https://www.facebook.com/111721268321660/

العياده التخصصيه للأمراض النسائيه والتوليد والعقم/ د. فاطمة حمزة الغانمي, النجف الأشرف/فلكة المستشفى الألماني مقابل شقق السلام السكني مجاور صيدلية العين, Najaf (2026)

17/10/2025

المريضه عروسه جديده والعقد الليفيه موجوده من زمان بس خايفه تشيلهم لان كل مره تراجع يحطون ابالها ممكن تصير قلع رحم اذا حاولت تشيلهم/ صارت حامل وتوقف نبض البيبي بالشهر الثاني بسبب كبر حجم العقد والمريضه صارت تعاني من احتباس ادرار والام قووويه #اكثر من مره يحطون صوندة ادرار # صارت العمليه ضروريه وشرحت الها وطمنتها والحمدلله كدرنا نشيل بس العقد الليفيه من غير مايأثر على عضلة الرحم🙏🏻 # يارب الذريه الصالحه ويعوضها عوض جميل

17/06/2024

عيد مبارك🧡
أعاده الله علينا وعليكم بالخير واليمن والبركه
العياده مغلقه طيلة أيام عيد الاضحى المبارك

10/04/2024

كل عام وأمهاتنا وبناتنا بألف خير وصحه وسلامه 🧡🧡
الله يتقبل منا ومنكم صالح الاعمال 🧡
بمناسبة عيد الفطر المبارك ..العياده مغلقه طيلة ايام العيد
ونستأنف العمل يوم السبت بأذن الله من الساعه ال٤ عصرًا ولغاية الساعه ٩ مساءًا
نتمنى لكم ايام سعيده مليئه بالأفراح والمسرات💛💛

02/09/2023

مرحبا ياحلوات 🌸
عزيزتي حتى يصير حمل طبيعي مو فقط منشط ونكبر بيوض 😡😠
لازم اكو رحم طبيعي وبطانه مهيئه لاستقبال الجنين
لازم اكو انابيب مفتوحه وتتحرك حركه طبيعيه
لازم اكو بيوض حجمها ونوعيتها زينه
ولازم اكو حيامن عددهم وشكلهم وحركتهم طبيعيه

لذلك ميصير نبقى ناخذ منشط ومنشط ومنشط وننتظر يصير حمل 😠😠
أخذ المنشطات ولفترات طويله وبدون تخطيط ممكن يأثر ع مخزون البيوض وممكن يأدي إلى سرطان المبيض ع المدى البعيد

راجعتني مريضه مسكينه سنه كامله تاخذ منشط وابر تفجيريه وبالاخير ورا الاشعه الملونه اكتشفنا عدها انسداد بالانابيب الاثنين مع تجمع سوائل (يعني الانابيب تلفانه وما ممكن يصير حمل طبيعي )
بهيج حاله راح ان شاء الله نسوي ناظور بطني ونشيل الانابيب ونبلش برنامج اطفال الانابيب 👍
ادعولها الله يتمم الها ع خير

د فاطمه حمزه الغانمي / بورد عربي في الامراض النسائية والتوليد والعقم

28/07/2023

عظم الله اجورنا واجوركم بأستشهاد سيد الشهداء سبط الرسول وابن البتول
السلام عليك ياأبن حيدر الكرار
السلام على اخوك العباس قطيع الكفين
السلام على اصحابك الاطهار
السلام عليكي ياجبل الصبر مولاتي زينب الكبرى المسبيه

اللهم عجل ف*ج مولانا صاحب العصر والزمان
اللهم اجعلنا من انصار العتره الشريفه
اللهم ثبتنا على دين محمد الذي استقام بنحر الحسين

29/06/2023

كل عام وانتم بألف خير وصحة وسلامة
ينعاد ع الجميع بالخير والبركه 💚💚

18/06/2023

السلام عليكم ورحمة الله وبركاته

راح نحجي اليوم مختصر عن حالة راجعتني للعياده
مريضه عمرها ٢٠ سنه ولحد الآن بدون دوره شهريه
مراجعه هواي اكيد والاغلب كايل ماكو حل تكعد وتسكت
تم ارسال المريضه الفحوصات الضروريه الاوليه وتبين وجود فشل المبايض
بهيج عمر ضروري نعرف شنو السبب ولهذا ارسلت المريضه فحص جيني وتبين عدها turner Syndrome Mosiac 45XO/46XX
بهذي ال متلازمه المريضه عدها نصف خلايا جسمها تحتوي فقط one X chromosome اللي هو الكروموسوم الجنسي المفروض يتواجد ٢
ونصف خلاياها تحتوي 2 X chromosome
تم شرح الحاله للمريضه واعطائها العلاج الضروري مع المتابعه
اكو امل المريضه تجيها الدوره الشهريه وحتى ممكن يصير عدها أطفال
تحتاج متابعه دوريه لأنها معرضه بالمستقبل من الضغط ومشاكل القلب ومشاكل الغده الدرقيه والسمع ومشاكل العقم وهشاشة العظام ومشاكل نفسيه

لذلك عزيزتي يفضل مراجعه الطبيب المختص عند وجود أي مشكله 💚💚
ملاحظه / يحتاج مراجعه إذا ماكو علامات بلوغ بعمر ال١٤ سنه او ماكو دوره شهريه بعمر ال١٦ سنه
د فاطمه حمزه الغانمي /بورد عربي دكتوراه في الأمراض النسائيه والتوليد والعقم
فلكة المستشفى الألماني مقابل شقق السلام السكني مجاور صيدلية العين
07847473307

10/06/2023

السلام عليكم ورحمة الله وبركاته 🌷

أهم ٣ اسباب مسؤولة عن الإسقاطات المتكرره بأول ٣ أشهر من الحمل
1 _ وجود أجسام مضاده في الدم تساعد بتكوين خثر ناعمه صغيره بمجرى الدم تسمى متلازمه مضادات الفوسفولايبيد
Anti Phospholipids Syndrome APLS
وهذي ال متلازمه الها شروط حتى نشخصها يعني مو من إسقاط واحد ولا من تحليل واحد

2_ تشوهات الاجنه وهذي مسؤوله عن 70 % من الإسقاط
3_ وجود مشاكل أو تشوهات بسيطه بداخل الجهاز التناسلي الانثوي

ذولي اهم ٣ وأكثر ٣ مسؤولين عن الإسقاطات
كل واحد بيهم اله طريقه حتى يتشخص
الفايروسات بريئه من الإسقاطات المتكرره 😂😂

هذي صورة فحص جيني لمريضه تعاني من اسقاطات متكرره وعلى مدى ٥ سنوات يتم علاجها على أنها مصابة بداء القطط 🤕
بعد هذا الفحص يتم فحص الأبوين واذا ثبت وجود أحدهم او الاثنين مصابين بخلل جيني يتم بعدها تهيئتهم لأطفال الانابيب واختيار الجنين السليم

د فاطمه حمزه الغانمي /بورد عربي دكتوراه في الأمراض النسائيه والتوليد والعقم
فلكة المستشفى الألماني مقابل شقق السلام السكني مجاور صيدلية العين
07847473307

22/05/2023

السلام عليكم ورحمة الله وبركاته 🌹

مريضه جميله عدها ٥ ولادات طبيعيه
بهذا الحمل البيبي بقى ع وضعيه المقعد لحد ٢٢ يوم بشهر التاسع
راجعتنا المريضه البارحه ورا ماجزعت وفرت الدنيا ومحد قبل يسوي عمليه وهذا من حسن حظها ☺️
سوينا تقييم لحالتها وشرحنا الها ممكن نفر البيبي من وضعيه المقعد لوضعيه الرأسECV حتى تكدر تولد طبيعي

دخلناها لصالة الولاده وتحت السونار وبعض العلاجات تمكنا من فر البيبي والحمد لله خلال ١٠ دقايق
بعدها سوينا تحفيز للولاده وجابت طبيعي 🙏😊
الأم والبيبي بصحه وسلامه ❤️❤️

شكراً كادر مستشفى الحكيم العام صالة الولاده
شكراً د زينب وعاشت ايدكم

د فاطمه حمزه الغانمي /بورد عربي دكتوراه في الأمراض النسائيه والتوليد والعقم
فلكة المستشفى الألماني مقابل شقق السلام السكني مجاور صيدلية العين
07847473307

02/05/2023

مرحبا ياحلوات 💜💜
من يكون البيبي على المقعد بداية شهر ال٩ احتماليه يفتر على راسه كلش قليله تقريباً 5%
بهاي الحاله عدنا ٣ خيارات للولاده ☺️
اما من البدايه تحديد موعد عمليه قيصريه
أو ولاده البيبي وهو بوضع المقعد
أو احاول افر البيبي واغير وضعيته من ع المقعد لوضعية الرأس
وهذا اللي سويناه لمراجعتنا الجميله
عدها قبل ولاده طبيعيه واحده واجتي ١٠ ايام بشهر التاسع عدها تقلصات بسيطه وكلش متخوفه من العمليه القيصريه وتتمنى تولد طبيعي
شرحنا الطريقه وشنو راح نسوي وبسرعه وافقت وكالت عندي ثقه بكلامكم دكتوره ☺️☺️
دخلناها بنفس اليوم للمستشفى وفرينا البيبي لوضع الرأس
External cephalic version
وبلشنا تحفيز للولاده والحمد لله ولدت المريضه طبيعي وهي والبيبي بصحه وسلامه 💜💜
وهذي صورة ابنها الجميل 🥰
عاشت ايدكم بطلات صاله الولاده بمستشفى الحكيم العام
د زينب مقيمتنا ال شاطره 💜
ام رهف القابله اللي ولدتها وبشائر ودعاء 💜💜
ام مصطفى

د فاطمه حمزه الغانمي /بورد عربي دكتوراه في الأمراض النسائيه والتوليد والعقم
فلكة المستشفى الألماني مقابل شقق السلام السكني مجاور صيدلية العين
07847473307

28/04/2023

جمعه مباركه على الجميع أن شاء الله 💛🙏

مو كل حاله عدها نزف معناها خربطه هرمونات وتبلش المريضه تاخذ منظم للدوره
لا عزيزتي غلط
النزف المهبلي اله هواااااي اسباب
اليوم راح نحجي ع قصة المريضه المسكينه
امرأه متوسطه العمر تعاني ولمدة طويله أكثر من ٦ أشهر من نزف مهبلي وع فترات متقطعه
راجعت أكثر من مره وفي كل مره يتم وصف منظمات للدوره مثل ال برايموليوت والدافستون وحبوب منع الحمل
وحتى مصروف الها منشط حمل وحسب كلام المريضه إذا صار حمل راح ترتاح ويتوقف النزف 🤐🙄
المريضه بالصدفه فحصتها بالاستشاريه فحص داخلي نسائي
وتبين وجود كتله بالجدار الخلفي للمهبل من الأعلى خلف عنق الرحم مباشرة وهذي الكتله بسهوله تنزف عند لمسها وشكلها ابد ابد ابد مو طبيعي ولا مطمئن
تم عمل فحوصات للمريضه وأدخلت ثاني يوم العمليات لأخذ عينه من الكتله تحت التخدير وأرسلت للفحص النسيجي
بعد أقل الأسبوع استلمت النتيجه
للأسف النتيجه سرطان المهبل 😢💔
وهو حاله كلللش نادره وخاصه بهيج عمر ودائماً يكون منتشر من سرطان عنق الرحم يعني ثانوي بس بحاله هاي المريضه عينه عنق الرحم سليمه ويعتبر Primary vaginal ca

دعواتكم للمريضه للشفاء العاجل وان شاء الله اطمئنكم عليها عند إكمال العلاج

لذلك عزيزتي ابد لا تستهينين بأي مشكله تحسيها مو طبيعيه وحاولي تراجعين الطبيب المختص

د فاطمه حمزه الغانمي /بورد عربي دكتوراه في الأمراض النسائيه والتوليد والعقم
فلكة المستشفى الألماني مقابل شقق السلام السكني مجاور صيدلية العين
07847473307

العياده التخصصيه للأمراض النسائيه والتوليد والعقم/ د. فاطمة حمزة الغانمي

17/10/2025

17/06/2024

10/04/2024

02/09/2023

28/07/2023

29/06/2023

18/06/2023

10/06/2023

22/05/2023

02/05/2023

28/04/2023

Address

Telephone

Website

Alerts

Shortcuts

Share

Category