20/12/2025
អានចប់យកកម្លាំងចិត្តធ្វើកាងារបន្ត ❤️
សូមតាមដានពត៍មានដោយយកចិត្តទុកដាក់និងមានប្រភពច្បាស់លាស់ពីប្រមុខថ្នាក់ដឹកនាំយើង 🇰🇭❤️🙏
ឃើញមានបងប្អូនរង់ចាំអានអត្ថបទវិភាគខាងសៀមច្រើន ឆ្លៀតមកសម្រាយជូនចុះ សង្ឃឹមថាអានហើយ នឹងត្រជាក់ចិត្តគេងលក់ស្រួល!
• វាយសិនចាំគិតទៀត៖ សង្គ្រាមនេះមើលពីក្រៅដូចខ្លាំងក្លា តែតាមពិតប្រហោងក្នុងទេ មានហេតុផលបី៖ ១. មិនច្បាស់ទីតាំងដែលត្រូវសម្រុកយកអោយបាន វាយប៉ាតណាប៉ាតណី, ២. មិនដឹងបញ្ចប់របៀបម៉េច កាន់តែវាយ កាន់តែលង់, ៣. អត់មានវិធីទប់ទល់សម្ពាធខាងក្រៅ មានតែបន្លប់និងពន្យារពេលប៉ុណ្ណោះ។ សៀមវាយទាំងកម្រោលចូលមកដីខ្មែរ ប្រើប្រាស់អាវុធកាន់តែទំនើប វាយទាំងស៊ីវិល ទាំងទាហាន បញ្ជាក់ថាសៀមមិនច្បាស់អំពីខ្លួនឯងទេ គ្រាន់ចង់អោយខ្មែរខ្ទេចខ្ទី អាចយកបានដីមួយដុំជាកាដូថ្វាយស្តេច និងលួងចិត្តពួកអភិរក្សសៀមទេ សៀមឆៅខ្លាំងដល់មើលរំលងមហាអំណាច មើលរំលងអំណាចតំបន់ និងមើលខ្មែរខុសតាំងពីដំបូង ទើបឥលូវចង់ទៅមុខក៏មិនបាន ចង់ថយក្រោយក៏មិនរួច។ សៀមវាយបណ្តើរគិតបណ្តើរ ទើបជារឿយៗ តែងតែឃើញអាវុធថ្មី ឬវិធីសាស្រ្តថ្មីជាប់ជានិច្ច។
• បង្កើតសត្រូវរួម ទាញប្រជាប្រិយភាព៖ ចុះអញ្ចឹងហេតុអីចាប់ផ្តើមសង្គ្រាមនេះតាំងពីដំបូង? មកពីរាមាទី១០អត់មានបារមីដូចឪពុកខ្លួន ហើយសូម្បីសារិន្ទថនក៏ក្តាប់អំណាចមួយផ្នែកធំក្នុងវាំងដែរ មានបញ្ហា២ត្រូវនិយាយគឺប្រជាជនអស់ជំនឿនិងទ័ពលែងចង់ស្តាប់ស្តេច។ នាយករដ្ឋមន្រ្តីសៀមបីនាក់ហើយបានឡើងមកជួយបល្ល័ង្គស្តេច តែនៅតែរង្គើទាំងអស់ ទើបមានតែផ្លូវប្រកាសសង្គ្រាមជាមួយខ្មែរនេះទេអាចពន្យារបានមួយរយៈទៀត។ ជម្លោះផ្ទៃក្នុងសៀមតាំងក្នុងវាំងដល់រដ្ឋាភិបាលដល់ប្រជាជនរ៉ាំរ៉ៃជាងយើងគិតឆ្ងាយណាស់ ហើយជម្រើសវាយខ្មែរកាន់តែខុសទៀត។ យកបញ្ហាលុបបញ្ហា ដោះមិនបានហើយ បញ្ហាកាន់តែធំ គឺចាយច្រើនអត់បានអីមកវិញ យកមនុស្សមកស្លាប់ទទេៗ សេដ្ឋកិច្ចធ្លាក់ចុះ ហើយសង្គ្រាមចប់ពេលណា បញ្ហានឹងមកវិញភ្លាម។
• យកមហាអំណាចមកអាង៖ សៀមយល់ខុសថាខ្លួនមានអាង ដោយគិតថាខ្លួនមានទំនាក់ទំនងការបរទេសល្អជាមួយមហាអំណាចល្អជាងខ្មែរតាំងពីដំបូង។ តាមពិតសៀមមិនបានខ្វល់ថាមហាអំណាចជួយសៀមឬអត់ទេ អោយតែកុំជួយខ្មែរទៅ សៀមអាចវាយខ្មែរយ៉ាងស្រួលហើយ។ សៀមគិតខុសធ្ងន់លើនយោបាយការបរទេសខ្មែរ ទើបឥលូវត្រូវមករកពាក្យដោះសារនឹងមហាអំណាចគ្រប់ពេល។ សៀមត្រូវរើសថាផ្គាប់ចិត្តប្រជាជនអភិរក្សសៀម ឬមហាអំណាច ព្រោះទាំងចិន អាមេរិក សូម្បីអឺរ៉ុបក៏ទាមទារអោយមានបទឈប់បាញ់ហើយ ភ្លើងដែលសៀមតែងតែអាងបានឆេះលើខ្លួនសៀមវិញហើយ។
• វាំងដេកអោបភ្លើង ស្រុកសៀមត្រូវដើរលើភ្លើងដែរ៖ និយាយដល់មនុស្ស២នាក់ចុះគឺរាមាទី៩ និងកូនស្រីគឺយាយសារិន្ទថន ពីរនាក់នេះឈឺចិត្តដោយសារខ្មែរច្រើនដងដែរទើបនៅតែចិញ្ចឹមចិត្តសងសឹក។ រាមាទី៩ចាញ់ក្តីរឿងព្រះវិហារ ហើយយាយសារិន្ទថនខឹងរឿងស្រលាញ់ខ្មែរពេកតែយកមិនបាន ទើបកើតជាចិត្តយកមិនបានត្រូវតែបំផ្លាញចោលឬបើអញអត់ ហ្អែងក៏អត់ដែរ។ មូលហេតុដែលគ្រួសាររាជវង្សសៀមអំណាចពាសមេឃតែមិនចេញមុខ ព្រោះតែប្រវត្តិសាស្រ្តដ៏ស្មុគស្មាញជាមួយខ្មែរនេះឯង គេមិនចង់រងការចោទជាមុខសញ្ញាមុនគេពេលមានសង្គ្រាមម្តងៗនោះទេ ផ្ទុយមកវិញប្រើប្រាស់រដ្ឋាភិបាលទីងមោងមួយដែលម្នាក់ៗធ្វើឆ្កួតធ្វើជាដើម្បីបំពេញមហិច្ឆតាឥតកេរ្តិ៍ខ្មាស និងគំនុំក្តៅដូចភ្លើងដែលឆេះពេញស្រុកសៀម រាលមកដល់ខ្មែរនេះ!
• ដោះទំនួលខុសត្រូវ រុញកំហុសដាក់គ្នា៖ សួរថាមានរឿងហើយ អ្នកណាគួរងាប់មុនគេ? អ្នកណាក៏មិនចាំបាច់ងាប់ដែរ រំលាយសភា បង្កើតរដ្ឋាភិបាលចាំផ្ទះ ចប់! តែមហាអំណាចមិនអាចអោយចប់ស្រួលៗអញ្ចឹងនោះទេ ហើយរំលាយសភាក៏ហើយ អានុទីនក៏អស់សិទ្ធិដែរ អញ្ចឹងអ្នកទទួលខុសត្រូវមានតែស្តេចសៀមខ្លួនឯង? បើគេចង់ចរចាមានតែទៅរកស្តេចសៀមតែម្តងឬ? មួយក្រឡានេះកូនចៅក្រោមៗដោះទំនួលខុសត្រូវរួចអស់ហើយ កំហុសធ្លាក់លើស្តេចសៀមតែឯង ជាគំនិតអ្នកណាអោយប្រាកដលើបញ្ហានេះ? ឬគិតថាមហាអំណាចមិនតាមអង្គាមអញ្ចឹងទេ?
• បើបោះឆ្នោត លទ្ធផលមិនពេញចិត្ត មិនបាច់បោះទេ? សៀមប្រហែលមិនសូវជាចង់បោះឆ្នោតប៉ុន្មានទេ បញ្ហាគឺអ្នកមានលទ្ធភាពអាចជាប់សុទ្ធយុវជនដែលទើសភ្នែកនឹងអំណាចរាជានិយមពាសមេឃនេះ ហើយបើទោះជាបោះក៏មិនប្រាកដថាបង្កើតរដ្ឋាភិបាលបានដែរព្រោះដោយសារយោធាសៀមមានកៅអីពាក់កណ្តាលក្នុងសភាប្រាកដជាមិនគាំទ្រគេទេ។ ចុះបើមិនបោះ មានអ្នកណាចេញមុខជំនួសស្តេចសៀមទៀត? ជម្រើសមាន៣ អាចជ្រើសរើសចេញពីក្រុមយោធាទៀតឬអោយអានុទីនកាន់វិញ (ឃើញខំសាងប្រជាប្រិយភាពអោយដែរ) ឬបង្កើតរដ្ឋាភិបាលចម្រុះតែម្តង។ សៀមមិនបោះឆ្នោត ព្រោះមិនទាន់មានលទ្ធផលស្តេចត្រូវចិត្ត បើមានដឹងតែបោះហើយ ស្តេចសៀមកំសាកណាស់ មិនហ៊ានចេញមុខមកតតាំងនឹងខ្មែរទេ។
• បង្កើនទំហំអាវុធ បង្កើនវិសាលភាពសង្គ្រាម ទិញពេលវេលា៖ សៀមបាញ់ខ្មែរកាន់តែខ្ទេច ផ្ទៃក្នុងសៀមក៏កាន់តែខ្ទេចដូចគ្នា។ សៀមញ៉ោះខ្មែរអោយបញ្ចេញអាវុធធ្ងន់ជាងមុនតាំងពីដំបូង ដើម្បីគេមានលទ្ធភាពប្រកាសប្រាប់ប្រជាជនគេថាជាប់ធ្វើសង្គ្រាមជាមួយខ្មែរហើយ កុំទាន់និយាយរឿងផ្សេង។ វិសាលភាពសង្គ្រាមកាន់តែធំ សៀមទិញពេលបានកាន់តែច្រើន ទិញពេលយកទៅណា? យកទៅជួសជុលផ្ទៃក្នុងវិញផង និងរៀបចំបេក្ខភាពដែលសក្តិសមដោយមិនមានសម្លេងរំខានឬប្រឆាំងពីប្រជាជនសៀមផង។ សៀមចង់ដឹងណាស់ថាខ្មែរមានស្អីខ្លះអោយប្រាកដ ទើបចាយមហាសាលអោយខ្មែរតដៃ ហើយពួកគេអាចមានលេសប្រើអាវុធកាន់តែធំដែរ សៀមចង់អោយប្រាកដថាបើពួកគេមានបញ្ហាពេលក្រោយនៅតែអាចប្រើខ្មែរជាលេសបាន។
• យកខ្មែរភ្លេចកំណើតមកសម្លាប់ខ្មែរ៖ យុទ្ធសាស្រ្តនេះសៀមចំណេញលើគោកតែម្តង។ អតីតដែនដីខ្មែរនៅសៀមជាបន្លាក្នុងភ្នែកសៀមយូរហើយតែធ្វើអីមិនចេញ ដោយសារខ្លាចការបះបោរផង ខ្លាចគេថាប្រល័យពូជសាសន៍លើទឹកដីកំណើតគេផង ផ្ទុយមកវិញសៀមនៅតែធ្វើល្អជាមួយ រហូតប្រជាជនបោះបង់ឈប់ហៅខ្លួនឯងថាជាខ្មែរតែម្តង។ ឱកាសមាសគឺសង្គ្រាមជាមួយខ្មែរនេះឯង បញ្ជូនពួកនេះអោយមកប្រយុទ្ធជាមួយខ្មែរ បើឈ្នះបានដីខ្មែរថែម បើចាញ់ពលីសៀមក៏មិនខាតបង់អ្វីដែរ ហើយបានធ្វើអោយពួកគេមានគ្នាកាន់តែតិច អាចដាច់ពូជទៅថ្ងៃមុខ ហើយអោយឈាមថ្មីជាឈាមសៀមសុទ្ធទៅរស់នៅតែម្តង។ ក្រៅពីនេះក៏នៅមានខ្មែរភ្លេចកំណើតធ្វើជាគិញអោយសៀមព្រោះលុយ ដូចកាលជំនាន់បំផ្លាញប្រាសាទយកលក់អោយយាយសារិន្ទថន មិនទាន់ដាច់ពូជនៅឡើយ។
សៀមបានព្យាយាមវាយទាំងសមរភូមិអាវុធមិនចូល សង្គ្រាមចិត្តសាស្រ្តក៏នៅតែមិនបែក ទាំងនេះមកពីសៀមមើលខ្មែរខុសតាំងពីយូរមកហើយ ខ្មែរដើរទៅមុខរហូត មានតែសៀមទេដែលឈប់ដើរ។ សៀមដោយសារតែកំហឹងវាំងខ្លាំងពេកបាត់អស់ភាពជាមនុស្ស យកភាពខុសច្បាប់មកថាត្រឹមត្រូវ យកសង្គ្រាមមកធ្វើជាភាពខ្លាំង ដែលកាន់តែចង កាន់តែជាប់ កាន់តែពិបាកស្រាយ។ កំហុសសៀមច្បាស់ក្រឡែតដល់ថ្នាក់មើលព័ត៌មានតែ២-៣បន្ទាត់ក៏ឃើញសៀមកុហកបាត់ទៅហើយ។ យើងយកភាពត្រឹមត្រូវមកអាង យកច្បាប់មកការពារ មកទ័ពមកទប់ទល់នឹងរឿងឆ្កួតលីលារបស់សៀម។ យុទ្ធសាស្រ្តសៀមគ្មានអ្វីក្រៅពីប្រើកម្លាំងបាយ រួចកុហក រកលេសកាច់មួល ហើយបំពានលើការសន្យានោះទេ សៀមកាន់តែសាហាវ ខ្មែរកាន់តែអាចបង្ហាញភាពល្អដែលសៀមព្យាយាមបន្លប់ពិភពលោកមកជាយូរកាន់តែច្បាស់!
ជឿជាក់លើថ្នាក់ដឹកនាំ និង វីរៈកងទព័របស់យើង !🙏❤️🇰🇭
ប្រភព : Vincent
