Pind sehaura (2026)

12/12/2021

26/07/2021

ਕੇਰਾਂ ਇੱਕ ਰਾਜੇ ਨੇ ਸਰਵੇ ਕਰਨਾ ਚਾਹਿਆ ਕਿ ਪਤਾ ਕਰੀਏ ਕਿੰਨੇ ਕੁ ਘਰਾਂ ਚ ਘਰਵਾਲ਼ੀਆਂ ਦੀ ਚਲਦੀ ਆਂ ਉਸ ਨੇ ਰਾਜ ਵਿੱਚ ਹੋਕਾ ਦਿਵਾ ਦਿੱਤਾ ਕਿ ਜਿਸ ਘਰ ਵਿੱਚ ਪਤਨੀ ਦੀ ਚੱਲਦੀ ਹੈ , ਉਸਨੂੰ ਇਨਾਮ ਵਿੱਚ ਸੇਬ ਦਿੱਤਾ ਜਾਵੇਗਾ ਅਤੇ ਜਿ ਸ ਘਰ ਵਿੱਚ ਬੰਦੇ ਦੀ ਚੱਲਦੀ ਹੈ , ਉਸਨੂੰ ਇਨਾਮ ਵਿੱਚ ਘੋੜਾ ਦਿੱਤਾ ਜਾਵੇਗਾ ।ਇਹ ਮੈਸੇਜ ਸੋਸ਼ਲ ਮੀਡੀਆ ਤੇ ਵਾਇਰਲ ਕਰ ਦਿੱਤਾ ਗਿਆ।
ਲਓ ਜੀ, ਮਿਥੇ ਦਿਨ ਤੇ ਲੋਕਾਂ ਦੀ ਨ੍ਹੇਰੀ ਆ ਗਈ ।ਜਿਹੜਾ ਆਵੇ , ਸੇਬ ਲੈ ਕੇ ਤੁਰਦਾ ਬਣੇ । ਆਖਰ ਦੁਪਹਿਰ ਵੇਲੇ ਇੱਕ ਉੱਚਾ ਲੰਮਾ ਬੰਦਾ ਆਣ ਹਾਜਰ ਹੋਇਆ ਤੇ ਬੋਲਿਆ ਕਿ “ ਮਹਾਰਾਜ , ਮੇਰੇ ਘਰ ਵਿੱਚ ਮੇਰੀ ਹੀ ਚੱਲਦੀ ਹੈ । ਮੇਰੀ ਘਰਵਾਲ਼ੀ ਅੱਖ ‘ਚ ਪਾਈ ਨਹੀਂ ਰੜਕਦੀ । ਮੈਨੂੰ ਮੇਰਾ ਇਨਾਮ ਦਿਓ”।
ਰਾਜੇ ਨੇ ਖੁਸ਼ ਹੋ ਕੇ ਉਸਨੂੰ ਕਾਲਾ ਘੋੜਾ ਇਨਾਮ ਵਿੱਚ ਦਿੱਤਾ ਕਿ ਚਲੋ ਕੋਈ ਤਾਂ ਮਾਈ ਦਾ ਲਾਲ ਨਿੱਤਰਿਆ।ਘੰਟੇ ਕੁ ਬਾਅਦ ਉਹ ਕਾਲੇ ਘੋੜੇ ਵਾਲਾ ਫਿਰ ਆਣ ਹਾਜਰ ਹੋਇਆ ।
ਰਾਜਾ : ਹੁਣ ਕੀ ਹੋਇਆ ?
ਬੰਦਾ : ਮਹਾਰਾਜ ਮੇਰੀ ਘਰਵਾਲੀ ਨੂੰ ਕਾਲਾ ਰੰਗ ਪਸੰਦ ਨਹੀਂ । ਉਹ ਕਹਿੰਦੀ ਜਾਹ , ਤੇ ਚਿੱਟਾ ਘੋੜਾ ਲੈ ਕੇ ਆ।
ਰਾਜਾ : ਤੂੰ ਇਉਂ ਕਰ ਛੋਟੇ ਵੀਰ , ਘੋੜਾ ਤਬੇਲੇ ‘ਚ ਬੰਨ ਤੇ ਆਵਦਾ ਸੇਬ ਲੈ ਕੇ ਤਿੱਤਰ ਹੋ ਜਾ। ਆਖਰ ਰਾਤ ਹੋ ਗਈ ਪਰ ਘੋੜਾ ਲੈਣ ਵਾਲਾ ਕੋਈ ਨਾ ਨਿੱਤਰਿਆ ।ਰਾਜਾ ਸੌਣ ਲਈ ਬੈੱਡਰੂਮ ਵੱਲ ਜਾ ਹੀ ਰਿਹਾ ਸੀ ਕਿ ਮਹਾਂ ਮੰਤਰੀ ਨੇ ਆਣ “ਬੈੱਲ” ਮਾਰੀ ।
ਮੰਤਰੀ : ਇੱਕ ਸਵਾਲ ਪੁੱਛਣਾ ਸੀ ਹਜੂਰ ?
ਰਾਜਾ : ਪੁੱਛੋ ।
ਮੰਤਰੀ : ਤੁਸੀਂ ਇਨਾਮ ਵਿੱਚ ਸੇਬ ਤੇ ਘੋੜਾ ਕਿਉਂ ਰੱਖੇ । ਬੋਰੀ ਅਨਾਜ ਦੀ ਤੇ ਸੋਨਾ ਕਿਉਂ ਨਹੀਂ ਰੱਖਿਆ ? ਕਿਸੇ ਗਰੀਬ ਦੇ ਚਾਰ ਦਿਨ ਸੌਖੇ ਲੰਘ ਜਾਂਦੇ ?
ਰਾਜਾ : ਯਾਰ ਰੱਖਣੇ ਤਾਂ ਮੈ ਇਹੀ ਸੀ ਪਰ ਰਾਣੀ ਨਹੀਂ ਮੰਨੀ ।
ਮੰਤਰੀ : ਸੇਬ ਆਪੇ ਚੀਰ ਲਓਂਗੇ ਹਜੂਰ ਕਿ ਮੈ ਚੀਰ ਕੇ ਦੇਵਾਂ ?
ਰਾਜੇ ਦਾ ਹਾਸਾ ਨਿਕਲ ਗਿਆ । ਮੰਤਰੀ ਪਿੱਛੇ ਮੁੜਨ ਹੀ ਲੱਗਾ ਸੀ ਕਿ ਰਾਜੇ ਨੇ ਪੁੱਛ ਲਿਆ :
ਰਾਜਾ : ਨਾ ਹਾਅ ਗੱਲ ਤਾਂ ਤੂੰ ਮੈਨੂੰ ਦਿਨੇ ਵੀ ਪੁੱਛ ਸਕਦਾ ਸੀ ? ਅੱਧੀ ਰਾਤ ਕੀ ਭਸੂੜੀ ਪੈ ਗਈ
ਮੰਤਰੀ : ਹਜੂਰ ਮੇਰੀ ਘਰ ਵਾਲੀ ਕਹਿੰਦੀ ਕਿ ਹੁਣੇ ਪੁੱਛ ਕੇ ਆ ।
ਰਾਜਾ : ਜਾਹ ਆਵਦਾ ਸੇਬ ਵੀ ਚੱਕ ਲਿਆ । ਦੋਵੇਂ ਵੀਰ ਲੌਬੀ ‘ਚ ਬਹਿ ਕੇ ਖਾਨੇ ਹਾਂ।
😃😃😃😃🍎🍎🍎🍎🍎🤔🤔🤩🤩🤩🤩🤩🤩🤩 Is vich seab wale kehde ne te gohrey wale kehde ne massage karke zroor deso