04/11/2025
ကိုးရီးယားဆန် 🌾 🍚
ကိုးရီးယားမှာ နေ့စဉ် စားနေတဲ့ ဆန်အကြောင်း
အနည်းငယ် ^^
တို့ရွှေမြန်မာတွေလည်း ထမင်းကို အဓိက စားများကြတာ ဖြစ်တဲ့အတွက် အနည်းငယ်ဖြစ်ဖြစ် အထောက်အကူ ဖြစ်စေနိူင်ဖို့ ဗဟုသုတအနေနဲ့ ဝေမျှပါတယ် ။
🌾 백미 ( ဘက်မီ ) = ဆန်ဖြူ
흰쌀 ( ဟအင်းစားလ် ) လို့လည်း ခေါ်လို့ရပါတယ် ။
ဒီဆန်က နာမည်အတိုင်း ဆန်က အဖြူရောင်ဖြစ်ပြီး တခြားဆန်ထက် အနည်းငယ် ပိုစေးတဲ့
ဆန် အမျိုးအစားထဲ ပါပါတယ် ။ အစာကြေလွယ်ပေမဲ့ အနည်းငယ် ကယ်လိုရီများနိုင်တဲ့အတွက် ဆီးချို သွေးတိုးရှိသူနဲ့ အဆီချ ဝိတ်ကျချင်တွေသူဆိုရင်က ပုံမှန်ထက် လျှော့စားသင့်ပါတယ် ။ ဒါမှမဟုတ် တခြားဆန်နဲ့ရော ချက်စားတာမျိုးဆို အဆင်ပြေပါတယ် ။ ဒီဆန်ဖြူကတော့ တခြားဆန်တွေထက် အနည်းငယ် ဈေး သက်သာပါတယ် ။
( တချို့တွေ ကိုးရီးယားဆန်စားရင် သိသိသာသာ ဝလာ / ဝိတ်တက်စေတယ် ပြောကြတာ ဒီဆန်ပါ )
ကိုးရီးယားတော်တော်များက ဆိုင်တွေမှာ မဟုတ်ရင် ဒီဆန်ကို သီးသန့်ထက် တခြားဆန်နဲ့ရောချက်စားတာ များကြပါတယ် ။
🌾 현미 ( ဟျောန်းမီ ) = ဆန်လုံးညို
ဒီဆန်ကတော့ ဆန်အရောင်က အဖြူ မဟုတ်ဘဲ အဝါဖျော့လိုနဲ့ အညိုရောင် ရောပါတယ် ။ရုတ်တရက် ကြည့်လိုက်ရင် ဆန်ဟောင်းလိုလည်း မြင်ရနိုင်ပါတယ် ။ ဆန်ဖြူထမင်းထက် မသိမသာလေး မာနိုင်ပြီး အမြင်အရလည်း ဖြူဖြူဖွေးဖွေး ထမင်းလို မလှပေမဲ့ ကျန်းမာရေးအတွက် ကောင်းသလို သွေးတိုးရှိတဲ့သူတွေနဲ့ ခန္ဓာကိုယ် အဆီထိန်း ဝိတ်ချလိုသူတွေ အတွက် သင့်တော်ပါတယ် ။ ရိုးရိုးဆန်ဖြူနဲ့ ယှဉ်ရင်တော့ နည်းနည်းလေး စျေးပိုပါတယ် ။
🍚 햇반 လို အသင့်နွေးစားလို့ရတဲ့ ထမင်းဘူးတွေ မှာဆိုရင် ဒီဆန်ကို * 현미밥 *လို့ ရေးထားတာ ပါပါတယ် ။ အဲလို မပါရင်က ရိုးရိုးဆန်ဖြူပါ ။ တချို့ brand နာမည်နဲ့ဆက်တွဲ ရေးထားတာမျိုးလည်း ရှိတတ်ပါတယ် ။စာတွေများ ရှုပ်နေလို့ သေချာ မဖတ်တတ်ခဲ့ရင် ပုံကို သေချာကြည့်ပြီး ဝယ်လို့ရပါတယ် ။ ထမင်းဘူး မျက်နှာပြင် ပုံမှာ ဆန်ဖြူကို သိသိသာသာ ဖြူတဲ့ ထမင်းပုံထည့်ထားပြီး ဒီဆန်ကိုက အညိုရောင်ရောတဲ့ ထမင်းပုံပါ။ ယှဉ်ကြည့်ရင် သိသာလို့ ခွဲခြားရလွယ်ပါတယ် ။
ထမင်းလည်း မဖြတ်နိုင် ကျန်းမာရေးနဲ့အညီ ဝိတ်လည်း ချင်တဲ့သူတွေအတွက်ကတော့ အထူးသင့်တော်မယ်လို့ ထင်ပါတယ် ။
🌾찹쌀( ချပ့်စားလ် ) = ကောက်ညှင်းဆန်/ဆန်စေး
ဒီဆန်ကတော့ ကောက်ညှင်းဖြူဆန်စေးဆိုရင်
*현미찹쌀 ( 백옥찹쌀 ) *, အမဲရောင်ဆိုရင် * 흑찹쌀 ( 찰흑미) *လို့ခေါ်ကြပါတယ် ။ နာမည်အတိုင်း စေးကပ်တဲ့ ကောက်ညှင်း ဆန်စေးမို့လို့ ပုံမှန်အားဖြင့် 삼계탕 ကြက်ထဲ ထည့်စားကြသလို သရေစာ မုန့် ၊ ဆန်မုန့် ပြုလုပ် စားကြတာများပြီး ထမင်းလို စားသုံးဖို့ဆိုရင် အခြားဆန် သို့မဟုတ် ပဲတွေနဲ့ရော ချက်စားကြပါတယ် ။
🌾 곤약쌀 ( ဂုန်ယပ့်စားလ် ) = ဝဥ ဆန်
(Konjac rice )
ဒီဆန်ကတော့ Konjac ပင်ကနေ ပြုလုပ်ထားတဲ့ ဆန်အမျိုးအစားဖြစ်ပြီး အခြားဆန်တွေထက်
Calories အရမ်းနည်းပါတယ် ။ Diet ဆန်လို့လည်း ပြောလို့ရသလို အဆီချ Diet သမားနဲ့ ဆီးချိုသွေးချိူ သွေးတိုးသမားတွေအတွက် သင့်တော်ပါတယ် ။ ဒါပေမဲ့ အခြားဆန်တွေထက် အဟာရ ပါဝင်မူ နည်းသလို ချက်လိုက်တဲ့အခါ ဆန်လုံးက ရေဓာတ်များတဲ့အတွက် သာမန် ထမင်းလုံးထက် ပျော့သလို ဒီဆန် သီးသန့်ချက်ရင် ဂျယ်လီစေ့လိုလည်း ခံစားရနိုင်ပါတယ်။
ကျန်းမာရေးနဲ့ အညီ စားချင်ရင်က 현미(ဆန်လုံးညို) နဲ့ ရောချက်စားတာက သင့်တော်ပါတယ် ။ အသင့်ချက်စားလို့ရတဲ့ readymade တစ်နပ်စာ အထုတ်နဲ့ 곤약밥ဆိုပြီးလည်း ရှိသလို ဈေးနှုန်း အရကတော့ အပေါ်က ဆန်တွေထက် ဈေးအကြီးဆုံးလို့ ပြောလို့ရပါတယ် ။
🌾 잡곡쌀 ( ဂျပ့်ဂို့စားလ် ) = multigrain rice or mixed grain rice
( 혼합잡곡 လို့လည်း ခေါ်ပါတယ် )
ဒါလေးလည်း မြန်မာလို အတိအကျ ဘယ်လိုခေါ်လဲ မသိလို့ပါ ။ ' အဟာရဆန်စုံ' 'ဆန်ပြောင်းရောဆန် 'လို့ အနီးစပ်ဆုံး ဘာသာပြန်ရမယ်ထင်ပါတယ် ။ ဒီဆန် ချက်စားရုံနဲ့ အဟာရစုံ ရနိုင်တဲ့ ဆန်မျိူးပါ ။ဘာလို့လဲဆိုရင် ဒီဆန်က ဆန်အပြင် ဂျုံ၊ပြောင်း၊ပဲ အမျိူးမျိုး တခါတည်း အသင့် ရောထားတဲ့ ဆန်ဖြစ်တဲ့အတွက်ပါ။ သူကတော့ ဘယ်နှစ်မျိူးရော ဆိုပြီး ပုံမှာ တခါတည်း စာကပ်ပေးထားကြပါတယ် ။ ဥပမာ ၅ မျိူးရော ကနေ ၂၆ မျိူးအထိ ရှိကြပါတယ် ။ 저당지수 * ဆိုပြီး စာပါတာတွေဆိုရင်က ဆီးချို /သွေးချိုသမားတွေပါ စားလို့ရအောင် ဆန်၊ပဲ၊ပြောင်း ပါဝင်မူကို ထိန်းညှိ ရောစပ်ပြီးသားပါ ။ ဆန်အရောင်ကတော့ ရောထားတဲ့ အပေါ်မူတည်ပြီး မတူကြပါဘူး ။ ကျန်းမာရေးနဲ့အညီ အဟာရတိုးစေတဲ့ ဆန်ရောပါ ။ ဒီဆန်လည်း အသင့် ရောစပ်ထားတဲ့ ဆန်ဖြစ်တဲ့အတွက် ရိုးရိုးဆန်ဖြူထက်တော့ အနည်းငယ် စျေးပိုများပါတယ် ။
နေ့စဉ် စားသုံးဖို့အတွက် ဈေးအသင့်အတင့်နဲ့ ဆန်အရသာလည်း သိပ်မပြောင်းဘဲ ကျန်းမာရေးနဲ့အညီ စားချင်တယ် , တခြားဆန်တွေနဲ့လည်း ရောချက်တာမျိူး မလုပ်ချင်, တမျိုးတည်းနဲ့ လွယ်လွယ်ကူကူ ချက်စားချင်ရင်ကတော့* 현미 * ( ဆန်လုံးညို ) ကတော့ အသင့်တော်ဆုံးလို့ ပြောရမှာပါ ။
နမူနာ ပုံတွေကိုလည်း ဆန်နာမည်နဲ့အတူ တွဲတင်ထားပေးပါတယ် ။ ဆန် ၊ ထမင်းဘူးတွေ ဝယ်တဲ့အခါ နာမည်နဲ့သေချာသိထားရင် ပိုမို လွယ်ကူ အဆင်ပြေနိုင်ပါတယ် ။
🌾 မိမိနှင့် သင့်တော် အဆင်ပြေတဲ့ ဆန်ကို ရွေးချယ် စားသုံးပြီး ကျန်းမာကြပါစေရှင် ။
🎀 AD : ကိုးရီးယားနိုင်ငံအတွင်း သွားနဲ့ မျက်နှာ အရေပြား အလှအပ ကုသမူများ လိုအပ်လာပါက အချိန်မရွေး ဆက်သွယ်လ်ို့ရပါတယ် ။
______________________________________
#ရွှေမြန်မာတိုင်း အားထားနိုင်တဲ့ 𝐌𝐀𝐈 – 𝐃𝐞𝐧𝐭𝐚𝐥 & 𝐒𝐤𝐢𝐧 𝐁𝐞𝐚𝐮𝐭𝐲 𝐒𝐞𝐫𝐯𝐢𝐜𝐞 𝐊𝐨𝐫𝐞𝐚 မှာဆိုရင်
#𝐏𝐚𝐠𝐞 𝐀𝐝𝐦𝐢𝐧 ကိုယ်တိုင်လည်း ဆေးခန်းမှာ ဝင်ရောက် လုပ်ကိုင်နေပြီး 𝐁𝐫𝐚𝐜𝐞𝐬 ကုသမူလည်း ခံယူထားတဲ့အတွက် သွားညှိကုသမူ နဲ့အခြား အလှအပ ခွဲစိတ် ကုသမူဆိုင်ရာတွေလည်း မေးမြန်း တိုင်ပင်လို့ရနိင်ပါတယ် ။
#ဆေးခန်းတိုင်း 🏥
✅ ကိုးရီးယားမှ ကျွမ်းကျင်ဆရာဝန်ကြီးများကိုယ်တိုင် ကုသပေးနေပါသည် ။
✅ ဆေးခန်းတိုင်း မြန်မာစကားပြန်ရှိပါသည် ။
✅ စနေ ၊ တနင်္ဂနွေလည်း ဆေးခန်းဖွင့်ပါသည်။
✅ ကုသမူအလိုက် ငွေခွဲသွင်းရနိုင်ပြီး သွားညှိကုသမူများ လစဉ် အရစ်ကျဖြင့် ကုသနိုင်ပါသည်။
______________________________________
📍 မိမိနှင့် နီးစပ်ရာ ဆေးခန်းတွင် ကြိုတင်ဘိုကင်ယူကာ လာရောက် ဆွေးနွေးကုသ နိုင်ပါတယ် ။
♥︎ 𝐈𝐧𝐪𝐮𝐢𝐫𝐲 or 𝐁𝐨𝐨𝐤𝐢𝐧𝐠
#မြန်မာတာဝန်ခံ : (+𝟖𝟐 )𝟎𝟏𝟎-𝟐𝟖𝟏𝟖-𝟑𝟓𝟗𝟎 🇲🇲 🇰🇷
( 𝐩𝐡 , 𝐤𝐚𝐤𝐚𝐨, 𝐯𝐢𝐛𝐞𝐫 , 𝐩𝐚𝐠𝐞 𝐦𝐞𝐬𝐬𝐚𝐠𝐞 )
______________________________________
⚠️ အကယ်၍ ဖုန်းဆက်ချိန် ဖုန်း မဖြေဖြစ်ခဲ့လျှင် ***MAI ***ဟု messageပို့ ထားပေးပါက ဖုန်းပြန်ခေါ်ပေးပါမည်။ကျေးဇူးတင်ပါသည် ။
𝐖𝐞 𝐚𝐫𝐞 𝐡𝐞𝐫𝐞 𝐟𝐨𝐫 𝐲𝐨𝐮𝐫 𝐡𝐞𝐚𝐥𝐭𝐡𝐲 𝐠𝐥𝐨𝐰-𝐮𝐩!
#𝐌𝐀𝐈 - 𝐃𝐞𝐧𝐭𝐚𝐥 & 𝐒𝐤𝐢𝐧 𝐁𝐞𝐚𝐮𝐭𝐲 𝐒𝐞𝐫𝐯𝐢𝐜𝐞 𝐊𝐨𝐫𝐞𝐚
