ស្រែ៣០០០

02/06/2025

ជីវិតខ្ញុំមួយនេះជួបអស់ហើយ ហត់នឿយ ខូចចិត្ត គិតច្រើន តូចចិត្ត អស់កម្លាំង តែខ្ញុំមិនដែលចាញ់ នឹងជីវិតទេ គឺ នៅស៊ូបានរហូតមកដល់ពេល នេះ និងពេលបន្តទៀត។

02/06/2025

ជោគជ័យធំបំផុតរបស់មនុស្សគឺមិនមែននៅត្រង់ការមិនដែលបរាជ័យនោះទេ តែជោគជ័យកើតឡើងពេលអ្នកនោះអាចងើបឡើងវិញក្រោយពីបានដួល...

20/05/2025

នៅស្រុកស្រែ យប់ឡើងមិនបាច់ប្រឹងធ្មេច ព្រឹកឡើងមិនបាច់ប្រឹងបើកភ្នែកទេ។ ត្រឹមម៉ោង៨យប់សភាពនៅជុំវិញផ្ទះងងឹត អមនឹងសំឡេងចង្រិតយំតិចៗ ខ្យល់ត្រជាក់ៗ ជាមួយនឹងទឹកសន្សើមដែលបន្ទាបខ្លួនមកដណ្ដប់ចុងស្មៅ វាបានធ្វើឱ្យភ្នែកនេះមិនអាចទ្រាំបើកតទៅទៀត។ ទូរសព្ទមិនអាចនៅជាប់នឹងដៃបានយូរទេ ព្រោះត្រឹមម៉ោង៩យ៉ាងយូរ គ្រប់គ្នាគេងលក់ស្ងាត់ភូមិទៅហើយ។ ម៉ោង៤កន្លះ ជារៀងរាល់ថ្ងៃ មនុស្សភាគច្រើនបានភ្ញាក់ពីដំណេក។ មិនមែនម្នាក់ៗប្រឹងបើកភ្នែកក្រោកទេ តែមកពីគេងអស់ងងុយ ហើយមិនអាចគេងលក់តទៅទៀត។ ម៉ោងជិត៥ព្រឹក គ្រប់ផ្ទះបើកភ្លើង មាន់ចាប់ផ្ដើមរងាវ ហើយអ្នកខ្លះក៏ក្រោកចម្អិនអាហារពេលព្រឹកដើម្បីវេចខ្ចប់ទៅស្រែ អ្នកខ្លះក្រោកដងទឹក ស្រោចស្រពបន្លែ ដឹកគោចេញពីក្រោល បោសដី លាងចានឆ្នាំង បោសសម្អាតផ្ទះសម្បែងជាដើម។ ត្រឹមម៉ោង៦កន្លះ ទៅម៉ោង៧ព្រឹក ដែលជាធម្មតាមនុស្សនៅទីក្រុងភាគច្រើនមិនទាន់ភ្ញាក់ពីគេងផង តែអ្នកស្រែចេញស្ងាត់ពីផ្ទះទៅធ្វើការងារស្រែចម្ការអស់ហើយ។

រយះពេលជាង៣ ថ្ងៃនេះ ការត្រលប់មកស្រុកកំណើត បានធ្វើឱ្យខ្ញុំទម្លាប់ខ្លួនក្នុងជីវភាពមួយដូចពីមុន (កាលវ័យកុមារ)។ ខ្ញុំមានអារម្មណ៍ស្រស់ស្រាយណាស់ គ្រាន់តែថានៅទីនេះមិនសម្បូរនំចំណីហូបចុកដូចទីក្រុង ទោះមានប្រាក់ចាយក៏ពិបាករកអ្វីឆ្ងាញ់ៗហូប។ អ្នកស្រែមិនសូវជាទម្លាប់ចាយប្រាក់លើរបស់ហូបចុកនៅផ្សារទេ។ ព្រឹកឡើងមានត្រឹមតែបាយកក ឬបបរស ត្រីងៀត ជាដើម ហើយក៍មានតែកាហ្វេកញ្ចប់ មិនមានប្រេនៗដែរ។ ម្យ៉ាងនៅក្បែរនេះពុំមានផ្សារទេ បើចង់ទៅផ្សារគឺត្រូវជិះម៉ូតូប្រហែលជិត១០នាទីទើបដល់ ហើយផ្សារក៏មិនធំ មិនសម្បូរបែបឡើយ។ អ្វីដែលខ្ញុំចូលចិត្តជាងគេនៅស្រុកស្រែ គឺដកដង្ហើមស្រួល ធំក្លិនប្រហើរផ្កាស្មៅ ម្អមស្រែ ផ្កាឈើ និងមានសំឡេងសត្វ ហើយជាពិសេសគឺឆាប់ងងុយគេង និងឆាប់គេងអស់ងងុយ។ ដោយការភ្ញាក់ពីគេងពីព្រលឹមបែបនេះ ខ្ញុំមានអារម្មណ៍ថាពេលវេលាដែលខ្ញុំរស់នៅគឺយូរខ្លាំងណាស់។ ខ្ញុំតែងតែក្រោកបានមុនពេលព្រះអាទិត្យបង្ហាញខ្លួនជានិច្ច ហើយត្រង់នេះគឺពិតជាធ្វើឱ្យយើងមានអារម្មណ៍ល្អពេញមួយថ្ងៃ។

ទោះយ៉ាងណា នៅស្រុកស្រែ ឬទីក្រុង គឺសុទ្ធតែមានគុណសម្បត្ដិ និងគុណវិបត្ដិរៀងៗខ្លួន។ ទីក្រុងមានឱកាសការងារច្រើន ងាយស្រួលក្នុងការរកប្រាក់ចំណូល តែមែនទែនទៅទីនោះក៏ងាយស្រួលក្នុងការចាយវាយផងដែរ។ ជនបទមានខ្យល់អាកាសល្អបរិសុទ្ធ មានភាពស្ងប់ស្ងាត់ និងធម្មជាតិច្រើន តែយើងក៏ពិបាកក្នុងការរកចំណូលប្រចាំថ្ងៃ ហើយមួយទៀតពេលខ្លះមានប្រាក់ហើយក៏មិនស្រួលប៉ុន្មានដែរ។

20/05/2025

20/05/2025

ម្ហូបខ្មែរសាមញ្ញៗតែមានអត្ថន័យ

24/10/2024

ស្រលាញ់គ្នា ចង់រស់នៅជាមួយគ្នា គួរតែសម្របខ្លួនម្នាក់បន្តិច អ្វីដែលថយបានគួរថយ អ្វីដែលអត់ឱនបានគួរអត់ឱន...។

28/05/2024

🌾🌴🌿🌺🌹យើងត្រូវតែចេះរក្សាជីជាតិនៃដី ដោយបងប្អូនត្រូវតែដាក់ជីទ្រាបបាត មានដូចជាជីលាមកសត្វ ជីកំប៉ុស្ត ដែលនាំអោយដីស្រែបងប្អូនមានពពួកអតិសុខុមប្រាណ សំបូរសត្វល្អឹតច្រើន ដែលជូយអោយដីមានជីវិត ដីធូរ និងជួយបង្កើនទិន្នផលដំណាំ។ ម៉្យាងវិញទៀតបងប្អូនអាចប្រើជីសរីរាង្គបន្ថែមទៀតផងដែរ។
📣📣📣ថ្ងៃនេះ ខ្ញុំសូមណែនាំ បងប្អូន មកប្រើ ជីទ្រីផ្លាស សញ្ញាត្រាដើមឈើ ជា ជម្រើសដ៍ល្អបំផុតសម្រាប់បងប្អូនជាប្រជាកសិករ! ពោលគឺ ចំណេញ ៣យ៉ាងក្នុងពេលតែមួយ៖
👌ជីបំប៉ន និងបង្កើនទិន្នផល ១០០%
👉ថ្នាំការពារ និងព្យាបាល ១០០%
🥰ថ្នាំការពារ និងកម្ចាត់សត្វល្អិត ១០០%

🚛🚛ដឹកជញ្ជួនមិនគិតថ្លៃ ទូទាំងប្រទេស។
📞 ប្រឹក្សាយោបល់ពីការប្រើប្រាស់ និងដាំដុះដំណាំ ដោយឥតគិតថ្លៃ 078 75 58 58 /088 2 24 24 14

23/04/2022

អាជីវកម្មមួយ អ្នកមិនអាចគិតតែប្រាក់ចំណេញពីភ្ញៀវនោះទេ។ ជូនអនុស្សាវរីយខ្លះតបទៅភ្ញៀវដើម្បីក្តីស្រលាញ់។ ចាប់ពីថ្ងៃទី២៨ ដល់ ថ្ងៃទី៣០ ខែមេសានេះ ស្រែកាហ្វេសូមជូននំផេកខេក១ រាល់ការជាវកាហ្វេ១កែវ !