Dr. Zmnako Osman Hamza دکتۆر زمناکۆ عثمان همزة

14/06/2024

سوپاس بۆ خوا وەرگیرام وەکو خوێندکاری دکتۆرا لە بەشی هەرس و جگەری بۆردی عێڕاقی .
زۆر سوپاس بۆ هاوژینی خۆشەویستم کە پاڵپشتم بوو . زۆر سوپاسی مامۆستا خۆشەویستەکانیشم کە زۆر یارمەتیدەرم بوون . هەریەك لە د.تەها کەربولی، د. موهەنەد سەلامی، د. ئەیهاب سەعيد .
الحمدلله انقبلت طالب دكتوراه في قسم الجهاز الهضمي والكبد ببوردالعراقي.
اتوجه بشكري العميق لشريكة حياتي التي كانت سندا لي
واوجه بشكري لأساتذتي الاعزاء لمساندتهم اياي کل من د. طه كربولي، د.مهند السلامي، د.أيهاب سعيد .

12/05/2024

لە ڕۆژی جیهانی پەرستاراندا پیرۆزبایی گەرمی خۆم ئاڕاستەی پەرستارانی بەڕێز دەکەم بە تایبەت هاوژینی خۆشەویستم کە هەمیشە پاڵپشتم بووە. ئەرکی ئەم توێژە جێگەی ڕێزە،هیوادارم بە مەزەندەی ئەرك و ماندووبوونیان پێزانین بکرێن.

05/05/2024

ڕوونکردنەوەیەکی کورت لەسەر نەخۆشی ڕەبۆ

23/03/2024

ڕوونکردنەوەیەک لەسەر شێوازی ئاو خواردنەوە لە مانگی رەمەزاندا

…

✔️ ئاو خواردنەوەی پێویستە بۆ رێگریکردن لە وشکبوونەوەی جەستە و فەرمانە گرنگەکانی لەش سوودی تایبەتی خۆی هەیە .

✔️ ڕۆژانە وا باشترە کاتەکانی ئاو خواردنەوە دابەش بکرێت ، لە ڕووی زانستیەوە کەسی ڕۆژووگر پێویستە لانیکەم ٨ پەرداخ ئاو بخواتەوە بە جۆرێک ٤ پەرداخ لە دوای بەربانگ ئاوەکەش باشترە کە ساردنەبێت بۆ ئەوەی کرداری هەرس خێراتر بکات ، زیادەڕۆییش نەکرێ لە خواردنەوەی ئاودا چونکە دەبێتە هۆی هەلئاوسانی گەدەو سەرگێژبوون و بێتاقەتی .

✔️ بۆ کاتەکانی شەو ٢ پەرداخ ئاو پێویستە .

✔️ بۆ کاتەکانی پارشێو خواردنەوەی ٢ پەرداخ پێویستە .

✔️ زیادەڕۆییکردن لە خواردنەوەی ئاو جگە لەوەی کە هیچ سوودێک ناگەیەنێت بەلکو لە جیاتی خەزنکردنی لەلەشدا بە پاڵاوتنی گورچیلە رەت دەبێت و دەبێتە هۆی زیادبوونی رێژەی میزکردن .

✔️ لە بری ئەوە پێویستە بایەخ بە خواردنی ئەو سەوزە و میوانە بدرێت کە رێژەی زۆر ئاوی تێدایە وەکو ( خەیار ، …. ) لەگەل خۆ بە دوورگرتن لە زۆر خواردنەوەی ئەوە مادانەی کە کافایینی زۆر تێدایە وەک ( چا ، قاوە ، ….. ) .

❤️ بەهیواین تەندروستت بن ❤️

#دکتۆر
زمناکۆ عوسمان همزە
دکتۆرا ( بۆرد ) لە نەخۆشییەکانی هەناوی و دڵ .

20/01/2024

لە بەرئەوەی چا مادەی (تانین )ی تێدایە ڕێگری دەکات لە مژینی ئاسن لە ڕیخۆڵە . بۆ دوورکەوتنەوە لەم کاریگەرییە نەرێنییە پێویستە ئەو کەسانەی نەخۆشی کەمی ئاسنیان هەیە لانیکەم کاتژمێرێك پێش نان یان دوای نان چا بخۆنەوە.

15/01/2024

قسەکردنمان لەسەر پەتای وەرزی لە بەرنامەی چارە لەگەڵ د. هەڵگورد . بە هیوام سوودی لێ ببینن

25/12/2023

گرنگی نانی بەیانی لە ڕووی تەندرووستیەو:
خواردنی نانی بە دەبێتە هۆی چالاککردنی یادەوەری و بەخشینی ووزە بە جەستە لەگەڵ ڕاگرتنی هاوسەنگی ڕێژەی شەکر لە خوێندا و جێگیرکردنی پەستانی خوێن و کەمکردنەوەی مەترسی تووشبوون بە نەخۆشییەکانی دڵ ، ڕێگریشە لە زیادبوونی کێش بە تایبەت بۆ ئەوانەی هەوڵی دابەزاندنی کێشیان دەدەن . کاتی دیاریکراو بۆ نانی بەیانی لە کاتژمێر ٦ بۆ ١٠ ، باشترین کات پێش کاتژمێر ٨ . لە دوای کاتژمێر ١٠ هیچ خواردنێك بە نانی بەیانی دانانرێت هەتا ئەگەر جۆری خواردنەکەشی وەک نانی بەیانی بێت.

10/12/2023

خەوی تەندروست:
لە ڕووی زانستییەوە مرۆڤی ئاسایی پێویستی بە ٧ کاتژمێر خەوە ،باشترین کاتیش بۆ خەوتن کاتژمێر ١٠ بۆ ١١ شەو خەوێکی بەردەوام و بێ پچڕاندن بێت . باشترین کاتیش بۆ هەستان لە خەو کاتژمێر ٦ بۆ ٧ بەیانییە. خەوزڕان یان کەمخەوی هۆکارێکە بۆ زیاتربوونی ئەگەری تووشبوون بە نەخۆشییەکانی شەکرە و بەرزی پەستانی خوێن و قەڵەوی و خەمۆکی و بەرزبوونەوەی چەوری. بە هیوای سەلامەتی بۆ هەموو لایەک.

14/11/2023

خۆشەویستان لە ئێستادا نۆرینگەی تایبەتی خۆم لە شاری ڕانیەی خۆشەویستە ( شەقامی سەرەکیی ناو بازاڕ ، بەرامبەر بەنزینخانەی کۆن) .ڕۆژانی شەمە تا چوارشەممە لە خزمەتتان دەبین ، بە هیوای تەندروستییەکی باش بۆ ئێوەی خۆشەویست.

08/07/2022

جەژنی قوربان لە هەموو لایەک پیرۆزبێت هیوای تەندروستیەکی باش و لەشساغیتان بۆ دەخوازم

05/07/2022

چاوپێکەوتنم لە کەناڵی کوردسات لە بارەی کاریگەری ئامێرە فێنککەرەوەکان لەسەر کۆئەندامی هەناسە.

19/06/2022

چاوپێکەوتنم لە کەناڵی کوردسات سەبارەت بە پەتای کۆلێرا و ڕێگەکانی چارەسەرکردن و خۆپاراستن.

16/06/2022

لەبارەی ووشكبوونی جەستە بە هۆی سكچوونەوە:
لە گرنگترین ئەو ماکانەی کە لە ئەنجامی سكچوونەوە پەیدا دەبن ووشكبوونی جەستەیە بە هۆی ڕۆیشتنی بڕێکی زۆری ئاوی لەشەوە ، لێکەوتە ترسناکەکانی وەک ؛ سستبوونی گورچیلە ، تێکچوونی هاوسەنگی خوێیەکانی لەش و لەکارکەوتنی ئەندامەکانی تری لەش ، هەر لە ئەنجامی ووشكبوونی جەستەیە.
تێگەیشتن لە سروشتی هەر نەخۆشییەک زۆر پێویستە و باشترین ڕێگەیە بۆ زاڵبوون بەسەریدا . گرنگترین رێگەی چارەسەرکردن بۆ سکچوون پڕکردنەوەی ئەو بڕە ئاوە لە دەستچووەیەو ئەویش بە خواردنەوەی بڕی پێویستی ئاو لەگەڵ ئەو جۆرە خواردنانەی کە یارمەتیدەرن . لە بری پەنابردن بۆ دەرمانی دژە سکچوون یان دەرمانی دژە زیندەیی (antibiotics) بە بێ ڕێنمایی پزیشك ، سەرەتا دەبێ بایەخ بدرێتە ڕێگرتن لە ووشكبوونی جەستە.
بۆ ئەو نەخۆشانەی کە سکچوونەکەیان توندتردەبێ سەرەڕای خواردنەوەی بڕی پێویستی ئاو ، دەتوانن شلەی (ORS) لەگەڵیدا بەکاربێنن یان دەتوانن لە ماڵەوە ئامادەی بکەن بەم شێوەیە؛
١لیتر ئاوی پاك یان دوای کوڵاندنی ئنجا ساردکردنەوەی تێکەڵ بکرێ لەگەل ٦ کەوچکی چا شەکر و نیو کەوچکی چا خوێ . کەسی گەورە یان سەرو ١٠ ساڵ دەتوانێت ٣ لیتر لە ماوەی ٢٤ سەعاتدا بەکاربێنێت .سوودی ئەم شلەیەش بە کاریگەری شەکرەکە هانی هەڵمژینی بڕی پێویستی شلە و خوێی پێویست بۆ لەش دەدات لە ڕێی ڕیخۆڵەکانەوە.

14/06/2022

پەتای سکچوون:, ساڵانە بە تایبەت لە وەرزی هاویندا ڕێژەی تووشبوون بە سکچوون و ڕشانەوە زیاتر دەبێت ، بەڵام لەم دوو هەفتەی دواییدا شەپۆڵێکی توندی سكچوون لە سلێمانی بڵاوبۆتەوە بە جۆرێك قەرەباڵغیەکی زۆری خستۆتە سەر نەخۆشخانەکان . ئەمەی تێبینیم کردبێت چەندین نەخۆشی گەنج بە بێ بوونی هیچ پێشینەیەکی نەخۆشی تووشی سستبوونی گورچیلەو تێکچوونی هاوسەنگی خوێیەکانی خوێن بوون بە کاریگەری ووشكبوونەوەی جەستە بە هۆی سکچوون و ڕشانەوە. بۆیە بە پێویستی دەزانم ئەم ڕێنماییانەی خوارەوە جێبەجێ بکەن :
گرنگترین سەرچاوەکانی تووشبوون بە پەتای سكچوون:
١_ خۆراکی باش ئامادەنەکراو ئەم ماوەیە تا بکرێت لە دەرەوەی ماڵ نان نەخۆن.
٢_ سەرچاوەی ئاوی پیسبوو . ئەگەر دڵنیا نەبوون ئاوەکە بکوڵێندرێت پێش بەکارهێنان.
٣_شیر و بەرهەمەکانی.
لە ئەگەری تووشبوون بە سکچوون بۆ دوورکەوتنەوە لە ووشک بوونی جەستە ئەم خاڵانە جێ بەجێ بکە:
١_خواردنەوەی بڕی پێویستی ئاو بە جۆرێک بۆ هەر دووجار سکچوون بتڵێک ئاوی ٥٠٠ مل پێویستە.
٢_ئەو خواردنانە هەڵبژێرە کە ڕێ لە ووشکبوونی جەستە دەگرن وەکو : مۆز ، شۆربای برنج. شەربەتی میوەی سروشتی و پەتاتە بە کوڵاوی.
٣_ خۆبەدوورگرتن لە خواردن و خواردنەوانەی کە سکچوون یان ئازاری سک زیاتردەکەن وەکو: خواردنە چەورییەکان و سوورەکراوەکان، شیرنەمەنییەکان ،خواردنەوە گازییەکان ، چاو قاوە.

28/05/2022

سەرچاوە گرنگەکانی دابینکردنی ڤیتامین D بۆ لەش چین؟
كەمی ڤیتامینD یەکێکە لە زۆرترین کێشە تەندروستییەکانی ئەم سەردەمە، بە هۆی ئەوەی کە ڤیتامین D رۆڵێکی گرنگی هەیە لە گەشەی ئێسقان ،دابینکردنی کالسیۆمی پێویست بۆ جەستە،کاراکردنی سیستەمی بەرگری لەش ، ڕۆڵی هەیە لە کەمکردنەوەی نەخۆشیەکانی دڵ و هەندێ نەخۆشی تایبەت بە بەرگری لەش، بۆیە کەمبوونەوەی ئەم ڤیتامینە کاریگەری هەیە لەسەر تەندروستی لەش.
سەرچاوەکانی ڤیتامین D دووجۆرن:

١ -تیشکی خۆر: بە گرنگترین سەرچاوە دادەنرێت، بە شێوازێك كە تیشکی خۆر ڕاستەوخۆ بەر پێست بکەوێت .باشترین کاتیش سەعات ١٠ بەیانی تا سەعات ٣، بۆ ماوەی چارەگێک و لانیکەم دووجار لە هەفتەیەکدا خۆدانە بەرتیشکی خۆر بڕێکی زۆر ڤیتامین دابین دەکات.
٢- ئەو خۆراکانەی کە دەوڵەمەندن بە ڤیتامین D وەکو : شیر و بەرهەمەکانی ، قارچك ،زەردێنەی هێلکە،ماسی سەلەمون، شەربەتی پرتەقاڵ.

12/05/2022

بە بۆنەی ڕۆژی پەرستارانی جیهانەوە ، بە پێویستی دەزانم پیرۆزبایی لە سەرجەم پەرستاران بکەم . ڕۆڵی بەرچاویان و ئیشکردنی ماندوونەناسانەیان لە کەرتی تەندروستیدا شایستەی پێزانینە.

02/05/2022

جەژنی ڕەمەزانتان پیرۆزبێت؛ عیبادەتان قبوڵ بێت ، ببێتە مایەی خێر و خۆشی ، تەندروست و لەشساغ بن دووربن لە هەموو بەڵایەك .