Leiðin til að elska mig

26/03/2026

✨ Þegar við teljum okkur vera vandamálið…

Stundum spyrjum við:
👉 „Hver væri ég án þess að vera stöðugt að sanna mig?“

En kannski er dýpri spurningin:
👉 „Get ég fundið til öryggis til að vera sú manneskja?“

Skömmin fær okkur oft til að halda að eitthvað sé að okkur.
En í raun erum við oft að bregðast við því sem við höfum upplifað.

Ef til er von —
þá er hún leiðarljós heim til okkar sjálfra 💛

Leiðin til að elska mig. EQ meðferð hjá Kristínu Magdalenu. Öruggt rými til að vinna úr kvíða, streitu og styrkja sjálfsvirðingu

23/03/2026

Skömmin

Skömmin er ein sú tilfinning sem helst heldur okkur föstum.

Hún fær okkur til að efast um eigið virði og sjá okkur sjálf í skökku ljósi. Í stað þess að treysta því sem býr innra með okkur, förum við að fela okkur, minnka okkur og halda aftur af okkur.

Skömmin segir:
„Vertu ekki of mikið.“
„Þú ert ekki nóg.“

Þannig hindrar hún vöxt. Hún dregur úr kjarki og gerir okkur erfitt fyrir að stíga fram, prófa nýja hluti og fylgja því sem við raunverulega viljum.

Án skammar væri meira rými fyrir forvitni, sköpun og þroska. Þá gætum við leyft okkur að vaxa, dafna og vera við sjálf – án þess að óttast að eitthvað við okkur sé rangt.

23/03/2026

🧠 Hvað ef andleg vanlíðan er ekki bara „í heilanum“?

Nýlega las ég umræðu sem fékk mig til að stoppa og hugsa.

Í starfi mínu sem EQ-þerapisti og út frá minni eigin reynslu hef ég séð að líðan mótast ekki bara af heilanum — heldur af því sem við höfum upplifað, þurft að bera og ekki fengið að vinna úr.

Kannski er spurningin ekki:
👉 „Hvað er að mér?“
heldur:
👉 „Hvað kom fyrir mig?“

Ég deili hér minni sýn á andlega heilsu, heilann og það sem ég tel skipta raunverulega máli í heilun.

Leiðin til að elska mig. EQ meðferð hjá Kristínu Magdalenu. Öruggt rými til að vinna úr kvíða, streitu og styrkja sjálfsvirðingu

18/03/2026

Svo vel gert videó um tilfinningar barna

18/03/2026

Konur eru útsettari fyrir PTSD og sjálfsofnæmissjúkdómum 🤔🤔

Hvað er hægt að gera???

16/03/2026

Eitt mynstur sem ég sé oft í þerapíu:
Börn læra mjög snemma að bera ábyrgð á tilfinningum foreldra sinna.

15/03/2026

Fræðilegur bakgrunnur greinarinnar

Hugmyndirnar sem fjallað er um í þessari grein byggja meðal annars á rannsóknum og skrifum eftirfarandi fræðimanna á sviði áfallafræði, tilfinningaþroska og sálfræðilegrar sjálfsþekkingar:

Alice Miller
Sálgreinandi sem rannsakaði áhrif bernsku á sjálfsmynd og tilfinningalíf. Hún fjallaði sérstaklega um hvernig börn læra að bæla eigin tilfinningar til að viðhalda tengslum við foreldra sína.

Bessel van der Kolk
Geðlæknir og einn af helstu sérfræðingum heims í áfallafræði. Hann hefur sýnt fram á hvernig líkaminn geymir erfiðar tilfinningar og lífsreynslu sem ekki hefur fengið úrvinnslu.

Gabor Maté
Læknir og áfallafræðingur sem hefur fjallað um tengsl áfalla í æsku, sjálfsmyndar og líkamlegrar og andlegrar heilsu. Hann leggur áherslu á að spurningin sé ekki „hvað er að manneskjunni“, heldur „hvað kom fyrir hana“.

Bruce Lipton
Frumufræðingur sem hefur rannsakað áhrif hugsana og tilfinninga á líkamleg kerfi mannsins og hvernig streita og sjálfsgagnrýni geta haft áhrif á líkamlega líðan.

Daniel Goleman
Sálfræðingur sem gerði hugtakið tilfinningagreind (e. emotional intelligence) þekkt og sýndi fram á mikilvægi sjálfsvitundar og tilfinningaskilnings fyrir heilbrigð tengsl og lífsgæði.

Leiðin til að elska mig. EQ meðferð hjá Kristínu Magdalenu. Öruggt rými til að vinna úr kvíða, streitu og styrkja sjálfsvirðingu

26/02/2026

Svo mikilvæg skilaboð.

Börn fæðast með þörfina á að vera í nálægð við foreldra sína og læra í gegnum skilning og umhyggju, hver þau eru og hvernig maður róar sig niður. Við eigum aldrei að láta börn róa sig sjálf niður, því þau kunna það ekki og það er okkar foreldranna að kenna þeim það. Ekki með að skilja þau eftir ein, heldur vera með þeim.

26/02/2026

Ég verð stödd á ráðstefnu í Noregi dagana 6.–23. mars og tek því ekki á móti skjólstæðingum á því tímabili.

Hægt er að bóka tíma frá og með 23. mars á heimasíðunni.

Ég hlakka til að halda áfram vinnunni með ykkur að lokinni ferð.

Leiðin til að elska mig. EQ meðferð hjá Kristínu Magdalenu. Öruggt rými til að vinna úr kvíða, streitu og styrkja sjálfsvirðingu