30/03/2026
خطة متكاملة رح ترفع مخزون الحديد عندك خلال 3 اشهر و بدون ادوية باقل التكاليف
اهم اشي :
✅بدنا نركز على زيادة الاغذية اللي بتحتوي على حديد 💪🏻
✅و بدنا نركز على تعزيز امتصاص الحديد من الاغذية الاخرى 👌🏻
افضل مصادر الحديد هي المصادر الحيوانية ( امتصاصها عالي جدا بالجسم ) ( الكبدة اولا ، اللحوم الحمرا ، لحم الديك ، الدجاج و الاسماك )
ثانيا : البقوليات ( العدس ، الفاصوليا …) مصادر نباتية بتحتوي على كميات كبيرة من الحديد ؛ لكن مشكلته ضعيف الامتصاص بالنسبة لجسمك ؛ لهيك لازم نعزز امتصاصه من خلال اضافة مصدر فيتامين C اله
مثلا عصرة ليمون ، او تناول فليفلة حلوة معه
الخطة كالتالي
كل اسبوع بدنا نتناول 150 غ كبدة
و كل وجبة بدنا نضيفلها عصرة ليمون او نتناول معها حبة فليفلة او نشرب معها 1/2 كوب عصير برتقال او جوافة او كيوي ع حسب المتوفر عندك بالبيت
نحافظ على تناول اكل صحي دايما ، بعيدا عن الوجبات السريعة و السكريات و الزيوت المهدرجة و المقالي ، لانه بزيد من وجود الالتهابات بالجسم ، و بالتالي بقلل امتصاص الحديد 👌🏻
تجنب تناول اي مصدر من مصادر الكالسيوم مع الوجبة اللي فيها حديد ؛
لانه الكالسيوم بقلل و بمنع امتصاص الحديد من الاغذية و حتى من المكملات الغذائية👌🏻
شوفوا هاي الخطوات قد ما هي بسيطة بس هي فعّالة جدا جدا جدا في رفع مخزون الحديد
#تغذية
