30/09/2025
عند حديثي مع احد الاباء حديثي الابوه ..
عن موضوع مساعده الام خلال الاشهر الاولى من الولاده ..
اجاب الاب والله دكتور مدننام وكلش تعبنا الطفل ٢٤ ساعه يبجي واني نومتي خفيفه كلما يبجي افز بحيث دااروح للدوام طافي وارجع طافي والام هم خطيه متبهذله ..مدااكدر اساعدها ..
كتله استعمل الخطط التاليه ..
١. اذا كانت الام بعدها اول طفل وعدها انتماء عالي الى بيت اهلها وديها لبيت اهلها تنشنش هناك ..
٢.اطلب مساعده الاخرين الي يمك عادي والدتك اخواتك ابوك اخوانك كل واحد بالشغلات الي يكدر يساعد بيها ..عادي لتصير حسيس ..
٣. من ينام الطفل نامو ومن يكعد اكعدوا والافضل انه تروح تنام بغير غرفه حتى عالاقل تكون عندك طاقه تخلي الام تنام بفترات من النهار من باب المساعده ..
٤. قلل المهام المطلوبه من الام من شغلات الكوي او الطبخ او هاي الامور التكميليه مشوها تمن احمر ولبن او نواشف او دلفري او سوو مركه فاصوليا جدر كبير ضلوا اكلوا بيه اسبوع ..
٥. الام خلي تاخذ امومه لان مو مال عدها طفل حديث ولاده وتداوم ..
٦. استعين بطبيب الاطفال يكتبلكم قطرات مغص ويرتب امور الطفل حتى شويه ينام ..
د.مصطفى غالي
اختصاص طب اطفال وحديثي ولاده
*صوره لفاكهه الزعرور من ذكريات جيل الطيبين ..
ذاك اليوم اشتريتها بس شو جهالي محبوها اعتبروها فاكهه تعبانه 😄
