24/11/2025
//鍾意睇書，有版你睇，已經贏咗出面九成細路。//
坊間成日聽到句說話：「識人好過識字。」
我一向對呢句說話好厭惡，當了職場生涯廿幾年，每當聽到有人咁講，我只會走遠一邊默默地點起根紅萬。
呢句說話，對我個人解讀而言，係一些讀唔到書，以走精面行捷徑既人，說來掩蓋自己的不足。
靠人不如靠自己，人既關係會變，但知識學識除了豐盛個人內涵外，還會跟住你一世。
我好重視一般孩童係求學期接受教育，但未必個個都能讀得好書，但求學期完結後，應該都要不斷進修，不斷增值自己。
如果唔係，求學期讀書不成，長大又不願自我在書本中學習的話，那麽你從何以來知識？能有幾多基礎去比你思考或判斷事情？
不進修，不增值，只能淪為一介武夫。
電影《黑社會》古天樂 Jimmy仔，都要不斷增值自己去學院求學，如果唔係，古惑仔永遠都只係古惑仔；豬肉佬永遠都係豬肉佬，不會成為舞蹈家。
讀書識字可提供到你擁有更多基礎思維去分析事情，令你眼界遠大。
鍾意書本，喜愛閱讀，通常這類人看事情看得透徹，不會流於表面，一個有內容既人。
有內容既人，同不愛看書本，只愛網絡睇快速即食廿秒短片既人好唔同。所以這四年來，除了搞笑鳩文外，我每隔一段時間就出篇千字文，迫鳩大家看文閱字。
目的，就係篩選，不愛睇字既人會走，愛看文閱字既人留下。
如葉朗程所說：
//鍾意睇書，有版你睇，已經贏咗出面九成細路。//
更何況，會有心機睇千字文我既客人，有版你睇，兩個字，高質。
如果你看到這處，比點掌聲自己。
