عزه يحيى زعبي معالجة نفسية פסיכותרפיסטית

04/08/2024

علموهم عالمسؤولية والمساعدة من اولها
مش على قلة الخواص 😌😃
لا ثقيلة قلة الخواص🤭

خلوهم يشاركوكم بكلشي علشان يكبروا على تحمل المسؤولية والاعتماد عانفسهم

مش بس بشغل البيت
بكلشي

تخافوش عليهم
خليهم يخوضوا تجارب بالحياة
طبعا تحت عينيكم

بالنهاية راح يتعلموا اكثر وافضل من التجارب الي راح يمرقوها

اعطوهم همي يروحوا يشتروا لحالهم
تناقشوا معهم بمواضيع مختلفة علشان يبدوا رايهم
خليهم يتبادلوا الزيارات مع اصحابهم
شاركوهم لعبهم وفعالياتهم
اطلعوا معهم عمحلات مختلفة

وكثير امور ثانية
🥰

عزه

31/07/2024

صباح الخير
فعلا لازم نحافظ عهدوءنا دايما
لانه الانفعال والعصبية بيضروش الا نفسيتنا وصحتنا

تعالوا نوخذ نفس ونتعامل مع الامور بهدوء
نحاول نهدي حالنا
نبعد عن المكان الي بيضايقنا او الاشخاص الي بينكدوا علينا
ممكن نغسل وجهنا بمي باردة او نشرب مي باردة
نعد للعشرة ( اه مش بس الصغار بينفع يعدوا للعشرة)
او اي طريقة انتو بتعرفوها بتهديكم
وبس بعد ما نهدا، نتعامل مع الامور
لأنه المنطق بيكون شغال وقت الهدوء
بينما المشاعر هي الي شغالة وقت الانفعال والعصبية

وتذكروا دايما انه ولا مرة تتخذوا اي خطوة او قرار في وقت انفعال ان كان عصبية او سعادة

نهاركم هاديء

26/07/2024

مرحبًا، أنا عزه معالجة زوجية وأسرية ومرشدة أهالي. هنا لمساعدتكم على بناء علاقات أسرية صحية وسعيدة. في صفحتي ستجدون نصائح، استشارات، ومعلومات قيمة لدعمكم في رحلتكم الأسرية. تابعوني لمزيد من المعلومات والنصائح العملية 💕 #العائلة

13/07/2024

من الغرفة العلاجية:

كثير اهالي لما يسألوا اولادهم شو بتعملوا جوا بالغرفة بيحكولهم كنا نلعب
فبتطلع كثير اسئلة بيتساءلوها بينهم وبين حالهم
هو انا موديه علشان يلعب؟
بس بتلعبوا؟
طيب شو بيستفيد لما كل الوقت بيلعب؟
وينتا بتشتغلي معه عالامور الي هو بيعاني منها؟
هو فاهم شو بيعمل وليش بيلعب؟

تعالوا احكيلكم اكم شغلة:
العلاج مع الصغار مش مثل العلاج مع الكبار
مع الكبار في مكان انه اللقاء كله يكون بس عن طريق محادثة
بينما مع الصغار الامر مختلف
الصغار بيزهقوا بسرعة
الصغار مش دايما بيعرفوا يعبروا عن انفسهم
الصغار بيتعلموا من الفعل اكثر من الحكي
الصغار بيطلعوش دايما شو عندهم بسهولة

ففي البداية لما ييجي عندي طفل لعلاج، بتساءل انا واياه ليش هو عندي، مين انا، وشو بشتغل
وبساله اذا حسب رايه في عنده اشياء هو حابب يشتغل عليها
وكيف راح نشتغل عليها
بتستغربوا يمكن اذا بحكيلكم انه كثير اطفال بيعرفوا شو عندهم مشاكل وبينبسطوا انه في حدا بده يساعدهم يتغلبوا عليها
واهم اهم اشي بيسالوه اذا راح احكي لامهم عن شو بيصير جوا الغرفة وشو بنحكي
فهون بيجي دور انه احكيلهم عن موضوع السرية وانه همي بيقدروا يحكوا لاهلهم كل اشي اذا حابين يشاركوهم واذا لا هم حرين، بينما انا مش راح احكي اشي لاهلهم الا امور بنحطها جوا دائرة حمرا وبشرحلهم شو في جوا الدائرة الحمرا هاي ( اعتداء، عنف وهيك امور)

عن طريق اللعب، الفنون، الحكي.. دمج هاي الامور مع بعض بنشتغل، بالاضافة الى انه قبل اي لعبه او نشاط بنعملوا مع بعض بسال الطفل شو حسب رايك فايدة اللعبة هاي، بيكون في اتفاق بينا كيف الشغل اليوم وعن طريق شو وترتيب اللقاء.

العلاقة الي بتتكون بيني وبين الطفل بشتغل عن طريقها على العلاقات الاجتماعية، على المحادثة، على كيف بنكوّن صداقات، عن طريق العاب معينة بنشتغل على تقليل التسرّع، على التركيز، على طلب المساعدة وحتى على المشاعر وردة الفعل.

عالم الاطفال عالم كبير ومش بسيط وبدك تفهمه منيح علشان تعرف توصلهم وتوصّلهم الرسالة الي بدك توصلها.

بتمنى اني فدتكم ولا شوي بفهم علاجات الاطفال.

تحياتي
عزه يحيى زعبي
معالجة زوجية اسرية
واخصائية علاج سلوكي معرفي
مرشدة اهالي
مرشدة طواقم علاجية وتربوية

07/07/2024

28/05/2024

‏يقول ‎دوستويفسكي في رواية الجريـمة والعقاب :

كل الذين أحبوني وأحببتهم
كنت أنا دائماً الطرف الأكثر حُباً لهم

أقصُد أن ورغم قدرتي الضعيفة على التعبير
لكنني أُقدم أشياء صادقة
ربما لا يعرفون قيمتها إلا بعد نهاية علاقتنا !

هم رائعون في البداية كالجميع
كلهم رائِعون في البدايات :

الونس، الردود الطيبة، والشغف ؛ أما عني فكُنت دائماً أبحث عما هو بعد هذه الخطوة

فقط البدايات رائعة في كل شىء، لكن الوقت يُبرد مشاعرهم

الوقت يكشف أن اقترابهم مني كان بدافع الفضول
أو مجرد نوبات إحتياج
فتعثروا بي لأعوضهم عن الفراغات
التي يشعرون بها !

لم يحدث يوماً ووجدت من تغير لأجلي
ومن حاول، وضَحى ليبقى بجانبي.

11/10/2023

يعطيكم العافية
نصائح للاهالي الي اولادهم شعروا بخوف جراء الاحداث:

يعطيكي العافية
انا عزه يحيى زعبي مرشدة ومعالجة نفسية تخصص علاج زوجي اسري وعلاج سلوكي معرفي cbt,
في حال ابنك/م بنتكم فايتين بحالة خوف بسبب الوضع هاي
نصائح بتمنى تفيدكم:

١. احكولهم عن شو قاعد بيصير حوالينا وانه الاشي بعيد عنا بس تتعمقوش بالتفاصيل.
٢. شاركوهم مشاعركم وخليهم يشاركوكم مشاعرهم.
٣. اعطوهم يعبروا بالرسم، بالكتابة، كيف همي بيحبوا.
٤. تسمعوش اخبار قدامهم ولا تشوفوا مناظر وڤيديوهات لشو بيصير الاشي كثير بيوترهم.
٥. احضنوهم لما يكونوا خايفين واحكولهم انكم معهم وحدهم ومش راح تسمحوا لاشي عاطل يصيرلهم.
٦. خليكم حواليهم وتخلوهمش لحالهم حتى لو بدهم يروحوا عالحمام.. رافقوهم وطمنوهم.
٧. خليكم صبورين وهاديين حتى لو هم كانوا جدا خايفين ومتوترين… هدوءكم بساعدهم يهدأوا.
٨. علموهم يتنفسوا بشكل صح وقت التوتر…

حقوق النشر محفوظة
شاركوا البوست اذا عجبكم 🙏

05/09/2023

يلا ضيفوني عحساب تيكتوك بلكي كبرنا الحساب ونشرت اكثر شغلات مفيدة

07/08/2023

في هذا الفيلم، البطلة بتزور طبيب نفساني و هي محتارة تاخد قرار صعب.
معروض عليها شغل يعتبر فرصة العمر مع أشخاص أذوها نفسيا بشكل كبير.
اللي حواليها قالولها وافقي هاي فرصة العمر و خليكي مهنيّة بس هي كانت مرعوبة من فكرة الضغط النفسي اللي راح تكون فيه.
الطبيب كانبيحكيلها قصة رحالة هندي كانت امنيته يطلع قمة ايفرست و سافر مع مجموعة رحالة صينيين رغم انه مكانش بيعرف صيني.
كان الرحالة الهندي متحمس و سبق مجموعته و كانوا بيصرخوا فيه ينتظرهم لكنه اعتقد انهم بيشجعوه.
لما واجه نمر جبلي استغاث بيهم بس فكروه بيحييهم و النتيجة ان النمر اكله.
الخلاصة
احيانا احنا بختار الاختيار الصعب علشان نبيّن اقوى و افضل رغم انه بنكون مش مستعدين له .
الحل اننا نختار الاختيار الاسهل حتى لو الناس اتهمتنا بالجبن او الضعف لاننا فعلا ممكن نكون ببساطة مش مستعدين للاختيار الصعب.
هي في النهاية رفضت الشغل و فضلت راحتها النفسية.

اسم الفيلم : Dear Zindagi

31/07/2023

عيادة بلسم، للعلاج الأسري الفردي والزوجي - CBT
بناية حكاية - كفرقرع
بجانب بناية صندوق المرضى مئوحيدت

خدمات العيادة:
علاج نفسي فردي للاطفال المراهقين والبالغين
علاج نفسي زوجي
علاج نفسي أُسَري
ارشاد اهالي
علاج سلوكي معرفي


علاج المخاوف، الاكتئاب، OCD (الوسواس القهري)، ADHD, مشاكل التأقلم، ومشاكل عديدة اخرى

للتواصل وحجز دور
0529511292

29/07/2023

عيادة بلسم، للعلاج الأسري الفردي والزوجي - CBT
بناية حكاية - كفرقرع
بجانب بناية صندوق المرضى مئوحيدت

خدمات العيادة:
علاج نفسي فردي للاطفال المراهقين والبالغين
علاج نفسي زوجي
علاج نفسي أُسَري
ارشاد اهالي
علاج سلوكي معرفي

علاج المخاوف، الاكتئاب، OCD (الوسواس القهري)، ADHD, مشاكل التأقلم، ومشاكل عديدة اخرى

للتواصل وحجز دور
0529511292

13/04/2023

" الهرشة السابعة" مسلسل رمضاني ممتاز يحمل إسماً غريباً للحالة التي يطلق عليها بالإنجليزية (The seven-year itch)، وهو المصطلح الذي يعني التغييرات السلبية والأزمات التي تحدث في العلاقات الزوجية بعد 7 سنوات، وبالفعل تدور أحداث المسلسل على مدار 7 سنوات من زواج نادين وآدم، وعلاقة شريف وسلمى كما ويستكشف المسلسل تأثير الصدمات النفسية في السن المبكرة على العلاقات الزوجية .
مسلسل صادق وجريء وجدير بالمشاهدة .