Dalia Youssef

29/01/2026

مستنيه إجاباتكم

27/01/2026

انت عليك السعي ودا اللي ربنا سبحانه و تعالى حيحسابنا عليه
النتيجه مش في ادينا أصلا عشان نتحاسب عليها

26/01/2026

مبحبش المبالغات خالص اللي يمشيلي خطوه امشيلوا ١٠ حب مش مبالغه
اللي يبعد خطوه ابعد ١٠ كرامه مش مبالغه
اللي له يد عليا أحطه جوا عيني
وغير كده احسان وفضل لو قدرت اعمله واحسن نيتي لو مقدرتش مش ببالغ

26/01/2026

ده مش كتاب…
دي مجموعة جلسات
بتبدأ بيها أول الطريق
وأول خطوة حقيقية للتغيير ✨

مش محتاجة تكوني جاهزة
ولا قوية
ولا عارفة كل الإجابات
محتاجة بس تكوني حابة تبدأي 🤍

📌 سؤال مهم بقى:
لو عندك فرصة تغيّري حاجة واحدة في حياتك دلوقتي…
هتكون إيه؟

🔹 ثقة في النفس
🔹 علاقات
🔹 خوف وتردد
🔹 هدف مؤجل
🔹 حاجة تانية؟ اكتبيها في الكومنت 👇

الجلسات دي مش للي بيتفرج
دي للي قرر يتحرك
ولو حابة الخير لصحابك
هادِيها لهم 🎁

💬 مستنية كومنتاتكم
📩 التفاصيل في الرسائل الخاصة

25/01/2026

اتعلمنا النهارده ان الود اعمق من الحب
وان البر ملوش علاقه بالحب
ممكن ابرك ولا احبك عادي

لكن عشان اودم لازم اكون بحبك
ولذلك ربنا عز وجل اما ذكر علاقه الزوجين ذكر سبحانه "جعلنا بينهم موده ورحم"

وعند ذكر اهل الجنه قال الله عز و جل "سيجعل لهم الرحمن ودا "
وكذلك ال ك فار عندما ذكر الله عز وجل انهم لا يحبون للمؤمنين
الخير قال عز وجل " ود الذين كفروا لو يضلونكم"
وعندما ذكر سب انه وتعالي علاقتنا بالوالدين قال "بر الوالدين "
وعلاقتنا بأهل الكتاب "أنّ تبروهم وتقسطوا إليهم "
يعني الخلاصه
مش شرط ابداً انك تحب حد عشان تعامله بببر
ولكن شرط الود انك تكون مُحب وأكثر من مُحب
لان الحب يتغير و القلب يتبدل
ولكن الود لا يتغير
حابين نتكلم عن الحب ازاي بيتبدل في الكومنتات

24/01/2026

حاجة غريبة شوية…
اللي بيحضروا معايا جلسات فردية غالبًا ما بيرجعوش 😅
ايوه، والله.

في الأول كنت براجع نفسي:
هو أسلوبي كان تقيل؟
ولا الجلسة وجعتهم؟
ولا فتحت جواهم حاجة كانوا مغمضين عنها؟

وبعد فترة…
رجعلي كلام منهم هما نفسهم:

«الجلسة سابت أثر طيب وعميق جوايا»
في تفكيري، وفي تعاملي مع نفسي ومع اللي حواليا.
وده فضل من ربنا قبل أي شيء 🤍

❇️ اللي اتعلمته
إن التغيير مش بيحصل في يوم وليلة،
والجلسة مش عصاية سحرية،
ومش معنى إننا فهمنا… إننا هنطبق على طول.

أحيانًا
معلومة واحدة بس
لو اتفهمت صح واتطبقت صح
تفرق أكتر من مية معلومة.

الجلسة بنفتح فيها النور
على حاجات ممكن تكون مش شايفها لوحدك،
لكن الطريق؟
إنت اللي بتمشيه خطوة خطوة.

❇️ والأهم بقى
فهمت من المينتورينج
إن النجاح الحقيقي للجلسة
إن اللي يطلع من عندك
ما يبقاش محتاجك…
لأنه عرف يمشي لوحده بفضل الله.

❓ خليني أسألك بقى
– عمرك فكرتي تحضري جلسة فرديه
ولا شايفه انها مش مهمه

اكتبيلي رأيك في الكومنتات 👇
ولو حاسة إنك محتاجة جلسة فردية
ابعتيلـي رسالة على الصفحة 🤍

24/01/2026

بيكون في علامات بس انت بتختار انك متصدقش

21/01/2026

من فاعليات السيشن الاول في ورشه ❇️أتممت أربعين ❇️
ايه اكتر حاجه بتدايقكم في القاعده لوحدكم؟

20/01/2026

عملت حادثه كبيره شويه من 3️⃣ سنين كده تقريبا
بس ربنا ستر وخرجت منها سليمه
والعربيه اتدمرت ساعتها

كنت مرعوبه جدا جدا لان الحادثه كانت كبيره
لثانيه كده حسيت اني خلاص بموت وربنا نجاني الحمد لله
ماما حبيبتي (قبل ما تمشي بمده بسيطه)
كلمتني في التليفون في ساعتها اما عرفت
وبعد ما اتطمنت عليا قالتلي اوي اللي حصل دا يخليكي ما تسوقيش تاني
خدي وقتك و ارتاحي وعادي ارجعي تاني
مخبيش عليكم أنا من الرعب اللي شفته وقتها قعدت مده مش عايزه انزل من البيت اصلاً
بش عدي الموقف وخد وقته ورجعت أسوق تاني بفضل الله
ماما فعلا طول عمرها بتشحن جوايا ان مفيش مستحيل خالص واني احاول واحاول ولا أبأس أبدا
إن كان عندي تفاؤل في شخصيتي و إصرار فهي زرعته فعلا
اللهم ارحم من رحل و ترك اثر وترك ألم

احكولي…
إيه أكتر جملة أمك قالتها ولسه بتقوّيك لحد دلوقتي؟؟

18/01/2026

وعي
مها مش عارفه اقول ايه الكتاب بتاعك شبهك جدا كل الكلام اللي فيه قريته بصوتك وإحساسك
كتاب من القلب حقيقي هو بدايه وعي حقيقيه
بالتوفيق حبيبتي والفلاح ❤️❤️❤️

هذا الكتاب ليس نظريًا، ولا وعظيًا…
هو دعوة هادئة لكِ أن تتوقفي لحظة،
أن تتنفسي بعمق،
وأن تنظري إلى داخلكِ بصدق وهدوء.
من غير جلد ذات،
من غير عتاب على الماضي،
ولا ندم يثقل القلب.
هي رحلة تمشيها خطوة بخطوة…
من الغفلة إلى الفهم،
ومن الألم إلى السلام.
#ببلومانيا #رواية #مترجمات #ببلومانيا #كتب #كتاب #تنمية #رعب #فانتازيا #أدب #لغات #فلسفة #تاريخ

18/01/2026

بالتوفيق حبيبتي Seham Ahmed - Family and Parenting Coach
قلبي بيتنطط من الفرحه ان اخيرا الكتاب شاف النور الحمد لله ربنا يجعله علم نافع

قد لا تُدرك أنك تعيش حالة فقد إلا حين يغيب دفء الأهل لمسافات بعيدة، أو حين يسافر صديقٌ كان سندًا لروحك، أو عندما تغادر الدنيا روحٌ أحببتها. وقد يكون الفقد في وظيفة لطالما منحتك معنى، أو في حلمٍ تبخَّر من بين يديك، أو في طريقٍ تقطَّع بك فجأة. كل ذلك يُحدث فراغًا لا يُرى لكنه يوجع القلب بلا صوت.
هذا الكتاب سيأخذك في رحلة عبر قصص إنسانية وروحانية تلامس القلب. من خريف الروح إلى لحظات الربط الإلهي،و هو رفيق لكل من مرّ بتجربة فقد، مهما اختلفت صورها، وملاذ تجد فيه نفسك. بين الصفحات تنسج السطور خيطًا رفيعًا يربط بين الرضا والتسليم وفهم النفس لمراحل الحزن والتعافي، فيمنح القلب طريقًا إلى السلام، فتهمس لنفسك: «لولا أن ربط الله على قلبي.

#ببلومانيا #رواية #مترجمات #ببلومانيا #كتب #كتاب #تنمية #رعب #فانتازيا #أدب #لغات #فلسفة #تاريخ

17/01/2026

مقاله جديده ❇️أتممت أربعين ❇️

الهرم المصرى نيوز موقع اخبارى - رياضى - سياسى - ثقافى - شامل يهتم بكل ماهو جديد وحصرى