25/01/2026
ئەو هۆرمۆنانە چین کە لەلایەن ڕژێنی غوددەی دەرەقییەوە دەردەدرێن؟
ڕژێنی غوددەی دەرەقی دوو هۆرمۆنی سەرەکی دەردەدات کە بریتین لە تایرۆکسین (T4) و تایئایۆدۆتایرۆنین (T3). ئەم هۆرمۆنانە لە ڕێگەی بەکارهێنانی ئایۆدین لە خواردەمەنییەکانەوە دروست دەکرێن. ڕژێنەکە هۆرمۆنێکی تریش بە ناوی کالسیتۆنین دەردەدات کە بەرپرسە لە ڕێکخستنی ئاستی کالسیۆم لە خوێندا.
گرنگی ئەم هۆرمۆنانە چییە؟
ئەم هۆرمۆنانە ڕۆڵێکی بنەڕەتییان هەیە لە ڕێکخستنی زیندەچالاکی (Metabolism)، واتە چۆنیەتی بەکارهێنانی وزە لەلایەن خانەکانەوە. هەروەها کاریگەرییان هەیە لەسەر پلەی گەرمی لەش، لێدانی دڵ، گەشەی مێشک لە منداڵدا و تەنانەت ڕێکخستنی باری دەروونی و خولی مانگانەی ئافرەتان.
ئەگەر ڕێژەی ئەم هۆرمۆنانە زیاد بکات چی ڕوودەدات؟
زیادبوونیان دەبێتە هۆی چالاکبوونی غوددە (Hyperthyroidism). لەم کاتەدا هەموو پڕۆسەکانی لەش خێرا دەبن؛ نەخۆش هەست بە لێدانی توندی دڵ، دابەزینی کێش سەرەڕای زۆر خواردن، ئارەقکردنەوەی زۆر، لەرزی دەست، دڵەڕاوکێ و تێکچوونی خەو دەکات.
ئەگەر ڕێژەی ئەم هۆرمۆنانە کەم بکات چی ڕوودەدات؟
کەمبوونەوەیان دەبێتە هۆی تەمەڵی غوددە (Hypothyroidism). لێرەدا پڕۆسەکانی لەش خاو دەبنەوە؛ نەخۆش هەست بە ماندوێتی بەردەوام، زیادبوونی کێش، هەستکردن بە سەرما، وشکبوونەوەی پێست، قەبزی و خەمۆکی دەکات.
بەشی چارەسەری نەخۆشییەکانی غوددەی دەرەقی و گرێکانی سەرومل لە تیمی پزیشکی د. عبدالواحد، بۆ بوونی هەر پرسیارێک یان تۆمارکردنی ناو سەردانی ئەم لینکە بکەن:
https://m.facebook.com/thyroid.cli/
