06/01/2023
پووک (بەشی یەکەم)
لەم بەشەدا باسی پووکی تەندروست ئەکەین.
بۆ ئەوەی بزانین پووکی نەخۆش چۆنە، ئەشبێت بزانین پووکی ئاسایی و تەندروست چۆنە.
*پووک بەشێکە لە شانەی دەوروبەری ددان. ئەوبەشەیە کە پارێزگاری لەشانەکانی تری دەوروبەری ددان ئەکا. واتە وەک بەربەستی یەکەم دەبێت لە چوونەژوورەوەی بەکتریا و میکرۆبەکانی تر بۆ ناو لەش.
+ڕەنگ: ڕەنگی پووک پەمەییە بە گشتی. هەندێ فاکتەری سروشتی ڕەنگی پووک ئەگۆڕن وەک بڕی میلانین (رەنگی قاوەیی و ڕەش ئەیات بەپووک)، بڕی کیراتین کە زیاتر ڕەنگی سپی و پەمەیی کاڵ ئەیات بە پووک و فاکتەری سێیەم بڕی هەبوونی مولولەی خوێنە لەژێر پووک کە ڕەنگی سوور ئەیات بە پووک.
+شێوە: پووک لەگەڵ کەوانەی ملی ددانەکان شێوەی گرتووە و لەنێوان ددانەکان نووک تیژە پێی ئەوترێت papilla و لە ملی ددانەکانیش کەوانەیی Scalloped
+لێواری پووک: سەراپای لێواری پووک تەنگ دەبێتەوە وەک چەقۆ بەرەو ڕووی ددانەکان
+تێکسچەر Texture: لەکاتی ئاسایی وەک توێکلی پەرەقاڵ گرنج گرنجە وەک لە وێنەکەدا دیارە.
قوڵی پووک: واتە گیرفانی ئاسایی ٠-٣ ملم قوڵایی سروشتی پووکە ، هەتا ئەم قوڵاییە پووک بەر ددان کەوتووە بەڵام ئازادە و نەنووساوە بە ددانەوە
+بەرگری: بنی پووک شلەیەک دەردەدات وەک لیکەڕژێنەکان بۆ ناودەم کە چەندین فاکتەری بایۆلۆژی و کیمیاوی تیایە بۆ بەرگریکردن و لەناوبردنی بەکتریا.
پووک شانەیەکی ئەستوور و توند و بەهێز نووساوە بە ڕەگی ددان و ئێسکی دەوری ڕەگئ ددان کە دەیان پارێزێت لە هۆکارە زیانبەخشە دەرەکییەکان.
*بەگارهێنانی فڵچەی ددان بە دروستیی زیاتر پووک ئەستوور و بەهێزتر و زیایر کیراتین دروست دەکات و ڕەنگی بە سروشتی ئەهێڵێتەوە.
*بەکارهێنانی پەت/ دەزووی ددان. ئەبێت پەتی ددان بۆ بنی پووک دابەزێت و بەشێوەیەکی کەوانەی دەوری ددانەکە بدات بۆ ئەوەی زۆرترین ڕووی ددانەکە داپۆشێت و لە میکرۆب پاکی بکاتەوە.
دەزووی ددان و فڵچەی ددان نابێنە هۆی خوێن لێهاتن و داکشانی پووک بە پێچەوانەوە. بەهێزتر و تەندروستری ئەکەن.
*جیاوازییە سروشتییەکان: هەندێ کەس پووکییان ئەستوور و پانە هەندێکی تر تەنک و کەم کیراتینە و بەشێکی ڕەگی ددانەکانی ژێریان ئێسکیان پێوە نییە و مەترسی نەخۆشیی پووک زیاد ئەکەن.
بەشی دووەم باسی ئەو هۆکارە سروشتییانە ئەکەین کە مەترسی هەوکردن و سووتانەوەی پووک زیاددەکەن.
Dr dler mamostay zanko
