ウェブサイトとは何ですか？

https://www.facebook.com/608687466155764/

Welyf, Kochi, Kochi-shi (2025)

03/07/2022

Our Senior Diabetologist Dr Sheeja Srinivas @ Lifestyle Diseases detection Camp, Cheranalloor

18/08/2020

മഴക്കാലത്തെ ഭക്ഷണത്തിന് എന്താ ഇത്ര പ്രത്യേകത? കാണാം ഈ വീഡിയോ

25/11/2019

#പ്രമേഹം_കുടുംബജീവിതത്തെ_എങ്ങനെ_ബാധിക്കുന്നു? സീനിയർ ഡയബറ്റോളജിസ്റ്റ് ഡോ.ഷീജ ശ്രീനിവാസ് ഇടമന പറയുന്നത് നോക്കാം.
ഈ വർഷവും കഴിഞ്ഞവർഷവും ലോക പ്രമേഹദിന സന്ദേശം ഒന്നുതന്നെ. പ്രമേഹചികിൽസയിലും പ്രതിരോധത്തിലും കുടുംബത്തിന്റെ പ്രാധാന്യം വ്യക്തമാക്കാനാണ‌് 2018ലും 2019ലും വർഷങ്ങളിൽ ലോക പ്രമേഹദിന സന്ദേശം ‘പ്രമേഹവും കുടുംബവും’ എന്നാക്കിയത‌്. പ്രമേഹത്തെ സംബന്ധിച്ചിടത്തോളം കുടുംബത്തിന്റെ പ്രാധാന്യം മൂന്നുതലങ്ങളിലായി പ്രതിപാദിക്കാം.
1 പ്രമേഹം ഒരു കുടുംബസ്വത്ത‌്:
ടൈപ്പ 1 പ്രമേഹത്തിനും കുടുംബപാരമ്പര്യത്തിന‌് സ്ഥാനമുണ്ടെങ്കിലും ടൈപ്പ‌് 2 പ്രമേഹത്തിനാണ‌് കുടുംബപാരമ്പര്യത്തിന‌് കൂടുതൽ പ്രാധാന്യം. നമ്മുടെ രക്തബന്ധത്തിലുള്ളവർക്ക‌് പ്രമേഹം ഉണ്ടെങ്കിൽ വരുംതലമുറക്ക‌് പ്രമേഹം വരാനുള്ള സാധ്യത കൂടുതലാണ‌്. മുൻതലമുറക്ക‌് വന്നതിലും പത്തുവർഷം മുമ്പേ വരുംതലമുറയിൽ പ്രമേഹം കണ്ടുവരാറുണ്ട‌്. അതുകൊണ്ടുതന്നെ കുടുംബപാരമ്പര്യത്തിൽ ആർക്കെങ്കിലും പ്രമേഹമുണ്ടെങ്കിൽ ചെറുപ്പകാലംമുതൽക്കേ അതിനെ പ്രതിരോധിക്കാനായി ആരോഗ്യപ്രദമായ ഭക്ഷണരീതികളും ജീവിതശൈലികളും സ്വായത്തമാക്കി ശരീരഭാരം ഉയരത്തിനു ആനുപാതികമായി ക്രമീകരിക്കാൻ ശ്രദ്ധിക്കണം. കുട്ടിക്കാലം മുതൽക്കേ വ്യായാമം ജീവിതത്തിന്റെ ഭാഗമാക്കാനും ശ്രദ്ധിക്കണം.

2 പ്രമേഹം﹣- കുടുംബത്തിന്റെ സ്വൈരക്കേട്‌
ഒരിക്കൽ എന്റെ ചികിൽസയിലുള്ള ടൈപ്പ‌് 1 പ്രമേഹമുള്ള പെൺകുട്ടിയും അമ്മയും പരിശോധനക്ക‌് വന്നപ്പോൾ വളരെ വിഷമത്താടെ പറഞ്ഞു. ‘പ്രമേഹരോഗം പിടിപെട്ടതുകൊണ്ട‌് ബന്ധം ഒഴിവാക്കണമെന്നാണ‌് ഭർതൃവീട്ടുകാർ പറയുന്നത‌്. ഡോക്ടർ അവരോടൊന്ന‌് സംസാരിക്കണം. എന്റെ സംസാരംകൊണ്ട‌് ഒരു കുടുംബബന്ധം തുടർന്നുപോകുമെങ്കിൽ അതാവട്ടെ എന്നു പറഞ്ഞ‌് പെൺകുട്ടിയുടെ ഗൾഫിലുള്ള ഭർത്താവിനോട‌് ഫോണിൽ സംസാരിച്ചു‌. സത്യത്തിൽ പ്രമേഹം എന്നത‌് ഒരു ജീവിത പങ്കാളിയിൽ ഒട്ടനവധി സംശയങ്ങൾക്കിടയാക്കും. പ്രമേഹം ലൈംഗിക ബന്ധത്തെ ബാധിക്കുമോ, ഭാവിയിൽ കുഞ്ഞുങ്ങളുണ്ടാകാൻ ബുദ്ധിമുട്ടുണ്ടാകുമോ തുടങ്ങിയ ചിന്തകൾ പങ്കാളിക്കുണ്ടാകാം. ഇതു ഒരു പരിധിവരെ ശരിയുമാണ‌്.
പ്രമേഹം സ‌്ത്രീകളിലും പുരുഷന്മാരിലും ലൈംഗികാസക്തി കുറയ‌്ക്കുകയും പുരുഷന്മാരിൽ ഉദ്ധാരണക്കുറവിനു പോലും കാരണമാവാറുമുണ്ട‌്. തന്മൂലം കുടുംബ ബന്ധങ്ങൾ ശിഥിലമാവാനും കാരണമായേക്കാം. അതുപോലെതന്നെ പ്രമേഹമുള്ള സ‌്ത്രീകളിൽ ഗർഭം അലസാനും കുഞ്ഞിനു അംഗവൈകല്യം ഉണ്ടാവാനുള്ള സാധ്യതയുമുണ്ട‌്.
മറ്റൊന്ന‌് പ്രമേഹവും അതിന്റെ സങ്കീർണതകളും കുടുംബത്തിന്റെ സമ്പദ‌് വ്യവസ്ഥയെ തകിടം മറിയ‌്ക്കാം. പ്രമേഹത്തിന്റെ സങ്കീർണ്ണതകൾമൂലം ജോലിയ‌്ക്ക‌് പോകാൻ കഴിയാതെവരുമ്പോൾ വരുമാനം കുറയുകയും, ആശുപത്രിവാസം, മരുന്നുകളുടെ ചെലവ‌് തുടങ്ങിയവ ചെലവ‌് വർധിപ്പിക്കുകയും ചെയ്യും. ഇതെല്ലാം കുടുംബസമാധാനം നഷ്ടപ്പെടുത്തും.

3 പ്രമേഹചികിത്സയിലും പ്രതിരോധത്തിലും കുടുംബത്തിന്റെ കരുതൽ:
പ്രമേഹരോഗം സങ്കീർണമാകുന്നത‌് മിക്കവാറും ആളുകളെ സംബന്ധിച്ചിടത്തോളം ഒരു മാനസിക വിഷമമാണ‌്. ഇത‌് ഇല്ലാതാക്കാൻ ഒരു പരിധിവരെ കുടുംബത്തിനു കഴിയും. പ്രമേഹരോഗിക്ക‌് ഒരു പ്രത്യേകഭക്ഷണം എന്ന രീതിയിൽ അല്ലാതെ കുടുംബത്തിൽ എല്ലാവരും ആരോഗ്യപ്രദമായ ഒരു ഭക്ഷണരീതിൽ പിന്തുടരുകയാണു നല്ലത‌്. ഇതു വരുംതലമുറയിൽ പ്രമേഹത്തെ പ്രതിരോധിക്കാൻ കഴിയും. പ്രമേഹത്തിന്റെ ലക്ഷണങ്ങളെപ്പറ്റിയും അതിന്റെ സങ്കീർണ്ണതകളെപ്പറ്റിയും കുടുംബത്തിൽ എല്ലാവരും അറിഞ്ഞിരിക്കണം. പ്രമേഹം കൂടിയിരിക്കുന്ന അവസ്ഥയിലെയും കുറഞ്ഞിരിക്കുന്ന സമയത്തെയും ലക്ഷണങ്ങൾ കുടുംബാഗങ്ങൾ മനസ്സിലാക്കുന്നത‌് ഉചിതസമയത്ത‌് ചികിത്സ ലഭ്യമാക്കാൻ സഹായിക്കും. മരുന്ന‌് കൃത്യമായി കഴിക്കാനും ചിട്ടയായി വ്യായാമം ചെയ്യാനും കുടുംബം പ്രേരിപ്പിക്കണം. കുടുംബം ശ്രദ്ധ ചെലുത്തിയാൽ കുടുംബകൂട്ടായ‌്മകളിലും അനാരോഗ്യകരമായ ഭക്ഷണരീതികൾ ഒഴിവാക്കാൻ സാധിക്കും. രോഗിക്ക‌് ക്ഷീണം, തളർച്ച എന്നിവയുണ്ടെങ്കിൽ അതു മനസ്സിലാക്കി പെരുമാറാൻ കുടുംബാംഗങ്ങൾക്ക‌് കഴിയണം. അതുപോലെതന്നെ രോഗിക്ക‌് മാനസിക സമ്മർദം ഉണ്ടാകാതിരിക്കാനും കുടുംബാംഗങ്ങൾ ശ്രദ്ധിക്കണം.
സമൂഹത്തിന്റെ ചെറിയ ഘടകമായ കുടുംബത്തിൽ ആരോഗ്യപ്രദമായ ശീലങ്ങൾ പ്രാവർത്തികമാക്കി കുടുംബത്തിലും സമൂഹത്തിലും പ്രമേഹത്തെ നിയന്ത്രിക്കാനും പ്രതിരോധിക്കാനും നമുക്ക‌് സാധിക്കട്ടെ...
(സീനിയർ ഡയബറ്റോളജിസ‌്റ്റും സംസ്ഥാന ഹെൽത്ത‌് സർവീസിൽ മെഡിക്കൽ മെഡിക്കൽ ഓഫീസറുമാണ‌് ലേഖിക)

17/11/2019

We are very happy @ this World Diabetes Day. Team Welyf kids present a Skit on Junk Food @ Durbarhall Ground in connection with Womens IMA (WIMA) n AEDEN Diab day celebration. Cine Director LalJose imaugurated function.

04/11/2019

#യുവതലമുറയില_എന്തുകൊണ്ട്_പ്രമേഹം
യുവതലമുറയുടെ ജീവിതശൈലി മധ്യവയസ്കരുടെയോ വൃദ്ധരുടെയോ ജീവിതശൈലിയില്‍നിന്ന് തികച്ചും വ്യത്യസ്തമാണ്. ഇന്ന് യുവജനങ്ങള്‍ ഭക്ഷണത്തിന്കൂടുതലും ഹോട്ടലുകളെയോ ഫാസ്റ്റ് ഫുഡ് കേന്ദ്രങ്ങളെയോ ആണ് ആശ്രയിക്കുന്നത്. മാത്രമല്ല, കലോറി കൂടുതലുള്ള കൊഴുപ്പുകൂടിയ ഭക്ഷണങ്ങള്‍, ശീതളപാനീയങ്ങള്‍, ബര്‍ഗര്‍, പഫ്സ്, പിസ, മധുരപലഹാരങ്ങള്‍ ഇവയൊക്കെയാണ് ചെറുപ്പക്കാരുടെ ഇഷ്ടവിഭവങ്ങള്‍. യുവജനങ്ങളിലും കുഞ്ഞുങ്ങളിലും വ്യായാമം വളരെ കുറവാണ്. അവര്‍ അധികസമയവും ചെലവഴിക്കുന്നത് ടിവി, കംപ്യൂട്ടര്‍, മൊബൈല്‍ ഫോണ്‍ തുടങ്ങിയവയ്ക്ക് മുന്നിലാണ്. കുഞ്ഞുങ്ങള്‍പോലും ഇന്ന് ശാരീരികാധ്വാനമുള്ള കളികളില്‍ ഏര്‍പ്പെടുന്നത് വിരളമാണ്. ഇതിനുപുറമെ മാനസികപിരിമുറക്കവും പ്രധാന ഘടകമാണ്. സ്കൂള്‍കാലം മുതല്‍തന്നെ പഠനഭാരം കുഞ്ഞുങ്ങളില്‍ വലിയ മാനസിക സമ്മര്‍ദം ഉണ്ടാക്കുന്നുണ്ട്. ജോലിസ്ഥലങ്ങളിലെ കടുത്തമത്സരം, ലക്ഷ്യം നേടാനുള്ള അമിതവ്യഗ്രത, ശാരീരികാധ്വാനം ഇല്ലാത്ത ജോലികള്‍ ഇവയും കാരണമാകുന്നു. #

04/11/2019

#പ്രമേഹ_പൂര്‍വാവസ്ഥ വ്യാപകം
പ്രമേഹത്തെ സംബന്ധിച്ചിടത്തോളം വളരെ പ്രാധാന്യമുള്ള ഒരു കാലയളവാണ് പ്രി-ഡയബറ്റിസ്. പ്രമേഹ പൂര്‍വാവസ്ഥയില്‍ ഇന്‍സുലിന്റെ ശരിയായ പ്രവര്‍ത്തനം നടക്കാത്തതിനാല്‍ (ഇന്‍സുലിന്‍ റെസിസ്റ്റന്‍സ്) രക്തത്തിലെ പഞ്ചസാരയുടെ അളവ് കൂടുകയും ഇതുമൂലം ഇന്‍സുലിന്റെ ഉല്‍പ്പാദനം വര്‍ധിപ്പിക്കാനുള്ള സന്ദേശം തലച്ചോറില്‍നിന്ന് ബീറ്റാകോശങ്ങള്‍ക്ക് ലഭിക്കുകയും അതുവഴി കൂടുതല്‍ ഇന്‍സുലിന്‍ ഉല്‍പ്പാദിപ്പിക്കുകയും ചെയ്യും (ഹൈപ്പര്‍ ഇന്‍സുലിനീമിയ). അതിനാല്‍ ചിലപ്പോള്‍ ഭക്ഷണംകഴിഞ്ഞ് ഏതാനും മണിക്കൂറുകള്‍ക്കുശേഷം രക്തത്തിലെ പഞ്ചസാര കുറഞ്ഞുപോകുന്ന അവസ്ഥ (ഹൈപ്പോ ഗ്ളൈസീമിയ) ഉണ്ടായേക്കാം. ഇത് ഭാവിയില്‍ പ്രമേഹം വരാനുള്ള ലക്ഷണമാണെന്നു മനസ്സിലാക്കി ഗ്ളൈക്കോസിലേറ്റഡ് ഹീമോഗ്ളോബിന്‍ പരിശോധന നടത്തേണ്ടതാണ്.

പ്രമേഹ പൂര്‍വാവസ്ഥയല്‍ കണ്ടുപിടിക്കാനായാല്‍, ഭക്ഷണനിയന്ത്രണത്തിലൂടെയും ചിട്ടയായ വ്യായാമത്തിലൂടെയും പ്രമേഹാവസ്ഥയിലേക്കുള്ള പുരോഗമനത്തിന് കാലതാസം വരുത്താനും ചില സന്ദര്‍ഭങ്ങളില്‍ പ്രമേഹം തടയാന്‍പോലും സാധിക്കും.

പ്രമേഹ പൂര്‍വാവസ്ഥയില്‍ പത്തോ പതിനഞ്ചോ വര്‍ഷം പോയശേഷം മാത്രമാണ് പ്രമേഹാവസ്ഥ എത്തുന്നത്്. എന്നാല്‍ പ്രമേഹ പൂര്‍വാവസ്ഥയില്‍പ്പോലും പ്രമേഹത്തിന്റെ സങ്കീര്‍ണതകള്‍ കണ്ണിനെയോ ഹൃദയത്തെയോ വൃക്കകളെയോ ബാധിക്കമെന്നത് പ്രമേഹം പൂര്‍വാവസ്ഥയില്‍തന്നെ കണ്ടുപിടിക്കേണ്ടതിന്റെ പ്രാധാന്യം വ്യക്തമാക്കുന്നു.
രമേഹ പൂര്‍വാവസ്ഥയുടെ മാനദണ്ഡം
വെറുംവയറ്റിലെ രക്തത്തിലെ പഞ്ചസാരയുടെ അളവ് (FBS) 100-125 mg/dL
ഭക്ഷണത്തിന് രണ്ടുമണിക്കൂറിന് ശേഷമുള്ള രക്തത്തിലെ പഞ്ചസാരയുടെ അളവ് 140-199 mg/dL
ഗ്ളൈക്കോസിലേറ്റഡ് ഹീമോഗ്ളോബിന്‍ (HbAIC) 5.7- 6.4% For More details msg or mail Welyf

04/11/2019

#പ്രമേഹം_എന്ത്?_രോഗനിര്‍ണയം, ചികിത്സ, പ്രതിരോധം

ലളിതമായി പറഞ്ഞാല്‍ രക്തത്തിലെ പഞ്ചസാരയുടെ അളവ് ക്രമാതീതമായി വര്‍ധിക്കുന്ന അവസ്ഥയാണ് പ്രമേഹം. രക്തത്തിലെ പഞ്ചസാരയെ ശരീരകോശങ്ങളിലേക്ക് കൊണ്ടുപോകാന്‍ സഹായിക്കുന്ന ഇന്‍സുലിന്‍ എന്ന ഹോര്‍മോണിന്റെ ഉല്‍പ്പാദനമോ പ്രവര്‍ത്തനമോ കുറയുന്നതാണ് പ്രമേഹത്തിന് മുഖ്യകാരണം. ഇന്‍സുലിന്റെ അളവ് കുറയുകയോ ശരീരത്തില്‍ ഉല്‍പ്പാദിപ്പിക്കുന്ന ഇന്‍സുലിന്‍ ശരിയായി പ്രവര്‍ത്തിക്കാതിരിക്കുകയോ (ഇന്‍സുലിന്‍ റെസിസ്റ്റന്‍സ്) ചെയ്യുമ്പോള്‍ രക്തത്തിലെ പഞ്ചസാരയുടെ ശരീരകോശങ്ങളിലേക്കുള്ള പ്രയാണം തടസ്സപ്പെടുകയും തന്മൂലം രക്തത്തില്‍ പഞ്ചസാരയുടെ അളവ് വര്‍ധിക്കുകയും ചെയ്യുന്നു. ഇതിനുപറുമെ ഗ്ളൂക്കഗോണിന്റെ അമിത ഉല്‍പ്പാദനം, ഇന്‍ക്രറ്റിന്‍ ഹോര്‍മോണിന്റെ പ്രവര്‍ത്തനക്കുറവ്, കരളിന്റെ ഗ്ളൂക്കോസിന്റെ അമിത ഉല്‍പ്പാദനം, മാംസപേശികള്‍ ഗ്ളൂക്കോസ് വലിച്ചെടുക്കുന്നത് കുറഞ്ഞുപോവുക, വൃക്കകള്‍ അമിതമായി ഗ്ളൂക്കോസ് തിരിച്ചെടുക്കുന്നത്, ന്യൂറോട്രാന്‍സ്മിറ്ററുകളുടെ പ്രവര്‍ത്തനക്കുറവ്, കൊഴുപ്പിന്റെ അമിതമായ വിഘടനം ഇവയെല്ലാം പ്രമേഹരോഗത്തിനുള്ള വിവിധ കാരണങ്ങളാണ്. For more details n comments mail or msg

04/11/2019

പ്രധാനമായും മൂന്നുതരം പ്രമേഹമാണ് കണ്ടുവരുന്നത്.

1. ടൈപ്പ് ഒന്ന് പ്രമേഹം: സാധാരണയായി കുട്ടികളിലും, ചെറുപ്പക്കാരിലും കണ്ടുവരുന്നു. ഇന്‍സുലിന്‍ മാത്രമാണ് ഇതിന് ചികിത്സ.
2. ടൈപ്പ് രണ്ട് പ്രമേഹം: സാധാരണയായി30 വയസ്സിനുമേല്‍ പ്രായമുള്ളവരെയാണ് ബാധിക്കുന്നത്. ജീവിതശൈലി രോഗമായ പ്രമേഹം ഇതാണ്. ഗുളികകള്‍ ഫലപ്രദമാണെങ്കിലുംവര്‍ഷങ്ങള്‍ക്കുശേഷം ഇന്‍സുലിന്‍ ആവശ്യമായേക്കാം.
3. ഗര്‍ഭാവസ്ഥയിലെ പ്രമേഹം: ഗര്‍ഭാവസ്ഥയില്‍ കണ്ടെത്തുന്ന പ്രമേഹം ഗര്‍ഭിണിയായി മൂന്നുമാസങ്ങള്‍ക്കുശേഷമാകും ഉണ്ടാകുന്നത്.
ഇതിനുപുറമെ മോഡി, ലാഡ, പാന്‍ക്രിയാസിലെ കല്ലുമൂലം ഉണ്ടാവുന്ന പ്രമേഹം (ഫൈബ്രോ കാല്‍ക്കുലസ് പാന്‍ക്രിയാറ്റിക് ഡയബെറ്റിസ്), ഗുളികകളും രാസവസ്തുക്കളും ഉപയോഗിക്കുന്നതുമൂലം ഉണ്ടാകുന്ന പ്രമേഹം ഇവയെല്ലാം പ്രമേഹത്തില്‍പ്പെടുന്നു. For more details n comments mail or msg

04/11/2019

#പ്രമേഹരോഗി നടത്തേണ്ട തുടര്‍പരിശോധനകള്‍
പ്രമേഹത്തിന്റെ ലക്ഷണങ്ങളും രോഗം നിര്‍ണയിക്കുന്നതിനുള്ള സാധാരണ രക്തപരിശോധനയും എല്ലാവര്‍ക്കും അറിയാം. പലപ്പോഴും ഒരു ലക്ഷണവുമില്ലെങ്കിലും ഹെല്‍ത്ത് ചെക്കപ്പ് നടത്തുമ്പോഴാകും പ്രമേഹം കണ്ടുപിടിക്കുക. തുടര്‍പരിശോധനകളെക്കുറിച്ച് പറയാം.
പ്രമേഹം കണ്ടുപിടിക്കപ്പെടുമ്പോഴും അതിനുശേഷം ഓരോ വര്‍ഷവും ആവര്‍ത്തിക്കേണ്ടതുമായവ- ഗ്ളൈക്കോസിലേറ്റഡ് ഹീമോഗ്ളോബിന്‍ , വെറും വയറ്റിലുള്ള ലിപിഡ് പ്രൊഫൈല്‍, കരളിന്റെയും വൃക്കകളുടെയും പ്രവര്‍ത്തനം കാണിക്കുന്ന പരിശോധനകള്‍ , ഇലക്ട്രോ കാര്‍ഡിയോഗ്രാം , കണ്ണിന്റെ റെറ്റിന പരിശോധന, പ്രമേഹപാദ പരിശോധന.

മൂന്നുമാസത്തിലൊരിക്കല്‍- ഗ്ളൈക്കേസിലേറ്റഡ് ഹീമോഗ്ളോബിന്‍
ആറുമാസത്തിലൊരിക്കല്‍- വെറുംവയറ്റിലുള്ള ലിപിഡ് പ്രൊഫൈല്‍
മാസത്തിലൊരിക്കല്‍- വെറുംവയറ്റിലും, ഭക്ഷണത്തിന് രണ്ടുമണിക്കൂര്‍ ശേഷവുമുള്ള രക്തത്തിലെ പഞ്ചസാരയുടെ പരിശോധന.

40 വയസ്സിന് മുകളിലുള്ളവര്‍ രണ്ടുവര്‍ഷത്തില്‍ ഒരിക്കല്‍ ട്രെഡ്മില്‍ ടെസ്റ്റും നടത്തണം.
നമ്മുടെ ദൈനംദിനകാര്യങ്ങള്‍ അതേപടി പാലിച്ചിട്ടാവണം രക്തത്തിലെ പഞ്ചസാരയുടെ അളവ് പരിശോധിക്കേണ്ടത്. അല്ലാതെ രക്തപരിശോധനയ്ക്ക് ഏതാനും ദിവസത്തേക്ക് ഭക്ഷണനിയന്ത്രണവും, വ്യായാമവും ശരിയായ ജീവിതശൈലികളും പാലിച്ചതുകൊണ്ട് ഡോക്ടറെ കബളിപ്പിക്കാം എന്നല്ലാതെ മറ്റ് പ്രയോജനമെന്നും ഇല്ല.
രക്തത്തിലെ ഗ്ളൂക്കോസിന്റെ അളവ് ആ ദിവസങ്ങളില്‍ കഴിക്കുന്ന ഭക്ഷണത്തെ ആശ്രയിച്ചാകും. ഗ്ളൈക്കോസിലേറ്റഡ് ഹീമോഗ്ളോബിന്‍ മൂന്നുമുതല്‍ നാലുമാസംവരെയുള്ള രക്തത്തിലെ ഗ്ളൂക്കോസിന്റെ ഒരു ആപേക്ഷികമൂല്യമാണ്. പരിശോധയ്ക്കുമുമ്പുള്ള മൂന്നുമുതല്‍ നാലുമാസം പ്രമേഹം നിയന്ത്രണവിധേയമായിരുന്നോ എന്ന് ഇതുവഴി മനസ്സിലാക്കാനാവും. ഇടയ്ക്കിടെ രക്തത്തിലെ ഗ്ളൂക്കോസിന്റെ അളവ് കുറഞ്ഞുപോകുന്ന രോഗികള്‍, അനീമിയ ഉള്ളവര്‍, വൃക്കരോഗികള്‍, അടുത്തിടെ രക്തം കയറ്റിയവര്‍, രക്തംപോക്ക് ഉള്ളവര്‍ (ബ്ളീഡങ്), ഹീമോഗ്ളോബിനോപ്പതികള്‍ ഉള്ളവര്‍, രക്തത്തിലെ ട്രൈഗ്ളിസറൈഡുകള്‍ കൂടുതലുള്ളവര്‍, മഞ്ഞപ്പിത്തം ഉള്ളവര്‍ തുടങ്ങിയവരില്‍ മൂല്യം വിശ്വാസ്യയോഗ്യമാകില്ല. for moredetails n suggestions Welyf

04/11/2019

#വ്യായാമം പ്രധാനം
വയസ്സ്, ജനിതക കാരണങ്ങള്‍ തുടങ്ങിയ ചില ഘടകങ്ങള്‍ മാറ്റാന്‍ സാധിക്കില്ല. എന്നിരുന്നാലും ശരിയായ ജീവിതശൈലികള്‍ സ്വായത്തമാക്കുകവഴി പ്രമേഹം പ്രതിരോധിക്കാവുന്നതാണ്.

ഇരിക്കുന്നത് പ്രമേഹസാധ്യത വര്‍ധിപ്പിക്കുമോ
'തുടര്‍ച്ചയായുള്ള ഇരിപ്പുകൊണ്ടുള്ള ദോഷങ്ങള്‍, പുകവലി മൂലമുള്ള ദോഷങ്ങള്‍ക്കു തുല്യമാണെന്ന് പുതിയ പഠനങ്ങള്‍ വ്യക്തമാക്കുന്നു. കൂടുതല്‍ സമയം ഇരിക്കുന്നത് ശരീരഭാരം വര്‍ധിപ്പിക്കാനും, കുടയവര്‍ ഉണ്ടാകാനും വഴിയൊരുക്കും. ഇത് പ്രമേഹസാധ്യതയും കൂട്ടും. രണ്ടുമണിക്കൂര്‍, തുടര്‍ച്ചയായി ഇരിക്കുന്നത് അരമണിക്കൂര്‍ വ്യായാമംചെയ്യുന്നതിന്റെ ഫലം ഇല്ലാതാക്കും. കൂടുതല്‍സമയം ഇരിക്കുന്ന ജോലിയില്‍ ഏര്‍പ്പെടുന്നവര്‍ 45 മിനിറ്റില്‍ കൂടുതല്‍ തുടര്‍ച്ചയായി ഇരിക്കാതിരിക്കാന്‍ ശ്രദ്ധിച്ചേ മതിയാകൂ.

ശാരീരികമായി സജീവമായിരിക്കുക:
ലിഫ്റ്റും എസ്കലേറ്ററുംഒഴിവാക്കി കോണിപ്പടികള്‍ കയറാന്‍ പരമാവധി ശ്രമിക്കണം. പറ്റുന്ന സന്ദര്‍ഭങ്ങളിലെല്ലാം നടക്കാന്‍ ശ്രമിക്കുക.

ചിട്ടയായ വ്യായാമം:
ശരീരഭാരം നിയന്ത്രിക്കാനും മാനസിക സംഘര്‍ഷം കുറയ്ക്കാനും, രക്തചംക്രമണം വര്‍ധിപ്പിക്കാനും വ്യായാമം സഹായിക്കും.
5.ശരീരഭാരം പൊക്കത്തിന് അനുപാതമായി നിയന്ത്രിച്ചു കൊണ്ടുപോകണം. ഇതിന് ഒരു സമവാക്യമുണ്ട്.
ഒരു വ്യക്തിക്ക് അനുയോജ്യമായ ശരീരഭാരം കണ്ടുപിടിക്കാന്‍ (സെന്റിമീറ്ററില്‍ അയാളുടെ പൊക്കം -100) ഃ 0.9.
മാനസികസംഘര്‍ഷം കുറയ്ക്കാനും മാനസികോല്ലാസം വര്‍ധിപ്പിക്കാനുമുള്ള മാര്‍ഗങ്ങള്‍ അവലംബിക്കുക .
പുകവലിയും മദ്യപാനവും ഒഴിവാക്കുക. for more details n sighestions Welyf

04/11/2019

#കുടുംബത്തിന്‌ ഒരു ഭക്ഷണശീലം
യുവതലമുറയിൽ പ്രമേഹം വർധിക്കുന്നതിനു പ്രധാനകാരണം ഭക്ഷണത്തിലെ ശ്രദ്ധയില്ലായ്‌മയാണ്‌. യുവതലമുറയുടെ ജീവിതശൈലി മധ്യവയസ്കരുടെയോ വൃദ്ധരുടെയോ ജീവിതശൈലിയിൽനിന്ന്‌ തികച്ചും വ്യത്യസ്തമാണ്. യുവജനങ്ങൾ ഭക്ഷണത്തിനായി കൂടുതലും ഹോട്ടലുകളെയോ ഫാസ്‌റ്റ്‌ ഫുഡ് കേന്ദ്രങ്ങളെയോ ആണ് ആശ്രയിക്കുന്നത്‌. മാത്രമല്ല, കലോറി കൂടിയ കൊഴുപ്പും മധുരവുമുള്ള ഭക്ഷണങ്ങൾ, ശീതളപാനീയങ്ങൾ, ബർഗർ, പഫ്സ്, പിസ, ഇവയാണ്‌ ചെറുപ്പക്കാരുടെ ഇഷ്ടവിഭവങ്ങൾ.

കുടുംബത്തിൽ ഒരാൾക്ക്‌ പ്രമേഹം ഉണ്ടെങ്കിൽ കുടുബാംഗങ്ങളെല്ലാം ആരോഗ്യകരമായ ഭക്ഷണവും ജീവിതരീതികളും പിന്തുടരുക എന്നതാണ്‌ പ്രമേഹത്തെ പ്രതിരോധിക്കാനുള്ള എളുപ്പമാർഗം. പ്രമേഹരോഗിക്കായി പ്രത്യേകഭക്ഷണം എന്നല്ല, മറിച്ച്‌ കുടുംബത്തിൽ എല്ലാവരും ആരോഗ്യകരമായ ഭക്ഷണം കഴിക്കുകയാണ്‌ വേണ്ടത്‌.

കുടുംബത്തിൽ സ്വായത്തമാക്കാവുന്ന ചില കാര്യങ്ങൾ:
പഞ്ചസാരയുടെയും മധുരപലഹാരങ്ങളുടെയും ഉപയോഗം പരമാവധി കുറയ്‌ക്കുക.
കുടുംബകൂട്ടായ്‌മകളിൽ ആരോഗ്യപ്രദമായ ഭക്ഷണംമാത്രം വിളമ്പുക.
ശീതളപാനീയങ്ങൾ, കാലറികൂടിയ ഭക്ഷണങ്ങൾ തുടങ്ങിയ അനാരോഗ്യകരമായ ഭക്ഷണം വീട്ടിൽനിന്നും ഒഴിവാക്കുക.
കൃത്യസമയത്തും കുറഞ്ഞ അളവിലും ആഹാരം കഴിക്കുക.
കുട്ടിക്കാലംമുതൽതന്നെ ആരോഗ്യകരമായ ഭക്ഷണവും ജീവിതശൈലിയും കുഞ്ഞുങ്ങളെ ശീലിപ്പിക്കണം
ആരോഗ്യകരമായ ജീവിതശൈലി പ്രാപ്‌തമാക്കാൻ കുടുംബാംഗങ്ങൾ പരസ്‌പരം പ്രചോദനമാകണം more details n suggestions Welyf

Welyf

03/07/2022

18/08/2020

25/11/2019

17/11/2019

04/11/2019

04/11/2019

04/11/2019

04/11/2019

04/11/2019

04/11/2019

04/11/2019

住所

ウェブサイト

アラート

ショートカット

共有する

カテゴリー