دکتۆر بەختیار اسماعیل محمود

30/08/2025

فتق (گەدەپۆس)

فتق بریتییە لە ئاوساوی لە ئەنجامی لاوازبوونی ماسولکە یان شانەکانی ناوەوەی لەش . لە هەندێک شوێنی لەشدا دروست ئەبێت، وەک؛ دیواری سک، بن ڕان و جێنەشتەرگەری دیواری سک و ناوپەنچک(پەردەی نێوان سک و سنگ)
نیشانەکانی
زۆربەی کات هیچ نیشانەیەکی نییە و کەسی تووشبوو هەست بەئاوساوییەک ئەکات بەتایبەت لەکاتی جوڵە، بەپێوە وەستان، هەڵگرتنی شتی قورس، کۆکە، پشمین و قەبزیدا. هەندێک جار ئەشێ ئاوساویەکە ئازاری لەگەڵدابێت ، کە ئەوەش نابێت فەرامۆش بکرێت و باشترە پشکنینی پزیشکی بۆ بکرێت و ئەگەر فتقەکە گیرابێت (نەگەڕانەوەی ئاوساوی فتقەکە بۆ باری ئاسایی)ئەبێت نەشتەرگەری بەشێوەی کتوپڕی بۆ بکرێت.
جۆرەکانی
- [ ] بن ڕان؛ باوترین جۆری فتقە بە ڕێژەی ٧٥٪ کۆی جۆرەکانی فتق و زیاتر لە ڕەگەزی نێر دا دروست ئەبێت.
- [ ] ناوەڕاستی دیواری پێشەوەی سک( ناوک، تەنیشت ناوک و سەروو ناوک)
- [ ] فتقی جێنەشتەرگەری؛ هەموو نەشتەرگەرییەکی سک ئەگەری تووشبوونی بە فتقی جێنەشتەرگەری هەیە، لەئەنجامی لاوازبوونی یان بڕینی ماسولکە و شانەکانی ناوەوەی دیواری سک دروست ئەبێت.
- [ ] ناوپەنچک؛ لەئەنجامی فراوانبوونی دەرچەی سورێنچک بەهۆی فشاری ناوسک و تەمەنەوە بەشێک لە گەدە ئەچێتە بۆشایی سنگەوە.
هۆکارەکانی؛
- [ ] بۆماوەیی .
- [ ] ئیشی قورس و زۆر بەپێوە وەستان.
- [ ] نەخۆشی؛ کۆکە و پشمینی درێژخایەن، قەبزی و بە گران میزکردن.
- [ ] نەشتەرگەری دیواری سک.
- [ ] دووگیانبوون، بەتایبەت ئەگەر نێوانی دووگیان بوون کوورت بێت.
- [ ] قەڵەوی.
کەی پێویستە سەردانی پزیشک بکرێت؟
هەموو جۆرەکانی فتق پێویستیان بە ڕێنمایی و زۆر جاریش نەشتەرگەری هەیە، چونکە لەگەڵ بەرەوپێشچوونی تەمەن و دروست بوونی ئازار و گیرانی فتق بەتایبەت ئەگەر نەخۆش نیشانەکانی گیرانی ڕیخۆڵەی لەگەڵدابێت وەک؛ ڕشانەوە و بەرزی پلەی گەرمی و زیاد لێدانی ترپەی دڵ پێویستە بەزووترین کات سەردانی پزیشکی نەشتەرگەر بکات و نەشتەرگەری کتوپڕی بۆ ئەنجام بدرێت.
بەهیوای تەندروستی باش

دکتۆر بەختیار اسماعیل محمود
پسپۆڕی نەشتەرگەری گشتی و ناوسکبینین
کلینیکی ڕاوێژکاری نەخۆشخانەی شاری ئێواران
ژ.م: ٠٧٧٠٦٨٣٦٠٤١

21/08/2025

بەلەبەرچاوگرتنی دۆخی ئابوری هاووڵاتیان و پێشکەشکردنی باشترین خزمەتگوزاری تەندروستی بەنرخێکی گونجاو بەردەوامین لە خزمەتکردنی چارەخوازانمان لە ڕاوێژکاری نەخۆشخانەی شار ی ئێواران
بۆ پەیوەندی ژ.م: ٠٧٧٠٦٨٣٦٠٤١

28/07/2025

سڵاو بەڕێزان
کلینیکەکەم گوازراوەتەوە بۆ ڕاوێژکاری نەخۆشخانەی شار ی ئێواران ، بۆ ئاگاداریتان

٠٧٧٠٦٨٣٦٠٤١

13/02/2025

گەڕانەوەی ترشەڵۆکی گەدە

گەڕانەوەی ترشەڵۆکی گەدە (جێرد)، بەهۆی لاوازبوونی زمانەی خوارەوەی سورێنچک ڕوودەدات، کەسی تووش بوو هەست بە دڵە کزێ دەکات ( سووتانەوەی بەشی خوارەوەی سنگ).
هۆکارەکانی:
١- کێشی زیادە.
٢- جگەرە کێشان.
٣- خواردنەوە کحولیەکان.
٤- هەندێک جۆری خواردن، وەک:
آ- خواردنی چەوری و سوورەوەکراو و فاست فوود.
ب- توونی، وەک بیبەری توون و بەهارات.
ج- تیژی ، وەک تەماتە، لیمۆ، سرکە، پیاز، سیر.
د- کافائین، وەک چا، قاوە، خواردنەوە گازییەکان.
خۆپاراستن و چارەسەر:
کەسی نەخۆش پێویستە سەردانی پزیشکی پسپۆڕ بکات بەمەبەستی دیاریکردنی نەخۆشی یەکەی و چارەسەری پێویست. بۆ خۆپاراستن پێویستە ئەم خاڵانەی خوارەوە جێبەجێبکات:
١- دابەزاندنی کێش.
٢- کەم خۆری دایم خۆر.
٣- خواردن بە باشی بجورێت و پەلەنەکرێت لەکاتی خواردندا.
٤- خواردنەوەی بڕێکی زۆر ئاو دوور لە کاتی ژەمەکان.
٥- دوور کەوتنەوە لە خواردن ٣-٤ کاژێر پێش خەوتن.
٦- لەکاتی خەوتن بەشی سەرەوەی لەشت بەرز تر بێت، وەک لە خوارەوەی لەش.
٧- دوور کەوتنەوە لەو خو و خواردنانەی لەسەرەوە ئاماژەم پێدا.
بەهیوای تەندروستی باش

17/01/2025

دووەمین کۆنفرانسی پزیشکانی کۆمەڵەی نەشتەرگەرانی کوردستان لە ئوتێل ڕۆتانا لە هەولێر

31/12/2024

04/10/2024

هەناوبینی گەدە
جۆرێکی پشکنینە کە لە ڕێی دەمی نەخۆشەوە ، ئامێرێکی شێوە سۆندەیی، هەریەکە لە سورێنچک و گەدە و سەرەتای دوانزە گرێ ی نەخۆش ئەپشکنرێ و لەکاتی بوونی هەندێک جۆری نەخۆشیدا ئەکرێ لەڕێی ئەم ئامێرەوە پارچە گۆشتی بچووک لەو ئەندامانە وەربگیرێت بەمەبەستی پشکنینی شانەیی.
گرنگی ئەم پشکنینە چی یە؟
پزیشکی پسپۆڕ هەڵدەستێت بە داواکردنی ئەنجامدانی ئەم پشکنینە لەکاتی بوونی ئەم نیشانانەی خوارەوە:
١- کەمخوێنی. ٢- لاوازی(دابەزینی کێش). ٣- ڕشانەوە یان ڕشانەوەی خوێناوی. ٤- سکچوون( ڕەشبوونی ڕەنگی پیسایی). ٥- بەگران قووتدان.
ڕێنمایی پێش پشکنین
نەخۆش نابێت خواردن بخوات بۆ ماوەی ٦کاژێر بەڵام خواردنەوەی شلەمەنی وەک ئاو و چا ئاساییە تا ٣ کاژێر پێش پشکنین.
بەکارهێنانی بەنج( بێهۆشکاری)
ئەم جۆرە پشکنینە پێویستی بە بەنجی گشتی نییە و لە ڕێی بەنجی جێگەییەوە و بە بەکارهێنانی دەرزی هێمنکەرەوە ئەنجام ئەدرێت.
بەشێوەیەکی گشتی ئەم پشکنینە ماوەی ١٠-٢٠ خولەکی پێدەچێت و مەترسی دوای پشکنینی کەمە .

17/04/2024

🟫نەشتەرگەری فتق بە ناوسکبین…
تەکنیکێکی نوێی نەشتەرگەرییە بە بەکارهێنانی ئامێری ناوسکبین و لەڕێی چەند کونێکی بچووکەوە ئەنجام دەدرێت.
بۆچی ئەم ڕێگەیەی نەشتەرگەری باشترە؟
👈ئازاری کەمە.
👈نەخۆش زووتر ئەگەڕێتەوە بۆ ژیانی ئاسایی.
👈ڕێژەی سەرکەوتنی ئەم ڕێگەیە زیاترە .
⬜️کێن ئەو نەخۆشانەی پێویستیان بەم نەشتەرگەرییەیە؟
زۆر لەو کەسانەی فتقی دیواری سک و لاڕانیان هەیە ئەکرێت بەم ڕێگەیە چارەسەر بکرێن بەتایبەتیش:
👈فتقی دووبارەی لاڕان.recurrent inguinal hernia
👈فتقی هەردوولای لاڕان. Bilateral inguinal hernia

بەهیوای تەندروستی باش