ウェブサイトとは何ですか？

https://www.facebook.com/105934434744434/

Psychologist in Japan/اخصائيه نفسيه في كوكب اليابان

ホーム
日本
Takasaki-shi, Gunma
Psychologist in Japan/اخصائيه نفسيه في كوكب اليابان

صفحة متخصصة في العلاج النفسي والأسري وتعديل السلوك وتنمية المهارات الذاتية

15/07/2022

دايماً بقولها وهفضل أقولها (الضرر والألم النفسي اللي بتسببه كلمه أصعب بكتير في الشفاء من التعب الجسدي)فياريت لو كنت يعني (بتحدف دبش)أو طريقة كلامك فظه وفاكر إن اللين في الكلام (ضعف)ذي مابسمع في الجلسات،ومابتعرفش تعتذر وتطيب خاطر اللي قدامك، قدامك حلين 👌ياإما تلجأ لمعالج نفسي وبقول معالج مش (لايف كوتش ولا مدرب تنمية بشرية ) لانه الموضوع فعلا محتاج علاج، ياأما توقف تعامل خالص مع الناس وتجنبهم أذاك💔

#الكلمة الطيبة صدقة
#جبر الخواطر عبادة
#ولاء علي زيدان
#كوكب اليابان

09/07/2022

كل عام وأنتم جميعاً بخير ،تقبل الله منا ومنكم صالح الاعمال

05/07/2022

سبحان الله لحد دلوقتي
مافيش ماركة كريمات للبشرة ولا أي ميكب ولا لبس ممكن يخلوا وشك ينور أكتر من ان حالتك النفسية تكون كويسة ومتحاوطة بناس بتفهمك و بتقدرك وبتقدر وجودك معاهم 🌹🌹
# ولاء علي
# أخصائية العلاج النفسي والاسري وتعديل السلوك
#كوكب اليابان

26/06/2022

حقيقة لمستها بعد سنوات من العمل كأخصائية علاج نفسي ،إن نسبة كبيرة من اللي بيلجئولنا في العيادات النفسية لطلب العلاج النفسي بيكونوا ضحايا لناس تانية مش بتلجأ لنا لانهم ببساطة بيشوفوا نفسهم أسوياء وإن الضحايا بتوعهم هما المرضي ومحتاجين العلاج النفسي،مع إنهم في الحقيقة بيكونوا أشد إحتياج للعلاج النفسي 💔

#في المعرفة شفاء
#ولاء علي
#أخصائية العلاج النفسي والاسري وتعديل السلوك
#كوكب اليابان

21/06/2022

التبول اللااردي عند الاطفال👭
التبول اللاارادي هو الخروج اللااردي للبول وخاصة أثناء النوم، ليه أسباب كتيرة هستعرض جزء منها :
أسباب عضوية: ذي مثلا التهاب وصغر حجم المثانة ،،الاصابة بمرض السكر ،،أمراض مجري البول ،عدم نضج الجهاز العصبي بشكل كافي
أسباب بيئية :ذي مثلا إن الوالدين بيتبعوا أساليب تربوية متساهلة للغاية أو متجاهلة للغاية ودا هيأخر الطفل علي عملية التدريب أو العكس لو الوالدين بيتبعوا أسلوب صارم جداً فهيكون التبول اللااردي في الحالة دي سلوك عدواني موجة من الطفل للاسرة
أسباب نفسية وإجتماعية :الغيرة ذي رغبة الطفل في جذب انتباه الوالدين خاصة لو الامر حدث بعد مجئ مولود جديد ،ضعف الثقة بالنفس عند الطفل،معاملة الطفل بشكل سئ من قبل احد الوالدين خاصة المعاملة اللي بتتسم بالنقد والتوبيخ ،،سوء العلاقة بين الوالدين ،الطلاق وانفصال الطفل عن احد الوالدين ،المعاملة السيئة من الام بشكل خاص
👈 السؤال المهم👌
إمتي أنا كمعالجة بشخص إن دا تبول لاارادي مش التبول الطبيعي اللي بيحدث في مرحلة الطفولة؟؟
لما يحصل التبول اللارادي بعد سن 5سنوات ولما يحصل مرتين علي الاقل أسبوعياً ولمدة 6شهور 👌

#التبول اللاارادي عند الاطفال
#ولاء علي
#أخصائية العلاج النفسي والاسري وتعديل السلوك
#كوكب اليابان

20/06/2022

ياريت نبطل👌 نسيب لاولادنا الموبايل والتابلت وغيره من الاجهزة القاتلة للابداع عند الطفل تحديداً الاطفال اقل من عمر 3سنوات لان الطفل من سنة ونص تقريباً بيبدأ يخرج من مرحلة الذاتوية لمرحلة الانطلاق في الحياة الاجتماعية ،فكرة إننا نديله تليفون بالساعات من أكتر الحاجات اللي ممكن نأذيه بيها ليه بقي ؟؟
لانه مع الوقت هيتعلم العزلة ومايحبش يحتك بحد أو يفضل إنه يقعد لوحده لفترات طويلة وبالتالي هيتحرم من إنه يتعلم مهارات جديدة تناسب عمره ويتحول الموضوع (لادمان حقيقي للهواتف) وتبدأ مع الاطفال الامراض النفسية والمشكلات السلوكية (توحد ،طيف توحد ،صعوبات تعلم،عصبية ،عنف ،....)وغيرها من المشكلات السلوكية اللي بنقابلها مع الاطفال ،بالاضافة للامراض العضوية اللي بتسببها الهواتف للاطفال سواء علي الابصار أو الاعصاب
🌹نصيحة🌹بحكم شغلي بقابل ضحايا من الاطفال حقيقي لولا الاسراف في استخدام الاجهزة ماكنش وضعهم بقي كدا ابداً ، الاجهزة دي الاسراف في استخدامها للطفل بتكون بمثابة قاتل للمهارات وبتحجم تفكيرهم وبتخليهم منعزلين بيئياً وبتطلع شخص عصبي سلبي يصعب التعامل معاه.

# الهواتف الذكية
#ولاء علي
أخصائية العلاج النفسي والاسري وتعديل السلوك
#كوكب اليابان

19/06/2022

عمرنا سمعنا عن إن المؤمن مابيجيلوش مرض الضغط أو السكر أو أي مرض جسمي تاني؟؟
طبعاً لا ،أشمعنا بقي الامراض النفسية بشكل عام والاكتئاب تحديداً الناس بتربطها بقله الايمان !! المؤمن ذي ما بيجيلوا مرض الضغط والسكر وأمراض جسدية تانية كمان ممكن يجيلوا أمراض نفسية ودا مالوش علاقة بدرجة إيمانه ،مافيش حاجة عندنا في العلاج النفسي اسمها سبب الاكتئاب نقص الإيمان الكلام دا غير علمي الإكتئاب له أسباب فسيولوجية وأسباب وراثية وبيئية
،ممكن تكون مؤمن وبتؤدي فروضك وبتراعي ربنا في كل شي وتصاب بإكتئاب وإضطرابات في النوم والشهية وغيره وغيره
فلو تعرف حد عنده إكتئاب أو أنت نفسك بتعاني من أعراض الإكنئاب أطلب المساعدة النفسية
#الإكتئاب النفسي
#ولاء علي
#أخصائية العلاج النفسي والاسري وتعديل السلوك
#كوكب اليابان

16/06/2022

متلومش حد على حزن وتعب أنت مش قادر تستوعبه ولا تحسه أو تشوف حجمه،، بلاش نحسس حدإنه
بيتدلع وازاي مش قادر يشيل.. لمجرد إننا قادرين ومستحملين ،
لو مش قادر تستحمل شكوي، و تطبطب و تهون عالأقل ماتقللش من زعل اللي قدامك..
حاول تكون لطيف مع الناس ❤ لأن مهما حاولت مش هتقدر تتخيل كل واحد شايل قد ايه و بيعافر في حياته أد ايه ،
أنا مش شبهك، وانت مش زيي👌
قوة تحملنا مش متساوية، اللي أنت بتقدر تعديه غيرك بيحسه صعب و تقيل،
واللي انت مستحمله و مش بتشتكي منه غيرك شايله وهو تعبان و موجوع
فلو مش قادر تفهم الحقيقة دي "اسكت"

# في الوعي حياة
# ولاء علي
# أخصائية العلاج النفسي والاسري وتعديل السلوك

15/06/2022

الاكتناز القهري او ال (Hoarding) عرض ممكن ييجي منفرد او يكون مصاحب لامراض نفسية وعقلية منها الاكتئاب القلق ،الوسواس القهري و بعض اضطرابات الشخصية
وبيكون غالبا ليه علاقه بخوف (مرضي) من فقدان أشياء قد يكون لها استخدام في المستقبل
المرض دا بيحصل عند حوالي2 -5 ٪ من الناس ،
وبييجي للرجال والسيدات بشكل متساوي ،
أمثلة للحالة دي بشوفها كتير في الجلسات (تشتري هدوم وماتستخدمهاش (علي أمل انك هتحتاجها)،تشتري أحذية ،اكسسورات ،.....)
استشارة معالج نفسي مهم جدا لتحديد سبب المرض (لانه ذي ماقولت فوق ☝هو عرض لامراض تانية )

#في المعرفة شفاء وفي الوعي حياة
# ولاء علي زيدان
#أخصائية العلاج النفسي والاسري وتعديل السلوك
#كوكب اليابان

14/06/2022

أوقات كتير بيكون النجاة في التخلي 👌

12/06/2022

سوء الاختيار من البداية بيخلي الكل متزوج لكن القليل من لديه شريك حياة 🌹
#في الوعي حياة
#ولاء علي
#أخصائية العلاج النفسي والاسري وتعديل السلوك

08/06/2022

من الطرق الفعالة اللي بتساعدنا علي التقليل من نوبات الغضب إننا نعبر عن شعورنا بالاحباط والزعل(حتي لو شعور بسيط) بإنتظام بدل ما نكبت الشعور ويتراكم 💔

#التراكمات آفه العلاقات
#ولاء علي
أخصائية العلاج النفسي والاسري وتعديل السلوك
#كوكب اليابان

住所

Takasaki-shi, Gunma