04/10/2025
കായംകുളം വാൾ
കായംകുളം രാജാവിൻ്റെ(11th to 17th century) കീഴിൽ കളരികളിലും(മേനത്തേരി കളരി),പടനായകൻമാരുടെ കൈയ്യിലും ഉണ്ടായിരുന്ന ഇരുതല മൂർച്ചയുള്ള വളരെ കനം കുറഞ്ഞ വാൾ ആണ് കായംകുളം വാൾ.
ഓടനാടിൻ്റെ കളരി പെരുമയിലും, യുദ്ധങ്ങളിലും ഒഴിച്ചുകൂടാനാവാത്ത ഒരു ആയുധമാണ് കായംകുളം വാൾ.
ഓടനാട് നാട്ട് രാജ്യത്തിലേക്ക് ആലുവയിൽ നിന്ന് കായംകുളം രാജാവിൻ്റെ ക്ഷണം സ്വീകരിച്ച് എത്തിയ കാട്ടുവള്ളിൽ തറവാട്ടുകാർ ആണ് കായംകുളം വാൾ നിർമ്മിച്ചത്, വളരെ രഹസ്യമായ കരിമണലും മറ്റ് ഓഷധങ്ങളും ചേർത്തുള്ള ലോഹക്കൂട്ടാണ് വാളിനുള്ളത്. കാട്ടുവള്ളിൽ തറവാട്ടുകാരെ രാജാവ് ചെട്ടിക്കുളങ്ങരയിൽ താമസിപ്പിച്ചു. അഭ്യാസിക്ക് യദേഷ്ടം അനായാസമായി ഉപയോഗിക്കാൻ കഴിയുന്ന രീതിയിൽ വളരെ ഭാരം കുറച്ചാണ് വാൾ നിർമ്മിച്ചിട്ടുള്ളത്. വാളിന് ഇരുതലമൂർച്ച ആണ് ഉള്ളത് ഇത് അഭ്യാസിക്ക് ഒരുപോലെ വലപുറെ തിരിഞ്ഞ് വെട്ടാനും ഇടപുറെ തിരിഞ്ഞ് വെട്ടാനും സഹായിക്കുന്നു. ഇതിനായി പ്രത്യക അഭ്യാസമുറയും ചിട്ടപ്പെടുത്തി ഇരുന്നു
കായംകുളം വാൾ ശ്രീചക്രത്തിൻ്റെ കോണുകളായും, വാൾ ഉപയോഗിക്കുന്ന ആളുടെ നട്ടെല്ലുമായി താന്ത്രികപരമായ ബന്ധം പുലർത്തുന്നു എന്ന് ചില അഭിപ്രായങ്ങൾ ഉണ്ട്.
കൂടാതെ താന്ത്രികമായ യന്ത്രങ്ങളും സർപ്പങ്ങളുടെരൂപവും മറ്റും ചില കായംകുളം വാളുകളിൽ കാണാം.
ചെമ്പകശ്ശേരി രാജ്യവും തിരുവിതാംകൂറും കായംകുളം പിടിച്ചെടുക്കാൻ ശ്രമിച്ചപ്പോൾ കായംകുളം വാൾ ഉപയോഗിച്ച് ചെറുത്തു നിന്നതായി ചരിത്രം പറയുന്നു.
ഉത്തരെന്ത്യേയിൽ ഉണ്ടായിരുന്ന തൽവാർ എന്ന വാളിൽ നിന്ന് പ്രചോദനം ഉൾക്കൊണ്ടാണ് കായംകുളം വാൾ നിർമ്മിച്ചിരിക്കുന്നത്. സുലെഖ എന്ന മറാട്ടാവാളിനൊടും കായംകുളം വാളിന് ബന്ധം ഉണ്ട് .Standard India hilt നോട് 80% ഓളം ഒത്ത് പോകുന്ന ഡിസൈൻ ആണ് കായംകുളം വാളിൻ്റെ പിടി. ഇരുതലമൂർച്ച ഉള്ളതിനാൽ വാൾ ഉപയോഗിക്കുന്ന അഭ്യാസി നല്ലൊണം വാൾ കൈകാര്യം ചെയ്യാൻ പഠിച്ചില്ലെങ്കിൽ സ്വയം പരിക്കേൽക്കാൻ ഉള്ള സാധ്യത കൂടുതൽ ആണ്.
കായംകുളം രാജാവായിരുന്ന വീരരവി വർമ്മ ആണ് കായം കുളം വാൾ നിർമ്മിക്കാൻ പ്രചോദനം നൽകിയതെന്നും ചില ചരിത്രകാരൻമാർ പറയുന്നു
-Dr Don V Shaju
