Heilbrigðisstofnun Suðurnesja - HSS

13/03/2026

Heilbrigðisstofnun Suðurnesja hefur opnað heilsueflandi móttöku barna.

Móttakan styður við börn og fjölskyldur þeirra barna sem eru að bregða út af vaxtarkúrfu.

Í móttökunni starfar þverfaglegt teymi sem samanstendur af hjúkrunarfræðingi, næringarfræðingi og lækni ásamt stuðningi frá sálfræðingum og sjúkraþjálfara.

Unnið er náið með skólaheilsugæslu.

Verklag móttökunnar er samkvæmt alþjóðaleiðbeiningum varðandi meðferð við hraðri þyngdaraukningu barna og góð tengsl eru við Heilsuskólann á Landspítala og aðrar móttökur á landinu sem sinna slíkri meðferð.

Sjá nánar á hss.is

05/03/2026

Þann 27. febrúar var sá ánægjulegi viðburður að Landspítali og HSS undirrituðu formlegt samstarf um sérnám í bráðalækningum. Báðar stofnanir skuldbinda sig til samhæfingar varðandi gæði náms og framkvæmd þess.

Það er gríðarlega mikilvægt fyrir þjónustu á bráðamóttöku á HSS að vera viðurkennd bráðamóttaka fyrir sérnám í bráðalækningum. Þessi áfangi er mikilvægt skref í vegferð HSS að verða viðurkennt kennslusjúkrahús en mikilvægt er að lyflækningar á HSS verði einnig viðurkenndar, en heilsugæsla HSS hefur um árabil verið viðurkenndur kennslustaður fyrir sérnám í heimilislækningum.

Sérnám í greinum innan læknisfræðinnar fer samkvæmt gildandi reglugerð nr. 856/2023 um menntun, réttindi og skyldur lækna og skilyrði til að hljóta almennt lækningaleyfi og sérfræðileyfi. Sérnám fer fram samkvæmt marklýsingu hverrar einstakrar greinar sem samþykktar hafa verið af mats- og hæfisnefnd, sem starfar á forræði heilbrigðisráðuneytisins.

Sérnámslæknar er stór og jafnframt vaxandi hluti af starfandi læknum landsins. Á undanförnum árum hefur mikil þróun átt sér stað í uppbyggingu sérnáms á Íslandi í samræmi við viðurkennda alþjóðlega staðla.

Til hamingju með þennan áfanga.

hss.is

14/01/2026

HPV bólusetning er í boði í Fjölbrautaskóla Suðurnesja fyrir drengi í árgangi 2008-2009 dagana 12.-15. janúar.

HPV (Human Papilloma Veira) getur valdið krabbameini í hálsi og víðar ásamt vörtum á kynfærum, sjá nánar frétt á heimasíður hss.is

Við hvetjum alla drengi í þessum árgöngum að þiggja bólusetningu. Ef þeir eru ekki nemendur í FS, eða komast ekki á þessum dagsetningum þá er hægt að bóka tíma á heilsugæslu sem þeir eru skráðir á og fá bólusetningu þar.

Með bestu kveðju
Heilsugæsla HSS

Vinsamlega deilið :)

23/12/2025

22/12/2025

🎄Opnunartími læknavaktar HSS yfir hátíðarnar🎆

Læknavakt HSS er opin alla hátíðisdaga kl. 10:00 til 15:00.

📞Tímabókanir samdægurs í síma 422-0500.

🚑 Bráðamóttaka HSS er opin allan sólarhringinn vegna slysa og bráðra veikinda.

👉Sjá nánar á hss.is

26/11/2025

Heilbrigðisstofnun Suðurnesja til fyrirmyndar

Heilbrigðisstofnun Suðurnesja er orðin fremst meðal jafningja í árlegri könnun á þjónustu ríkisstofnana. Til hamingju með það, íbúar á Suðurnesjum og starfsfólk og stjórnendur HSS.

,,Þegar niðurstöður könnunarinnar eru bornar saman við árangur annarra heilbrigðisstofnana má sjá að HSS er deilir annað hvort hæstu eða næst hæstu einkunn með öðrum heilbrigðisstofnunum. HSS er að fá á bilinu 4,2 til 4,6 stig af fimm mögulegum í öllum þáttum könnunarinnar".

Nánar um niðurstöðurnar, sjá tengil í fyrstu athugasemd.

Heilbrigðisstofnun Suðurnesja - HSS

26/11/2025

Nú er mikið um öndunarfærasýkingar í samfélaginu. Inflúensan er fyrr á ferðinni í ár en undanfarin ár.

HSS biðlar til fólks sem kemur á stofnunina að vera með andlitsmaska og passa vel upp á almennar sóttvarnir ef þið eruð með einkenni frá öndunarfærum.

Ekki er æskilegt að fara í heimsóknir til inniliggjandi skjólstæðinga ef þið eruð með einkenni frá öndunarfærum.

Enn er hægt að fá Inflúensubólusetningu á heilsugæslunni, hægt að panta tíma í síma 422-0500

Hægt er að fá andlitsmaska í afgreiðslu HSS þegar komið er inn á stofnunina.

Vinsamlega deildið

10/11/2025

Gjöf til allra kvenna frá Kvenfélagasambandi Íslands.

Ljósmæðravakt HSS barst á dögunum höfðingleg gjöf frá Kvenfélagasambandi Íslands. Um er að ræða rafrænt skráningarkerfi fósturhjartsláttarrita sem tengist mæðraskrá barnshafandi kvenna.

Ljósmæðravakt HSS þakkar kvenfélagasambandi Íslands kærlega fyrir gjöfina sem á án vafa eftir að koma sér vel.

Sjá nánar á heimasíðu HSS hss.is

07/11/2025

Síðasti dagur inflúensubólusetningar í Kirkjulundi er mánudaginn 17. nóvember.
Sjá nánar á hss.is

29/10/2025

Á heimasíðu HSS eru að finna upplýsingar um einkenni og meðferð við inflúensu.
Þar kemur einnig fram munur á inflúensu og kvefipest.

Endilega kynnið ykkur það á hss.is

29/10/2025

Inflúensubólusetning fyrir börn

Heilbrigðisstofnun Suðurnesja býður öllum börnum frá 6 mánaða til 5 ára bólusetningu gegn inflúensu þeim að kostnaðarlausu.

Inflúensan getur verið alvarleg, sérstaklega fyrir ung börn. Með því að bólusetja veitum við þeim aukna vörn og hjálpum til við að draga úr útbreiðslu veirunnar.

Sóttvarnalæknir mælist til að eftirtaldir áhættuhópar njóti forgangs við inflúensubólusetningar:

Börn fædd 2020 eða síðar sem náð hafa 6 mánaða aldri við bólusetningu.

Börn með undirliggjandi sjúkdóma

Börn sem eru í nánum tengslum við viðkvæma aðila

Það tekur það líkamann tvær vikur að þróa vörn gegn inflúensunni eftir að barnið er bólusett

Nú er tíminn til að bólusetja - áður en inflúensutímabilið nær hámarki.

Hægt að bóka tíma í afgreiðlsu HSS frá kl. 9-15 í síma 4220500

Nánari upplýsingar á hss.is

24/10/2025

Brjóstaskimun verður í boði á heilsugæslu Heilbrigðisstofnunar Suðurnesja 24. - 28. nóvember.

Tímapantanir fara fram hjá Brjóstamiðstöðinni í síma 543-9560 eða með tölvupósti á brjostaskimun@landspitali.is

Vinsamlega deilið :)