Osama Al-Ani - اسامة العاني

Osama Al-Ani - اسامة العاني Osama Al-Ani
Owner / Covid-IQ / medical articles
photographer & blogger
Owner/ Naystore / skin care

01/01/2026

العراق رغم الاجراءات والتشديد صرف حوالي ربع مليون دولار على الالعاب النارية البارحة …

٢٥٠ الف دولار بساعتين او ٣ ساعات ..

31/12/2025

كتبت سابقاً اكثر من مرة بخصوص موضوع الحرامية ( البوزرجية )

عمي الشغلة مو الف ولا الفين ..
الشغلة كلها هو دياخذ شي مو حقة وبدون رضاتك ..
وجرب تكلة هذا مو حقك !!!! يسوي بيك نفس الي سواه وية الرجال اليوم بديالى واكثر..

يبدي يسب ويغلط ويضرب ..

وتبقى شغلتين ما اقتنع بيهم ( لا الزيادة للبوزرجي ) ولا ( اليمسحون الجام بالتقاطعات )

وهبي نيوووو يييررر

30/12/2025

مجلس الوزراء المفروض تصريف اعمال

اشو بعده يجتمع ويتخذ قرارات ويخلي خطط !!!

شنو القصة هذا هم حيصير اللازك بامر الله محمد بن شياع

28/12/2025

اخوان شنو هالشهر ماكو رواتب !!!!

لو دوام هالشهر ثواب لروح اهل الحكومة

27/12/2025

الذكاء الاصطناعي vs الذكاء البشري😉

صار فترة هواية ناس لما يسالك عن شي ضمن اختصاصك تلاحظة بعد شوية يغير رأيه وممكن يعاندك ،

ومن تستفهم من عندة يجاوبك جواب صريح ( سألت چات جي بي تي )

الموضوع وصل حد مزعج جداً لدرجة ممكن تعبك لساعات يضيع لمجرد ( حضرة الذكاء ) ما عجبة الوضع ،

البارحة بالليل فكرت بفكرة كلش غبية وهي ( اذا صادف الحج برمضان يجوز افطر اذا ماتحملت المشقة والعناء اثناء اداء المناسك )

جاوبني عمو چات بمل ثقة وگال ( اي يصير تفطر وقدملي وياها ادلة )

بديهياً ومنطقياً ما ممكن يصير الحج برمضان ..
اما عد خوارزمية چات جي بي تي ف عادي كلشي وارد …

فيا جماعة الخير
الذكاء الاصطناعي عبارة عن خوارزميات
تبرمجت بطريقة معينة تساعدك

بس هي غير قادرة على التفكير ابداً

ف ممكن تستعين بي يساعدك ينظم بعض الامور
كـ اداة مساعدة
تسرعلك عملك وتختصر عليك الوقت …

بس مو هو يصير طبيب حياتك ومهندسك وكلشي وكلاشي …
وبكيفكم بعد

سكرين الجواب بالكومنتات

26/12/2025

الذهب باتجاه مليون دينار للمثقال …

يعني خطة قفيص المبردة صارت ضرورية كلش

24/12/2025

الحكومة العراقية كلما تجزر الميزانية شوية

تضيف ضريبة ع الرصيد 🌚

واحنة هنا كدام كارثتين

الاولى : الحكومة متعرف كل الشعب حالياً يستخدم واتس اب ومستغني عن الرصيد ويعبي الرصيد بس حتى لا يوكف خطة

والثانية : من ٢٠١٦ ل٢٠٢٢ جانت اكو ضريبة ٢٠٪؜ ع الرصيد

بس شركات الاتصال منزلة الفلوس بجيبها ومادفعت فلس واحد للحكومة ولهسة الحكومة تطلبهم 🤣🤣🤣

والنتيجة وحدة بس ..

الحكومة تقفص ع المواطن بالرسوم والضرائب ،
ويجون حجي ابو فطومة وربعة يكنسون المالات ويطفرون

ولفي بينا يادنيا

23/12/2025

الجو مناسب كلش للطلعات

اي شخص يحب يطلع من حياتي يتفضل ..
وياريت يستعجل لان عدنا حسابات ختامية

23/12/2025

الحاقاً بالمنشور السابق …
بخصوص موضوع الكلاب السائبة ،

انشاء محمية يكلف تقريباً نص مليار دينار عراقي …
مبلغ يعتبر اعتيادي مقارنة بامكانيات الدولة ،

تخصيص ارض بعيدة في الصحراء …

الاطعام يكون من بواقي الطعام الفائض في المطاعم الموجودة
ويقدر يومياً هدر الطعام بالاطنان …

الرعاية وعمليات التعقيم ..
الاطباء البيطريين باعداد ليست قليلة عاطلين عن العمل

ويمكن انشاء صندوق تمويل وتفرض مبالغ بسيطة ( ٢٠٠٠-٥٠٠٠ دينار ) عن معاملات معينة لصالح الصندوق لتمويل المشروع بالاضافة للتمويل من مخصصات دوائر البلدية والبيطرة ..

الجدوى الاقتصادية
كل عضة تكلف الدولة والمواطن مبالغ عالية للعلاج

توفير هاي المبالغ بحد ذاته يعتبر جدوى اقتصادية

والمشروع يكون على اكثر من مرحلة تشمل الجمع والفرز ثم العزل

وبهالطريقة ممكن خلال اقل من سنة
وفرت فرص عمل حقيقية لشريحة مو ماخذة استحقاقها
وسيطرت على موضوع خطير يمس صحة المجتمع

والسلام ختام ..

20/12/2025

اكثر شي عشوائي بالدنيا

الطلاب ينطون كورسات 🤣 وفوگاها بفلوس !!!!!

يعني مو انتقاص من احد والله بس اسمة طالب …
يعني بعدة لحد الان هو ماعندة المعلومة الكافية حتى تأهلة يشتغل بالمجال

وبالتالي هو غير مؤهل اطلاقاً لاعطاء المعلومة الي اصلاً لا تزال غير مكتملة الصورة عندة …

يعمي والله ماكو هيج
بس بالعراق احنة
ف كلشي يرهم

وشكراً ..

19/12/2025

البارحة توفى شاب بعمر تاوود نتيجة عضة كلب سائب …

هاي الحادثة كاعد تتكرر هواية بدون اي حل جذري من الجهات المعنية …

ومن نحچي جماعة حقوق الحيوان يجون يتهمونا باشكال الاتهامت ..

عمي الديصير مو قليل ،
حياة الناس مو رخيصة لدرجة الچلاب السايبة تفرفر بالشوارع وبين الفروع وماخذين راحتهم

ومن هسة لحد يجي يطبق نظرية اذا ما تعاركة ما يعاركك …
هاي نظرية تشبه نظرية حسين الشهرستاني بالاكتفاء من الكهرباء

الله يرحمك حمزة
وذنبك وخطية عائلتك واطفالك بركبة كل واحد مسؤول عن هالمهزلة ..

17/12/2025

السوداني من استلم الحكومة لعب نفسنا يومية كالت رؤية الحكومة ورجعت رؤية الحكومة

ووراها كلف لجنة لكتابة رؤية الحكومة حتى ٢٠٣٥

تاليها البارحة يكول احنة مطلوبين والحكومة الجاية لازن نتداين النوب 🤣🤣🤣

خوية هاي مو رؤية هاي اسمها سياسة اصرف ما في الجيب يأتيك مافي الغيب …

بعدين اذا الدخل مجزر عليمن خلصتها تكيت مساعدات ماخليت دولة مادزيتلها مساعدات !!!

Address

Irbil

Website

Alerts

Be the first to know and let us send you an email when Osama Al-Ani - اسامة العاني posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Osama Al-Ani - اسامة العاني:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram