到屯門地區康健中心，大家記得嚟搵我哋啦！

#新界西醫院聯網 #屯門醫院 #博愛醫院 #天水圍醫院 #青山醫院 #小欖醫院 #一㩒做到 #掌握健康智輕鬆 #醫管局

01/11/2025

🎀 【Love Your Body 💗Know Your Breasts】

乳癌係香港女性最常見的癌症，博愛醫院響應「國際乳癌關注月」💟舉辦 Breast Pink Event，教導大家——

✅ 關注乳房健康
✅ 乳癌的病徵及高危因素
✅ 用行動支持早發現、早治療🙌

活動吸引咗唔少同事及市民參加💓乳癌只要及早發現、接受適當治療，存活率就越高💫

📣 記得！每月一次自我檢查，關心自己，有懷疑要盡快向醫護人員查詢！

#博愛醫院 #新界西醫院聯網 #粉紅十月 #國際乳癌關注月 #乳癌

31/10/2025

新界西醫院聯網一班HA Go大使及義工已經攜手走入社區💪🏻教大家掌握使用HA Go各項功能，無論預約、繳費、攞藥、查閱家人醫療資料，全部都「一㩒做到✅」！大家都快啲下載HA Go，一齊掌握健康「智」輕鬆😄

29/10/2025

今日係「世界中風日」💜 中風唔等人，分秒必爭係真理⏰！

綜合中風治療係屯門醫院神經醫學中心嘅重點服務之一⚡。去年我哋設立咗「腦中風急救綠色通道」，成功幫助加快診斷同治療流程，令更多病人可以喺黃金時間內接受治療。

而家，新界西醫院聯網再進一步，同香港消防處聯手出擊🙌！喺「院前中風分流計劃」下，救護員及早識別大血管閉塞中風病人🧠，並即刻通報我哋嘅動脈取栓手術的指定醫院。急救中風團隊會提前在急症室準備緊急動脈取栓手術治療，確保病人到院即治！

大血管閉塞中風病人唔洗再等轉院🕒，呢個合作唔單止縮短治療時間，更有望減低其腦部受損程度，提升存活率同康復速度❤️，讓我們能有機會拯救更多生命同家庭👨‍👩‍👦‍👦。

【 「世界中風關注日」⚡️中風分流 爭分奪秒】

10月29日是每年一度的「世界中風關注日」，旨在提升世界各地對中風的關注，並策劃應對計劃。中風是香港第四號殺手💀，平均每年約有 3,000 名患者死亡。

中風主要分為缺血性中風及出血性中風（俗稱爆血管），前者佔超過80%，而大血管閉塞中風 更是缺血性中風中最嚴重的情況，往往需要緊急動脈取栓手術治療 ！

如懷疑身邊人出現以下中風徵狀：
🔹 口齒不清
🔹 單側手腳乏力
🔹 面部歪斜
👉 請立即致電 📞 999 求助，並遵從救護人員及醫護人員的專業安排。

消防處救護人員會在現場進行標準化評估，識別患者是否懷疑中風(包括大血管閉塞中風) ，並根據 「院前中風通報」 機制以電話預先將病人資料通報醫院急症室，加快安排治療。

經專業訓練的救護人員可以在院前識別出超過 60%的大血管閉塞中風病人⛑️。現時所有公立醫院急症室均提供24小時靜脈溶栓治療（俗稱「溶血針」） 。

正如《施政報告》指出，消防處將聯同醫院管理局在 2025 年年底前於新界東及新界西聯網推行 「院前中風分流計劃」，把懷疑大血管閉塞中風病人直接送往提供動脈取栓治療手術的指定醫院接受治療🏥，減低病人轉院需要。

#世界中風關注日 #中風
#院前中風通報機制
#施政報告2025 #院前中風分流計劃
#醫院管理局 #救護服務 #急症室
#香港消防處

29/10/2025

【博愛醫院全院試行人工智能患者風險預警系統 病人平均住院日數趨減】

今年施政報告提出引進人工智能(AI)的應用，提升病人護理效率。博愛醫院今年七月起率先在全院所有病房推行人工智能患者風險預警系統，透過AI分析病人臨床維生指數、化驗結果及病史等數據，預測病人在未來48小時內的病情惡化風險。初步試行數據顯示，應用AI預警系統可以預防病人病情惡化，讓醫護人員及早介入，有助縮短住院病人因為病情惡化而要留院的時間達四分之一，甚至降低住院病人的死亡率。

當預警系統偵測到病人可能存在惡化風險時，會隨即透過病房儀表板和手機發出警示，讓醫護人員可以清晰及快速掌握病人病況，及時提供診斷和治療，避免等到病人出現昏迷或血壓驟降等明顯惡化跡象才緊急處理。試行期間，系統提出預警的病人當中，93%病人都需要作進一步跟進，當中約30%需要護士即時介入，例如若發現病人氣道阻塞，護士會即時為病人進行抽痰及提供氧氣，而其他病人亦需要加強監察及通報醫生進一步跟進，以避免情況惡化。

在全院試行人工智能患者風險預警系統的首一個月，病人平均住院日數較去年同期減少25%。團隊將會持續監察及深入分析有關數字，以進一步確認系統對提升病人護理效率的成效。

醫管局將於今年年底起，陸續將AI預警系統推展至其他醫院的病房使用。

#新界西醫院聯網 #博愛醫院 #醫管局 #智慧病房 #人工智能患者風險預警系統

28/10/2025

✅【屯門醫院 X 社區力量 💪｜暖暖同行讓生命解「凍」】

當身體逐步被時間「鎖住」，生命仍可活出精彩？✨

屯門醫院跨專科團隊同香港復康會攜手，打造首個「醫社融合」的醫社綜合康復團隊👩‍⚕️👨‍👩‍👧，醫護和社會服務團隊由漸凍人病友確診開始，一直陪伴住漸凍人病友，一齊走過高高低低的生命路。

其中一位病友阿威，雖然已經四肢癱瘓，但仍能在舞蹈中「動」出笑容💃，以勇氣同快樂，感染身邊每一個人💖！

📍 想知道他們點樣做到？
👉 一齊睇睇今期《新界西醫院聯網通訊》文章！
🔗https://www3.ha.org.hk/ntwc/ntwc_news/202510.pdf =9

#暖暖同行 #屯門醫院 #新界西醫院聯網 #醫社融合 #漸凍人症

27/10/2025

🎉【HA Go全城起動！新界西出發💪】

新界西醫院聯網今朝非常熱鬧👀 病人資源中心嘅義工、社區夥伴義工、HA Go大使同埋唔同部門嘅同事齊齊集結喺屯門醫院大堂，響應醫管局「掌握健康『智』輕鬆 – HA Go一㩒做到」大型推廣活動，我哋舉行咗簡單而隆重嘅啟動禮！🔥

呢次活動目標就係要讓更多市民識用、用得更方便👍。無論係用HA Go繳費💳、定係幫家人睇門診、攞藥，只要你肯用HA Go，登記照顧者功能👨‍👩‍👧‍👦，全部都可以「一㩒做到」，掌握健康「智」輕鬆！

🤔 HA Go有乜咁正？
✅ 查睇預約、繳費超方便
✅ 拎藥唔使排長龍
✅ 健康紀錄自己掌握晒
✅ 幫屋企人睇返醫療資料

未來幾個星期，我哋嘅義工會喺社區、醫院同大家見面，介紹HA Go各種貼心功能✨。

截至而家，HA Go已經有超過👉 412萬次下載！你仲未用咩？😉 即刻行動啦！📱

同場加映HA Go最新宣傳短片：https://www.facebook.com/share/v/1BUp7XT2Sg/

#新界西醫院聯網 #一㩒做到 #掌握健康智輕鬆 #醫管局 #屯門醫院

22/10/2025

【🏥防患未然：屯門醫院年度跨部門火警演習🚒】

為提升各部門處理緊急事故同進行疏散嘅應變能力，屯門醫院聯同消防處及警務處喺上星期六（10月18日）舉行年度跨部門火警演習，當時模擬醫院嘅病房發生火警🔥，火勢迅速蔓延，醫院團隊果斷安排病人及職員緊急疏散，消防員👩‍🚒及警察👮‍♂️亦第一時間到場，展開滅火及救援工作，並維持現場秩序。

醫院再次感謝各政府部門及同事嘅配合，令火警演習順利完成，醫院同社區防患於未然，一定可以進一步保護病人安全！

#新界西醫院聯網 #屯門醫院 #跨部門火警演習 #消防處 #警務處

13/10/2025

【打針護己又護人💉全院打齊最安心💝】

新界西醫院聯網各間醫院早前舉行咗流感針啟動禮，鼓勵同事盡早接種流感疫苗。一眾同事身體力行，即場打針💪🏻💪🏻

踏入夏季流感季節已經一個月，社區上相繼出現流感個案，長者同小朋友更加係高風險嘅一群，而打流感針就係預防重症嘅最有效方法✅除咗自己要打針，記得呼籲埋家人及身邊嘅人一齊去打針，為社區築起健康屏障！

#新界西醫院聯網 #夏季流感季節 #流感針 #流感疫苗 #夏季流感季節 #打針護己又護人 #全院打齊最安心 #即打流感針

11/10/2025

【普通科門診改名為「家庭醫學診所」】

醫院管理局轄下普通科門診診所及社區健康中心今日起分別改名為「家庭醫學診所」及「家庭醫學綜合中心」，以重新定位普通科門診服務，聚焦照顧弱勢社群，突顯基層醫療服務以家庭醫學概念提供以人為本的服務和以預防為重的發展方向。

新界西醫院聯網8間診所及中心聯絡方式維持不變。

✅ 屯門家庭醫學診所
✅ 屯門湖康家庭醫學診所
✅ 屯門仁愛家庭醫學診所
✅ 元朗賽馬會家庭醫學診所
✅ 錦田家庭醫學診所
✅ 元朗容鳳書家庭醫學診所
✅ 天水圍(天瑞路)家庭醫學診所
✅ 天水圍(天業路)家庭醫學綜合中心

病人留意，改名後診所原有服務不受影響，慢性疾病的覆診病人應繼續按原定的覆診日期，帶備原有的覆診文件到原定的診所應診；而偶發性疾病病人亦可繼續使用HA Go或電話預約系統預約。

#新界西醫院聯網 #家庭醫學診所 #家庭醫學綜合中心

10/10/2025

【壓力大到就嚟爆？其實壓力都可以係你嘅好朋友！】

最近係咪覺得頭昏腦脹、周身肌肉繃緊？容易為小事發脾氣？呢啲可能都係壓力太大嘅警號！🚨

其實，壓力並唔係魔鬼，只要管理得好，佢都可以係你嘅天使：

👍🏼 ＃適量壓力： 成為你嘅動力，提升工作同學習效率！
👎🏼 ＃過度壓力： 影響工作效率同表現，長期受壓仲會令身心健康受影響！

想學識點樣同壓力「做朋友」，將佢轉化為生活嘅助力？＃青山醫院精神健康學院 嘅網站有好詳細嘅教學！

撳入下面連結，你可以學到：
✅ 7大壓力管理技巧
✅ 腹腔式呼吸、肌肉鬆弛等實用練習
✅ 如何培養良好睡眠及工作習慣

🔗 https://www3.ha.org.hk/cph/imh/tc/mental-health-info/1/1/2/stress-management

一齊學習管理壓力，輕鬆應對生活挑戰！✨

特別鳴謝青山醫院彭子珈醫生（Dr. Bernice PANG）創作的精美插畫！

#青山醫院 #精神健康學院 #精神健康 #壓力管理 #身心健康 #放鬆技巧 #情緒管理 #世界精神衛生日

08/10/2025

【HA Go 照顧者：Care就要Share❤️】
細細個，爸媽照顧我哋；而家，輪到我哋照顧佢哋～👨‍👩‍👧‍👦
記得登記HA Go嘅「照顧者模式」📱用行動表達Care