06/12/2025
អ្វីទៅជាជំងឺឬសដូងបាត មានប៉ុន្មានប្រភេទ និងថ្នាក់? តើមានវិធីព្យាបាលអ្វីខ្លះ? តើធ្វើបែបណាដើម្បីជៀសឆ្ងាយពីជំងឺឬដូងបាត?
• ជំងឺឬសដូងបាតគឺជាជំងឺដែលកើតឡើងដោយសារការរីកប៉ោងនៃសរសៃឈាម ដែលមាននៅជុំវិញក្រសាលគូថ។
ជំងឺឬសដូងបាតចែកចេញជា ២ប្រភេទគឺ៖
- ឬសដូងបាតក្រៅ: ជាជំងឺដែលកើតឡើងលើសរសៃឈាមឬសដូងបាតនៅខាងក្រៅរន្ធគូថ ។
- ឬសដូងបាតក្នុង: ជាជំងឺដែលកើតឡើងលើសរសៃឈាមឬសដូងបាតខាងក្នុងរន្ធគូថ។
• ជំងឺឬសដូងបាត ចែកចេញជា ៤ថ្នាក់៖
- ថ្នាក់ទី ១: ឬសដូងបាត ឬសរសៃរវ៉ែនហើមប៉ោង នៅខាងក្នុងរន្ធបាតក្នុងបាតខាងក្រោម។
-ថ្នាក់ទី ២: ឬសដូងបាតចេញតាមរន្ធបាតអំឡុងពេលចលនាពោះវៀន ប៉ុន្តែវាអាចត្រឡប់មកវិញដោយខ្លួនឯងបន្ទាប់ពីចលនាវោះវៀន។
- ថ្នាក់ទី ៣: ឬសដូងបាតចេញតាមរន្ធបាតអំឡុងពេលចលនាពោះវៀន ប៉ុន្តែមិនអាចចូលវិញដោយខ្លួនឯងបានទេ វាត្រូវបានរុញត្រឡប់ទៅវិញដោយប្រើម្រាមដៃ។
- ថ្នាក់ទី ៤: ឬសដូងបាតប៉ោងខាងក្រៅរន្ធបាត ហើយមិនអាចរុញចូលដោយប្រើម្រាមដៃបានទេុំ ឬសដូងកម្រិតនេះគឺមានការឈឺចាប់ និងគ្រោះថ្នាក់។
• តើមានវិធីអ្វីខ្លះដើម្បីព្យាបាលជំងឺឬសដូងបាត?
ក) ចំពោះបញ្ហាឬសដូងបាតខាងក្រៅ៖
អ្នកជំងឺអាចត្រូវបានព្យាបាលដោយប្រើថ្នាំគ្រាប់បំបាត់ហើម និងបំបាត់ការឈឺចាប់រួមទាំងថ្នាំបន្ទន់លាមក ក្នុងពេលជាមួយគ្នានោះអ្នកជំងឺអាចប្រើក្រែម (Crème) សំរាប់លាបលើដុំនោះ។ ពេលខ្លះគ្រូពេទ្យអាចធ្វើការកាត់យកកំណកឈាមនៃឬសដូងក្រៅនោះចេញ បើសិនជាដុំឬសដូងបាតក្រៅមិនហើមខ្លាំង ហើយមានតែមួយដែលធ្វើឲ្យអ្នកជំងឺបានធូរស្បើយពីការឈឺចាប់ភ្លាមៗ។
ខ) ចំពោះបញ្ហាឬសដូងបាតក្នុង៖
ការព្យាបាលចម្បងគឺការព្យាបាលទៅលើបញ្ហាបន្ទោរបង់លាមកមានដូចជាការទល់លាមកឬការរាគ។
មានឧបករណ៍ ៣យ៉ាង ដែលអាចព្យាបាលជំងឺឬសដូងបាតមានដូចជាៈ
- ការដុតកំដៅ(Infrarouge photocoagulation)
- ការចាក់ (Sclérothérapie)
- ការចង (Ligature)
• ការព្យាបាលដោយឧបករណ៍ អាចអាស្រ័យទៅលើដំណាក់កាលរបស់រោគសញ្ញាឬសដូងបាតៈ
• ដំណាក់កាលទី ១ : អាចព្យាបាលដោយការដុតកំដៅឬការចាក់
• ដំណាក់កាលទី ២ និងទី៣ : អាចព្យាបាលដោយការចង
• ចំពោះការវះកាត់ឬសដូងបាត គឺធ្វើឡើងចំពោះឬសដូងបាតនៅកម្រិតទី ៤ ឬ ឬសដូងបាតដែលបរាជ័យក្នុងការព្យាបាលដោយឧបករណ៍ទាំង៣ ខាងលើ ។
• ការបង្ការពីជំងឺឬសដូងបាត៖
- បង្កើនការញុាំបន្លែផ្លើឈើ សម្បូរទៅដោយជាតិសរសៃរ
- ជៀសវាងអង្គុយបន្ទោរបង់រយៈពេលយូ
- ជៀវវាងអង្គុយយូនៅមួយកន្លែង
- ពិសារទឹកអោយបានច្រើន
- រក្សាទម្ងន់
- ទម្លាប់ហាត់ប្រាណជាប្រចាំ
បញ្ជាក់: ជំងឺឬសដូងបាត មិនមែនជាជំងឺកាចសាហាវទេ វាគ្រាន់តែរំខានដល់ការស់នៅបករចាំថ្ងៃដល់អ្នកជំងឺ។
"ព្យាបាលទាន់ពេលវេលា នាំមកនូវការសះស្បើយឆាប់រហស័ !
🏥ទីតាំង: ភូមិលើ ឃុំព្រែកអញ្ចាញ ស្រុកមុខកំពូល ខេត្តកណ្តាល។
https://maps.app.goo.gl/CdzS7vE4C9n8aA288?g_st=ic
----------------------------------------------------
ទំនាក់ទំនងតាមរយ:
☎️ Telegram: 096 477 0477 / 097 477 0477
