04/05/2018
يسعد مساؤكم وجمعة مباركة عالجميع 😃
اليوم راح نحكي عن العناية بالشعر 💁🏻♀️
اغلبنا بعاني من تساقط بالشعر ، شعر جاف وما فيو لمعان ، شعر خفيف ومش قوي وهالاشي بأثر علينا بشكل سلبي 💔
خلونا نتعرف كيف نحصل على شعر صحي وقوي 💪🏻
الشعر بحتاج منا عناية داخلية وخارجية
*داخلية : يعني طبيعة الأكل والفيتامينات الي بنتناولها ، ومن أهم الأطعمة المفيدة للحصول على شعر قوي وصحي :
-السمك بشكل عام ( السلمون بشكل خاص ) 🐠 ؛حيث يحتوي على فيتامين D و اوميغا 3
-اللحمة 🍖؛ حيث تحتوي على البروتين و فيتامين B وحديد و زنك
-البيض 🥚؛ حيث يحتوي على البروتين وفيتامين B
-البقوليات ( العدس ، الفاصولياء .. ) ؛ حيث تحتوي على فيتامين B وحديد وزنك
-الفلفل بمختلف أنواعه و ألوانه ؛ حيث يحتوي على فيتامين C
-السبانخ ؛ حيث يحتوي على الحديد و الفوليك أسد
-المحار ؛ حيث يحتوي على الزنك
-الفواكة ( خوخ ، جوافه .. ) 🍒🍐🍑؛ حيث تحتوي على الحديد وفيتامين C والعديد من الفيتامينات
- الجزر 🥕؛ يحتوي على فيتامين A
طبعا مش كل الناس بتوخد حاجتها من الاكل عشان هيك بقدروا يحصلوا عليها من حبوب الفيتاميات الخاصه بالشعر الموجوده بالصيدليات مثل
Hair , skin & nails .. perfectil .. Biotin
نحكي هسه عن الطريقة الخارجية :
-شعرنا بحتاج الى زيوت طبيعية لحتى يرجعلو اللمعان والقوة مثل زيت جوز الهند .. زيت الارجان .. زيت الجرجير .. زيت الحشيش .. الصبار وكثير زيوت مهمة للشعر
- فيتامينات بخاخ للشعر مثل panthophil : بنرش عالشعر مره باليوم وبنترك لحتى ينشف
- فرشاة شعر ناعمة و نبعد عن السشوار قدر المستطاع ونحاول نترك الشعر مفرود لاطول فتره ممكنة
-قص اطراف الشعر كل فتره للتخلص من الاطراف المتقصفه 💇🏻♀️
* أخر اشي و أهم اشي النفسية ثم النفسية ثم النفسية 😃
اكثر عامل بأثر على صحة الجسم والشعر هو العامل النفسي لهيك خليك دائما متفائل ومرتاح ومبسوط حتى لو الحياه مش مساعده اصنع انت السعادة😉
و دمتم بصحة وسعادة 😍