https://www.facebook.com/386575098402523/

Medical Glimpse - لمحة طبية, Amman (2026)

18/01/2023

Hair loss in the outer third of the eyebrow is a symptom of an endocrine disorder called:

تساقط الشعر في الثلث الخارجي من الحاجب هو أحد
الأعراض التي تظهر في حالة :

31/05/2021

اكيد كلنا بنسمع بشكل يومي كلمة " فوبيا phobia “ طيب عمركم سألتوا حالكم شو يعني فوبيا او ما يسمى بالرهاب ؟؟

الرهاب هو عبارة عن خوف مبالغ فيه وغير منطقي.

غالبًا يستخدم مصطلح "الرهاب" للإشارة إلى الخوف من سبب معين.

بعاني الشخص المصاب بالرهاب من الأعراض التالية:
"هي الاعراض شائعة في أغلب أنواع الرهاب"

🔴 التعرق
🔴 التنفس غير الطبيعي
🔴 تسارع ضربات القلب
🔴 ارتعاش
🔴 هبات ساخنة او قشعريرة
🔴 إحساس بالاختناق
🔴 آلام أو ضيق في الصدر
🔴 جفاف في الفم
🔴 الارتباك
🔴 غثيان
🔴 دوخة
🔴 صداع

طيب شو أنواع الرهاب ؟
كتير في انواع للرهاب ويمكن بعضها غريبة 😂 بس اكثرها شيوعا هي :

‏🔷 Claustrophobia :
وهي الخوف من التواجد في الأماكن المغلقة والضيقة.

‏🔷 Aerophobia ايروفوبيا:
الخوف من الطيران.

‏🔷 Arachnophobia :
الخوف من العناكب.

‏🔷 Driving phobia رهاب القيادة:
الخوف من قيادة السيارة.

‏🔷 Emetophobia :
الخوف من القيء

‏🔷 Erythrophobia رهاب الحمى :
الخوف من احمرار الوجه

‏🔷 Hypochondria هيبوكوندريا:
الخوف من الإصابة بالمرض.

‏🔷 Zoophobia:
الخوف من الحيوانات

‏🔷 Aquaphobia أكوافوبيا:
الخوف من الماء.

‏🔷 Acrophobia أكروفوبيا:
الخوف من المرتفعات.

‏🔷 Blood, injury, and injection (BII) phobia:
رهاب الدم والإصابة والحقن، اي الخوف من الإصابات التي تشمل الدم.

‏🔷 Escalaphobia:
الخوف من السلالم المتحركة.

‏🔷 Tunnel phobia رهاب الانفاق:
الخوف من الأنفاق.

برايكم شو اكتر نوع رهاب " فوبيا" منتشر بين الناس؟

26/03/2021

كتير منّا عنده نقص بفيتامين د ، بس هل سمعنا بنقص فيتامين د للأطفال ؟ 🧐

فيتامين د مهم لكتير عمليات حيوية بالجسم ، الجسم بيقدر يصنعه بس يتم التعرض لأشعة الشمس ، لأنه في جزيئات موجودة بالجلد رح تصنع فيتامين د بوجود أشعة الشمس ، وكمان ممكن ناخد فيتامين د من خلال الغذاء 🍎🥝🍋
فيتامين د بتم تخزينه بأجسام البالغين لعدة أشهر حتى يستفيد منه الجسم في حال عدم تواجده بالغذاء أو عدم التعرض لأشعة الشمس 🔥

طيب فيتامين د ليه مهم ؟ لأنه مسؤول عن امتصاص الكالسيوم والفوسفات من الغذاء عشان الجسم يستفيد منهم ، اذا طالما ما في فيتامين د اذا ما ح نقدر نستفيد من هدول المعادن وبالتالي مين رح يتأثر أكتر شي ؟ العظام ، لأنه الكالسيوم والفوسفات معادن مهمة لبناء العظام🦴

لو فيتامين د موجود والغذاء مش غني بالكالسيوم والفوسفات ، كمان رح تتأثر العظام وتصير ضعيفة وما رح يتم بناءها بشكل صحيح ‼️ لأنه ما في كالسيوم يقدر فيتامين د يمتصه عشان يستخدمه لبناء العظام 😣

في عنا مرض اسمه كساح الأطفال ( rickets disease ) سمعتو فيه ؟ 😕
هاد المرض بصيب الأطفال ، أعراضه ضعف بالنمو ، ألم بالعظام ، وحتى العظام ما بتكون قوية وما بكون بناءها صحيح 💔
طيب شو سببه ؟
سببه نقص فيتامين د أو فقر وضعف الغذاء " غذاء الطفل ما بكون غني بالمعادن اللازم للنمو وبناء العظام "
بس !
بنقدر يتفادى هاد المرض بأنه نعرض أطفالنا لأشعة الشمس 🌞 لأنها بتلعب دور كتير كبير بتصنيع فيتامين د بالجسم ، ولا تنسوا تنتبهوا على غذائهم يكون عني بالكالسيوم ( متل البيض والسمك والحليب والخضار الورقية )

ننتبه أنه الأطفال ما بتقدر تخزن فيتامين د بجسمها متل البالغين ، عشان هيك مهم جداً ننتبه لغذاء الأطفال وفترات تعرضهم للشمس حتى نحافظ ع صحتهم . ❤️🙏🏻

25/03/2021

الانسولين ؟ وشو ممكن يعمل بجسمنا وليه هو كتير مهم ؟ 🧐
الانسولين هو هرمون بيفرزه البنكرياس ، يتم إفرازه لما يرتفع مستوى السكر ( الجلوكوز ) بالدم

بنعرف إنه مرضى السُكري بياخدوا انسولين بجرعات محددة من قبل الطبيب صح ؟
طيب أصلاً ليه بياخدوا انسولين شو المشكلة بتكون ؟
مرضى السكري عندهم ارتفاع السكر ( الجلوكوز ) بالدم ، هاد الارتفاع نتيجة خلل بهرمون الانسولين ، لأنه هرمون الانسولين مسؤول عن إنه يخفض مستوى السكر بالدم ليتم استهلاكه من قبل الخلايا وإنتاج الطاقة 🔥💪🏻
طالما عندي خلل بهرمون الانسولين ، إذاً السكر ما رح يقدر يدخل الخلايا وبالتالي ما رح يصير إنتاج للطاقة بشكل كافي وبنفس الوقت رح يضل مستوى السكر بالدم عالي ↗️

عشان هيك مريض السكري لازم يلتزم بأدويته الي تم وصفها من قبل الطبيب وبالجرعات والأوقات المحددة ‼️

طيب شو ممكن يعمل كمان الانسولين ؟
الانسولين بساعد على بناء البروتينات والدهون يلي بحتاجها الجسم وزي ما حكينا بساعد على إنتاج الطاقة وخصوصاً بالعضلات .
اه صح وكمان بساعد إنه يتم تخزين السكر الزائد عن حاجة الجسم على شكل جلايكوجين ، ليتم استخدامه وقت حاجته ويقدر الجسم يكمل عملياته الحيوية .

سبحان من خلق فأبدع 🤍 هو أحد هرمونات الجسم لكن شغله وعمله كتير مهم !

24/03/2021

عمرك فكرت ليه دايما بحكولنا عن أهمية الفلورايد في منع تسوسات الأسنان ؟
وليه دايما بنحط فلورايد للأطفال كل 6 أشهر ؟ 🧐

طيب كل الفكرة بتتركز أنه طبيعياً عنا جوا الفم بكتيريا 🦠 هاي البكتيريا لما يكون في بقايا طعام ع الأسنان بتتغذى وبتنتج طاقة وبالتالي رح تبدا شغلها وتبلش تعمل تسوسات بالأسنان 😣
بس !!!
الفلورايد بمنع البكتيريا من أنها تنتج طاقة ... كيف ؟ بوقف إحدى خطوات عملية إنتاج الطاقة جوا البكتيريا " لأنه البكتيريا خلية زي أي خلية بنعرفها وبتنتج طاقة لما يتوفر الها مصدر غذاء " ، بالتالي لما نوقف إنتاج الطاقة بالبكتيريا ما رح تقدر تشتغل وبالتالي نحمي الأسنان من التسوس 😄

وهيك بنقدر نحكي عرفنا أهمية الفلورايد للأسنان 🦷

12/03/2021

حكينا شوي عن الدماغ ، واتفقنا أنه الأعصاب هي وسيلة التواصل بين الدماغ وأعضاء الجسم ، هلا ح نحكي عن الحبل الشوكي 🔥

هو من أجزاء الجهاز العصبي المركزي ، محمي جوا مجموعة من العظام ، عرفتهم ؟! ايوا العمود الفقري .

بيستقبل الاشارات والتنبيهات من جميع أجزاء الجسم عن طريق الأعصاب .

لازم كتير ننتبه بأي حادث كان على سلامة العمود الفقري وبالتالي الحبل الشوكي ، ليه ؟ لأنه أي إصابة فيهم رح تعمل فقدان بالحركة والإحساس الجزئي أو الكلي 😥 بالتالي لازم نكون حذرين جداً بالتعامل مع أي حادث أو مصاب ونحط ببالنا أنه ممكن يكون عنده إصابة بالحبل الشوكي .

12/03/2021

شربت كاسة شاي اليوم الصبح ؟ طيب لما شفت الكاسة كيف ايدك تحركت واخدت الكاسة ؟ ليه تحركت ايدك هاي المسافة وبهاد الاتجاه ؟ ليه ما تحركت مسافة اطول شوي ؟
لأنه في عضو مسؤول عن كل هاي التفاصيل يسمى بالدماغ !🤍 مسؤول عن حركات جسمك الدقيقة ، تفكيرك ، فهم المعلومات يلي هلا بتقرأها ، وكل حركة من حركات جسمك ممكن تخطر ببالك .🔥

ولأنه هاد العضو كتير مهم ، ربنا حماه بعظام قوية ، عظام جمجمة الرأس ، عشان هيك أي كسر أو ضربة على رأس ضروري نتعامل معها بسرعة وبحذر حتى ما نأثر ع الدماغ ونسبب أي مشكلة للجسم .

طيب خليكم معي ، الدماغ موجود بالجمجمة صح ؟ طيب كيف ح يستقبل الإشارات من أعضاء الجسم المختلفة ويرسل استجابة الها حتى نقدر نتحرك ؟
عن طريق ما يُسمى بالأعصاب 😍 الأعصاب هي شبكة كتير كبيرة بتوصل كل أنسجة وأعضاء جسمك للدماغ وللحبل الشوكي ، حتى يقدروا يتحكموا بحركتك وشعورك بالأشياء حوليك وردة فعلك .

طيب بدنا نعرف أكتر عن الحبل الشوكي 🧐 خليكم معنا بالبوست القادم ❤️

02/03/2021

ماهو الكوليسترول cholesterol ؟
هو مادة دهنية شمعية القوام تتواجد في كل خلية من خلايا الجسم، من فوائد الكوليسترول أنه يساعد على هضم الدهون وبناء الجدر الخلوية وتكوين الهرمونات.
لكن وبالرغم من فوائده العديدة إلا أن زيادته قد تكون لها عواقب وخيمة.
ف الكوليسترول في بعض الأحيان يؤثر على الاوعية الدموية ويعمل على انسدادها، مما يزيد من فرصة ومخاطر الإصابة بالأزمات القلبية و الجلطات.

يتم حمل الكوليسترول في الدم بواسطة نواقل مخصصة لذلك تسمى ليبوبروتينات lipoproteins وهناك نوعان رئيسيان من هذه الليبوبروتينات وهما :
منخفض الكثافة (LDL)
وعالي الكثافة(HDL)

( LDL)
يساهم هذا النوع بشكل كبير بتراكم الكوليسترول على جدران الشرايين. لذلك فالعمل على خفض مستوى الليبوبروتين منخفض الكثافة في الدم (LDL) عامل رئيس لتقليل فرصة ومخاطر الإصابة بأمراض القلب و الشرايين.

(HDL)
يساعد هذا النوع على منع أو تقليل تراكم الكوليسترول على جدران الشرايين حيث يعمل هذا الليبوبروتين على حمل الكوليسترول من الدم إلى الكبد للتخلص منه، لذلك فإن زيادة مستواه في الدم يعتبر أمرا جيدا

ماذا تعني نتائج تحليل الكوليسترول؟
إن ارتفاع مستوى الكوليسترول في الدم ليس له أعراض، فلا يدرك كثير من الناس أنهم يعانون من زيادة مستوى الكوليسترول، لذلك ينصح لمن هم فوق سن العشرين عمل فحص الكولسترول بشكل دوري، وعادة يتم إجراء عدد من الفحوصات تشمل الكوليسترول الكلي و الكوليسترول الغير الجيد و الكوليسترول والدهون ثلاثية الجليسريد بعد صيام مابين ثمان ساعات إلى 12ساعة

ما هي العوامل التي تؤثر على مستوى الكوليسترول في الدم؟
هناك عدة عوامل تؤدي إلى زيادة مستوى الكوليسترول في الدم، منها ما هو وراثي ومنها ما هو مكتسب، كالسمنة و الخمول و الحمية غير المتوازنة،.

إن فهم كيفية تأثير هذه العوامل على مستوى الكوليسترول مهم للوقاية من أخطار زيادته وعلاجها

١. الوراثة..... هناك عوامل وراثية تسهم في تحديد كمية الكوليسترول التي ينتجها الجسم.، فوجود تاريخ عائلي بالاصابة بالأمراض القلبية وارتفاع مستوى الكوليسترول تزيد تلقائيا من مخاطر الإصابة، ولا يمكن تغيرها، لذلك يجب التركيز على العوامل الأخرى التي نستطيع التحكم بها.

٢. العمر و الجنس..... مع تقدم العمر عادة ما يرتفع مستوى الكوليسترول في الدم، وغالبا ما يكون مستوى الكوليسترول أقل عند النساء منه عند الرجال، ولكن مع دخول النساء مرحلة انقطاع الطمث وتغير مستويات الهرمونات يبدأ مستوى الكوليسترول الغير جيد بالارتفاع.

٣. الوزن..... تعتبر السمنة عاملا من عوامل ارتفاع مستوى الكوليسترول في الدم وبالتالي زيادة فرصة الإصابة بأمراض القلب والشرايين. لذلك فإن التخلص من الوزن الزائد يساعد على تخفيض مستوى الكوليسترول الغير جيد والكوليسترول الكلي والدهون الثلاثية الجليسريد بالإضافة إلى رفع مستوى الكوليسترول الجيد

٤. النشاط الجسدي و الحركة..... الخمول وقلة النشاط الجسدي من عوامل زيادة فرصة الإصابة بأمراض القلب والشرايين وارتفاع مستوى الكوليسترول في الدم، لذلك فان ممارسة الرياضة بانتظام ثلاث مرات أسبوعيا لمدة لا تقل عن نصف ساعة في كل مرة تساعد على تخفيض مستوى الكوليسترول الغير جيد و زيادة مستوى الكوليسترول الجيد.

٥. الحمية.... إن زيادة استهلاك الدهون و بالأخص الدهون المشبعة تؤدي إلى زيادة مستوى الكوليسترول في الدم. اما تقليل استهلاك الدهون بشكل عام والدهون المشبعة بشكل خاص يساعد على تخفيض مستوى الكوليسترول

كيف تستطيع مساعدة نفسك؟
١. الحفاظ على وزن صحي
٢. ممارسة التمارين الرياضية (٣ مرات أسبوعيا لمدة ٣٠ دقيقة على الاقل)
٣. اتباع حمية متوازنة قليلة الدهون
٤. عمل فحوصات الدهنيات بشكل دوري

26/02/2021

طيب تنظيف الأسنان كم مرة لازم يكون خلال اليوم ؟ من مرتين ل ٣ مرات ويفضل نستخدم الخيط مرة واحدة يومياً

تنظيف الأسنان بعد ما نصحى ع طول مهم ، لأنه خلال النوم بيقل إنتاج اللعاب يلي بساعد على المحافظة على الأسنان وبالتالي بتتراكم البكتيريا ، وأغلب أطباء الأسنان بينصحوا بالتنظيف قبل وجبة الإفطار حتى ما تروح هاي البكتيريا ع المعدة 😥.

وكمان التنظيف قبل النوم مهم ، زي ما حكينا بتتراكم البكتيريا بالفم خلال النوم ولو كان في بقايا أكل بين الأسنان ح تزداد فرصة حدوث التسوس ، عشان هيك لازم نحرص على تنظيفهم منيح قبل النوم .

ديروا بالكم ع أسنانكم ، لأنها من أقوى الأنسجة بجسمكم ومهم نحافظ عليها 🦷🩺

‏

26/02/2021

بعد ما عرفنا كيف بتصير تسوسات الأسنان ، صار وقت نعرف طريقة تنظيف الأسنان الصحيحة حتى نقدر نحافظ على أسناننا سليمة ❤️

شوفوا الفيديو وتعوا كملوا البوست 🔥👇🏻

https://m.youtube.com/watch?pbjreload=101&v=olsUdRrYY70

بالبداية احنا لما بننظف أسناننا بنراعي اتجاه اللثة حتى ما نسبب أي أذى للثة، فالتنظيف بالفك العلوي بكون من اللثة للأسفل بس بدون ما نرجع نطلع لفوق ، والفك السفلي بكون من الأسفل للأعلى بس مع اتجاه اللثة وزي ما شفنا بالفيديو .

طيب هيك بس ؟ لا بعدها بننظف أسطح الأسنان وبنحاول ننظف الأسنان من جوا بنفس طريقة تنظيفنا الهم من برا .

لازم ننتبه أنه نوصل لكل الأسنان مع التنظيف وخصوصاً الطواحين يلي بنهاية الفك ، حتى نحميها من التسوسات ونحافظ عليها طول العمر .

طيب شو أهمية استخدام خيط الأسنان ؟
كتير مناطق فرشاة الأسنان ما بتوصللها خلال التنظيف ، منها الفراغات الصغيرة ما بين الأسنان ، هاي الفراغات بتراكم فيها بقايا الأكل ومع التراكمات ومرور الوقت رح يصير عنا تسوسات جانبية ما بين الأسنان ووقتها احنا ممكن نسبب ضرر لأكتر من سن واحد ، عشان هيك يفضل تنظيف الأسنان بالخيط حتى نضمن أنه بقايا الأكل العالقة ما بين الأسنان تم إزالتها .

‏

26/02/2021

كيف بصير تسوس الأسنان ؟
طبيعياً ، في أنواع من البكتيريا موجودة في الفم ، لما احنا بناكل .. الأكل يحتوي على سكر ، هاد السكر رح يتفاعل مع البكتيريا ويعمللنا تسوس بالأسنان .

طيب كيف ممكن نتجنب أنه يصير تسوس ؟
التسوس بصير لما يضل الأكل فترة طويلة على أسطح الأسنان أو عالق بينها بدون تنظيف ، بحيث خلال هاي الفترة بصير التفاعل بين البكتيريا وبقايا الطعام وبتعمللنا تسوس بالسن ، عشان نتجنب هاي التسوسات لازم يتم تنظيف الأسنان من مرتين إلى 3 مرات يومياً ، بحيث نحافظ على نظافة الأسنان ونمنع حدوث التسوسات .

طريقة تنظيف الأسنان الصحيحة ؟ ح نتعرف عليها في بوست الساعة 7:00 🕖 مساءً 🔥

‏

26/02/2021

السن بيتكون من ٣ طبقات ، اللب || pulp ، العاج ||dentine والمينا || enamel ، من الداخل للخارج ، شوفوا الصورة تحت 👇🏻🤍

اللب || pulpهي الطبقة الداخلية للسن وبتحتوي على عصب السن والأوعية الدموية يلي رح تغذي هاد السن
بيحميها طبقة العاج || dentin ، لأنه اللب كتير مهم فلازم يكون في طبقة يحميها ، العاج بيتكون من مجموعة من المواد هاي المواد بتعطي لون أصفر للسن

طيب وبعد العاج عنا المينا || enamel ، المينا لونها أبيض شفاف بالغالب و بتزداد الشفافية مع ازدياد العمر ، كلما زادت الشفافية رح يظهر لون طبقة العاج أكتر ويصير لون السن أصفر ودرجة الإصفرار تزيد .

طيب في أسنان ممكن يكون لونها أكثر إصفراراً من أسنان تانية ؟
طبعاً في ، الأنياب بتكون لونها أصفر بدرجة أكبر من القواطع الأمامية ، والطواحين كمان أصفر بدرجة أكبر من القواطع الأمامية ، لأنه العاج فيهم أكتر .

تسوس الأسنان ؟ سببه ؟ وطريقة تنظيف الأسنان الصحيحة ؟ خليكم معنا بالبوست التالي 🔥❤️

‏

Medical Glimpse - لمحة طبية

18/01/2023

31/05/2021

26/03/2021

25/03/2021

24/03/2021

12/03/2021

12/03/2021

02/03/2021

26/02/2021

26/02/2021

26/02/2021

26/02/2021

Address

Website

Alerts

Shortcuts

Featured

Share

Category