OT. Hadeel Naser هديل ناصر- أرشاد, استشارة, علاج وظيفي

30/11/2025

🔔مواقف ممكن تخليك تغضب على أمك/ أبوك اللي عندهن خرف وكيف بنصحك تتصرف:
احياناً أبناء مسن/ة مع الزهايمر بعصبوا في بعض المواقف .. وهذا نابع من الشعور بالتعب والعجز أمام المرض..
💡 الغضب شرعي جدا ! الخرف مرض لعين!
لكن مع نصائح بسيطة ممكن نغير رد الفعل!
📍 مواقف ممكن تخليك تغضب على أمك/ أبوك اللي عندهن خرف:
1. تكرار نفس السؤال أكثر من مرة حتى بعد ما جاوبتهن!
2. أمك بتحكيلك ما جبتلها الأغراض اللي طلبتهن مع انك جبتهن امبارح، ومش عارف وين حطتهن!!
3. تضييع الأغراض مثل النظارات والمصاري وما بتعرفوا وين تلاقوهن!
🧠 السبب لهذه التصرفات هو-
عدم مقدرة الذاكرة انها "تحفظ" الجواب، لذلك بالنسبة الهن السؤال بعده بدون اجابة.، ومكان الأغراض اللي جبتوهن انمحى من الذاكرة، والأغراض المهمة مثل النظارات والمصاري ما بتم وضعها في مكانها المعتاد!
👈 كيف بنصحكم تتصرفوا؟
1. خذوا نفس! تذكروا انه هذا جزء من المرض ومش تصرف مقصود!
2. استخدموا دفتر او لوحة ملاحظات سجلوا فيها اجابات الأسئلة او قائمة الأغراض. ولما تشتروا اغراض للبيت اهتموا ترتبوهن بنفسكم مع المريض/ة.
3. مفضل ما تخلوا مبالغ كبيرة مع المريض، ويكون عندكم أكثر من نسخة من الاغراض المهمة مثل النظارات، المفاتيح، الجزدان!
عن هذا الموضوع ومواضيع اضافيه رح نحكي في اللقاء في 6/12/2025 عبر الزوم!
🔗 الرابط في التعليق الأول!

29/11/2025

تخيلي انك واقفه في بيت كبير ملان غرف والضي مضوي فيهن كلهن..🏢
على الحيط قدامك في ساعة عقاربها بتتحرك🕰️
الضي انطفى في غرفة بعيدة عنك💡
وانت واقفه محلك🧍🏽‍♀️
وعقارب الساعة بتتحرك
الوقت بمشي⏳
كمان غرفة انطفى الضي فيها💡
مين عم بطفي الضي؟! سألتي نفسك
فش حدا بالبيت غيرك
عقارب الساعة بتتحرك وبتنطفي كمان غرفة⏰
انتبهتي انه حتى فش كبسة على الحيط!
مين عم بطفي الضي وكيف؟؟
انطفت كمان غرفة
وانت واقفه محلك…🧍🏽‍♀️
دماغ الانسان المصاب بالخرف هو زي البيت الملان غرف🧠
كل ما يمرق الوقت ⌛️ بتطفي غرفة ورا غرفة🌌
بدك تضلي واقفة محلك لحد ما يعتم البيت
ولا بدك تعرفي شو تعملي؟
🗓️6/12/2025 ⏱️ 19:00 🖥️zoom
الرابط في التعليق الأول، وعلى الموقع في صفحة الويبينار القادم.
تواصلوا معي للتفاصيل 📩

26/11/2025

https://did.li/NjAOf

🔔 بعد نفاذ كل النسخ المطبوعة أقدمه لكم عبر ملف للطباعة ليستفيد كل شخص يحتاج هذا المنتج!!

🧠💡 كراس تمارين ذهنية– 50 صفحة من الأنشطة والتدريبات الممتعة للكبار 🧠💡!
هل تبحثون عن وسيلة سهلة وممتعة لتحفيز الذاكرة والتركيز؟
هذا الكراس الرقمي يوفّر لكم 50 صفحة من التمارين الذهنية المتنوّعة، كلها باللغة العربية وبأسلوب واضح ومناسب لجميع المستويات.

📖 يحتوي الكراس على مجموعة كبيرة من الأنشطة، مثل:

تسالي كلمات

ألغاز

متاهات بأشكال مختلفة

احاجي وأمثال شعبية

صفحات تلوين

🧠 وغيرها من الأنشطة التي تساعد على تنشيط الدماغ وتعزيز القدرات الذهنية والتفكير.

مناسب لـ:

✔️ كبار السن في المنازل أو في المراكز النهارية

✔️ العائلات التي ترغب بدعم القدرات الذهنية لأفرادها

✔️ المرشدين والمتطوّعين

✔️ أي شخص يحب ألعاب التفكير والتحديات العقلية!

👈 مميزات المنتج:

ملف PDF جاهز للطباعة

تصميم نظيف وواضح

حجم صفحات مناسب للاستخدام اليومي

يمكن استخدامه بشكل فردي أو ضمن نشاط مشترك

مواد سهلة، ممتعة ومفيدة للقدرات الذهنية المتنوعه!!

📌 كيف يصل المنتج إليكم؟

بعد إتمام الشراء، ستحصلون فورًا على رابط لتحميل الملف بصيغة PDF – جاهز للطباعة والاستخدام مباشرة.

🔗 احصلوا عليه عبر الرابط الآن !

دفتر تمارين ذهنية– 50 صفحة من الأنشطة والتدريبات الممتعة للكبار!هل تبحثون عن وسيلة سهلة وممتعة لتحفيز الذاكرة والتركيز؟هذا الدفتر الرقمي يوفّر لكم 50 صفحة من التمار....

26/11/2025

🔔في اللقاء الثالث من ورشتي مع مجموعة نساء (بين جيل 58- 70), عملنا تمرين تمعن ذاتي عن مسارهن في التقدم بالعمر.
📌قسمتهن لمجموعات حسب معدل الأجيال، وكان لازم يفكروا سوا ويجاوبوا على أسئلة بتتعلق بقدراتهن الجسدية، الذهنية، النفسية، الاجتماعية ونشاطات الترفيه:
✔️ كيف بشوفوا نفسهن اليوم
✔️ كيف كانوا قبل 10 سنوات
✔️ كيف بتوقعوا يكونوا كمان 5 سنوات
✔️ وشو الأشياء اللي ما بدهن تتغير
📌بالقسم الثاني من التمرين طلبت منهن يجاوبوا على الأسئلة التالية:
✔️ شو اكتر اشي خايفين منه بالتقدم بالعمر
✔️ شو اكتر اشي بفرحهن بالتقدم بالعمر
✔️ وشو الخطوات اللي ممكن يعملوها ليحافظوا على شو بحبوا
هذا التمرين في اللقاء الثالث كان بعد لقاءبن حكينا فيهن عن التقدم بالعمر والشيخوخة من عدة جوانب مع نقاشات عميقة من حياتهن.
ما كان سهل عليهن يكتبوا بعمق وبتفصيل عن نفسهن، ساعدتهن يفوتوا بتفاصيل ليرفعوا وعيهن لقدراتهن، مثلاً:
👈القدرات الجسدية: بدل ما يكتبوا الحمد لله منيحه⬅️ يكتبوا بقدر اطلع درج لحالي، بمشي، بحمل اغراضي، بدخل الحمام لوحدي..الخ.
👈الحالة النفسية: بدل ما يكتبوا منيحه مرتاحة⬅️ يكتبوا بشعر بالراحة النفسية، احيانا بتضايق من الاخبار، بضحك وبشارك الفرح مع غيري، بنام منيح..الخ
نفس الشرح عملتوا معهن في الوضع الذهني والاجتماعي ونشاطات الترفيه.
هذا "الحفر" كان هدفه نوصل للجزء التاني :
💡شو بخوفني وشو بفرحني في التقدم بالعمر؟
معظم الاجابات كانت متشابهة:
⏳️اكتر اشي بخافوا منه فقدان الصحه والذاكرة
⏳️اكتر اشي بفرحهن وجود العائلة حولهن بخير
ومن هنا انا بتوجه لكل حدا بالغ منا عنده اهل جيل 60 وما فوق، اسألوا نفسكم هاي الأسئلة:
📍شو دوري بمساعدة أهلي يحافظوا على صحتهن الجسدية/ الذهنية/ النفسية كل ما تقدموا بالعمر؟
📍 هل أنا جاهز لأي تغيير ممكن يصير مع أهلي بأحد هاي المجالات؟
📍 هل متوفر لأهلي الموارد اللي بحتاجوها ليكبروا بصحه وعافيه؟
📍 اذا جوابك عالأسئلة السابقة بدل انك مش جاهز/ مش عارف، شو ممكن تعمل لتكون جاهز أكثر؟
💡انا نفسي ما عندي اجابة واضحه وكاملة لكل هاي التساؤلات، لكن بقدر اساعدكم برفع الوعي عن التقدم بالعمر وتقديم استشارة وأدوات عملية ونصائح بسيطه لتكبروا انتو وأهلكم بصحة وعافية.
واذا، لا سمح الله، صار في وضع احتجتوا فيه مساعدة مهنية، مثل ظهور علامات خرف، الزهايمر، جلطة دماغية ممكن تتوجهولي بكل سرور🫴
بستنى اللقاء الجاي مع المجموعة لنتعمق اكثر في اجاباتهن!
محبتي 🌷
هديل

24/11/2025

من التوجهات التي تصلني من عائلات ومن أخصائيين اجتماعيين حول أصعب التحديات في التعامل مع رجل مشخص مع خرف:

👤: "الرغبة الجنسية عنده عالية مع انه ما بقدر.. ومتغلبين معه كتير بسبب سلوكه"..
👤: "امي بتعاني من سلوكه الجنسي..ولأنه ما بقدر بصير عنيف"..
🧠💡🧠💡🧠💡🧠💡🧠💡🧠💡🧠💡⬇️
الدافع الجنسي لدى مرضى الخرف، خاصة في المراحل المبكرة، قد يزداد بسبب فقدان السيطرة على السلوكيات والعواطف الناتج عن تلف في مناطق الدماغ المسؤولة عن ضبط التثبيط الاجتماعي والعاطفي. هذا قد يؤدي إلى سلوكيات جنسية غير مناسبة مثل اللمس غير اللائق أو التعبير الجنسي المتزايد.
من المهم فهم أسباب السلوكات وتجنب المواجهة أو السخرية التي قد تزيد من تفاقم الحالة.
من المهم محاولة تحديد الأسباب للسلوك ومحاولة توجيه انتباه المريض إلى أنشطة أخرى أكثر ملاءمة. يمكن تشتيت الانتباه، خلق جو مريح، استخدام لمس غير جنسي لتعزيز القرب والأمان، ودمج المريض بنشاطات يومية ثابته.
🔔في الحالات الشديدة، حيث تكون السلوكيات مزعجة أو تشكل خطراً، يمكن اللجوء إلى استشارة الطبيب المعالج واستخدام أدوية مناسبة.
التحديات التي تواجه عائلات مرضى الخرف قد تكون غير مريحه، تثير القلق وتؤدي الى الارهاق!!
🫴الارشاد المبكر وملاءمة التوقعات حول التحديات القادمة يخفف حدة التتوتر والقلق لدى العائلة!
من المهم طرح كل التحديات حتى لو كانت محرجة وغير مريحة.|
🗓عن هذا الموضوع وتحديات أخرى سنتحدث في لقاءنا في 6/12/2025 الساعة 19:00 بتوقيت القدس عبر تطبيق زوم📍

لا تفوت الفرصة للتسجيل! الرابط في التعليق الأول 🔗

23/11/2025

🔔 كل المعلومات اللي بتبحث/ي عنها عن موضوع الخرف ممكن تلاقيها على chat GPT, وجوجل ومحركات بحث أخرى، ممكن تسألوه عن أسبابه وأنواعه وعلاماته !
👈 لهيك انت مش عنجد بحاجه لكمان محاضرة طبية علمية عن الخرف!
كل المعلومات بين ايديك!
ولكن....💡💡💡
المعلومات وحدها غير كافيه لعائلة عندها مريض خرف
هذا ما بساعد ابناء مسنة بلشت تظهر عليها علامات الخرف
ومحركات البحث ما بتقدر تخفف القلق والشعور بالضياع عند العائلة بسبب تشخيص الخرف!
🫶 أنا بقدملك كل هذا: اصغاء، ارشاد، احتواء، تفهم، وكمان معلومات!
وبقدمه بكل حب ومهنية❤️
اذا بدأت تظهر علامات الخرف عند احد المسنين بالعائلة، او تم تشخيص احد الوالدين مع الزهايمر، طبيعي جدا تحسوا نفسكم ضايعين، بمتاهة، قلق وتعب!
🫴 كيف ممكن أساعد؟
✔️ بقدم ارشاد للعائلة مع نصائح عملية كيف تتعاملوا مع كل التغيرات اللي رح تشوفوها عالمريض.
✔️ بسمع كل العائلة، بفهم التحديات، عدم تفرغ العائلة، ومنحاول مع بعض نتناقش بالحلول الممكنة.
✔️ لقاء الارشاد هو مساحة آمنة تحكوا فيها كل شي حتى عن أصعب الأمور!
👈 بعد اللقاء رح تشعروا براحة اكبر ووضوح اكثر للخطوات القادمة وكيف تتصرفوا مع المريض.
📍لكن لحظة شوي....!
اذا انت عم تقرأ/ي هذا المنشور وفي بعائلتك أب/أم/أخ/جد او اي شخص تشخص جديد مع خرف، او بدأت تظهر عليه علامات الخرف عندي الك عرض خاص ومهم:
🗓 في 6/12/2025 الساعة 19:00 انضم/ي الي لويبينار مركز عبر الزوم نحكي عن أهم فترة في رحلة الخرف: الأشهر الأولى!!!
هاي مش كمان محاضرة
هذا لقاء توجيه وارشاد مع نصائح وخطوات عملية شو أهم 10 خطوات لازم تعرفها في التعامل مع مريض الخرف مع بداية ظهور العلامات.
📍بتحب/ي تشارك/ي وتسمع/ي لكن الوقت غير مناسب؟ مش مشكلة!
رح يتم تسجيل اللقاء وارساله لكل اللي سجلوا.
بالأضافة للتسجيل كل مشارك رح يحصل على ملف pdf مع كل النصائح والتوجيهات اللي رح نحكي عنها.
في رابط 🔗 التسجيل في التعليق الأول في معلومات أكثر عن اللقاء.
واذا عندك كمان أسئلة ابعتلي على الخاص 📩
🔔 وتذكر/ي:
انت مش بحاجة لكمان محاضرة
انت بحاجة لارشاد وتوجيه عملي!
محبتي
هديل ❤️

22/11/2025

لحجز مكانك بالورشة ادخل الرابط :
https://www.hadeelnaser.com/webinar
او ابعتولي رسالة عالخاص📩

20/11/2025

⏳️ قبل 3 أيام انسألت في مقابلة (رح تشوفوها بس تجهز) "شو أصعب اشي بشغلك؟"
أجبت: "الفقدان"..💔
أصعب اشي واجهته بشغلي لما يوصل خبر وفاة شخص كبير بالعمر رافقته او رافقت عيلته بارشاد او جلسات علاج..
🔔 بس بتعرفوا شغلة؟
أكتر تجربة علمتني عن الفقدان هي تجربة مرض جدي بالالزهايمر ! لأنه في هذا المرض شعرت بالفقدان مرتين:
أول مرة لما جدي فقد كل قدرات الذاكرة وبطل يعرفني..
وتاني مرة لما فارق الحياة..
💡 خلال كل سنوات مرضه العائلة بذلت مجهود رهيب للمحافظة على حياة كريمة ومريحه في بيته حتى اخر يوم..
🧠 من لما الالزهايمر دق بابنا تغير كل مسار شغلي، قررت مع نفسي اني لازم اتعلم اكثر عن عالم المسنين ودعم العائلات وامراض الخرف عشان اقدر اساعد الناس واقدملهن نصائح عملية تساعدهن وتساعد اهاليهن.
خبرتي في المجال في السنوات الأخيرة كبرت كتير وبقدمها للناس بعدة اشكال مثل استشارات عائلية ومحاضرات وورشات.
📌 واليوم بحكيلكم:
في خطوات نعملها لما تبين علامات الخرف
في كيف تساعدو شخص مع خرف
وفي شو نحكي عشان تسهلوا على نفسكم عبء الرعاية
فش حل سحري، والمسيرة مش سهلة
لكن اليوم في خطوات نعملها وادوات نكتسبها!

🗓 الورشة القريبة في 6/12/2025 رح اقدم فيها 10 خطوات عملية للتعامل مع علامات الخرف أول ما تظهر في الفترة الأولى.

✔️ لمين مناسبة الورشة؟
📍 للعائلات التي بدأت تلاحظ تغيّرات عند أحد كبار السن

📍 لمن يرعى أحد الوالدين أو الجدّ/الجدّة

📍 لأي شخص غير متأكد إذا ما يراه طبيعي أو علامة لبداية المشكلة

📍 لمن يبحث عن فهم أعمق وخطوات عملية وواضحة

رابط تفاصيل ومعلومات اكثر عن الورشة 🔗:
https://www.hadeelnaser.com/webinar

او ابعتولي رسالة على الخاص 📩

🎁 هدية للمشاركين!! يحصل كل مشترك على:
ملف PDF بعنوان:
“دليل العائلة للتعامل مع الخرف – 10 خطوات عملية”
يشمل:
1. الخطوات الأولى بعد ملاحظة العلامات
2. نصائح للتعامل اليومي
3. قائمة أسئلة للطبيب
4. أخطاء شائعة يجب تجنّبها

بانتظاركم 🌷

webinar about early signs of dementia for caregivers, tips and advices to deal with daily challenges. ويبينار ارشاد للعائلات للتعامل مع العلامات الأولى لمرض الخرف, 10 خطوات ونصائح عملية للتعامل في الشهر الأول.

18/11/2025

تعالوا نلتقي في 6/12/2025 الساعة 19:00, كل التفاصيل في الرابط:
https://www.hadeelnaser.com/webinar

17/11/2025

🧠 بتحتاجوا 10 خطوات لتعرفوا شو تعملوا:
الأشهر الأولى من ظهور العلامات هي أهم فترة تتعلموا كيف تتعاملوا مع الوضع وبتحدد كتير خطوات لقدام!
كملوا قراءة 👇
بتلاحظوا تغيّرات عند الوالد/الوالدة وما بتعرفوا إذا هذا طبيعي… أو بداية شيء أكبر؟
بتلاحظوا نسيان… تكرار نفس السؤال… غضب مفاجئ… تجوّل داخل البيت…
وبينكم وبين نفسكم بتقولوا:
"يمكن الجيل… يمكن تعب… يمكن ما يكبر الموضوع؟"

🫶 أنتم مش لوحدكم!
وبسمع هذه الجملة من كل العائلات التي بتتواصل معي:
"نتمنى لو أحد يفسّر لنا شو عم بصير… خطوة بخطوة."

لهذا السبب عملت ورشة أونلاين خاصة ومكثّفة، موجهة للعائلات التي تريد أن تعرف:
- هل هذه فعلاً علامات خرف؟

- كيف نتصرف بدون ما نجرح الشخص؟

- ما الذي يجب فعله فورًا… وما الذي يجب تجنّبه؟

- كيف نحافظ على الأمان داخل البيت؟

- وكيف نقلّل التوتّر والخوف عند المريض… وعند العائلة؟

هذه الورشة ليست “محاضرة” ! هي دعم، توضيح، وإرشاد من القلب… مع خبرة 21 سنة في مرافقة كبار السن وعائلاتهم.

وحتى لا تبقوا في حالة ضياع، ستحصلوا أيضًا على:
📄 ملف PDF جاهز: “10 خطوات عملية للتعامل مع الخرف في الشهر الأول”
📅 الموعد:
6\12\2025 الساعة 19:00 لمدة 90 دقيقة
💻 عبر زوم
💰 السعر: 150شيكل فقط

👇 إذا كنتم تشعرون بالقلق… سجّلوا الآن وخذوا أول خطوة نحو الفهم والطمأنينة:
✨ https://www.hadeelnaser.com/webinar ✨

❤️ كلمة أخيرة:
الأعراض الأولى ليست نهاية… لكنها بداية تحتاج وعيًا ودعمًا صحيحًا.
وأنتم تستحقون أن تفهموا — وأن يشعر كبير السن بالأمان.

10/11/2025

📖 كيف ممكن ساعة واحدة تحتوي حديث عن 4 أدباء من عصور مختلفة؟!؟
قادرين تتخيلوا كيف كان اللقاء؟؟؟
🧠 ولا مرة لقائي مع متعالجتي "أليس" اللي عمرها 95 سنه بكون ممل!
كالعادة حديثنا ببدأ عن الكتب اللي على طاولتها وبكمل لعوالم تاريخية مختلفه، اليوم بدأنا نحكي عن شبينوزا وختمنا اللقاء مع نوال السعداوي!
كيف؟!؟ هاي قصة لحالها وسر من اسرار لقاءاتي الممتعه مع المسنين!
بهالطريقة البسيطة – صور، كتب، وحوارات من القلب – بنقدّم دعم نفسي وذهني للكبار، بكونوا في مركز الحديث هني وذكرياتهن واهتماماتهن!
📩 حابين تجربوا هيك جلسة مع حدا بتحبوه؟ ابعتولي رسالة واحجزوا زيارة بيتية بتنعش الذكريات وبتقوي الروح والعقل.

10/11/2025

قبل أسبوعين وصلت لزيارة بيتية عند عائلة رائعة من شمال البلاد لتقييم ذهني للأم، 69 سنة. في أعقاب التقييم قررنا نعمل سلسلة لقاءات اسبوعية لنشتغل على تقوية قدرات التفكير وتذويتها في الممارسة اليومية، وطبعاً ما تركت العائلة بدون أدوات، حصلوا على كراس نشاطات ذهنية، وكان عندهن مسبقاً رزمة خيوط ذهنية.
في اللقاء الأول، لما كنا غلى وشك نبدأ بالتمرين، الأم "عزمت" زوجها ينضم النا!! وطبعا هو رحب بالفكرة واشتغلنا على مدار ساعة على نشاطات ذهنية متنوعه من رزمة خيوط ذهنية والعاب تفكير تانية بتعتمد على الادراك البصري، وكملن عملنا مسابقة بينهن 😁 وطبعا اهتميت اشرح كل نشاط كيف بفيد دماغنا وبحسن القدرات الذهنية.
في نهاية اللقاء سألتهن- كيف حسيتوا مع كل شي عملناه اليوم؟
الاجابة ما تأخرت- كله كان منيح وحسينا فعلا انه شغلنا مخنا!
روحت من عندهن وانا متحمسة للقاء الاسبوع الجاي!!
🧠 بتحبوا اجي عند الكبار بالعمر في عائلتكم لتقييم ذهني / ارشاد لنشاطات تفكير وتمرين ذهني؟
📩 تواصلوا معي!