https://www.facebook.com/639267169259413/

SilverHope NeuroFitness 銀曦腦健中心, 香港鰂魚涌華蘭路20號華蘭中心308室, Hong Kong (2025)

Q: What is the address?

香港鰂魚涌華蘭路20號華蘭中心308室

14/11/2025

好多人以為「慢慢休息」就係中風後最佳做法？其實可能錯過咗最關鍵嘅時間！😨

好多人都以為中風之後要長時間靜養，但醫學研究發現——🧠
越早開始復康訓練，恢復自理能力同活動能力嘅機會就越高！
因為中風後頭3至6個月，就係腦部神經最容易「重新學識」動作嘅黃金時間，呢段時間內做訓練，對手腳控制、講嘢同平衡都會有明顯改善。💪

‼️唔好等，唔好拖
及早開始中風復康訓練，就係幫自己或者你愛嘅人搶返行得穩、講得清、生活自理嘅希望✨

👉想知中風後家居復康小貼士？
留言「想知」，我哋DM你！
記得Follow我哋，一齊守護長者健康，早啲郁、早啲穩！🌿
#中風復康 #長者健康 #復康治療 #銀髮族 #腦中風 #康復運動 #健康貼士 #復康之路 #復健運動

13/11/2025

👋手震震，攞杯水都會倒瀉？食飯、寫字樣樣都辛苦？
唔使氣餒，原來乒乓波 + 紙杯，都可以幫手改善手震！

呢個訓練睇落似遊戲，其實係「腦＋眼＋手」三大系統同步開工🧠👀✋：
✨練穩定度 — 疊杯過程中保持手定、眼準
✨練專注力 — 用視覺鎖定乒乓波，幫大腦前額葉同運動皮層一齊「出力」
✨練協調 — 學識慢、穩、準咁控制每一下動作
結合視覺＋專注＋動作控制三大元素，幫助大腦重新「學識」點樣指揮雙手。
一個杯、一粒波，
都可以成為你重拾自信嘅第一步🌈

最終極難度，你敢唔敢挑戰？🔥
留言「想知」
我哋即刻DM你終極Level4筆記！

👉 Share俾你身邊有需要嘅老友記／朋友～
原來乒乓波＋紙杯都可以玩出控制感、練出穩定💪
一齊嚟挑戰，搵返手嘅力量同自信！✨
Follow我哋，一睇更多有趣又有效嘅「動作訓練小貼士」
幫你郁得更順、更穩、更有自信。💪🌟
#柏金遜症 #手震訓練 #復康訓練 #動作協調 #專注訓練 #手眼協調 #銀髮族 #居家復健

12/11/2025

🔥 以為玩圈圈好易？一唔穩就輸晒！
呢個訓練睇落似遊戲，其實暗藏「高手挑戰」！😎

呢個圈圈＋BOSU波嘅訓練，睇落好似玩遊戲，其實係專為提升長者平衡力、專注力同手眼協調而設。
長者要一直腳企穩，另一邊踩住搖下搖下嘅BOSU波，保持身體嘅同時，仲要跟著治療師指令配顏色套圈圈
即係要腦、手、腳三合一咁一齊郁！🧠🖐️🦵

透過呢種「玩住訓練」嘅方式，長者唔單止可以強化下肢力量、提升平衡力，仲可以慢慢搵返控制身體嘅感覺，重拾自信與安全感。✨

👵🏻👴🏻呢個訓練特別啱
👉🏻平衡力較弱人士
👉🏻行路不穩人士
👉🏻預防跌倒人士
玩得開心，又練得實在💪
每一次專注、每一下保持平衡，
都係身體重新變強、變穩嘅時刻。🌿

👉Follow我哋，睇下仲有幾多「玩住練」嘅創新復康訓練～
一齊發現訓練都可以好玩又有成就感！🌟
#防跌 #平衡訓練 #復康運動 #長者運動 #銀髮族健康 #預防跌倒 #手眼協調

11/11/2025

💭「我想郁，但膝蓋一痛就冇力。」
好多長者、中風後嘅朋友都有同感——膝痛、關節退化，連最基本嘅深蹲都做唔到，甚至行耐少少都會攰😔
但其實，只要方法啱、角度啱，就算唔使企起身，都可以一步步搵返肌肉力量！💪

平時健身房嘅器材，其實唔淨係俾年輕人練肌肉，對老友記嚟講，都可以係「安全又有效」嘅復康幫手！😮
Total Gym 就係一個好例子——
透過治療師指導，長者可以平躺喺滑板上，靠自身體重作為阻力，慢慢做「蹬腿（Leg Press）」動作，訓練大腿、臀部同核心肌群、減少膝蓋壓力，慢慢重建下肢穩定。
配合夾住 foam roller 嘅練習，更可以改善外八字、雙腳唔對稱，令步態更穩、更自然。

💡分享俾你身邊嘅老友記同朋友：原來瞓住做復康，都可以慢慢變強，搵返穩定同自信💪
👉Follow我哋，一齊探索更多「意想不到」又安全有效嘅復康訓練方法！✨
#復康訓練 #中風 #長者運動 #膝痛 #關節退化 #低衝擊 #防跌訓練 #居家復健

10/11/2025

💬「佢啲手腳好似唔聽使咁，仲點郁呀？」

好多中風、帕金遜或者長期臥床嘅長者，初初嚟到嘅時候，手腳好似唔聽使，連郁一郁都要費好大力氣，但經過持續訓練，佢哋都開始重新感受到「郁動」嘅感覺——只要有啱嘅工具、有專業人士帶領，奇蹟係可以逐步發生✨

呢部上下肢主被動康復訓練器 Active-Passive Trainer，就係幫助佢哋由「被動郁」到「主動出力」嘅關鍵。不論係上肢、下肢，甚至核心肌群，都可以針對性訓練，一步一步搵返身體嘅記憶，搵返「我可以」嘅信心💪
復康，從來唔只係「郁返隻手、行返幾步」咁簡單
而係重新連結身體同希望嘅過程💙
每一次郁動，都係向生活邁進一小步💪🏻
#中風 #關節退化 #銀髮族 #中風復康 #帕金遜症 #長者復健 #被動訓練 #主動訓練

09/11/2025

👆你以為自己手眼協調勁？試玩呢個「手指醒腦操（Brain Gym）」就知！

唔好睇少幾個手指郁下郁下～
Brain Gym係一套由教育學者研發、喺世界多個地區都有推行嘅腦部活化及協調訓練活動🤓
透過一邊郁手、一邊刺激大腦左右半球協調，幫助提神、提升專注力同反應力💡

今日我哋挑戰到 Level 3，真係笑爆場🤣
練得多會發現思路變得更靈活，反應都快咗～🤩

想挑戰下自己過到幾多關？
快啲Tag個朋友一齊試下，睇下邊個更醒目！👯‍♀️

#腦部訓練 #手指醒腦操 #大腦運動 #手眼協調

08/11/2025

👀「插胃喉就可以解決吞嚥困難？」
事實上，胃喉唔係治療，只係臨時嘅輔助方法。

好多長者插咗胃喉之後，開始唔郁嘴、唔落力咀嚼，原本仲有少少吞嚥能力，都會慢慢消失。😔
長期落去，吞嚥反射、肌肉功能都會退化，令食嘢更困難。🍚

所以，關鍵唔係「插唔插喉」，而係有冇接受專業評估+針對性訓練！
好多經過復康治療嘅個案，都可以一步步「食返軟餐，甚至乎係正餐」。

可能路唔易行，但唔代表冇路行👊🏻
千祈唔好放棄呀，你嘅堅持，可能就係佢重新開口食飯嘅第一步，吞嚥功能係可以重建㗎！
只要肯俾多一次機會——
功能、希望、笑容，都有機會返嚟。💪💖

如果你都想了解點樣幫屋企人安全咁改善吞嚥困難，留言話「想知」，我哋DM你～
希望可以幫到你哋多一步💬💗

#吞嚥困難 #胃喉 #復康知識 #長者照護 #健康教育 #吞嚥治療 #吞嚥訓練 #復康治療 #照顧者支援 #老年健康

07/11/2025

🚨幾分鐘嘅無力，可能係大難臨頭前嘅預告！
你有冇試過——半邊面突然冇力、講嘢唔清、手腳麻痹，但過一陣又好返？
好多人都以為「應該係太攰」，但其實，呢個就係腦部發出嘅最後警告⚠️。

小中風最麻煩嘅地方，就係嚟得快，走得快，一走咗就好似乜事都冇。有研究指出——每10個小中風患者，就有1個會喺三個月內中風！
到時可能出現語言障礙、行唔到路，甚至危及生命……

所以，如果你或者屋企人有類似情況，
唔好以為「冇事就算」——要即刻求醫，早一步檢查，可能就救返一條命!

💬 想知點預防小中風及分辨方法？
留言話「想知」，
我哋會DM你！
記得 share 俾屋企人朋友睇，早啲識得認症狀，守護自己同最愛嘅人！💪

#中風 #中風警號 #小中風 #健康資訊 #腦健康 #健康生活 #長者 #長照 #中風預防 #健康小知識 #早預防早治療

07/11/2025

插咗鼻胃喉，係咪真係「冇得救」？

好多家庭見到屋企老友記有吞嚥困難，日日只可以食糊餐，連飲水都好容易「濁親」，成個人都失咗生活嘅尊嚴。呢份無力感、心痛同無助，只有同行者先會明白。

係《吞嚥困難實戰日》現場，好多家庭帶住問題嚟，但離開嗰一刻，佢哋多咗希望，多咗方向！

當日言語治療師 Michael一次過拆解吞嚥問題，從餵食、食物處理，到簡單自我篩查，幫屋企人及早識別吞嚥困難，再教授即學即用嘅「自救方法」，理論＋實戰＋示範，全部到位！

當日最感人一幕，係照顧者 Billy 嘅分享。
佢媽媽中風後插咗鼻胃喉，入過ICU，做過幾次手術，情況好反覆。但一家人都冇放棄，一日一日陪住做復康，堅持九個月—今日，佢媽媽唔止甩咗鼻胃喉，仲要可以食返「熱飯」。

嗰一刻，所有眼淚都變成咗笑容🥹
佢哋用行動證明：「堅持落去，就會見到希望。」💪

💗 呢份愛，呢份韌力，係復康路上最寶貴嘅力量。
活動結束後，超過10個家庭即場登記諮詢——因為佢哋知道，只要有人教、有方法、有希望，路就唔再係「絕路」！

🩵 如果你屋企人有中風或帕金遜問題
🗓️ 下場活動：《中風及帕金遜實戰日》，由專業團隊親自示範，教你實用技巧，幫你所愛嘅人重新踏上生活軌道！

🎊活動詳情 日期｜2025年11月22日（六） 時間｜13:00–17:00 地點｜鰂魚涌華蘭路20號華蘭中心308室 對象｜有中風、帕金遜長者之家屬及照顧者（耆俠會/銀曦會員優先） 形式｜專業講解＋個案分享＋免費一對一諮詢
名額｜30名（由於場地限制，先到先得，額滿即止）
費用｜全免

🤔想知道點樣幫你所愛嘅人走得更穩、重新投入生活？如慾參加，報名連結可以係下面留言欄睇到‼️

#中風復康 #柏金遜症 #復康治療 #物理治療 #照顧者支援 #長者健康 #長照 #銀髮族

05/11/2025

「手震到連飲水都變成挑戰？」
呢幕，你見過幾多次？有時睇住屋企長者明明想自主，但隻手不停震，杯水都拎唔穩，嗰種無力感真係好心酸。😢

其實，帕金遜或者年紀大手震嘅長者，最怕嘅唔係震，而係「失去生活嘅主導權」。
好多時候佢哋唔係唔想郁，而係「唔知仲可以點樣郁」。
每日3分鐘中強度訓練可以刺激基底核活動，例如簡單嘅「橡筋手腕練習」，唔使器械，坐喺屋企都做到。有研究顯示，持續做呢啲針對性手腕訓練，可以令震幅減少15%-20%！💪

復康唔一定好辛苦，重要係「肯開始」。
你屋企有冇人都面對緊手震？留言話我哋知，或者一齊試下呢個小動作，為生活重新攞返主導權🫶🏻

#中風復康 #柏金遜症 #復康治療 #物理治療 #照顧者支援 #長者健康 #長照 #銀髮族

04/11/2025

「日日復康都練到攰，但點解好似行極都冇進步？」
其實，你唔係一個人。好多老友記喺做復康運動時，都會覺得自己停喺原地💭

其實問題唔係你冇努力，而係方法未啱🔥

醫學研究顯示，中強度訓練可以刺激大腦分泌BDNF，幫助腦神經重新連線，令你控制身體更順、更快recover！🧠✨
簡單嘅抬腿動作，只要每日3分鐘，就能夠幫助大腦同肌肉重新連線，令復康進度更穩、更快🏃🏻‍♂️

呢個動作只係第一步，如果想再進階啲，改善行路、平衡、協調，我哋係11月22日，銀曦腦健中心舉辦「中風及柏金遜」實戰日，會教埋成套練習，包你學到實用又有用嘅技巧～仲會用真實個案，畀你睇到點樣由無力到再度行起上嚟，點樣令患者重新掌握生活、重拾信心！❣️

🎊活動詳情 日期｜2025年11月22日（六） 時間｜13:00–17:00 地點｜鰂魚涌華蘭路20號華蘭中心308室 對象｜有中風、帕金遜長者之家屬及照顧者（耆俠會/銀曦會員優先） 形式｜專業講解＋個案分享＋免費一對一諮詢
名額｜30名（由於場地限制，先到先得，額滿即止）
費用｜全免

🤔想知道點樣幫你所愛嘅人走得更穩、重新投入生活？如慾參加，報名連結可以係下面留言欄睇到‼️

#中風復康 #柏金遜症 #復康治療 #物理治療 #照顧者支援 #長者健康 #長照 #銀髮族

03/11/2025

你用緊嘅水杯其實可能比馬桶仲污糟！？😱

我哋探訪時發現，好多老友記以為「得我自己用」、「得啖水啫」冇所謂，結果杯底、杯邊全部都係黃色污漬＋噏臭味🤢

其實我哋飲水時，口水同水會交換細菌，如果長期唔洗，杯入面會滋生葡萄球菌、大腸桿菌同黴菌，嚴重啲仲會引起腸胃炎、嘴角生泡，皮膚紅腫，甚至引發感染😨尤其係對體弱人士，例如對小朋友和長者嚟講，唔清潔嘅杯可能帶來的隱藏風險更大！

🙅‍♀️清潔水杯唔係隨便一沖水就可以解決嘅事，需要知道正確嘅清潔方式
我哋整咗份《水杯清潔大全》，教你3分鐘內徹底清潔，避免細菌滋生。
留言「清潔大全」
我哋即刻 DM 畀你～
📍Follow我哋，學更多健康小貼士

#水杯清潔 #家居衛生 #長者健康 #防病貼士 #健康生活 #護理知識 #照顧者小貼士 #家庭衛生 #口腔健康

SilverHope NeuroFitness 銀曦腦健中心

14/11/2025

13/11/2025

12/11/2025

11/11/2025

10/11/2025

09/11/2025

08/11/2025

07/11/2025

07/11/2025

05/11/2025

04/11/2025

03/11/2025

Address

Telephone

Website

Alerts

Shortcuts

Share

Category