03/10/2021
Dear friends,
ആയുർവേദ ദർശനങ്ങളെ മനസ്സിലാക്കാൻ നമ്മുടെ കാഴ്ചപ്പാടിനെ വിശാലവും ആഴമേറിയതും ആക്കി വേണം നാം ഓരോരുത്തരും സമീപിക്കേണ്ടത് എന്നെനിക്കു തോന്നിയിട്ടുണ്ട്..
അത്രക്കും മനുഷ്യൻ എന്ന higher animal ന്റെ നിലനിൽപ്പിനു വേണ്ടുന്ന എല്ലാം തന്നെ -വളരെ വ്യക്തമായ ഒരു വിജ്ഞാനമേഖല തന്നെ ആയുർവേദശാസ്ത്രം നമുക്ക് പകർന്നു തരുന്നുണ്ട്.മൗലികമായ സിദ്ധാന്തങ്ങളും പ്രയോഗങ്ങളും എല്ലാം പ്രപഞ്ചവുമായുള്ള പാരസ്പര്യതയിൽ ഊന്നിയുള്ളതായതുകൊണ്ട് ഒന്നും മനസ്സിലാവുന്നില്ല എന്ന് പഠനസമയത്ത് എനിക്ക് തോന്നിയിരുന്നു....
എന്നാൽ practice പുരോഗമിക്കുമ്പോൾ പല ശാസ്ത്രങ്ങളും,ചികിത്സകരും കൈകാര്യം ചെയ്ത ഒരു രോഗിയെ അസുഖം മാറ്റേണ്ട ബാധ്യതയിലേക്ക് പലപ്പോഴും ചികിത്സകൻ എത്തിപ്പെടുന്നതും അവർക്ക് ഇനി പോകാൻ ഇടമില്ലെന്നും കാണിയ്ക്കാൻ doctors ഇല്ല എന്ന് കേൾക്കുമ്പോഴാണ്. അപ്പോൾ ദർശനങ്ങൾ വഴികാട്ടികളാവും....
ഈ ദർശനങ്ങളെ സമഗ്രമായി പ്രയോഗതലത്തിലേക്കു എങ്ങനെ കൊണ്ടുവരാം എന്ന് ഒരു വൈദ്യൻ വിവേചിച്ചറിയുമ്പോഴാണ് പലപ്പോഴും ചികിത്സ ഫലപ്രാപ്തിയിലേക്കും തുടർന്ന് healing എന്നൊരു അവസ്ഥയിലേക്കും എത്തുന്നത്.
മുൻപൊരിക്കെ പാലിനെ കുറിച്ച് ഞാൻ fb യിൽ ഒരു discussion നടത്തിയപ്പോൾ പാലിനെ വിൽപ്പന നടത്തിയിരുന്ന കുറച്ചു പേരും നാടൻ പശുവിൻ പാൽ നിത്യേന 2/3 glass കുടിക്കുന്നവരും ഞാൻ പറയുന്നത് തെറ്റാണെന്നു വാദിച്ചു.
പാലിലേക്ക്...
പാൽവർഗ്ഗത്തിന്റെ പൊതുഗുണങ്ങൾ
രസവും ദഹനം കഴിഞ്ഞാൽ ആവുന്ന പാകവും മധുരമാണ് .ഓജസ്സിനെ വർദ്ധിപ്പിക്കുന്നു. ശുക്ലവൃദ്ധികരമാണ്. കഫം വർദ്ധിപ്പിക്കുന്നതാണ്. ദഹിക്കാൻ പ്രയാസവും ശീതവീര്യവുമാണ്..
ഇനി specific ആയി....
പശുവിൻ പാൽ --ഓജസ്സ് വർദ്ധിപ്പിക്കും, എല്ലാ ധാതുക്കളെയും പോഷിപ്പിക്കും. ചതവ് കൊണ്ട് ക്ഷീണിച്ചവർക്ക് വിശേഷം. ബുദ്ധി, ബലം, പാൽ എന്നിവ വർദ്ധിപ്പിക്കും.
ക്ഷീണം, തലചുറ്റൽ വിഭ്രമം, ശ്വാസംമുട്ട്, ചുമ,ദേഹചൂട്, വിശപ്പ് പഴകിയ പനി, മൂത്രം പോകാൻ വിഷമമുള്ള അവസ്ഥ രക്തപിത്തം എന്ന് ആയുർവേദം പറഞ്ഞ രോഗത്തിലും ഔഷധമാണ്.
ആട്ടിൻ പാൽ ---ആടുകൾ കുറച്ചു വെള്ളം കുടിക്കുന്നതുകൊണ്ട്, കൂടുതൽ മേഞ്ഞു നടക്കുന്ന സ്വഭാവമുള്ളവയായതുകൊണ്ട്, എരുവും കയ്പ്പുമുള്ള ആഹാരം അവ കഴിക്കുന്നതുകൊണ്ട് ദഹിക്കാൻ എളുപ്പം,ദേഹ പുഷ്ടിമ ഇവയെ ഉണ്ടാക്കും. പനി, ശ്വാസംമുട്ട് രക്തപിത്തം, അതിസാരം ഇവയിൽ നല്ലത്.
കറന്ന പാൽ അപ്പോൾ തന്നെ കുടിക്കുമ്പോൾ.
അമൃത് പോലെ ഗുണകരമാണ് എന്ന് വിശേഷിപ്പിച്ചിട്ടുണ്ട്
എന്നിങ്ങനെ ഓരോ ജീവി വർഗ്ഗത്തിന്റെ പാലിന്റെ കാര്യങ്ങൾ കൃത്യമായി വിവരിക്കുന്നുണ്ട്.
എന്നാൽ ചില രോഗങ്ങളിൽ പ്രത്യേകിച്ച് diabetes ൽ രോഗകാരണമാണ് എന്ന് വ്യക്തമായി പറഞ്ഞിരിക്കുന്നു.(ഇതെന്റെ practice ൽ എനിക്ക് ബോധ്യപ്പെട്ടിട്ടുള്ളതാണ്)
ഏറ്റവും പ്രധാനം മനുഷ്യന് പല്ല് മുളച്ചു കഴിഞ്ഞാൽ നിലനിൽപ്പിന് പാലിന്റെ ആവശ്യമില്ല എന്നതാണ്. കാരണം പാലിലെ protein ദഹിപ്പിക്കാൻ ആവശ്യമായ ചില ഘടകങ്ങൾ നമ്മുടെ digestive enzymes ൽ ഇല്ല.
പാലിന്റെ അമിത-നിത്യ ഉപയോഗങ്ങൾ cancer ന് കാരണമാവുന്നു. (Prostate /breast) എന്നത് പഠനങ്ങൾ തെളിയിച്ചിട്ടുള്ളതാണ്.
---Dr Deepthi
22/6/21
** comment ന്റെ answer പാല് ഒരുപാട് ആയുർവേദ ഔഷധങ്ങളിൽ ഉപയോഗിച്ചു വരുന്നുണ്ട്. അതിനെക്കുറിച്ച്...
പാൽ എപ്പോഴും പലതരത്തിൽ ഔഷധങ്ങൾ ചേർക്കുമ്പോൾ അതിന്റെ ഗുണങ്ങൾ സ്വാoശീകരിച്ചു സ്വന്തം നല്ലതല്ലാത്ത ഗുണങ്ങൾ കളഞ്ഞ് ഗുണകരമായി തീരുന്നു. മരുന്നിന്റെ ഗുണവും absorption ഉം ഇരട്ടിപ്പിക്കുന്നു.
