Hvaða tækni er þetta sem virðist vera svo ótrúlega beinskeitt að árangur kemur strax í ljós eða mjög fljótlega.Vinsamlegast sendið fyrirspurnir á eftirfarandi netfang. OPJ eða orkupunktajöfnun er tækni sem byggir á andlegu orkupunktum líkamans sem eru 343 talsins fyrir utan aðalorkupunktana sem telja 49. Flestir hafa heyrt talað um áruna eða orkublikið sem er utanum alla, áran er í raun endurvarp frá þessum orkupunktum sem eru dreifðir um líkamann og hafa hver um sig sína litaflóru sem síðan myndar litina í árunni, þetta er ekki ólíkt því og að horfa úr fjarlægð á bæjarfélag eða borg í myrkri og sjá blikið frá ljósunum endurvarpast í himinhvolfinu fyrir ofan, allir vita að ljósið í þessu bliki frá bænum varð ekki til í húminu fyrir ofan, heldur sem endurkast frá ljósum sem eru dreifð um bæinn og varpa þessu bliki.
Þetta er eins með áruna, hún er blikið frá orkupunktunum sem hver um sig varpar frá sér orkutíðni sem myndar eina heild sem við köllum áru eða orkublik.
Í gegnum tíðina hafa menn einblínt á orkublikið án þess að skoða hvaðan það kemur og hvernig, OPJ tæknin opnar þessa þekkingu og veitir um leið aðgang til að bæta all verulega heilsu manna, ekki svo að skilja að OPJ sé lækning því það er þessi tækni ekki og skildu menn varast slíkar fullyrðingar, heldur leið til að líkna og bæta heilsu, þó má taka það fram að jafnvel lögbundin lækning er stundum engin lækning heldur en samt er sá grundvalla munur á að hún er lögbundin og viðurkennd sem slík. Vonandi á OPJ eftir að ávinna sér þann sess sem þessi tækni á svo fyllilega skilið, en tíminn leiðir slíkt í ljós. Eitt af því eftirtektaverðasta við OPJ tæknina er hversu öflug hún er inná stoðkerfi líkamans, bólgnir vefir og laskaðir liðir virðast jafna sig ótrúlega hratt eftir meðferð, vöðvabólga sem áhrærir flesta ef ekki alla einhverntíma á lífsleiðinni, virðist hopa við meðferð, stundum alveg, er það einkar athyglisvert þegar um er að ræða áralangar bólgur sem hafa valdið jafnvel breytingu á lífsgæðum fólks og heft það til vinnu, stundum til lengri tíma. OPJ tæknin er rétt að riðja sér til rúms og á án efa eftir að breyta lífi margra til góðs í framtíðinni, spurningin er aftur á móti þessi, er hægt að finna flöt á samstarfi við þann akademiska hóp fólks sem vinnur inná sjúkrahúsum landsins og þá um leið að vinna að tilraunum með OPJ sem þerapíu til aukina lífsgæða fyrir skjólstæðinga þessara stofnana, því ef OPJ á heima einhvers staðar, þá er það á þessu stöðum. Engin vísindaleg rannsókn hefur verið gerð á þessari tækni og ekki eru til nein bein rök fyrir þeim árangri sem næst með OPJ tækninni, það eina sem við vitum sem beitum OPJ tækninni er að hún virkar og stundum svo vel að það kemur okkur á óvart sjálfum, væri ekki hreint frábært að fólk ætti þess kost að geta valið um að fá þessa þjónustu til sín auk hefðbundnrar læknismeðferðar, ávísuð af lækni.
Þetta verður aldrei án rannsókna og tilrauna með OPJ tæknina, því hvetjum við alla sem málið varðar að skrá hjá sér árangur af meðferðum, halda einhverskonar skrá yfir þerapíur þar sem saga árangurs er skráð hjá hverjum og einum, auðvitað megum við ekki vera óraunsæ og hreint barnaleg, auðvitað náum við ekki alltaf þeim árangri sem til er ætlast en undantekningarnar eru til að skoða og læra af fyrst og fremst, ef við sannarlega viljum ná árangri í einhverju, hverju sem er, þá þurfum við að vita útfrá hverju við göngum. Erum við að vinna skipulega með OPJ, erum við að byggja okkur upp gagnagrunn þar sem við söfnum reynslu til að læra af seinna, byggjum við upp meðferð þar sem við vinnum af ábyrgð og öryggi fyrir þiggjandann hverju sinni. Allt þetta og margt meira til gerir okkur að ábyrgum og góðum OPJ þerapistum sem ná árangri í starfi og um leið og við náum árangri þá leggjum við drög að árangri annara sem á eftir koma.
Þegar við erum spurð, hvað er OPJ? þá svörum við gjarnan ”orkupunktajöfnun” OPJ er það en samt svo miklu miklu meira, í veraldlega líkamanum eru 7 orkustöðvar, við hverja orkustöð eru 7 aðalorkupunktar og við hvern aðalorkupunkt eru 7 orkupunktar.
Þetta gera 7 orkustöðvar – 49 aðalorkupunktar – 343 orkupunktar.
Í OPJ vinnum við með aðalorkup. 49 og orkup. 343 en við eigum ekkert við orkustöðvarnar sem slíkar. Galdurinn felst í því að jafna orkunni út til orkupunktana í hverjum 7 punktaklasa með aðferðum sem kenndar eru á OPJ námskeiðunum.
Það er von okkar að sem flestir muni njóta góðs af OPJ í framtíðinni og í raun er það engin efi í okkar huga að OPJ tæknin mun lifa góðu lífi í framtíðinni.
