Hún hefur verið næm frá barnsaldri og mikið náttúrubarn alla tíð. Það var þó ekki fyrr en hún fór að njóta stuðnings og leiðsagnar hjá heilurum í Sálarrannsóknarfélaginu á Akureyri að hún fór að nýta þessa andlegu hæfileika sína fyrir alvöru og starfaði í framhaldinu tímabundið sem heilari hjá félaginu. Einnig hefur hún lokið námskeiði í þróun miðilshæfileikans hjá Ásthildi Sumarliða miðli hjá Sálarrannsóknarfélaginu í Reykjavík. Til að þróa og styrkja sinn andlega þroska ennþá meira og fá faglega þekkingu í heilun- og hljóðheilun hóf hún nám frá Spáni, þar lærði hún margskonar meðferðir fyrir einstaklinga og hópa sem eru vottaðar af Alþjóðasamtökum hljóðmeðferðar. Í því námi fékk hún einnig faglega aðstoð við þjálfun í raddbeitingu til heilunar og hefur lært að heila með röddinni einni og sér ásamt því að spila á fjölmörg hljóðfæri eins og gong, shaman flautu, indíánatrommu, sjávartrommu, tíbetan söngskálar, kristalsskálar, shruti box, tampura og monochord svo eitthvað sé nefnt. Hún hefur einnig lokið einkaþjálfaraprófi frá World Class, námskeiði í áfallajóga og framhaldsnámskeiði í gong áslætti. Hún er sjálfstætt starfandi trans- og hljóðheilari í dag ásamt því að sinna tilfellum sem þarfnast fjarheilunar.
