https://www.facebook.com/103785118142281/

Dr. Hayder hussin, Baghdad (2025)

28/11/2025

كومة راجعت اطباء بس محد يصدك اني مريض
كلهم يكولون ما بيك شي
بس اني احس نفسي مريض
كل يوم اروح اسوي تحاليل وكومة صرفت فلوس على مراجعة الاطباء
بس محد منهم كدر يساعدني
اني اكول اكو مرض خطير عندي بس محد مكتشفه ................................................................................
Illness anxeity disorder ( اضطراب قلق المرض )
واحد من اضطرابات القلق
الفكرة الاساسية مالته هو ان المريض يعتقد انه عنده مرض خطير
بناء على هاي الفكرة يكوم يراجع اطباء هواي
على الرغم من ان التحاليل تكون طبيعية وعلى الرغم من ان تاكيد الاطباء بعدم وجود مرض يبقى المريض مصر على وجود مرض
هذا التفكير يشغل حيز كبير من وقته وياثر بالتالي على مهامة اليومية
وعلاقته بالاخرين ويسببلة انزعاج ياثر على حياته بصورة ملحوظة

#طب

26/11/2025

هذا واحد من اقسى الاضطرابات النفسية
بعيون مليانة خوف وايد ترجف وصوت متقطع كالت
دكتور فجأة احس نفسي بنفس المكان لي صار بيه الحدث
اشوف السيارة شلون جاي تنكلب بينا
اطفالي شلون انشمروا من السيارة
زوجي وهو نايم على الستيرن بدون اي حركة
نفس مشاعر الخوف ارجع اعيشها وكانما الحدث هسة جاي يصير.......................................
هذا العرض شائع حدوثه عند مرضى اضطراب كرب ما بعد الصدمة ( PTSD )
يكون احد صور الاعراض الاقتحامية ( intrusive syptoms )
ونسميها بال flashback وفكرتها انه الشخص يسترجع حدث وكانما جاي يعيشة حاليا ،
وبالعادة هاي الاحداث تكون صادمة بحيث تخزن بالذاكرة بتفاصيل دقيقة جداا

#طب #معلومات

23/11/2025

الجواب راح يصدم الاغلبية اعتقد 💔
اتذكر احد المراجعين كان يعاني من اكتئاب شديد ومحاولات انت**حارية
راجع للمستشفى وكانت حالته جدا صعبة
بدينا وياه خطة علاجية مكثفة وجان يحتاج جلسات كهربائية ECT لكن جان رافض العلاج وهالشي صعب علينا العلاج اكثر
لكن هذا المراجع جان جدا متعاون خصوصا من بدة يشوف تحسن
بعد فترة اشهر بدة يرجع لعمله وعلاقاته بدت تتحسن والافكار الانت**حارية اختفت
اجة فد يوم للاستشارية وكال عبارة صدمتني
كال اني ممتن لكل طبيب ساعدني واتمنى اخذ صورة وياهم كلهم وانشرها بمواقع التواصل الاجتماعي
بس خايف الناس تحكم علي وتكول هذا مريض نفسي
هنا فكرت للحظة انه احنا كاطباء نفسيين شكد نكدر نقدم مساعدة جبيرة لناس ونغير حياتهم بس نبقى اشخاص يستحي معظم الناس ان يذكرون فظلنا بس لان الوصمة لازالت موجودة 💔
#طب

21/11/2025

تنبية : المنشور غير صالح لمن هم تحت سن ١٨ سنة
بدت امها بالحديث وعلامات الحرج واضحة على البنت
دكتور انتوا اخر امل لبنتي لان راح تطلك بسبب هالمشكلة
بنتي صارلها ٧ اشهر من تزوجت وبعدهي لحد الان بنية
زوجها كل ما يريد يتقرب منها تخاف وتكوم تضرب بيه
وتصيح على الرغم من انه هي تحبة وتريدة
راجعنا سادة وشيوخ وطبيبات نسائية وماكو فائدة
وانتوا اخر امل لنا اذا ما تساعدونا البنية تطلك
طلبت من الام احجي ويا البنية على انفراد
سالتها عن شعورها اثناء اقتراب زوجها منها
جاوبتني انه تحس بخوف قوي لان تعتقد العملية مؤلمة جدا......................................................
Genito_pelvic pain / pentration disorder
اضطراب الم / صعوبة الايلاج الحوضي التناسلي
ادري الاسم معقد بس فكرته بسيطة 😅
الفكرة الرئيسية هو الجماع يكون ما يتم او يتم بشكل غير كامل
يصير اما بسبب تقلص المهبل او الخوف من حدوث الجماع

#طب #زواج

19/11/2025

الحوار الداخلي ( inner speech )
شي طبيعي وصحي لعقلنا لكن ممكن يتحول الى مشكلة في حالة
كان هذا الحوار يستغرق وقت طويل ويسبب ارهاق ويؤثر على التركيز والذاكرة والمزاج
هنا راح يكون دليل على وجود مشكلة تحتاج الى حل
خل نشبهه بالاسهال !
الجهاز الهضمي من يدخله مايكروب يحاول يتخلص منه عن طريق الاسهال
كذلك الدماغ من تكون بيه فكرة مؤذية يحاول يتخلص منها بحوار داخلي
دائم ومرهق
السؤال هنا شلون نتخلص من هاي المشكلة
الجواب ببساطة بالاستعانة بمختص يساعدنا على فهم الفكرة لجاي تسبب المشكلة وحلها
#اكتئاب #معلومة #معلومات #سوال

18/11/2025

هالشي طبيعي
اي هدف نوصله راح يروح الدافع ليحفزنا للوصول له
لذلك لازم يكون اكو هدف جديد يحركنا
بس حتى لا نوكع بهاي المشكلة في كل مرة نوصل بيها لهدفنا
يفضل ان يكون الهدف غير منتهي ولا يمكن تحقيقه بشكل كامل
بس يكون السعي له مستمر ورحلة السعي تكون ممتعة غير مملة

17/11/2025

رهاب البلع ( phagophobia )
وحدة من اضطرابات الخوف ( phobia )
الصفة الاساسية لها هي الخوف من حدوث اختناق اثناء الاكل او الشرب
العلاج يتكون من مجموعة من الخطوات
الاولى : استثناء وجود سبب عضوي لحدوث الاختناق
الثانية : معرفة اذا جان هذا الخوف مرتبط باضطرابات نفسية ثانية
مثل الاكتئاب والقلق ( comorbbidities )
الثالثة : العلاج الدوائي مثل مزيلات القلق ( anxeiolytic ) و الادوية لي تعتمد على السيروتونين ( SSRI )
الرابعة : العلاج النفسي ( psychotherapy )
خاصة العلاج المعرفي السلوكي ( CBT ) او العلاج بالتعرض ومنع الاستجابة ( Exposure and response prevention )
#خوف #طب #معلومة

12/11/2025

منقول عن احد الصفحات الطبية العراقية / الجزء الاول
الطوارئ هذا عالم چبير وغريب كلش..
أطفال يجون من كل مكان، ناس صدگ تعبانة وناس جاية (تتدلع)، والدنيا هوسة عبالك سوگ، وبهالأثناء گطع هذا اللَغط صوت صراخ كلش قوي كلش
جاية شايلة طفل عمره تقريباً 4 سنين،
ودتِرِكُض بي وتصيح وتصرخ.
الوَلَد مُرَجّع دم (متقيئ دم) كمية چبيرة حيل،
والدم مغرگ هدومها وهدوم ابنها.
اِلحَگوني ابني ديموت ، وِصياح هواية.
تَوَتُر چبير صار بين الأطباء وحتى بين الأهل اللي بـ الطوارئ.
لدرجة إن واحد أُغمى عليه من منظر الدم أساساً.
بسرعة أخذنا الولد من چَتِفها.
كانيولا بسرعة.
المبين لازم ننقل هواية دم ونعوضه بـ رنگر أو مَحلول مِلحي بين ما يجي الدم.
بالبداية نسحب تحاليل كاملة ونحطه على مونيتر (جهاز مراقبة) نقيس النبض والضغط والنَفَس ونسبة تشبع الدم بالأوكسجين SPO2\%.
وراها نحطه على قناع أوكسجين ونطي كمية سريعة من الرنگر 20 مل لكل كيلو بنص ساعة كبداية.
ونراقب العلامات الحيوية
النقاش بين الدكاترة الموجودين: يِجوز تكون بسبب نزف هضمي (قيء دموي)، وكمية الدم تُخَوِّف (فظيعة).
التحاليل بسرعة: صورة دم (CBC)، نسبة تكسير retics، أملاح دم صوديوم وبوتاسيوم، وظائف كبد وكِلى، نسبة صَفار (اليرقان)، وغازات دم، وقسنا سكر همّ.
هِيچ وإلّا هيچ (كدا كذا) الحالة طبعاً راح تتحول ردهة، وباچر الستاف راح يتجمع وكبار الأطباء راح يجون،
كلهم أسامي چبيرة بكل الاختصاصات، ونعرض عليهم الحالة بملابساتها ونوصل لتشخيص إن شاء الله.
المؤشرات الحيوية للطفل زينة، ودرجة حرارته كلش طبيعية.
ماكو غير شوية خوف على وجهه من اللي ديصير .
الحالة صَعِدت الردهة

بالفحص السريري الولد زين، والبطن طبيعية و لينة وماكو أي وجع أو تخشّب جوّه إيدي ولا أي تضخم بالكبد أو الطحال!
الولد زين بشكل يخوّف...!
بدينا نحجّز إله سونار بطن وحوض، وهمّينه كُلّش زين .
وبدينا همّينه نحجّز إله منظار للجزء العلوي من الجهاز الهضمي،
ومِنه يصير منظار تشخيصي و علاجي إذا اقتضت الحاجة لحقن مادة أو شي إذا اكو دوالي مرَيء (المريء) أو معدة.
إجت نتائج التحاليل...
والمفاجأة كلها چانت سليمة، حتى الهيموغلوبين تقريباً 11.5 وهذا رقم كلش معقول
عرضنا الحالة على الأساتذة (كبار الأطباء)...
واحد من الأساتذة: بشنو تفكرون ؟
حَضرَتَك ، أول شي إجه ببالنا هي دوالي مرَيء ومعدة وارتفاع ضغط الوريد البابي.
بس بالفحص ماكو أي أعراض ولا علامات ولا اكو تضخم كبد ولا طحال ولا استسقاء،
ونسبة الصفار همّ زينة، ووظائف الكبد زينة، وهمّينه حجّزنا إلها سونار ومنظار حتى نتأكد.
لعد بشنو ممكن تفكرون بعد؟
يتبع ........

11/11/2025

بوجه واضح عليه التعب والحزن كال
ما اكدر ادبر شي
من يحجي وياي صديقي ما اكدر افتهم عليه
من اتعامل بالمحل مالتي يغلبوني الناس بالحساب
من اجيتكم اليوم سالت على العنوان فوك الخمس مرات ...................................................
كل هاي العلامات جانت مترافقة مع اكتئاب شديد وافكار انتحارية
الاكتئاب من الامراض لتسبب تدهور الوضائف العقلية الحركية ( psychomotor retradation ) مثل التركيز والذاكرة القدرات الحسابية لدرجة انه نبدي نشك ان مريضنا عنده خرف مو اكتئاب !

#اكتئاب

10/11/2025

بعد سنين من المعاناة من الاكتئاب
بوجه مبتسم ومفعم بالحيوية
بدة حديثه وياي
هاي اول مرة احس نفسي عايش من سنين
اول مرة احس ضحكتي تطلع من كلبي
اول مرة احس اكدر اسولف بثقة
اول مرة احس اكدر احب وانحب
اول مرة احس انه اني شخص يستحق التقدير والاحترام
اول مرة اكدر اتونس من اطلع ويا اصدقائي
تخيل دكتور اني كمت اخابرهم حتى نطلع
رجعت ارسم والعب طوبة واقرة كتب
احس بامتنان جبير لكل طبيب نفسي قدم لي المساعدة
اجيت اليوم مو حتى اراجع بس اجيت حتى اشاركك فرحتي وسعادتي الجبيرة ❤️
#اكتئاب #فرح #سعادة

09/11/2025

قبل لا تبدي تحجي مشكلتها كالت
ما اريد تكتبلي ادوية
كل لاريدة منك تسمعني
تحسسني مشكلتي لها قيمة
ما اشوف بعيونك شفقة او استهزاء
اذا بجيت تنطيني وقتي الى ان
اني متاكدة هيج راح اصير زينة .................................................................
التعبير عن المشاعر ( catharisis ) وحدة من الوسائل النفسية المستخدمة بالطب النفسي اثبتت الدراسات قدرتها على ازالة التوتر النفسي وتحسين المزاج
#احساس #مشاعر

05/11/2025

دخلت علي شابة بالعشرينات من عمرها مع ابوها
من بديت اسالها عن مشكلتها وشلون استجابتها للعلاج
لاحظت ابوها يتدخل بكل سؤال ويجاوب من يمة
تكرر الامر حوالي خمس مرات
لدرجة انه من تفرك ايدها بسبب التوتر يبدي ينتقدها
فجأة تحول الحوار الى الاب بطريقة جدا قاسية
سالته تعرف شنو يمنعها من التحسن
كال اي لان ما تصلي بوكتها
كتلة لا انت السبب
بس لو لاكية ليفهم مشكلتها وياخذ بايدها حتى تتحسن
جان اليوم يجوز ما احتاجيتوا تجون اصلا..............................
هيج نوع من الاهل اطلقوا عليهم العلماء بتسمية heigh emotional expression family ( عوائل ذات تعبير عاطفي مرتفع )
الدراسات تؤكد ان المرضى الموجودين بهيج نوع من العوائل
يعانون من انتكاسات اكثر من غيرهم ونسبة استجابة اقل للعلاج
مع نسبة اعلى للرقود داخل المستشفيات
#طب #معلومة #العائلة

Dr. Hayder hussin

28/11/2025

26/11/2025

23/11/2025

21/11/2025

19/11/2025

18/11/2025

17/11/2025

12/11/2025

11/11/2025

10/11/2025

09/11/2025

05/11/2025

Address

Telephone

Website

Alerts

Contact The Practice

Shortcuts

Share