https://www.facebook.com/638386539366657/

Sai Sneh Mind Healing & Wellness

Home
India
Katraj
Sai Sneh Mind Healing & Wellness

At Sai Sneh Mind Healing and Wellness Center, we believe that true well-being begins with a balanced mind.

22/09/2025

*PROBLEMS अनेक, SOLUTION एक : संमोहन उपचार (HYPNOTHERAPY)*

आजच्या ताणतणावपूर्ण जीवनशैलीत मानसिक समस्या वेगाने वाढत आहेत. आपण डोळ्यांना त्रास झाला तर डोळ्यांना चष्मा लावतो,रक्तदाब चढ-उतार झाला तर रक्तदाब मोजतो, हृदयाची तपासणी करतो, शारीरिक जखम झाली तर ती दाखवू शकतो पण मन थकलेलं असेल तर?,मनाच्या वेदना कशा दाखवणार? मानसिक त्रास कसे सांगणार? सांगितल्यावर ते पटतील का? लक्षात घ्या तुमचं मन त्याला होणारा त्रास ते अश्रूंमध्ये सांगतं, चिडचिडीतपणातून व्यक्त होतं, किंवा शांततेच्या मागून झुरत राहतं. अनेकदा आपल्याला समजतंच नाही की आपण मानसिक आजाराच्या विळख्यात अडकत चाललो आहोत.

*तुम्हालाही मानसिक मानसिक लक्षणे तुमच्यात दिसतात का?*
खालील लक्षणांपैकी लक्षणे जाणवत असतील तर तुम्ही मानसिक आरोग्याच्या बाबतीत सिरीयस होणे आवश्यक आहे.
▪️रात्री शांत आणि गाढ झोप लागत नाही.
▪️कोणत्याही कामात लक्ष लागत नाही.
▪️सतत छातीत धडधड होते, थोडं काही झालं तरी घाबरायला होतं.
▪️पोट बिघडतं, कधी भूकच लागत नाही, कधी वारंवार शौचास होतं.
▪️डोके सतत जड वाटतं, मायग्रेन वाढतो.
▪️चिडचिड, राग, असहायता जाणवते.
▪️कुणाशी बोलायची इच्छाच होत नाही, एकटं वाटतं.
▪️भूतकाळाच्या आठवणी सतावतात, आणि मनात नकारात्मक विचारच फिरत राहतात.
▪️शरीर थकलेलं वाटतं, तरी झोप झाली तरी फ्रेश वाटत नाही.
▪️वारंवार आजारी पडता पण तपासणीत काही सापडत नाही. रिपोर्ट नॉर्मल असतात.
जर या लक्षणांपैकी चार किंवा अधिक लक्षणं तुमचं आयुष्य व्यापून टाकत असतील, तर ही मानसिक त्रासाची लक्षणं आहेत हे ओळखा.

*वेळेवर उपचार घेणे का आवश्यक आहे ?*
मानसिक त्रास हे फक्त “मनातलं काहीतरी” नसून त्याचे खोल परिणाम आपल्या शारीरिक आरोग्यावर होतात. संशोधन सांगतं की सुमारे ७०% पेक्षा जास्त शारीरिक आजारांमागे मानसिक कारणं असतात, रक्तदाब, पचनतंत्राचे विकार, त्वचाविकार, हृदयविकार, निद्रानाश यामध्ये तणाव मोठं कारण असतो. या त्रासांकडे दुर्लक्ष केल्यास नातेसंबंध बिघडतात, कामकाजावर परिणाम होतो आणि शेवटी आयुष्याचा आनंद हरवतो.

*उपचाराचा प्रभावी पर्याय: संमोहन उपचार (Hypnotherapy)*
सध्याच्या काळात संमोहन उपचार ही मानसिक त्रासांवरची एक अत्यंत प्रभावी आणि आधुनिक उपचारपद्धती मानली जाते. संमोहन म्हणजे मनाच्या खोल पातळीवर पोहोचून, त्यातील नकारात्मक विचार, जुने अनुभव, भय, चिंता यांना समजून घेऊन त्यात सकारात्मक विचारांची पुनर्स्थापना करणं. यामध्ये औषधं लागत नाहीत, साइड इफेक्ट्स नसतात.
*उपचारानंतर:
▪️झोप सुधारते,
▪️पचन सुरळीत होतं,
▪️शरीर आणि मन दोन्ही हलकं वाटतं,
▪️आत्मविश्वास वाढतो,
▪️भीती आणि चिंता दूर होतात.

*मनोजप्रमाणे तुम्ही एक योग्य निर्णय घेणे आवश्यक आहे.!*
मनोज, वय ३८. एक कुटुंबवत्सल, जबाबदार आय टी इंजिनियर. पण गेल्या दीड ते दोन वर्षांपासून तो खूप अस्वस्थ होता. सतत चिडचिड, झोपेची तक्रार, अपचन, छातीत धडधड असे त्रास त्याला व्हायचे पण तपासण्या केल्यावर मात्र डॉक्टरांचे रिपोर्ट्स मात्र नॉर्मल! नोकरीत मन लागत नव्हतं, घरात संवाद हरवला होता. त्याचं म्हणणं होतं, “माझ्यात काही बिघडलं आहे, पण कुणाला ते कळत नाही. मला काहीतरी होतंय.”
एक दिवस त्याच्या पत्नीने वर्तमानपत्रात लेख वाचला, “मानसिक त्रासांना लपवू नका, त्यावर उपचार घ्या. आनंदी रहा” त्या लेखातून त्यांनी साई स्नेह माइंड हिलींग आणि वेलनेस सेंटर, कात्रज येथे संपर्क केला.तेथे संमोहन उपचाराची प्रक्रिया सुरू झाली. पहिल्याच सेशनमध्ये मनोजला असं वाटलं की कुणीतरी त्याला समजून घेतंय. त्याचा त्रास समजून घेतंय, यामागे पण वैज्ञानिक कारणे आहेत. आठवड्याभरात झोप सुधारली, दोन आठवड्यांत एक एक करत त्याचे त्रास कमी होत गेले, दीड-दोन वर्षांचा त्रास महिन्याभरात कमी झाले. आज मनोज सांगतो, त्याला जसे त्याचं जीवन जगू इच्छित होता तो जगतोय.
लक्षात घ्या, वेळ वाया घालवू नका! मन थकलंय, हरवलंय, सतावलंय हे मान्य करा. मानसिक त्रास ही लाज वाटण्याची गोष्ट नाही. हे समजून घ्या, त्यांना स्वीकारा आणि उपाय करा. Anxiety, तणाव, चिंता, नैराश्य यावर संमोहन उपचार एक प्रभावी, नैसर्गिक आणि शाश्वत उपचारपद्धती आहे.

तुमचे मन निरोगी, तर तुमचं आयुष्य आनंदी हीच खरी प्रगती आहे. तणाव व्यवस्थापन, समुपदेशन, मनोविकास मार्गदर्शन आणि संमोहन उपचारसाठी आमच्या सेंटरला नक्की भेट द्या.
*साई स्नेह माइंड हींलिंग अँड वेलनेस सेंटर, पी.एम.टी. बस डेपोसमोर, कात्रज,पुणे.*
सम्पर्क : 8888150101

*लेखक : मल्हार शिंगाडे* (सायकॉलॉजिस्ट आणि हिप्नॉथेरपिस्ट)
मोबा. 9960631066

08/09/2025

विचारांचं वादळ थांबवा, ANXIETY वर मात करा.

मीनल, वय ३४. एक हुशार, शिकलेली, ऑफिसमध्ये जबाबदारीची नोकरी करणारी स्त्री. पण तिच्या चेहऱ्यावर नेहमी तणाव आणि निराशा दिसत होती. तिचा आत्मविश्वास काही वर्षांपूर्वी हरवलेला होता. सुरुवातीला तिला छोट्या छोट्या गोष्टींची काळजी वाटायची, ऑफिसला किंवा घरी जायला उशीर होईल, काम पूर्ण नाही झालं, बॉस काय म्हणेल, मला काम वेळेत करणे होईल का?, कुणाला माझा राग आला असेल का?, माझ्यामुळे इतरांना वाईट तर नाही ना वाटत? हळूहळू ही काळजी एका असह्य मानसिक स्थितीत बदलली. सततच्या चिंता,तणाव आणि भीतीमुळे छातीत धडधड, घाम येणे, अंगाची थरथर होणे, झोप न लागणे, एकटं वाटणे आणि मनात “काहीतरी वाईट होईल” अशी अनामिक भीती वाटणे, असे मनोशरीरीक त्रास होऊ लागणे. हे सगळं Anxiety Disorder अर्थात चिंताजन्य मानसिक विकाराचे लक्षणे होती आणि तिला त्याची जाणीवच नव्हती. मानसिक त्रास होत होते पण मानसिक आरोग्यसुद्धा आपण जोपासायला हवे याची जागृती नव्हती.

*सध्याच्या काळात वाढती Anxiety-एक गंभीर समस्या*
आजच्या स्पर्धात्मक जीवनशैलीत Anxiety हा मानसिक आजार झपाट्याने वाढतो आहे. सततची धावपळ, करिअरचा ताण, आर्थिक असुरक्षा, सामाजिक अपेक्षा आणि वैयक्तिक नात्यांतील तणाव-गुंतागुंत यामुळे मन सतत काहीतरी गमावण्याच्या भीतीने व्यक्तीला घेरलेले असते. अशा स्थितीत मेंदू 'फाइट ऑर फ्लाइट' मोडमध्ये राहतो, ज्यामुळे शरीरात कोर्टिसॉल, एड्रेनलिन सारखे तणावजन्य हार्मोन्स सतत स्रवित होतात. ही स्थिती शरीरावर आणि मनावर खोलवर परिणाम करत राहते. चिंताग्रस्त मानसिकता वाढत जाते. सुरवातीला विशेष काही वाटत नाही पण हळूहळू तिचे स्वरूप अधिक त्रासदायक होत जाते.

*Anxiety मुळे होणारे मनोशारीरिक त्रास*
मीनलला Anxiety चा विकार अधिक त्रासदायक बनत होता. त्यामुळे केवळ मानसिक त्रासच नव्हे, तर शारीरिक त्रास देखील होऊ लागले. सतत डोकेदुखी आणि मायग्रेन,अन्नपचनाचे त्रास, पोटाच्या तक्रारी,हृदयाचे ठोके वाढणे, छातीत धडधड होणे,झोप न लागणे किंवा मध्यरात्री दचकून जाग येणे,सततचा थकवा आणि अशक्तपणा, त्वचेचे विकार आणि मासिक पाळीतील अडचणी, तणाव वाढतो असे अनेक मनोकायिक त्रास Anxiety मुळे होत जातात.

*Anxiety कमी करण्यासाठी उपाय*
मीनलनेही Anxiety चा त्रास कमी करण्यासाठी अनेक गोष्टींचा प्रयत्न केला. त्यामध्ये योग, मेडिटेशन, औषधं, फिरायला जाणं, समुपदेशन अशा पर्यायांचा फायदा घेतला. काही गोष्टी तात्पुरत्या उपयोगी ठरल्या, पण Anxiety मुळातून दूर झाली नाही. कारण तिचा त्रास तिच्या अवचेतन मनात खोलवर रुतलेला होता.
सततच्या चिंता, असुरक्षिततेच्या भावना आणि जुने भावनिक आघात हे जर मेंदूच्या खोल पातळीवर रुजले असतील, तर ते केवळ वरवरच्या उपायांनी नाही तर खोलवर पोहोचणाऱ्या उपायांनीच दूर होऊ शकतात.
*यासाठी संमोहन उपचार (Hypnotherapy) प्रभावी ठरतात.*
मीनलच्या आयुष्यात खरा बदल आला तेव्हा तिने संमोहन उपचार (Hypnotherapy) घेण्याचा निर्णय घेतला. संमोहन ही एक वैज्ञानिक उपचारपद्धती आहे ज्यामध्ये व्यक्तीला विश्रांतीच्या खोल अवस्थेत नेऊन, त्याच्या अवचेतन मनाशी संवाद साधला जातो. त्या अवस्थेत मन अधिक ग्रहणशील असते आणि जुने नकारात्मक विचार, अनुभव आणि भीती बदलण्यासाठी जणू तयार असते. योग्य आणि प्रभावी पद्धतीने Anxiety चा त्रास कायमस्वरूपी बरा होऊ शकतो.
मीनलने आमच्या साई स्नेह माइंड हींलिंग आणि वेलनेस सेंटरमध्ये संमोहन उपचार घेतले. प्रत्येक सेशन्समध्ये तिच्या मनात दडलेल्या भीती, अपयशाची भावना आणि स्वतःविषयीच्या नकारात्मक कल्पना बदलल्या गेल्या. तिला आत्मविश्वास, स्थैर्य आणि अंतर्मनातील शांती अनुभवायला मिळाली. ती आजही आत्मविश्वासपूर्ण आहे. तिला त्रास देणारी केवळ लक्षणंच नाहीत, तर Anxiety मुळापासून नष्ट झाली.

*संशोधन काय सांगतं?*
Frontiers in Psychology (2023) या रिसर्च जर्नलनुसार, संमोहन उपचाराने Anxiety आणि तणावाशी संबंधित हार्मोन्सचे प्रमाण कमी होते, हृदयगती स्थिर होते, मेंदूतील चिंता केंद्र (Amygdala) शांत होते आणि झोप सुधारते. मानसिक आणि शारीरिक आरोग्य सुधारते.
तसेच American Psychological Association च्या अहवालानुसार, 80% हून अधिक मानसिक त्रासांना ग्रस्त व्यक्तींनी संमोहन उपचारांमुळे Anxiety मध्ये लक्षणीय घट आणि सकारात्मक परिणाम अनुभवले आहेत.
मित्रांनो, Anxiety लपवू नका,चिंता-काळजी आणि त्यामुळे होणाऱ्या त्रासांना दुर्लक्षित करू नका. त
ते त्रास वेळीच दूर करा!
मीनलसारख्या अनेक व्यक्तींना Anxiety असते, पण त्याची लक्षणं दुर्लक्षित केली जातात. ही एक वास्तविक, वैद्यकीयदृष्ट्या मान्य असलेली अवस्था आहे. त्यामुळे ती लपवू नका. वेळेवर समजून घेऊन उपाय केल्यास Anxiety वर मात करता येतेआणि त्यासाठी संमोहन उपचार एक शक्तिशाली आणि सुरक्षित पर्याय आहे.
तुमचे मन निरोगी तर तुमचं आयुष्य आनंदी, हीच खरी प्रगती आहे.
समुपदेशन, मनोविकास मार्गदर्शन आणि संमोहन उपचारसाठी आमच्या सेंटरला नक्की भेट द्या.
*साई स्नेह माइंड हींलिंग अँड वेलनेस सेंटर, पी.एम.टी. बस डेपोसमोर, कात्रज,पुणे.*
सम्पर्क : 8888150101

*लेखक : मल्हार शिंगाडे* (सायकॉलॉजिस्ट आणि हिप्नॉथेरपिस्ट)
मोबा. 9960631066

25/08/2025

*मानसिक विकारांना लपवू नका, त्यांना दूर करा, आनंदी रहा!*

आजच्या धकाधकीच्या आणि स्पर्धेच्या युगात, माणसाचं मानसिक आरोग्य बिघडत चाललं आहे. लहान मुलांपासून वृद्धांपर्यंत, स्त्री असो वा पुरुष मानसिक तणाव, नैराश्य, चिंता, भीती, अपराधगंड, एकटेपणा यांसारख्या विकारांनी अनेकजण ग्रासले गेले आहेत. दुर्दैवाची गोष्ट म्हणजे, शरीराचे आजार झाल्यास आपण तात्काळ डॉक्टरांकडे घेऊन जातो, पण मानसिक त्रास मात्र लपवून ठेवतो. लोक काय म्हणतील, समाजात नावे ठेवली जातील, लोक दुरावतील ही भीती बाळगून मानसिक आजारांवर उपचार घेतलेच जात नाहीत. पण लक्षात ठेवा, मानसिक आजार लपवणे म्हणजे आपल्या आयुष्यावर आणि आरोग्यावर संकट ओढवून घेण्यासारखेच आहे.

*मानसिक आजार लपवण्याचे दुष्परिणाम:*
जेव्हा मानसिक त्रास भीतीपोटी लपवले जातात, तेव्हा ते मनोशरीरीक प्रकारे वाढतच जातात. एखादा नकारात्मक विचार सतत डोक्यात फिरत राहतो, झोप येत नाही, चिडचिड वाढते, शरीर थकते, आत्मविश्वास हरवतो. अनेक वेळा अशा स्थितीमुळे नोकरी गमावली जाते,काम-व्यवसाय अडचणीत येतात, नातेसंबंध बिघडतात, आत्महत्येपर्यंतची पावले उचलली जातात. ही केवळ वैयक्तिक नुकसानाची बाब नाही तर ही संपूर्ण कुटुंबासाठी आणि समाजासाठीही गंभीर गोष्ट असते.

*उपचार हेच उत्तर आहे, लपवणे नव्हे!*
जसे मधुमेह किंवा उच्च रक्तदाब यावर औषध घेतल्याने फरक पडतो, तसेच मानसिक आजारांवरही वैज्ञानिक पद्धतीने उपचार केले तर रुग्ण पूर्णपणे बरा होऊ शकतो. मानसोपचारतज्ज्ञ, समुपदेशक, संमोहनतज्ज्ञ यांच्याकडे जाण्याची लाज वाटू नये. आज 'सायकोथेरपी', 'कॉग्निटिव्ह बिहेविअर थेरपी', 'हिप्नोथेरपी' अशा अनेक प्रभावी पद्धती आहेत ज्या मनाच्या खोल जखमा ओळखतात, त्यावर उपाय सुचवतात. त्यामुळे वेळीच अशा उपचार पद्धतींची मदत घेणे आवश्यकच आहे.

*संमोहन उपचार: आतल्या जगाकडे एक सकारात्मक वाटचाल*
संमोहन उपचार (Hypnotherapy) ही आधुनिक मानसिक उपचारांची एक प्रभावी शाखा आहे. यात रुग्णाच्या अंतर्मनाशी (अवचेतन मन) संवाद साधून, त्यात खोलवर रुजून बसलेले नकारात्मक विचार, भीती, भावनिक जखमा शोधल्या जातात. नंतर त्या बदलून सकारात्मक विचारांची पेरणी केली जाते. संमोहनाद्वारे व्यक्ती अधिक शांत, स्थिर आणि आत्मविश्वासपूर्ण बनतो. चिंता, भीती, नैराश्य, व्यसन, झोपेच्या समस्या या व अशा विविध प्रकारच्या मानसिक समस्यांवर संमोहन उपचार प्रभावी ठरतात.

*समाजातील बदल घडवण्यासाठी एक पाऊल*
आज गरज आहे मानसिक आरोग्याविषयी समाजात खुलेपणाने बोलण्याची. मानसिक त्रास झाल्यास "तू वेडा नाहीस" हे स्वतःला समजावून सांगा. अशा प्रसंगी योग्य तज्ञांची मदत घेणं हा शहाणपणा आहे. आपण जेवढं लपवतो, तेवढा आजार बळावतो. आणि जेवढं आपण स्वीकारून त्यावर उपाययोजना करतो तेवढं समाधान आणि आनंद आपल्या जीवनात परततो.
लक्षात घ्या, आपलं मन जर आजारी असेल तर आपलं आयुष्य आनंदी राहू शकत नाही. म्हणूनच, मानसिक विकार लपवू नका. त्यांना वेळेत ओळखा, त्यांच्यावर उपचार घ्या आणि मन:शांतीकडे वाटचाल करा. म्हणून, *मानसिक आजारांचा विळखा, वेळीच ओळखा..!*

तुमचे मन निरोगी, तर तुमचं आयुष्य आनंदी हीच खरी प्रगती आहे. तणाव व्यवस्थापन, समुपदेशन, मनोविकास मार्गदर्शन आणि संमोहन उपचारसाठी आमच्या सेंटरला नक्की भेट द्या.
*साई स्नेह माइंड हींलिंग अँड वेलनेस सेंटर, पी.एम.टी. बस डेपोसमोर, कात्रज,पुणे.*
सम्पर्क : 8888150101

*लेखक : मल्हार शिंगाडे* (सायकॉलॉजिस्ट आणि हिप्नॉथेरपिस्ट)
मोबा. 9960631066

11/08/2025

*संमोहन उपचार (HYPNOTHERAPY) का घ्यावेत? एक वैज्ञानिक समर्थित दृष्टीकोन*
आजच्या तणावजन्य जीवनात मानसिक आणि शारीरिक समस्या सतत वाढतात. अशा वेळी अनेक उपचार पद्धतीने स्वतःला बरे करण्याचा प्रयत्न व्यक्ती करतो. त्यात वैदयकीय, मानसशास्त्रीय, होमिओपॅथीक, आयुर्वेदिक तसेच इतर अल्टरनेटिव्ह उपचार पद्धतींची मदत घेतो. अशापैकी एक मानसशास्त्रीय चिकीत्सा पद्धती म्हणजे संमोहन उपचार (Hypnotherapy) एक प्रभावी पर्याय म्हणून उभा राहतो. विशेषतः विविध तज्ज्ञांनी अभ्यास करून सादर केलेल्या Meta-analytic evidence on the efficacy of hypnosis for mental and somatic health issues: a 20-year perspective या अभ्यासामध्ये संमोहनाच्या सकारात्मक परिणामाचे वैज्ञानिक पुरावे सादर केल्याने, संमोहन उपचार का घ्यावे याचं सद्यस्थितीत अत्यंत महत्त्वाचं स्पष्टीकरण मिळते.

*कोणत्या संशोधनाचा आधार आहे?*
Rosendahl et al. (2024) यांच्या meta-analysis ने संमोहनावर आधारित 49 meta-studies आणि 261 RCTs (Randomized Controlled Trials) ची समीक्षा केली. त्यातून स्पष्टपणे दिसून आलं की विविध मानसिक आणि शारीरिक समस्या उपचारात संमोहनाची उपचार शक्ति सिद्ध झाली आहे. हे स्पष्ट झाले आहे की संमोहन उपचारांनी प्रभावी आणि दीर्घकालीन सुधारणा मिळू शकते.

*संमोहन उपचार का प्रभावी आहेत*
या अभ्यासात संमोहन उपचारांना प्रभावी उपचार पद्धती मानले आहे कारण त्यांना या उपचारांचे पुढील अनेक फायदे दिसून येतात.
*1. जूनी प्रवृत्ती बदलून अपेक्षित बदल मनात रुजवणे. 😗
संमोहन मनाच्या अवचेतन (सब-कॉन्सिअसं माईंड) स्तरावर काम करते, जिथे भीती, चिंता आणि व्यसनात्मक प्रवृत्तीची मुळे असतात. संमोहन उपचारांनी ती मूळ कारणे समजून घेऊन,त्यांना दूर करून परिपूर्ण उपचार केले जातात.

*2. अगदी काही दिवसांत सकारात्मक परिणाम 😗
मनोशारीरीक विकारांनी त्रस्त व्यक्तींना जलद परिणाम मिळण्याची शक्यता अधिक असते. चिंताजनक विचार, भीती, नैराश्य, झोपेच्या समस्या, मानसिक-शारीरिक त्रास आणि औषधांवर अवलंबून राहणे कमी होतात. त्यांना या उपचारांद्वारे लवकर चांगले बदल अनुभवायला मिळतात. हे बदल कायमस्वरुपी असतात.

*3. शारीरिक वेदना नियंत्रित करणे 😗
विशेषतः acute pain (जसे की शस्त्रक्रिया, दुखापत) मध्ये संमोहन उपचार प्रभावी ठरतात. एक Meta-Analysis दर्शवते की अगदी लहान शारीरिक वेदना ते अगदी Chronic Pain मध्ये सुद्धा सकारात्मक परिणाम दिसून येतो.

*4. झोपेच्या समस्या आणि चिंता सुधारण्यात सहायक 😗
संमोहन उपचारांनी झोपेची गुणवत्ता वाढते, झोपेची अडचण कमी होते आणि insomnia जसे विकारांवर उपयुक्त ठरू शकते. सतत मनात वाटणाऱ्या चिंता, भीती किंवा काळजी अगदी सहजतेने कमी होतात.

*5. विविध मानसिक आजारांवर उपचारात्मक प्रभाव 😗
Anxiety, Phobia, PTSD, IBS (पचन विकार) अशा आजारांवर संमोहन उपचारांनी सकारात्मक परिणाम दिसून आले आहेत. व्यक्तीच्या मनातून समस्या निराकरण केले जाते. हे उपचार अत्यंत सुरक्षित आणि प्रभावी मानले जातात.

*साईस्नेह वेलनेस : संमोहन उपचार केंद्र 😗
साई स्नेह माईंड हिलींग आणि वेलनेस सेंटरमध्ये आतापर्यंत अनेक व्यक्तींनी संमोहन उपचार घेतले आहेत. अद्यापही घेत आहेत. इथे व्यक्तीला समजुन घेतले जाते. त्यांचे त्रास समजून घेतले जातात. त्या त्रासांच्या मुळापर्यंत जाण्याचा प्रयत्न केला जातो. समुपदेशन, वैयक्तिक प्रशिक्षण,मार्गदर्शन आणि प्रभावी संमोहन उपचरांद्वारे त्यांना बरे केले जाते. कसलीही गडबड न करता, स्टेप बाय स्टेप उपचार प्रक्रिया केली जाते.

*🧠 वैज्ञानिक विचारधारा आणि अनुमोदन 😗
American Psychological Association (APA) आणि Royal College of Psychiatrists यांनी संमोहन उपचाराला विविध मानसिक आजारांवर उपयुक्त पूरक ट्रीटमेंट म्हणून मान्यता दिली आहे. हे उपचार केवळ तात्पुरत्या स्वरूपाचं नसतात तर त्याने व्यक्तीची उपचारक्षमता (रोगप्रतिकारक शक्ती) वाढते तसेच मनोबल वाढते त्यामुळे दीर्घकालीन मानसिक स्थैर्य निर्माण करता येते.

*महत्त्वाचं: संमोहन उपचार कोणासाठी योग्य?*
▪️रोजच्या जीवनात ताणतणावाने ग्रस्त प्रत्येक व्यक्तीची प्रभावी.
▪️औषधांवर अवलंबून असाल तर लवकर बरे वाटावे यासाठी.
▪️मानसिक आणि शारीरिक आरोग्याच्या समस्या असलेल्या प्रत्येक व्यक्तींसाठी.
▪️10 वर्षावरील मुलं, किशोर, प्रौढ आणि अगदी वृद्धांना योग्य प्रमाणात संमोहन उपचार प्रभावी आहेत.
संमोहन उपचार हे अनुभवी आणि म्हणून प्रशिक्षित तज्ज्ञांकडूनच घ्यावेत हे ही लक्षात घ्या.

संमोहन उपचारांचे फायदे जीवनातील प्रत्येक पावलावर, प्रत्येक क्षेत्रात होतात. या अभ्यासात सर्वसमावेशक दृष्टिकोन मांडला आहे. हे लक्षात घ्यायला हवे की कोणताही मनोशारीरीक आजार बरे करण्याची क्षमता संमोहन उपचारात आहे. साई स्नेह माईंड हिलींग आणि वेलनेस मध्ये आम्ही अधिक प्रभावी आणि शास्त्रीय पद्धतीने संमोहन उपचार देतो. म्हणून कदाचित इतरत्र प्रयत्न करूनही जर तुमच्या समस्या जात नसतील तर तर इथे त्या समस्या दूर होण्याच्या शक्यता अधिक आहेत.
मी स्वतः मल्हार शिंगाडे, एक सायकॉलॉजिस्ट आणि हिप्नॉथेरपिस्ट म्हणून कार्य करताना अनेकांना विविध त्रासातून सहज बरे करत आहे. यामध्ये साई स्नेह हॉस्पिटलचे प्रमुख डॉ. सुनील जगताप सर, डॉ. सुमित जगताप यांचेही सहकार्य मोलाचे आहे. त्यामुळे मानसिक त्रासांना कवटाळून बसू नका, ते दूर करा. आम्ही तुम्हाला सहकार्य नक्की करू.
जीवन जगताना, तुमचे मन निरोगी, तर तुमचं आयुष्य आनंदी हीच खरी प्रगती आहे. तणाव व्यवस्थापन, समुपदेशन, मनोविकास मार्गदर्शन आणि संमोहन उपचारसाठी आमच्या सेंटरला नक्की भेट द्या.
*साई स्नेह माइंड हींलिंग अँड वेलनेस सेंटर, पी.एम.टी. बस डेपोसमोर, कात्रज,पुणे.*
सम्पर्क : 8888150101

*लेखक : मल्हार शिंगाडे* (सायकॉलॉजिस्ट आणि हिप्नॉथेरपिस्ट)
मोबा. 9960631066

04/08/2025

*शशिकांतची भीती ही साधारण नव्हती, तर अगोराफोबिया (Agoraphobia) हा डिसऑर्डर होता.*

शशिकांत, एक ३९ वर्षीय तरुण आहे, सोलपुरातील एका कंपनीत मार्केटिंग क्षेत्रात नोकरी करतो. रोज साधारणतः 41 किलोमीटर ऑफिससाठी प्रवास त्याला करावा लागत असे. हा प्रवास तो गेले अनेक वर्षे करत होता, त्याची आता ही सवयच होती. ऑफिससाठी तो रोज सकाळी जायचा परत येताना मात्र कधी कधी त्याला उशीर होत होता.
पण एक दिवस, रात्री ऑफिसहून परतताना अचानक त्याच्या मनात विचार आला की, "असे या रस्त्यात माझे काही वाईट झालं तर? रात्री आपण एकटे असतो! माझा अपघात झाला, मी।पडलो किंवा कोणी मला अडवलं तर माझं काय होईल" असे एक दोन विचार त्या रात्री त्याच्या मनात इतके परिमाण करून गेले की, पुढे शशिकांत रात्रीचा प्रवास करताना तो घाबरू लागला. त्याला असुरक्षित वाटू लागले, अगदी सातत्याने तशाच असुरक्षिततेच्या कल्पना आणि विचार त्याच्या मनात येऊ लागले. तो कितीही महत्वाचे काम असले तरी अंधार होण्याआधी घरी कसे पोचता येईल हे पाहू लागला. त्याचा हा त्रास वाढत होता. शशिकांत त्या रस्त्यावरून जाणेच टाळू लागला. काही आठवड्यांत त्याने दिवसा देखील त्या रस्त्यावरून जाणं बंद केलं. पुढे महिनाभर तो एकटाच घरात राहू लागला, बाहेर पडेनासा झाला. त्यांच्यातील हा बदल घरातील लोकांना, त्याच्या मित्रांना दिसत होता. ते विचारायचे पण तो फक्त म्हणायचा की त्याला खूप भीती वाटत आहे. हो, त्याला आता तीव्र भीती वाटू लागली होती. आपलं काही बरे वाईट होईल,रस्त्यात योग्य मदत मिळणार नाही, काही घडल्यास कोण सोबत नसेल? मी हॉस्पिटलमध्ये किंवा घरी कसा पोचणार? असे अनेक भीतीदायक विचार तो करत असायचा. त्याच्या भावाच्या ही गोष्ट लक्षात आली की त्याचे वर्तन हे काही साधारण वर्तन नाही.

*या विकाराचं नाव आहे, Agoraphobia
शशिकांतला होणारा हा त्रास म्हणजे अगोराफोबिया होता.हा एक चिंताजन्य मानसिक विकार आहे, ज्यात व्यक्तीला खुल्या- मोकळ्या जागा, गर्दी किंवा अगदी एकटं असणं असह्य वाटतं.सतत भीती वाटत राहते. त्यांना वाटतं, "इथून बाहेर पडणं अशक्य आहे, काही वाईट घडलं तर आपण वाचू शकणार नाही. आपले बरे वाईट होईल."
हळूहळू अशा व्यक्ती घरात स्वतःला अडकून ठेवू लागतात, सामाजिक आणि व्यावसायिक जीवन पूर्णपणे विस्कळीत होते.

*अगोराफोबियाची सामान्य लक्षणे
▪️एकटं प्रवास करताना तीव्र भीती वाटणे.
▪️एखाद्या विशिष्ट रस्त्याची, ठिकाणाची घाबरून टाळाटाळ करणे.
▪️खूप घाबरणे,चक्कर येणे, श्वासोच्छवास अडखळणे, हृदयगती वाढणे.
▪️घराबाहेर पडण्यास नकार, घरातच सुरक्षित वाटणे.
▪️सामाजिक दूरवा राखणे आणि आत्मविश्वास कमी होणे.
▪️सतत भीतीदायक विचार येणे, त्याच भीती बोलून दाखवणे.
▪️कामाकडे पूर्ण दुर्लक्ष होणे.

*अगोरोफोबियाची मानसिक कारणं
अगोराफोबियामध्ये भीती ही केवळ विचारात्मक नसते, ती व्यक्तीच्या अंतर्मनात (Sub-Conscious Mind) खोलवर रुजलेली असते. एखादी घटना, भावनिक धक्का किंवा अपघात यामुळे मनामध्ये भीतीचा प्रभाव खोलवर मनावर पडतो. अचानक घाबरणे, सतत भीतीदायक नकारात्मक विचार करणे यामुळे या भीती सतत वाटत राहतात. मनातल्या भीतीच्या या भावना वेळोवेळी सक्रिय होऊन,त्या व्यक्तीला नकळतपणे त्रास देत राहतात. नंतर हा त्रास असह्य होतो. व्यक्तीची उत्पादकता कमी होते, कार्यक्षमता कमी होते, नातेसंबंध बिघडतात, कौटुंबिक कलह,चिंता वाढत जाते.

*संमोहन उपचार : शशिकांतसाठी जीवनवाट बदलणारी प्रक्रिया*
शशिकांतचा भाऊ एम ए सायकॉलॉजी करत होता. त्याने भावाचे स्वतः आणि त्याच्या मित्राकडून अनेकदा समुपदेशन केले.शशिकांत सगळे ऐकायचा पण पुन्हा त्याचे वर्तन तेच असायचे. शेवटी त्याने आपल्या भावाच्या सल्ल्याने संमोहन उपचार घेण्याचे ठरवले. शशिकांतने साई स्नेह माइंड हीलिंग आणि वेलनेस सेंटर, कात्रज येथे माझ्याकडे (मल्हार सर) यांच्याकडे संमोहन उपचार सुरू केले.
सुरुवातीला मनातील भीती मोकळी करणे, त्याच्या अवचेतन मनातील नकारात्मक प्रसंग, भीतीची मूळ कारणे शोधणे आणि त्यावर सकारात्मक संदेश रुजवणे हे उद्दिष्ट ठेवून उपचार केले गेले. त्याला एकूण सात उपचार सत्र देण्यात आले.
सातच सत्रांमध्ये, शशिकांतमध्ये उल्लेखनीय सकारात्मक बदल दिसून आला. त्याने पुन्हा त्याच रस्त्यावर एकट्याने प्रवास करायला सुरुवात केली. त्याच्या मनातून त्या रस्त्याची भीती नाहीशी झाली. छातीत धडधड होणे, पोटात गोळा येणे, घाम येणे, ह्रदयगती वाढणे,सतत भीतीदायक बोलणे ही लक्षणं आता नाहीशी झाली. शशिकांतचा आत्मविश्वास परतला आणि तो कामावर पुन्हाआनंदाने जाऊ लागला.

*वैज्ञानिक अभ्यास काय सांगतात?*
🔹 Barabasz et al. (2013) – International Journal of Clinical and Experimental Hypnosis
या अभ्यासानुसार, संमोहन उपचार हे Generalized Anxiety आणि Social Phobia वर औषधोपचाराइतकेच प्रभावी ठरतात. या उपचारांमुळे व्यक्तीचा आत्मविश्वास वाढतो, भीतीचा प्रभाव नाहीसा होतो.

🔹 Hammond (2005) – Journal of Mental Health Counseling
संमोहन उपचारांनी भीती आणि तणावजन्य लक्षणे (घाम, छातीत धडधड, घाबरणं) यामध्ये ७५% पर्यंत लक्षणीय घट आढळली आहे.

*संमोहन उपचाराचे फायदे
संमोहन उपचार प्रत्येकाने घ्यायला हवेत. मानसिक त्रासांवर मात करण्यासाठी आणि मानसिक आरोग्य उत्तम राखण्यासाठी संमोहन उपचार प्रत्येक व्यक्तीला फायदेशीर आहेत.
▪️या उपचारात अवचेतन मनाशी (Sub-Conscious Mind) थेट संवाद साधला जातो.
▪️भीतीचे मूळ कारण शोधून त्या विचारांना नाहीसे केले जाते.
▪️नव्या विचारांचे, धारणांचे, सकारात्मक सवयींचे अंतर्मनात प्रोग्रॅमिंग केले जाते.
▪️औषधांशिवाय आणि कमी वेळात पूर्ण बरे करता येते.
▪️व्यक्तीच्या कार्यक्षमतेत आणि सामाजिक जीवनात सकारात्मक सुधारणा होते.
▪️सकारात्मक बदल हे कायमस्वरूपी टिकतात.

थोडक्यात, शशिकांतसारखे हजारो लोक आहेत जे एका चुकीच्या विचारामुळे आयुष्यात एकाच भयावह स्थितीत अडकून पडतात. ही केवळ भीती नसते, तर ही एक खोल मानसिक अडचण असते, ज्यावर उपचार शक्य आहेत. त्या उपचारांमध्ये संमोहन उपचार हा एक वैज्ञानिक, शास्त्रीय आणि अत्यंत प्रभावी मार्ग आहे. मल्हार सर यांच्या मार्गदर्शनाखाली, साई स्नेह माइंड हिलींग अँड वेलनेस सेंटर, कात्रज येथे शशिकांतने आपल्या भीतीवर विजय मिळवला.
सतत वाटणारी भीती तुम्हाला मानसिक त्रासात जणू गुंतवून ठेवते ती वेळीच दूर करा. मानसिकदृष्ट्या आरोग्यदायी जीवन जगा.

सरतेशेवटी, तुमचे मन निरोगी, तर तुमचं आयुष्य आनंदी हीच खरी प्रगती आहे. तणाव व्यवस्थापन, समुपदेशन, मनोविकास मार्गदर्शन आणि संमोहन उपचारसाठी आमच्या सेंटरला नक्की भेट द्या.
*साई स्नेह माइंड हींलिंग अँड वेलनेस सेंटर, पी.एम.टी. बस डेपोसमोर, कात्रज,पुणे.*
सम्पर्क : 8888150101

*लेखक : मल्हार शिंगाडे* (सायकॉलॉजिस्ट आणि हिप्नॉथेरपिस्ट)
मोबा. 9960631066

25/07/2025

*OCD असेल तर संमोहन उपचार नक्की घ्यायला हवेत..!*
संगीता, एक 33 वर्षीय विवाहित महिला आहे. घरचं सगळं व्यवस्थित चाललेलं, दोन मुलं, समंजस नवरा, इतर कुटुंबीय सर्वांची काळजी संगीता व्यवस्थितपणे घेत होत्या. काही महिन्यांपासून तिच्या मनात एक सतत चालणारा कल्लोळ वाढत चालला होता. दिवसातून वारंवार अनेक वेळा हात धुणं, घरात कोणतीही जाराशीही वस्तू स्वच्छ, टापटीप नसेल तर अस्वस्थता, उगाचच स्वतःवर किंवा मुलांवर काही वाईट होईल असं वाटत राहणे आणि त्यावर उपाय म्हणून सतत पूजा करणे, तोच तोच विचार मनात करत राहणे, जे थांबतच नव्हते.
तिला कधी कधी वाटायचं की “मी वेडी होते आहे का? मलाच काहीतरी होणार नाही ना?”
खरंतर संगीता एका मानसिक विकाराशी झुंज देत होती,OCD, म्हणजेच Obsessive Compulsive Disorder.

*OCD म्हणजे काय?*
OCD हा एक मानसिक विकार आहे, जिथे व्यक्तीच्या मनात obsessions म्हणजेच अनाहूत, त्रासदायक विचार सतत येतात आणि त्या विचारांपासून सुटका मिळवण्यासाठी ती विशिष्ट compulsions (क्रिया) वारंवार करते. जसे की हात धुणं, काहीतरी पुन्हा पुन्हा तपासणं, काही विशिष्ट पद्धतीने गोष्टी लावणं, संख्यांबद्दल अंधश्रद्धा ठेवणं, सतत मंत्रजाप करत राहणे, अति स्वच्छता करत राहणे किंवा सतत क्षमायाचना करणं. काही असे वर्तन जे त्रासदायक आहे हे माहीत असते पण तेच वर्तन सतत करत राहण्याची एक मानसिकता असते ज्यावर त्या व्यक्तीचे नियंत्रण सहजपणे येत नाही.

*OCD कशामुळे होतो?*
-OCD होण्यामागे अनेक घटक असतात. जसे की, मेंदूतील serotonin या न्यूरोकेमिकलचं असंतुलन, बालपणीचा ताण, अपमान किंवा विविध मानसिक आघात, अनुवंशिकता (कुटुंबात इतरांना असणं), परिपूर्णतेचा अतिरेक किंवा गोष्टी परफेक्ट असण्याच्या अतिशय तीव्र भावना, स्वतःविषयी, जीवनाविषयी चुकीच्या धारणा. अशी विविध कारणे OCD साठी कारणीभूत असतात.

*OCD ची सामान्य लक्षणं:*
संगीता यांना खालील लक्षणे वारंवार सतावत होती.
▪️सतत हात धुणे.
▪️गोष्टी विशिष्ट पद्धतीने लावणे.
▪️“काही वाईट होईल” अशी अनामिक भीती वाटणे.
▪️वारंवार गोष्टी तपासून पाहणे. उदा. गॅस बंद आहे का, दार बंद आहे का. कुलूप नीट लागले आहे का?
▪️सतत मंत्र म्हणत राहणे. काही वाक्ये वारंवार बोलणे.
▪️दुसऱ्यांवर कंट्रोल ठेवण्याचा अती आग्रह करणे.
▪️विचार थांबत नाहीत आणि ते त्रासदायक वाटतात असे बोलत राहणे.
▪️दुसऱ्याला त्रास होईल ही भीती, म्हणून स्वतःला शिक्षा करणे.
▪️मनात गलिच्छ किंवा निषिद्ध विचार येणे.
▪️भावनिक थकवा, चिडचिड, आणि अश्रू अनावर होणे.
याशिवाय संशय घेणे, हट्टीपणा, खाण्यापिण्याच्या सवयी अशी इतर कारणेही आढळतात.

*OCD साठी उपचारपद्धती 😗
CBT (Cognitive Behavioral Therapy),ERP (Exposure and Response Prevention), औषधोपचार, समुपदेशन व गटचर्चा, Relaxation techniques आणि संमोहन उपचार (Hypnotherapy) असे विविध वैदयकीय आणि मानसशास्त्रीय उपचार पद्धतीने OCD चा त्रास दूर केला जाऊ शकतो किंवा नियंत्रणात आणला जाऊ शकतो.

*Hypnotherapy- संमोहन उपचार कसे उपयुक्त आहेत?*
संगीता जेव्हा साई स्नेह माइंड हिलींग आणि वेलनेस सेंटर, कात्रज येथे आली, तेव्हा ती मानसिकदृष्ट्या खूप थकलेली वाटत होती. शारीरिक, मानसिक आणि भावनिकदृष्ट्या ती पूर्णतः वैतागलेली दिसत होती. तिला वाटायचं की “हे विचार थांबत नाहीत. मला आता सहन होत नाही आहे.”
सुरवातीला तिच्या या विकारामागील विविध कारणे जाणून घेतली आणि संमोहन उपचारांच्या सत्रांचे नियोजन केले.संमोहन उपचाराच्या पहिल्याच सत्रात, तिला शांत झोप मिळाली होती जी अनेक महिन्यांनंतर पहिल्यांदा ती अनुभवत होती.
संमोहन उपचाराने तिच्या मनाच्या खोलवर परिणाम होत गेले. तिच्या मनात सुरक्षितता, आरोग्य, आनंद, उत्साह, आत्मविश्वास, शांतता, प्रेम आणि सामंजस्य अशा सकारात्मक भावना रुजवता आल्या. तिच्या अवचेतन मनात रुजलेल्या तिच्या विकाराची कारणे पूर्णपणे दूर करण्यात यश येत गेले. आज सहा महिन्यानंतर संगीता पूर्णपणे संतुलित आणि आनंदी आहे. तिचा त्रास दूर झाला आहे.

*संशोधन काय सांगतं?*
Hammond (2007) यांच्या संशोधनानुसार, OCD रुग्णांमध्ये CBT सोबत संमोहन उपचार दिल्यास लक्षणं लवकर आणि पूर्णपणे कमी होऊ शकतात.
Barabasz et al. (2013) च्या अभ्यासात दिसून आलं की OCD वरील संमोहन उपचाराचे परिणाम औषधोपचाराइतकेच प्रभावी आणि अधिक टिकाऊ असू शकतात.

थोडक्यात, OCD हा केवळ सवयींचा प्रश्न नाही तो खोलवर रुजलेल्या भीती, असुरक्षितता आणि मानसिक पॅटर्नचा विकार आहे. त्यावर केवळ विचारांवर काम करून नाही, तर मनाच्या खोल स्तरांवर पोहोचून काम करणं गरजेचं आहे.
संमोहन उपचार हे OCD चं मूळ समजून घेऊन त्यावर सकारात्मक, शांतीपूर्ण आणि दीर्घकालीन प्रभाव टाकणारे मार्ग आहे. अनेक महिला,तरुण आणि मुलांमध्ये हा त्रास दिसून येतो. OCD वर वेळीच उपचार करता येतात आणि ते केले पाहिजेत. त्रास वाढत गेल्यास त्याचे परिणाम अधिक गंभीर होऊ शकतात.

07/07/2025

दैनंदिन जीवनात संमोहन उपचाराचे 12 फायदे
व्यक्तीला मानसिक विकारातून बरे करण्यासाठी विविध मानसशास्त्रीय उपचार पद्धतींचा अवलंब केला जातो. त्यातीलच एक उपचार पद्धती Hypnotherpy (संमोहन उपचार) ही एक प्रभावी उपचार पद्धती आहे. जगभरात आज संमोहन उपचार सर्वश्रुत आहेत. मानसिक त्रासातून मुक्त होऊन आनंदी आणि आरोग्यदायी जीवन जगण्याची नवी संधी देणारी ही उपचार पद्धती, तुम्हाला रोजच्या जीवनात अनेक पद्धतीने मदत करते. तुम्ही संमोहन उपचार घ्या किंवा स्वसंमोहन शिका, त्याचे फायदे अमर्याद आहेत. तरीही सर्वसाधारणपणे होणारे 12 फायदे आज आपण पुढीलप्रमाणे पाहुयात.
फाय
*1. अंतर्मनाशी (अवचेतन मन) थेट संपर्क
संमोहन उपचारात व्यक्तीला खोल अशा विश्रांतीच्या अवस्थेत नेलं जातं, जिथे त्याचं अवचेतन मन किंवा अंतर्मन अधिक ग्रहणशील होतं. अंतर्मन हे आपल्या भावना, सवयी आणि विश्वास प्रणालीचे केंद्र असते. चांगल्या वाईट सर्व सवयी,मानसिक त्रास, आजार यांची मूळ कारणे तुमच्या अंतर्मनात असतात. संमोहन अवस्थेत अंतर्मनातील नकारात्मक भावना आणि विचारांना दूर करून सकारात्मक सूचना देऊन बदल घडवू शकतो. संमोहन काळात केलेल्या संवादामुळे आतूनच विचारसरणी बदलते आणि वर्तनात बदल होऊ लागतो. हे वरवरचे नव्हे, तर खोल पातळीवरचे आणि कायमस्वरूपी बदल घडवणारे उपचार आहेत.

*2. सुसंगत विचार आणि वागणूक निर्माण करणे*
आपण अनेकदा स्वतःलाच स्वतःशी विरोधी भूमिका घेताना पाहतो. विचार एक, वागणूक दुसरीच असते. संमोहन उपचारांनी ही विसंगती दूर होऊन विचार आणि वर्तन यामध्ये सुसंवाद निर्माण होतो.
ज्या ठिकाणी मनाचा गोंधळ होता, तिथे स्पष्टता येते. स्वतःशीच होणारा संघर्ष कमी होतो आणि मनःशांती मिळते. जगण्यात समतोल आणि निर्णयक्षमतेत वाढ होते.

*3.चिंता व भीती कमी करणे.
संमोहन उपचार प्रक्रियेत तणाव, भीती आणि चिंता यांचं मूळ कारण समजून त्यावर उपचार केले जातात. संमोहन अवस्था ही एक विश्रांती अवस्था असते. त्यामुळे शरीरातील कोर्टिसॉल (तणाव वाढवणारा हार्मोन) कमी होण्यास मदत होते. अंतर्मनात रुजलेली भीती ओळखून, तिची जागा आत्मविश्वास घेऊ लागतो. विशेषत, Social Anxiety, Exam Fear, Phobia यासारख्या आजारात संमोहन अतिशय फायदेशीर ठरतात.

*4. वाईट सवयींवर नियंत्रण किंवा त्यातून सुटका.
धूम्रपान, तंबाखू, व्यसन, नखे खाणं किंवा स्क्रीन एडिक्शन अशा सवयी बदलणं कठीण वाटतं. पण संमोहन उपचारांनी सवयींचं मुळापासून उच्चाटन करता येते.
सकारात्मक सूचना आणि पर्यायी सवयी तयार करून वाईट सवयी हळूहळू कमी होतात. हे केवळ मनाने नाही, तर शरीरानेही स्वीकारलेलं असतं.

*5. वजन कमी करणे आणि आरोग्य सुधारणा.
अनेकदा वजन वाढ केवळ आहारामुळे नव्हे, तर भावनिक कारणांनी होते, जसे की तणावात अती खाणं, निराशेपोटी जंक फूड खाणे. संमोहन उपचारात भावनिक कारणांना ओळखून उपचार केले जातात आणि खाण्याच्या आरोग्यदायी सवयी रुजवता येतात. यामध्ये स्वतःवर प्रेम, आपल्या शरीराची काळजी घेणं शिकवलं जातं. वजन नियंत्रित करण्यासाठी मनाची आणि शरीराची आवश्यक तयारी होत जाते.

*6. आत्मविश्वास वाढवणे.
"मी योग्य किंवा पात्र नाही", "मी यशस्वी होऊ शकत नाही" अशा भावना अनेकांच्या मनात रुजलेल्या असतात. संमोहनाद्वारे त्या मूळ भावना समजून त्यांना नवं सकारात्मक रूप दिलं जातं. सकारात्मक भावना रुजवल्या जातात. "मी योग्य किंवा पात्र आहे", "मी हे करु शकतो." या भावना केवळ विचारांपुरती नसतात तर त्या मनाच्या खोलवर रुजतात. त्यामुळे निर्णय क्षमता, वक्तृत्व, समाजात वावरणं या सगळ्यावर सकारात्मक परिणाम होतो.

*7. झोपेच्या समस्यांवर उपाय.
झोप न येणे, स्वप्न पडणे किंवा झोपेत अस्वस्थ होणे यामागे मनावरील ताण असतो. संमोहनाच्या विश्रांतीदायक प्रक्रियेमुळे मन शांत होतं. झोपेच्या वेळी मनाची हालचाल कमी होत जाते आणि झोपेचं चक्र सुदृढ होतं. नियमित सेशन्स घेतल्याने झोप अधिक सखोल आणि ताजीतवानी बनते.
झोप सुधारल्याने शरीर आणि मन दोन्ही पुन्हा ताजे आरोग्यदायी होतात.

*8. वेदनांवर नियंत्रण (Pain Management).
क्रॉनिक पेन, मायग्रेन, IBS, आणि संधिवात अशा वेदनांवर संमोहन उपचार उपयोगी ठरतात.
मनात असलेली शरीराची प्रतिमा (Body Perception) सुधारते.
संमोहन प्रक्रियेदरम्यान मेंदूच्या वेदना-संवेदना भागांवर थेट परिणाम होतो. रुग्णांना वेदना स्वीकारून त्यावर नियंत्रण ठेवणं शिकवलं जातं. हे औषधांशिवाय नैसर्गिक पद्धतीने वेदना कमी करण्याचं माध्यम ठरतं.

*9. भावनिक स्थिरता मिळवणे.
सततची भावनिक अस्थिरता, उदासीनता, एकाकीपण, अस्वस्थपणा याला संमोहन उपचारातून आधार मिळतो.
रुग्ण स्वतःच्या भावना समजून घेतो, त्यांना समजून घेतो आणि त्यावर नियंत्रण मिळवतो. अवचेतन मनाशी जोडल्यामुळे भावनांच्या मुळांशी पोहोचता येतं. यामुळे राग, भीती, निराशा यावर नियंत्रण ठेवणं शक्य होतं. रोजच्या जीवनात हे अत्यंत गरजेचे आहे.

*10. फोबिया, PTSD, ट्रॉमा यांवर उपचार.
एखाद्या घटनेची आठवण, अचानक भीती वाटणे, अथवा विशिष्ट परिस्थिती टाळणे हे PTSD आणि फोबियाचे लक्षणं असू शकतात. संमोहन उपचार अशा घटनांवर काम करून त्यांच्या तीव्रतेला कमी करतो. रुग्णाला पुन्हा त्या परिस्थितीत सुरक्षित वाटू लागतं. त्यामुळे त्याचे सामाजिक व भावनिक जीवन सुधारते. हे फार सहज, संवेदनशील पण प्रभावी पद्धतीने घडतं.

*11. स्वसंमोहन शिकवून आत्मनिर्भरता वाढवणे.
संमोहन उपचारांमध्ये रुग्णाला स्वसंमोहन शिकवलं जातं म्हणजे तो स्वतःलाच उपचार करू शकतो. यामुळे तो पुढील काळात मानसिक स्थिरता टिकवू शकतो.
हे एक प्रकारचं मानसिक “फर्स्ट-एड किट” तयार केल्यासारखं आहे. रोजच्या जीवनात जेव्हा तणाव येतो, तेव्हा ते त्वरित हाताळता येतं. स्वसंमोहन म्हणजे "स्वतःला स्वतःच संमोहन अवस्थेत नेऊन स्वयंउपचार करणे असते." स्वसंमोहन खऱ्या अर्थाने सुखी आणि निरोगी जीवनाची गुरुकिल्ली आहे.

*12. इतर थेरपींसोबत पूरक उपयोग.
औषधोपचार, CBT, REBT, समुपदेशन, इतर मानसोपचार या पद्धतींबरोबर संमोहन उपचार वापरल्यास परिणाम अधिक वेगाने आणि खोलवर होतात. संमोहनाने व्यक्ती मनोशारीरीकरित्या तयार होते, स्वीकारशील बनते. अशावेळी विचारांचं पुनर्रचनं अधिक सहज घडतं. उपचारामध्ये येणारे अडथळे हळूहळू सहजतेने दूर होतात. हा ‘एकत्रित दृष्टिकोन’ अधिक परिणामकारक ठरतो.

वरील माहिती समजून घेतल्यावर तुम्हाला कळेल की, संमोहन उपचार केवळ मानसिक आजारात घेता यावेत यासाठी नाही तर रोजचे जीवन अधिक आनंदी,सुखी,समृद्ध,यशस्वी आणि आरोग्यदायी व्हावे यासाठी आहे. प्रत्येक पावलावर हे शास्त्र आपल्याला उपयुक्त ठरते.
सरतेशेवटी,तुमचे मन निरोगी, तर तुमचं आयुष्य आनंदी हीच खरी प्रगती आहे. तणाव व्यवस्थापन, समुपदेशन, मनोविकास मार्गदर्शन आणि संमोहन उपचारसाठी आमच्या सेंटरला नक्की भेट द्या.
*साई स्नेह माइंड हींलिंग अँड वेलनेस सेंटर, पी.एम.टी. बस डेपोसमोर, कात्रज,पुणे.*
सम्पर्क : 8888150101

*लेखक : मल्हार शिंगाडे* (सायकॉलॉजिस्ट आणि हिप्नॉथेरपिस्ट)
मोबा. 9960631066

Address

Sai Sneh Hospital, Pune/Satara Road, Opp. PMT Bus Depot
Katraj
411046

Website

facebook.com

Alerts

Be the first to know and let us send you an email when Sai Sneh Mind Healing & Wellness posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Katraj?