MýSköpun ehf

24/06/2025

MýSköpun ehf var að fá þær gleðifréttir frá Stjórnarráðinu að styrkumsókn okkar til Lóu fyrir verkefnið "Nýting skiljuvatns jarðvarmavirkjunar til verðmætasköpunar" var samþykkt 🥳
Í þessu verkefni ætlum við að skoða hvort að hægt sé að auka afköst framleiðsluferlis kísilþörunga sem innihalda verðmæta andoxunarefnið fucoxanthin með upptöku kísils úr skiljuvatni 👀
Verkefnið verður unnið í samstarfi við Landsvirkjun 🤝🏻

Hlutverk Lóunnar er að styðja við nýsköpun, eflingu atvinnulífs og verðmætasköpun sem byggir á hugviti, þekkingu og nýrri færni á forsendum svæðanna sjálfra.

12/06/2025

Í dag undirrituðu MýSköpun ehf og Landsvirkjun samstarfssamning sem rammar inn frekara samstarf fyrirtækjanna og opnar á uppbyggingu á starfsemi MýSköpunar á starfsvæði Landsvirkjunar á Norðausturlandi.
Með samningnum er opnað á möguleikann á að framleiðsla MýSköpunar geti tengst beint við virkjun á svæðinu sem hefði augljós áhrif á hagkvæmni starfseminnar. Á næstu árum gera áætlanir okkar ráð fyrir að 20-40 áhugaverð ný störf geti orðið til á svæðinu.
Við erum mjög spennt fyrir framtíðinni 🚀

30/05/2025

MýSköpun hélt aðalfund 23. maí 2025.
Settum stutta frétt inn á heimasíðuna okkar varðandi fundinn 👇🏻
https://myskopun.is/news/adalfundur-myskopunar-ehf-2025/

06/03/2025

MýSköpun ehf framleiðir nú verðmæta andoxunarefnið fucoxanthin í hátækni ræktunarkerfinu sínu. Markaðir fyrir litarefni og andoxunarefni úr örþörungum stækka hratt, og umframeftirspurn er til staðar á mörgum sviðum. Spár gera ráð fyrir 5–20% árlegum vexti markaða til langs tíma. 📈

Ísland býður upp á einstök tækifæri til frekari uppbyggingar og aukinnar framleiðslugetu til að mæta þessari ört vaxandi eftirspurn. Aðgengi íslenskra framleiðslufyrirtækja að hreinni, endurnýjanlegri orku á samkeppnishæfu verði veitir okkur mikilvægt forskot á alþjóðamarkaði og styður við áframhaldandi vöxt greinarinnar hér á landi.

Iðnaðarframleiðsla örþörunga krefst umtalsverðrar orku, en hún skapar einnig fjölmörg spennandi störf. Við hlökkum til að deila með ykkur frekari fréttum af starfsemi okkar á næstu mánuðum. 🚀

13/12/2024

Hlökkum til næsta árs og þeirra spennandi verkefna sem það ber í skauti sér. Frekari upplýsingar 👇🏻

Örþörungafyrirtækið Mýsköpun hefur lokið vel heppnaðri fjármögnun sem gerir fyrirtækinu kleift að vaxa áfram. Núverandi hluthafar tóku þátt í fjármögnuninni sem var uppá ríflega 50 milljónir króna og var í formi breytanlegs skuldabréfs. Fjármögnunin var kynnt á vel sót...